Сура 18 «Иникъ» — Аль-Кахф (Пещера)
Все суры
الْحَمْدُ لِلَّهِ الَّذِي أَنْزَلَ عَلَىٰ عَبْدِهِ الْكِتَابَ وَلَمْ يَجْعَلْ لَهُ عِوَجًا ۜ
Деза биаб Аллагьлис, Сунела лагълис иш Кьуръан бархьибсилис ва илизиб къяна хIебатурсилис!
Хвала Аллаху, Который ниспослал Своему рабу Писание и не допустил в нем кривды,
قَيِّمًا لِيُنْذِرَ بَأْسًا شَدِيدًا مِنْ لَدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا
Бархьси Кьуръан Нушала зурбаси цIакьличила гьанбиркахъули саби ва Аллагьличи бирхути, гIяхIдеш бирути саби алжанализиб бирниличила
и сделал его правильным, чтобы он предостерег от тяжких мучений от Него и сообщил верующим, которые совершают праведные деяния, благую весть о том, что им уготована прекрасная награда,
مَاكِثِينَ فِيهِ أَبَدًا
ва илаб саби даимлис калниличила гIяхIла хабарличил разибирули саби,
в которой они пребудут вечно,
وَيُنْذِرَ الَّذِينَ قَالُوا اتَّخَذَ اللَّهُ وَلَدًا
«Аллагьла дурхIни леб» или бикIути чус кахси танбихI бирниличила багьахъниличил урухбирули саби.
и чтобы он предостерег тех, которые говорят: "Аллах взял Себе сына".
مَا لَهُمْ بِهِ مِنْ عِلْمٍ وَلَا لِآبَائِهِمْ ۚ كَبُرَتْ كَلِمَةً تَخْرُجُ مِنْ أَفْوَاهِهِمْ ۚ إِنْ يَقُولُونَ إِلَّا كَذِبًا
Иличила я илдани я илдала дудешунани балуси агара. Илдала кIунтIубани дурути — бунагьла гъай сари. Илди цIудара къянбани бугьули саби.
Ни они, ни их отцы не обладают знанием об этом. Тяжки слова, выходящие из их ртов. Они говорят одну только ложь.
فَلَعَلَّكَ بَاخِعٌ نَفْسَكَ عَلَىٰ آثَارِهِمْ إِنْ لَمْ يُؤْمِنُوا بِهَٰذَا الْحَدِيثِ أَسَفًا
Белики, илдани дирутани — илди иш сагал гIилмуличи хIебирхнили — хIела уркIи децI-шишимтани бицIахъили биэс?
Ты можешь погубить себя от скорби по их следам (скорбя о том, что они отворачиваются от истины), если они не уверуют в это повествование?
إِنَّا جَعَلْنَا مَا عَلَى الْأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلًا
Чула баркьудлуми хIясибли илдазибад чихъали гIяхIтил хIялумцIес багьандан Нушани ванзала къакъличир лерти лерил секIал ванзалис жагадешли детаахъурра.
Воистину, все, что есть на земле, Мы сделали украшением для нее, чтобы испытать людей и выявить, чьи деяния окажутся лучше.
وَإِنَّا لَجَاعِلُونَ مَا عَلَيْهَا صَعِيدًا جُرُزًا
Иличир лерти лерил секIалра Нушани хясара палдара детарахъулра.
Воистину, все, что есть на земле, Мы превратим в безжизненный песок.
أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا
Иникълизибти чучила «Ракьимлизиб» бурути юлдашуни Нушала баркьудлумала ургаб бегIлара тамашалати саби или гьанбиркулив хIед?
Или же ты решил, что люди пещеры и Ракима были самым удивительным среди Наших знамений?
إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا
Иникълизи дигIянабикибхIели, илди жагьил дурхIнани иб: «Нушала ВегIбекI, ХIуни нушачи уркIецIи бара ва нушала баркьудлизир нуша дархьли дикаба!»
Вот юноши укрылись в пещере и сказали: "Господь наш! Даруй нам от Себя милость и устрой наше дело наилучшим образом".
فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا
Ва дахъал дусмас иникълизиб Нушани илди бусахъунра.
Мы запечатали их уши в пещере на много лет.
ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا
Илди илаб сецадхIи калунал кIелра жамигIятлизибад чидилли бархьли бурул чебаахъес багьандан Нушани илди гIур чебсаргъахъира.
