Сура 32 «Сужда» — Ас-Саджда (Земной поклон)
Все суры
تَنْزِيلُ الْكِتَابِ لَا رَيْبَ فِيهِ مِنْ رَبِّ الْعَالَمِينَ
Иш Кьуръан — иличи ташмишдеш агара — мусни-зубрала ВегӀбекӀли бархьибси саби.
Это Писание, в котором нет сомнения, ниспослано Господом миров.
أَمْ يَقُولُونَ افْتَرَاهُ ۚ بَلْ هُوَ الْحَقُّ مِنْ رَبِّكَ لِتُنْذِرَ قَوْمًا مَا أَتَاهُمْ مِنْ نَذِيرٍ مِنْ قَبْلِكَ لَعَلَّهُمْ يَهْتَدُونَ
Яра илдани иру: «Ил — илини пикрибарибси саби!» Юх, ил — хӀед гьалаб чучи насихӀятчиби хӀебакӀибти адамтас хӀези гӀякьлу бурахъес багьандан хӀела ВегӀбекӀличибад бархьибси бархьдеш саби: белики, илди бархьси гьунчибад башес!
Или же они скажут: "Он измыслил его"? Нет, оно является истиной от твоего Господа, чтобы ты предостерег людей, к которым до тебя не приходил предостерегающий увещеватель, - быть может, они последуют прямым путем.
اللَّهُ الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۖ مَا لَكُمْ مِنْ دُونِهِ مِنْ وَلِيٍّ وَلَا شَفِيعٍ ۚ أَفَلَا تَتَذَكَّرُونَ
Аллагь — урегал бархӀила духӀнар мусни-зубри ва илдала ургар лерти гьар се-секӀал акӀахъубси сай; гӀур Ил тахличи виаркайиб. Илала дуравад гӀур хӀуша гӀердурцан ва далтахъан агара. Иличила хӀуша пикрихӀедулхъадаяв?
Аллах - Тот, Кто создал небеса и землю и то, что между ними, за шесть дней, а затем вознесся на Трон (или утвердился на Троне). Нет для вас, помимо Него, ни покровителя, ни заступника. Неужели вы не помяните назидание?
يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِمَّا تَعُدُّونَ
Зубрачирад ванзала къакъличи гьар секӀал Илини дурхьули сай, гӀур илди Иличи чардулхъули сари ца бархӀи, сунела бухъяндешра, хӀушани хӀисаббирни хӀясибли, азир дус сабси.
Он управляет делами с неба до земли, а затем они опять восходят к Нему в течение дня, который продолжается тысячу лет по тому, как вы считаете.
ذَٰلِكَ عَالِمُ الْغَيْبِ وَالشَّهَادَةِ الْعَزِيزُ الرَّحِيمُ
Илгъуна сай Ил — дигӀянасира дакӀусира балуси, цӀакьси, уркӀецӀичевси;
Таков Ведающий сокровенное и явное, Могущественный, Милосердный,
الَّذِي أَحْسَنَ كُلَّ شَيْءٍ خَلَقَهُ ۖ وَبَدَأَ خَلْقَ الْإِنْسَانِ مِنْ طِينٍ
гьар секӀал жагали дарибси, гӀур гӀянжилизивад адам акӀахъубси;
Который превосходно создал все, что сотворил, и начал создавать человека из глины,
ثُمَّ جَعَلَ نَسْلَهُ مِنْ سُلَالَةٍ مِنْ مَاءٍ مَهِينٍ
гӀур илала наслу набслизибад, хӀябцдешла биштӀаси кӀантӀлизибад алкӀахъуси;
затем создал его потомство из капли презренной жидкости,
ثُمَّ سَوَّاهُ وَنَفَخَ فِيهِ مِنْ رُوحِهِ ۖ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۚ قَلِيلًا مَا تَشْكُرُونَ
гӀур гьар биркӀан далдикахъили илала сипат барибси ва Сунела рухӀлизирад илизи жан уфдарибси. Илини хӀушаб гиб лихӀби, хӀулби, уркӀи. ХӀушани биалли камли гӀяхӀсант балулрая!
