Сура 71 «НухI» — Нух (Ной)

إِنَّا أَرْسَلْنَا نُوحًا إِلَىٰ قَوْمِهِ أَنْ أَنْذِرْ قَوْمَكَ مِنْ قَبْلِ أَنْ يَأْتِيَهُمْ عَذَابٌ أَلِيمٌ ١

Нушани НухI сунела халкьличи вархьира: «ХIела халкь чус кахси танбихI барайчи духубара».

Мы отправили Нуха (Ноя) к его народу: "Предостереги свой народ прежде, чем их постигнут мучительные страдания".

قَالَ يَا قَوْمِ إِنِّي لَكُمْ نَذِيرٌ مُبِينٌ ٢

Илини илдази иб: «Эй, дила халкь! Ну — хIушаб насихIятчи сайра. ХIушачи дурусти хъарбаркьуначил вархьибсира.

Он сказал: "О мой народ! Воистину, я для вас - предостерегающий и разъясняющий увещеватель.

أَنِ اعْبُدُوا اللَّهَ وَاتَّقُوهُ وَأَطِيعُونِ ٣

Аллагьлис икрам биреная, Илизирад урухкIеная ва наб мутIигIили диреная!

Поклоняйтесь Аллаху, бойтесь Его и повинуйтесь мне!

يَغْفِرْ لَكُمْ مِنْ ذُنُوبِكُمْ وَيُؤَخِّرْكُمْ إِلَىٰ أَجَلٍ مُسَمًّى ۚ إِنَّ أَجَلَ اللَّهِ إِذَا جَاءَ لَا يُؤَخَّرُ ۖ لَوْ كُنْتُمْ تَعْلَمُونَ ٤

ИлхIели Ил хIушала бунагьуначивад чевурхар ва хIушаб кабизахъурси замана сабаайчи танбихI гIелайзи арху. Аллагьла замана сабаибхIели биалли, — ил гьеч гIелайзи арбухес вируси ахIен. Агь, хIушани ил балути диадалри!»

Он простит вам ваши грехи и предоставит вам отсрочку до назначенного срока. Воистину, когда срок Аллаха наступает, он уже не откладывается. Если бы вы только знали!"

قَالَ رَبِّ إِنِّي دَعَوْتُ قَوْمِي لَيْلًا وَنَهَارًا ٥

Илини гIурра иб: «Дила ВегIбекI! Дила халкь нуни дугелира хIерелира хIечи жибираси,

Он сказал: "Господи! Я призывал мой народ ночью и днем,

فَلَمْ يَزِدْهُمْ دُعَائِي إِلَّا فِرَارًا ٦

аммаки дила жили илди ХIечибад гьатIира гьарахъбариб.

но мои проповеди лишь ускорили их бегство.

وَإِنِّي كُلَّمَا دَعَوْتُهُمْ لِتَغْفِرَ لَهُمْ جَعَلُوا أَصَابِعَهُمْ فِي آذَانِهِمْ وَاسْتَغْشَوْا ثِيَابَهُمْ وَأَصَرُّوا وَاسْتَكْبَرُوا اسْتِكْبَارًا ٧

Илдачивад ХIу чеверхахъес багьандан ну илдачи гьар дугьаилзухIели, илдани лихIби тIулбачил гьадири, палтарличил бяхIяни кIапIдири, бунагьуназибад умухIебирули уктебиубли, хамли кабилзи.

Каждый раз, когда я призывал их, чтобы Ты простил их, они затыкали пальцами уши и укрывались одеждами. Они упорствовали и надменно превозносились.

ثُمَّ إِنِّي دَعَوْتُهُمْ جِهَارًا ٨

ИлхIелира нуни илди уркIи-уркIилабад жибираси:

Затем я призывал их открыто.

ثُمَّ إِنِّي أَعْلَنْتُ لَهُمْ وَأَسْرَرْتُ لَهُمْ إِسْرَارًا ٩

гьачамхIели — халкьла гьалав илдачи дугьаилзира, гьачамхIели — гьарилличил декIар-декIарли ихтилатикIира.

Затем я обращался к ним всенародно и говорил с ними наедине.

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ١٠

Ну илдази викIаси: «Чеверхахъес хIушала ВегIбекIлизи тиладибарая. Ил — чевкархан сай.

Я говорил: "Просите у вашего Господа прощения, ведь Он - Всепрощающий.

يُرْسِلِ السَّمَاءَ عَلَيْكُمْ مِدْرَارًا ١١

Илини хIушаб зубрачирад заб дурхьу,

Он ниспошлет вам с неба обильные дожди,

وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ١٢

хIушала давла ва дурхIни имцIабиру, хIушаб унхъри духъахъу ва хIушаб хIуркIби луга.

поддержит вас имуществом и детьми, взрастит для вас сады и создаст для вас реки.

مَا لَكُمْ لَا تَرْجُونَ لِلَّهِ وَقَارًا ١٣

ГьатIи хIушани сен Аллагьла чевяхIдешличи таваккал хIебирхьулрая?

Почему вы не чтите величия Аллаха?

وَقَدْ خَلَقَكُمْ أَطْوَارًا ١٤

Илини хIуша декIар-декIарти сипатуначил акIахъубрая.