Потом Мы разбудили их, чтобы узнать, какая из двух партий точнее подсчитает, какой срок они пробыли там.
نَحْنُ نَقُصُّ عَلَيْكَ نَبَأَهُمْ بِالْحَقِّ ۚ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى
Илдачила хабар Нушани хIези бархьли бурехIе. Илди чула ВегIбекIличи бирхути жагьил уршби сабри ва бархьси гьунчибад башес илдазиб кьас Нушани имцIабарира.
Мы расскажем тебе их историю правдиво. Это были юноши, которые уверовали в своего Господа, и Мы увеличили их приверженность прямому пути.
وَرَبَطْنَا عَلَىٰ قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَنْ نَدْعُوَ مِنْ دُونِهِ إِلَٰهًا ۖ لَقَدْ قُلْنَا إِذًا شَطَطًا
Нушани илдала уркIбазиб иман цIакьбарира илди илаб тIашлихIели бурра: «Нушала ВегIбекI — мусни-зубрала ВегIбекI сай: Илала дуравад гIур цархIил аллагьлис нушани балгни дирули ахIенра: ил барахIелри — нуша къянбартили дирира».
Мы укрепили их сердца, когда они встали и сказали: "Господь наш - Господь небес и земли! Мы не станем взывать к другим божествам помимо Него. В таком случае мы произнесли бы чрезмерное.
هَٰؤُلَاءِ قَوْمُنَا اتَّخَذُوا مِنْ دُونِهِ آلِهَةً ۖ لَوْلَا يَأْتُونَ عَلَيْهِمْ بِسُلْطَانٍ بَيِّنٍ ۖ فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا
Нушала адамтани саби Илала дурабад гIурра цархIилти аллагьунас икрам бируси. Илди лебниличила илдани дархьти бикьруми гьаладихьаб! Аллагьличила къянбани угьусиличив гьатIи имцIали капур гIур чилра левара?
Этот наш народ стал поклоняться вместо Него другим божествам. Почему же они не приводят в пользу этого ясного довода? Кто может быть несправедливее того, кто возводит навет на Аллаха?
وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ يَنْشُرْ لَكُمْ رَبُّكُمْ مِنْ رَحْمَتِهِ وَيُهَيِّئْ لَكُمْ مِنْ أَمْرِكُمْ مِرْفَقًا
Илдазирад ва Аллагьла дурабад илдани чус икрам бирутазирад хIуша къябдердили гIергъи, — иникълизи дигIяндикирая: хIушала ВегIбекIли хIушачи уркIецIи бараб ва хIушала баркьудилизиб хIушаб кумекбараб.
Если вы удалились от них и от того, чему они поклоняются помимо Аллаха, то укройтесь в пещере, и ваш Господь распространит на вас Свою милость и сделает ваше дело легким".
وَتَرَى الشَّمْسَ إِذَا طَلَعَتْ تَزَاوَرُ عَنْ كَهْفِهِمْ ذَاتَ الْيَمِينِ وَإِذَا غَرَبَتْ تَقْرِضُهُمْ ذَاتَ الشِّمَالِ وَهُمْ فِي فَجْوَةٍ مِنْهُ ۚ ذَٰلِكَ مِنْ آيَاتِ اللَّهِ ۗ مَنْ يَهْدِ اللَّهُ فَهُوَ الْمُهْتَدِ ۖ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا
ХIуни чебиулрив, абулхъухIели, берхIи илдала иникъличибад балуй шайчибяхI биркули биъни, гIелабиркухIели —илдачибад алгъай шайчибяхI биркули биъни; илди биалли — иникъла цугдайлаб сабри. Ил — Аллагьла кьудратуназибад ца сабри: Аллагьли викуси — бархьси гьунчивад вашар. Илини чеввалкIахъунсилис биалли я ил гIевурцан, я илис насихIят буран варгес хIейрар.
Ты увидел бы, что солнце на восходе уклонялось от их пещеры вправо, а на закате отворачивалось от них влево. Они же находились в середине пещеры. Это были некоторые из знамений Аллаха. Тот, кого Аллах ведет прямым путем, следует прямым путем. Тому же, кого Он вводит в заблуждение, ты не найдешь ни покровителя, ни наставника.