затем придал ему соразмерный облик, вдохнул в него от Своего духа и даровал вам слух, зрение и сердца. Но как мала ваша благодарность!
وَقَالُوا أَإِذَا ضَلَلْنَا فِي الْأَرْضِ أَإِنَّا لَفِي خَلْقٍ جَدِيدٍ ۚ بَلْ هُمْ بِلِقَاءِ رَبِّهِمْ كَافِرُونَ
Илдани иб: «Марлира, нуша гӀянжили кӀапӀдарили гӀергъи... марлира, нуша сагадан мицӀирдирехӀев?» ГӀе, илди ВегӀбекӀличил гьунибиъниличи бирхули ахӀен!
Они говорят: "Неужели после того, как мы затеряемся в земле, мы возродимся в новом творении?" Но они не веруют во встречу со своим Господом.
قُلْ يَتَوَفَّاكُمْ مَلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ
Бура: —ХӀушачи хӀеруди бузахъес сунечи хъарбарибси бебкӀала малайкли хӀушала жан айсу ва илхӀели хӀуша хӀушала ВегӀбекӀличи чардирурая».
Скажи: "Ангел смерти, которому вы поручены, упокоит вас, а затем вы будете возвращены к своему Господу".
وَلَوْ تَرَىٰ إِذِ الْمُجْرِمُونَ نَاكِسُو رُءُوسِهِمْ عِنْدَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ
Агь, ца хӀуни чебаадлири илди бунагькартани чула ВегӀбекӀла гьалар бурги севан гӀяшдурцулил! Илди тиладибусрав бикӀули саби: «Нушала ВегӀбекӀ! Нушани чебиулра ва иргъулра; нуша чедунъяличи чардараба: нушани гӀяхӀдешцун бирехӀе! Нушани гьанна гьар секӀал далулра!»
Если бы ты видел, как грешники опустят головы перед своим Господом: "Господь наш! Мы увидели и услышали. Пошли нас обратно, и мы будем поступать праведно. Воистину, мы обрели убежденность".
وَلَوْ شِئْنَا لَآتَيْنَا كُلَّ نَفْسٍ هُدَاهَا وَلَٰكِنْ حَقَّ الْقَوْلُ مِنِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ
Эгер Нушаб дигули диахӀелри, гьар адам Нушани бархьси гьунчивад викира; амма Дила гъай — марти сари: «Нуни жунжранира, адамтанира, лебтанилра барх, жагьаннаб бирцӀис!»
Если бы Мы пожелали, то наставили бы на прямой путь каждого человека, однако исполнится Слово Мое: "Я непременно заполню Геенну джиннами и людьми - всеми вместе!"
فَذُوقُوا بِمَا نَسِيتُمْ لِقَاءَ يَوْمِكُمْ هَٰذَا إِنَّا نَسِينَاكُمْ ۖ وَذُوقُوا عَذَابَ الْخُلْدِ بِمَا كُنْتُمْ تَعْمَلُونَ
ХӀушала иш бархӀиличил гъунидиъниличила хӀушани хъумкартни багьандан гӀязаб чӀямбарая! ХӀушани хӀушара хъумкартулрая: гьалар хӀушани дарибти багьандан даимти гӀязабтала тӀагӀям багьирая!
Вкусите за то, что вы предали забвению встречу с этим днем вашим. Воистину, Мы предали забвению вас самих. Вкусите же вечные мучения за то, что вы совершали.
إِنَّمَا يُؤْمِنُ بِآيَاتِنَا الَّذِينَ إِذَا ذُكِّرُوا بِهَا خَرُّوا سُجَّدًا وَسَبَّحُوا بِحَمْدِ رَبِّهِمْ وَهُمْ لَا يَسْتَكْبِرُونَ ۩
Нушала кьудратличи бирхули саби, илдачила гьанбушибхӀели, сужда бирути ва чула ВегӀбекӀлис деза бирути, халахӀебурхути.