Он ведь создавал вас по этапам.

أَلَمْ تَرَوْا كَيْفَ خَلَقَ اللَّهُ سَبْعَ سَمَاوَاتٍ طِبَاقًا ١٥

Марлира, хIушани чехIебиулрав цадехIла чедир цадехIли верхIдехI зубри Аллагьли севан акIахъублил?

Неужели вы не видели, как Аллах создал семь небес одно над другим,

وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا ١٦

Илдачи Илини Бац шала саблин кабатур, БерхIи — чирагъ саблин кабатур.

сделал луну светлой, а солнце сделал светильником?

وَاللَّهُ أَنْبَتَكُمْ مِنَ الْأَرْضِ نَبَاتًا ١٧

Аллагьли хIуша духълумиван ванзализирад акIахъубрая.

Аллах вырастил вас из земли, словно растения.

ثُمَّ يُعِيدُكُمْ فِيهَا وَيُخْرِجُكُمْ إِخْرَاجًا ١٨

Илини хIуша сагадан ила чардирурая ва гIурра илад, мицIирдарили, дурайурая.

Потом Он вернет вас туда и вновь выведет оттуда.

وَاللَّهُ جَعَلَ لَكُمُ الْأَرْضَ بِسَاطًا ١٩

Аллагьли ванза хIушаб кьалтинван бяхIяхъиб,

Аллах сделал для вас землю ковром,

لِتَسْلُكُوا مِنْهَا سُبُلًا فِجَاجًا ٢٠

иличир хIуша хан гьундурикад дашахъес багьандан».

чтобы вы ходили по ней широкими дорогами"".

قَالَ نُوحٌ رَبِّ إِنَّهُمْ عَصَوْنِي وَاتَّبَعُوا مَنْ لَمْ يَزِدْهُ مَالُهُ وَوَلَدُهُ إِلَّا خَسَارًا ٢١

НухIли гIурра иб: «Дила ВегIбекI! Нуни ибси илдани хIебариб ва давлалира дурхIнанира чула бунагьуни гьатIира имцIадирутас гIелабад арбякьун.

Нух (Ной) сказал: "Господи! Они ослушались меня и последовали за тем, чье богатство и чьи дети приносят им только убыток.

وَمَكَرُوا مَكْرًا كُبَّارًا ٢٢

Илди уряхIти гIямулти-макрулизи ахъиб.

Они замыслили тяжкую хитрость

وَقَالُوا لَا تَذَرُنَّ آلِهَتَكُمْ وَلَا تَذَرُنَّ وَدًّا وَلَا سُوَاعًا وَلَا يَغُوثَ وَيَعُوقَ وَنَسْرًا ٢٣

Илди цабехIлизи цабехI бикIи: «Се биублихьалли хIушала аллагьуназирад гIелуммадилзадая, Вадличирад, Суваличирад,

и сказали: "Не отрекайтесь от ваших богов: Вадда, Сувы, Йагуса, Йаука и Насра".

وَقَدْ أَضَلُّوا كَثِيرًا ۖ وَلَا تَزِدِ الظَّالِمِينَ إِلَّا ضَلَالًا ٢٤

Ягусличирад, Яукличирад, Насрличирад гIелуммадилзадая!» Илдани гьанналаубал бахъал чеббалкIахъи саби ва капуртала бунагьуни гьатIира имцIадирули сари!

Они уже ввели в заблуждение многих. Не приумножай же беззаконникам ничего, кроме заблуждения!"

مِمَّا خَطِيئَاتِهِمْ أُغْرِقُوا فَأُدْخِلُوا نَارًا فَلَمْ يَجِدُوا لَهُمْ مِنْ دُونِ اللَّهِ أَنْصَارًا ٢٥

Чула бунагьуни багьандан илди кагIяхъибтири ва жагьаннабла цIализи лайбакIибтири. Аммаки Аллагьла дуравад гIур цархIил кумекчи чус варгхIергиб.

За свои грехи они были потоплены и ввергнуты в Огонь. Они не нашли себе помощников вместо Аллаха.

وَقَالَ نُوحٌ رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا ٢٦

НухIли иб: «Дила ВегIбекI! Ванзала къакъличив цалра капур малтад.

Нух (Ной) сказал: "Господи! Не оставь на земле ни одного неверующего жителя!

إِنَّكَ إِنْ تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا ٢٧

СенахIенну, рахли илди батадли, илдани ХIела лугъри бархьси гьунчибад чеббулкIахъу, капуртицун, пасадтицун алкIахъу.

Если ты оставишь их, они введут в заблуждение Твоих рабов и породят только грешных неверующих.

رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا ٢٨

Дила ВегIбекI! Набчивадра, дила бегIтачивадра, Аллагьличи бирхутили дила юртлизи абицIутачивадра, Аллагьличи бирхути мурул адамтачивадра, хьунул адамтачивадра чеверхи. Капуртас биалли сегъуналра гIяхIдеш мабирид ва илди талапбара!»

Господи! Прости меня и моих родителей и тех, кто вошел в мой дом верующим, а также верующих мужчин и женщин. А беззаконникам не приумножай ничего, кроме погибели!"