وَتَحْسَبُهُمْ أَيْقَاظًا وَهُمْ رُقُودٌ ۚ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ ۖ وَكَلْبُهُمْ بَاسِطٌ ذِرَاعَيْهِ بِالْوَصِيدِ ۚ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا
ХIед гьанбиркули бургар илди бусули ахIен или; илди бусули саби ва Нушани илди балуй шайчира алгъай шайчира ласбикIахъулра, илдала хя биалли, иникъла гьалар кьяшмира чIикьдитIахъи, бусули саби. Рахли хабарагарли хIу илдачи гьямиадлири, илдачивад хIу къалабали убшади ва илдазивад урехили вирцIади.
Ты решил бы, что они бодрствуют, хотя они спали. Мы переворачивали их то на правый бок, то на левый. Их собака лежала перед входом, вытянув лапы. Взглянув на них, ты бросился бы бежать прочь и пришел бы в ужас.
وَكَذَٰلِكَ بَعَثْنَاهُمْ لِيَتَسَاءَلُوا بَيْنَهُمْ ۚ قَالَ قَائِلٌ مِنْهُمْ كَمْ لَبِثْتُمْ ۖ قَالُوا لَبِثْنَا يَوْمًا أَوْ بَعْضَ يَوْمٍ ۚ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُمْ بِوَرِقِكُمْ هَٰذِهِ إِلَى الْمَدِينَةِ فَلْيَنْظُرْ أَيُّهَا أَزْكَىٰ طَعَامًا فَلْيَأْتِكُمْ بِرِزْقٍ مِنْهُ وَلْيَتَلَطَّفْ وَلَا يُشْعِرَنَّ بِكُمْ أَحَدًا
Цализи цали хьарбаахъес багьандан илди Нушани чебсаргъахъира. Илдазивад цали хьарбаиб: «ХIуша ишар дусули сецадхIи калунрав?» ЦабехIтани иб: «Ца бархIи яра илала байхъала». Идилтани иб: «ХIуша ишар сецадхIи калунрал хIушала ВегIбекIли гIяхIил бала. Гьанна хIушазивад чидил-биалра илди хIушала арцличил шагьарлизи вархьая: ил хIеризаб беркайс нигIматуни чидилла умулил ва, илдала асили, хIушаб гIягIнити секIал хаб, амма сахъли виаб, хIушачила чизилра мабагъахъаб.
Таким образом Мы пробудили их для того, чтобы они расспросили друг друга. Один из них сказал: "Сколько вы пробыли здесь?" Они сказали: "Мы пробыли день или часть дня". Они сказали: "Вашему Господу лучше известно о том, сколько вы пробыли. Пошлите одного из вас в город с вашими серебряными монетами. Пусть он посмотрит, какая еда получше, и принесет вам ее поесть. Но пусть он будет осторожен, чтобы никто не догадался о вас.
إِنَّهُمْ إِنْ يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَنْ تُفْلِحُوا إِذًا أَبَدًا
Рахли илдани хIуша даргадалли, яра хIуша къаркъубани итурая яра хIуша чула динничи шурдалтаярая, ва илхIели хIуша даимлис талихIагартили дирудая».
Если они узнают о вас, то побьют вас камнями или обратят вас в свою религию, и тогда вы никогда не преуспеете.
وَكَذَٰلِكَ أَعْثَرْنَا عَلَيْهِمْ لِيَعْلَمُوا أَنَّ وَعْدَ اللَّهِ حَقٌّ وَأَنَّ السَّاعَةَ لَا رَيْبَ فِيهَا إِذْ يَتَنَازَعُونَ بَيْنَهُمْ أَمْرَهُمْ ۖ فَقَالُوا ابْنُوا عَلَيْهِمْ بُنْيَانًا ۖ رَبُّهُمْ أَعْلَمُ بِهِمْ ۚ قَالَ الَّذِينَ غَلَبُوا عَلَىٰ أَمْرِهِمْ لَنَتَّخِذَنَّ عَلَيْهِمْ مَسْجِدًا
Адамтази Нушани илдачила багьахъурра Аллагьли чесибси бартаруси биъниличи ва кьиямала бархIи сабиъниличи ташмишхIебикIахъес багьандан. ХIера, илди чула баркьудлумачила саби-ургаб жалбикIесбяхIиб ва илдани иб: «Илди бируси мерличиб сегъуна-биалра юрт барая. Илдала ВегIбекIли илди чилилрайчиб гIяхIил балули сай». Илдазибад чула дариб-дирантазиб гьалаб бирутани иб: «Илди бируси мерличиб мижит бирехIе».