Воистину, веруют в Наши знамения только те, которые, когда им напоминают о них, падают ниц, прославляют хвалой своего Господа и не проявляют высокомерия.
تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنْفِقُونَ
Илдала шалубани ухьа бархьбатурхӀели, илди урехиличил ва хьуланачил чула ВегӀбекӀлизи булгули саби; чус Нушани гибсилизибад садакьа бирули саби.
Они отрывают свои бока от постелей, взывая к своему Господу со страхом и надеждой, и расходуют из того, чем Мы их наделили.
فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ
Цалра инсай балуси ахӀен чули дарибти багьандан чус сегъунти савгъатуни хӀядурдарилил.
Ни один человек не знает, какие услады для глаз сокрыты для них в воздаяние за то, что они совершали.
أَفَمَنْ كَانَ مُؤْمِنًا كَمَنْ كَانَ فَاسِقًا ۚ لَا يَسْتَوُونَ
Марлира, Аллагьличи вирхусира капурра цагъунтив? Юх, ахӀен!
Неужели верующий подобен нечестивцу? Не равны они!
أَمَّا الَّذِينَ آمَنُوا وَعَمِلُوا الصَّالِحَاتِ فَلَهُمْ جَنَّاتُ الْمَأْوَىٰ نُزُلًا بِمَا كَانُوا يَعْمَلُونَ
Аллагьличи бирхутас ва гӀяхӀдеш бирутас — чули дарибти багьандан илдас алжанала унхъри гӀибадатханали дирар.
Для тех, которые уверовали и совершали праведные деяния, Сады пристанища станут угощением за то, что они совершили.
وَأَمَّا الَّذِينَ فَسَقُوا فَمَأْوَاهُمُ النَّارُ ۖ كُلَّمَا أَرَادُوا أَنْ يَخْرُجُوا مِنْهَا أُعِيدُوا فِيهَا وَقِيلَ لَهُمْ ذُوقُوا عَذَابَ النَّارِ الَّذِي كُنْتُمْ بِهِ تُكَذِّبُونَ
Пасаддешунани биркьутачи биалли — жагьаннабла цӀа хӀерли бирар. ГьархӀели, илдани илабад дурабухъес кьасбарибхӀели, илди ила чарбиру ва илдази иру: «ХӀушани гьалаб къянбази халбируси жагьаннабла цӀала гӀязабтала тӀагӀям багьирая!»
А пристанищем нечестивцев будет Огонь. Всякий раз, когда они захотят выйти оттуда, их вернут туда, и им будет сказано: "Вкусите мучения в Огне, которые вы считали ложью!"
وَلَنُذِيقَنَّهُمْ مِنَ الْعَذَابِ الْأَدْنَىٰ دُونَ الْعَذَابِ الْأَكْبَرِ لَعَلَّهُمْ يَرْجِعُونَ
Нушани илдази кункси танбихӀла хӀял балахъулра, гьачамлис чӀумаси танбихӀ хӀебирули: белики, илди бархьси гьунчи чарбухъес?
Но помимо величайших мучений Мы непременно дадим им вкусить меньшие мучения, чтобы они могли вернуться на прямой путь.
وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ ثُمَّ أَعْرَضَ عَنْهَا ۚ إِنَّا مِنَ الْمُجْرِمِينَ مُنْتَقِمُونَ
Сунела ВегӀбекӀла хъарбаркьуни дурухӀели, илдачивад гӀелумилзусиличив гьатӀи имцӀали вархьагарси гӀур чи левси? Бунагькартас Нушани гьарли-марли чеббирцӀехӀе!
Кто может быть несправедливее того, кому напомнили об аятах его Господа, после чего он отвернулся от них? Воистину, Мы отомстим грешникам.
وَلَقَدْ آتَيْنَا مُوسَى الْكِتَابَ فَلَا تَكُنْ فِي مِرْيَةٍ مِنْ لِقَائِهِ ۖ وَجَعَلْنَاهُ هُدًى لِبَنِي إِسْرَائِيلَ
Нушани Мусас Таврат гира ва ИзрагӀилла уршбас иличибли бархьси гьуни чебиахъулра. ХӀура ташмишмайкӀуд хӀед Кьуръан бирниличи.