Таким образом Мы дали знать о них людям для того, чтобы они узнали, что обещание Аллаха есть истина и что в Часе невозможно усомниться. Но вот они стали спорить о них и сказали: "Воздвигните над ними строение. Их Господу лучше знать о них". А те, которые отстояли свое мнение, сказали: "Мы непременно возвигнем над ними мечеть".
سَيَقُولُونَ ثَلَاثَةٌ رَابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ ۖ وَيَقُولُونَ سَبْعَةٌ وَثَامِنُهُمْ كَلْبُهُمْ ۚ قُلْ رَبِّي أَعْلَمُ بِعِدَّتِهِمْ مَا يَعْلَمُهُمْ إِلَّا قَلِيلٌ ۗ فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِمْ مِنْهُمْ أَحَدًا
Цаэсти бикIар: «Илди хIябал сабри лебти, авэсил — илдала хя сабри; кIиэсти бикIар: «Шел сабри лебти, урегьсил — илдала хя сабри»; хIябэсти бикIар: «Илди верхIел лебри, гехIэсил — илдала хя сабри». Бура: «Илдала лугIи дила ВегIбекIли чилилрайчиб дурусли бала. Илди чум лебтирил цакамтани ахIентани хIебала». Ил багьандан, эгер жал бархьли ирзули хIебиалли, хIу илдачила илдачил жалмайкIуд ва илдачила сунела пикри бурахъес илдазибад чизилра хьармабиид.
Одни говорят, что их было трое, а четвертой была собака. Другие говорят, что их было пятеро, а шестой была собака. Так они пытаются угадать сокровенное. А другие говорят, что их было семеро, а восьмой была собака. Скажи: "Моему Господу лучше знать об их числе. Это неизвестно никому, кроме немногих". Препирайся относительно них только открыто и никого из них не спрашивай о них.
وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا
ХIура селичила-биалра «ил жагIял бирис» майкIуд,
И никогда не говори: "Я сделаю это завтра".
إِلَّا أَنْ يَشَاءَ اللَّهُ ۚ وَاذْكُرْ رَبَّكَ إِذَا نَسِيتَ وَقُلْ عَسَىٰ أَنْ يَهْدِيَنِ رَبِّي لِأَقْرَبَ مِنْ هَٰذَا رَشَدًا
«иншааллагь» хIеили. Иличила хIуни хьумартурхIели, хIела ВегIбекI гьаниркахъен ва викIен: «Белики, дила ВегIбекIли ну вархьли вашахъес бархьси гьуни чебаахъес?»
Если только этого не пожелает Аллах! Если же ты забыл, то помяни своего Господа и скажи: "Быть может, Господь мой поведет меня более правильным путем".
وَلَبِثُوا فِي كَهْفِهِمْ ثَلَاثَ مِائَةٍ سِنِينَ وَازْدَادُوا تِسْعًا
Чула иникIлаб илди хIябдаршлим урчIемал дус калун.
Они провели в пещере триста лет и еще девять.
قُلِ اللَّهُ أَعْلَمُ بِمَا لَبِثُوا ۖ لَهُ غَيْبُ السَّمَاوَاتِ وَالْأَرْضِ ۖ أَبْصِرْ بِهِ وَأَسْمِعْ ۚ مَا لَهُمْ مِنْ دُونِهِ مِنْ وَلِيٍّ وَلَا يُشْرِكُ فِي حُكْمِهِ أَحَدًا
Бура: «Илди илаб чум дус калунал Аллагьли чилилрайчиб гIяхIил бала: мусни-зубрала дигIяндешуни Илиницун саригу далути. Агь, Илини севан гIяхIил чебиулил, Илини севан ункъли иргъулил! Илала дуравад, гIур илди гIеббурцан агара ва мусни-зубри дузахънилизив Илини гIур чилра Сунес вархкьяли хIейру».
Скажи: "Аллаху лучше знать, сколько они пробыли. У Него - сокровенное небес и земли. Как прекрасно Он видит и слышит! Нет у них покровителя помимо Него, и никто не принимает решений вместе с Ним".