Мы даровали Мусе (Моисею) Писание, и не сомневайся во встрече с ним (во встрече с Мусой или встрече Мусы с Аллахом). Мы сделали его (Писание) верным руководством для сынов Исраила (Израиля).
وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا ۖ وَكَانُوا بِآيَاتِنَا يُوقِنُونَ
Илдазибад Нушани гьаббашанти кабатурра, чулира илди Нушани хъарбарни хӀясибли бикути. Ил барибсири илди сабурчебти биъни ва Нушала гӀяламатуначи бирхни багьандан.
Мы создали среди них предводителей, которые вели остальных по Нашему повелению прямым путем, поскольку они были терпеливы и убежденно верили в Наши знамения.
إِنَّ رَبَّكَ هُوَ يَفْصِلُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ
Шакдеш агарли, хӀела ВегӀбекӀли кьиямала бархӀи кабилзахъа чула ургарти жалтазиб илдазибад чидилти бархьлил ва чидилти — балкӀлил!
В День воскресения твой Господь рассудит между ними в том, в чем они расходились во мнениях.
أَوَلَمْ يَهْدِ لَهُمْ كَمْ أَهْلَكْنَا مِنْ قَبْلِهِمْ مِنَ الْقُرُونِ يَمْشُونَ فِي مَسَاكِنِهِمْ ۚ إِنَّ فِي ذَٰلِكَ لَآيَاتٍ ۖ أَفَلَا يَسْمَعُونَ
Илдани хӀебалулив, гьатӀи, чус гьалабти чум наслула адамти Нушани къирбарирал? Илди — илдала харабдарибти ери-юртанала чебкад башули саби. Гьарли-марли, илизиб лишан леб. Марлира, илди иличи лехӀхӀебилзану?
Неужели их не привело на прямой путь то, что Мы погубили до них столько поколений, по жилищам которых они ходят? Воистину, в этом есть знамения. Неужели они не прислушаются?
أَوَلَمْ يَرَوْا أَنَّا نَسُوقُ الْمَاءَ إِلَى الْأَرْضِ الْجُرُزِ فَنُخْرِجُ بِهِ زَرْعًا تَأْكُلُ مِنْهُ أَنْعَامُهُمْ وَأَنْفُسُهُمْ ۖ أَفَلَا يُبْصِرُونَ
Илдани чехӀебиулив, гьатӀи, берубси, къар агарси ванзаличи Нушани шин дурхьни ва илдачил духълуми дашахъни? Илдала хӀяйвантани дугути ва чули дукути — илди саригу. Марлира, илдани ил хӀебалулив?
Неужели они не видят, что Мы пригоняем воду к сухой земле и выводим посредством нее посевы, которыми питаются их скот и они сами? Неужели они не видят этого?
وَيَقُولُونَ مَتَىٰ هَٰذَا الْفَتْحُ إِنْ كُنْتُمْ صَادِقِينَ
Илдани иру: «Эгер хӀуша дархьти диадалли, ил кьиямала бархӀи мурт бирусил бурая?»
Они говорят: "Когда же свершится этот суд, если вы говорите правду?"
قُلْ يَوْمَ الْفَتْحِ لَا يَنْفَعُ الَّذِينَ كَفَرُوا إِيمَانُهُمْ وَلَا هُمْ يُنْظَرُونَ
Жаваб га: «Аллагьличи хӀебирхутас кьиямала бархӀи илдала иманни кумекхӀебиру ва илдас бируси танбихӀ гӀелайзи архӀеху».
Скажи: "В День суда неверующим не принесет пользы их вера, и они не получат отсрочки".
فَأَعْرِضْ عَنْهُمْ وَانْتَظِرْ إِنَّهُمْ مُنْتَظِرُونَ
Илдачивад гьарахъики ва хӀерликайи. Илдира хӀерликабинли саби.
Отвернись от них и подожди, ведь они тоже ждут.