وَاتْلُ مَا أُوحِيَ إِلَيْكَ مِنْ كِتَابِ رَبِّكَ ۖ لَا مُبَدِّلَ لِكَلِمَاتِهِ وَلَنْ تَجِدَ مِنْ دُونِهِ مُلْتَحَدًا
ХIела ВегIбекIла Кьуръайзиб хIед гьаргбируси бучIен, Илала гъай дарсхIедирар; Илала дуравад гIур цархIил хIу гIевурцанра хIуни сезаманалра ургIергид.
Читай Писание твоего Господа, ниспосланное тебе в откровении. Нет замены Его Словам, и ты не найдешь помимо Него прибежище.
وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا
Аллагьла дяхI багьандан савлира бархIехъра чула ВегIбекIлис булгутачил мурталра варх вирен; иш дунъяличирти гIямрула жагадешуначи къяйли, иллачирад хIела хIулби цашалмадирид; Сунела уркIи Нуша гьандиркахъес Нушани хIяжатагарсили барносилис, сунела хьуланас гIелавад арякьунсилис ва сунела баркьудлуми дазу-низам агартили сарсилис мутIигIмайкIуд.
Будь же терпелив вместе с теми, которые взывают к своему Господу по утрам и перед закатом и стремятся к Его Лику. Не отвращай от них своего взора, желая украшений этого мира, и не повинуйся тем, чьи сердца Мы сделали небрежными к Нашему поминанию, кто потакает своим желаниям и чьи дела окажутся тщетными.
وَقُلِ الْحَقُّ مِنْ رَبِّكُمْ ۖ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ ۚ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا ۚ وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ ۚ بِئْسَ الشَّرَابُ وَسَاءَتْ مُرْتَفَقًا
Бура: «Бархьдеш — хIушала ВегIбекIличибад саби: чис дигалра — Аллагьличи вирхаб, чис дигалра — капурли калаб». Капуртас Нушани хIядурбарилра илди чятирливан кIапIбируси цIа. Кумекбарахъес илди тилади-бусравбикIухIели, илдала бяхIяни игуси, руржуси м егьличи мешути шин илдас луга. Агь, хIябилра хIяжар шин лер илди! Агь, хIябилра кахси гIязаб леб ил!
Скажи: "Истина - от вашего Господа. Кто хочет, пусть верует, а кто не хочет, пусть не верует". Мы приготовили для беззаконников Огонь, стены которого будут окружать их со всех сторон. Если они станут просить о помощи, то им помогут водой, подобной расплавленному металлу (или осадку масла), которая обжигает лицо. Мерзкий напиток и скверная обитель!
إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا
Гьайгьайра, Аллагьличи бирхути ва гIяхIдеш бирути — гIяхIти баркьудлуми дирути, гьайгьайра, илди Нушани шабагъатлахIебарили хIебалтехIе.
А что до тех, которые уверовали и вершили праведные дела, то ведь Мы не теряем награды тех, кто совершал добро.
أُولَٰئِكَ لَهُمْ جَنَّاتُ عَدْنٍ تَجْرِي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَابًا خُضْرًا مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ ۚ نِعْمَ الثَّوَابُ وَحَسُنَتْ مُرْتَفَقًا
Илдас дирар чузир хIуркIби кадухъунти алжанала унхъри; мургьилизирад дарибти кулехабачил баршили, шиниша архIя ва хара чIянкIила палтуртани бегIбарили таханачиб гербетухъи бирар илди. Агь, хIябилра пергер савгъат леб ил! Агь, хIябилра хIяздухъеси мер леб ил!
Именно им уготованы сады Эдема, в которых текут реки. Они будут украшены золотыми браслетами и облачены в зеленые одеяния из атласа и парчи. Они будут возлежать там на ложах, прислонившись. Замечательное вознаграждение и прекрасная обитель!
وَاضْرِبْ لَهُمْ مَثَلًا رَجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا
Илдази кIел адамличила хабар бура: илдазивад цалис Нушани тIутIила кIел анхъ дакIахъира, илди-алав чумиздагла галгуби кадатурра, илдала ургар хъуми дарира.
Приведи им притчу о двух мужах. Одному из них Мы устроили два виноградника, оградили их пальмами и поместили между ними ниву.
كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئًا ۚ وَفَجَّرْنَا خِلَالَهُمَا نَهَرًا
КIелра анхъли сабухъ лугусири ва ил заяхIебиубли арагIебли кавлусири.
Оба сада приносили плоды, и ничто из них не пропадало, а между ними Мы проложили реку.
وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنْكَ مَالًا وَأَعَزُّ نَفَرًا
Илдала ургабад Нушани хIеркI кабухъахъунра. Унхърала вегIла цIедеш лерри ва сунечил ихтилатикIуси сунела юлдашлизи ил викIули сай: «Ну мас-мулкличил хIечив давлачевлира ва хъали-цIализив хIечив талихIчевлира».
У него были плоды (или богатство), и он сказал своему товарищу, беседуя с ним: "У меня больше имущества и помощников, чем у тебя".
وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَٰذِهِ أَبَدًا
Илдигъунти бунагьла пикрумачил ил анхълизи ацIиб ва иб: «Иш мурт-биалра кIунбицIниличи ну вирххIерхус.
Он вошел в свой сад, поступая несправедливо по отношению к себе, и сказал: "Я не думаю, что он когда-нибудь исчезнет.
وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَىٰ رَبِّي لَأَجِدَنَّ خَيْرًا مِنْهَا مُنْقَلَبًا
Кьиямала бархIи сабиъниличи ну вирххIерус. Эгер ну дила ВегIбекIличи чарварасли, наб ишичибра къулайси шабагъат биркур».
Я не думаю, что настанет Час. Если же меня возвратят к моему Господу, то по возвращении я обрету там нечто еще более прекрасное".
قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا
Илала юлдашли, гъайлизи ургаухъи, илизи иб: «ХIу палдализивад, гIур набслизивад варибсиличи, ахирра-ахир хIед адамла куц-карцIала гибсиличи хIу хIерхулрив, гьатIи?
Товарищ его, беседуя с ним, сказал: "Неужели ты не веруешь в Того, Кто сотворил тебя их земли, потом - из капли, а потом сделал тебя мужчиной?
لَٰكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا
Нуни биалли... Аллагь — дила ВегIбекI сай ва нуни дила ВегIбекIла дураб гIур цархIилти аллагьуни марбирули ахIенра!
Что же касается меня, то мой Господь - Аллах, и я никого не приобщаю в сотоварищи к моему Господу.
وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ إِنْ تَرَنِ أَنَا أَقَلَّ مِنْكَ مَالًا وَوَلَدًا
ХIела анхълизи айцIухIели, хIу ишкьяйда викIуси виадри гIяхIсири: «Аллагьлизи шукру биаб; адамла гIямрулизир лерилра вайти-гIяхIти Аллагьлизирад дигахъу. ХIятта хIуни чебиули виадлира ну хIечив мас-хазналичил мискинни виъни ва хIелайчиб дила дурхIни камли биъни,
Почему, войдя в свой сад, ты не сказал: "Так пожелал Аллах! Нет мощи, кроме как от Аллаха!" Ты считаешь, что у меня меньше богатства и детей, чем у тебя,
فَعَسَىٰ رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا
белики, дила ВегIбекIли наб хIелайчиб гIяхIси анхъ гес; иличи биалли зубрачибад сегъуна-биалра мусибат бархьес ва ил чIянкI авлахъличи шурбухъес;
а ведь мой Господь может даровать мне то, что лучше твоего сада, и наслать на него наказание с неба, и тогда он превратится в скользкую землю.
أَوْ يُصْبِحَ مَاؤُهَا غَوْرًا فَلَنْ تَسْتَطِيعَ لَهُ طَلَبًا
яра шин ванзалиу ардукьес ва гьатIи илди даргес хIела гьеч ахъри хIебакIес асубирар».
Или же воды его уйдут под землю, и ты не сможешь достать их".
وَأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَىٰ مَا أَنْفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَدًا
Ва, хIера, анхъ хараббиуб; цIедеш агарли мицIир-чIянкIти галгуби чедаибхIели, ил, дугIли арбякьунси хIянчи мяштIирули, някъби кьяртIлукIули, викIи: «Агь, вегIебш! Дила ВегIбекIла дуравад нуни гIур цархIил аллагьлис икрам хIебируси виаслири!»
Его плоды погибли, и он стал ударять себя по рукам, сожалея о том, что он потратил на виноградник, ветви которого упали на трельяжи. Он сказал: "Лучше бы я никого не приобщал в сотоварищи к моему Господу!"
وَلَمْ تَكُنْ لَهُ فِئَةٌ يَنْصُرُونَهُ مِنْ دُونِ اللَّهِ وَمَا كَانَ مُنْتَصِرًا
Аллагьла дуравад гIяламла ургав илис я кумекчи аги, я их гIевурцан аги.
Не было у него людей, которые бы помогли ему вместо Аллаха, и он не мог помочь самому себе.
هُنَالِكَ الْوَلَايَةُ لِلَّهِ الْحَقِّ ۚ هُوَ خَيْرٌ ثَوَابًا وَخَيْرٌ عُقْبًا
Чебиулрив: берцуди — ца Аллагьлизибцун саби; Ил — шабагьатлабирнилизив ва кьиматлабирнилизив бегIлара вархьси сай.
В таких случаях оказать поддержку может только Истинный Аллах. У Него - лучшее вознаграждение и лучший исход.
وَاضْرِبْ لَهُمْ مَثَلَ الْحَيَاةِ الدُّنْيَا كَمَاءٍ أَنْزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ ۗ وَكَانَ اللَّهُ عَلَىٰ كُلِّ شَيْءٍ مُقْتَدِرًا
Иш дунъяличирти гIямру се сарил илдази бура. Илди Нушани зубрачирад дурхьути шингъунти сари: ванзаличирти духълуми илдачил гъудурдирули сари ва илди дугIбани ардихути дерубти гIукъа-къус детарули сари. Аллагь — селрайчив цIакьси сай!
Приведи им притчу о мирской жизни. Она подобна воде, которую Мы ниспосылаем с неба. Земные растения смешиваются с ней (или благодаря ней), а потом превращаются в сухие былинки, рассеиваемые ветром. Воистину, Аллах способен на всякую вещь.
الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا
Мас-хазнара дурхIнира — иш дунъяличирти гIямрула жагадешуни сари, амма хIела ВегIбекIла гьалар даим дирути гIяхIти баркьудлуми — савгъатуначир гIяхIти сари, кьасани-хьуланачир гIяхIти сари.
Богатство и сыновья - украшение мирской жизни, однако нетленные благодеяния лучше по вознаграждению перед твоим Господом, и на них лучше возлагать надежды.
وَيَوْمَ نُسَيِّرُ الْجِبَالَ وَتَرَى الْأَرْضَ بَارِزَةً وَحَشَرْنَاهُمْ فَلَمْ نُغَادِرْ مِنْهُمْ أَحَدًا
Нушани дубурти чула мераначирад датдирхьахъуси ва ванза диркь бетаурли хIуни чебиуси бархIи Нушани илди цалра хIетурли лебилра бурчехIе.
В тот день Мы заставим двигаться горы, и ты увидишь, что земля станет плоской. Мы соберем их всех и никого не упустим.
وَعُرِضُوا عَلَىٰ رَبِّكَ صَفًّا لَقَدْ جِئْتُمُونَا كَمَا خَلَقْنَاكُمْ أَوَّلَ مَرَّةٍ ۚ بَلْ زَعَمْتُمْ أَلَّنْ نَجْعَلَ لَكُمْ مَوْعِدًا
Илди хIела ВегIбекIла гьала къяянадли тIашбилзан. ИлхIели хIуша Нушачи ляркьядая тяп гьаланачир хIуша Нушани акIахъубси тяхIярличил. Амма хIушаб гьанбиркули саби Нушани хIушаб чесибси бартаахъес Нушала ахъри хIебикIур или.
Они предстанут перед твоим Господом рядами: "Вы пришли к Нам такими, какими Мы создали вас в первый раз. Но вы предполагали, что Мы не назначили встречи с вами".
وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَٰذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا ۚ وَوَجَدُوا مَا عَمِلُوا حَاضِرًا ۗ وَلَا يَظْلِمُ رَبُّكَ أَحَدًا
Илдас лавхIул мяхIпуз гьалабихьили бирар ва илизиб лебсилизибад бунагькарти севан урухбирарал хIуни чебиид. Илдани иру: «Агь, нушачи бакIибси балагь! Ил се лавхIул мяхIпуз сабси? Илизи хIебелкIи я биштIа-кьяш я халал батурли ахIен!» Чули дарибти баркьудлуми илдала хIулбала гьалар дирар. ХIела ВегIбекIли чисалра бархьагардеш хIебиру!
Будет положена книга, и ты увидишь, как грешники будут трепещать от того, что в ней. Они скажут: "Горе нам! Что это за книга! В ней не упущен ни малый, ни великий грех - все подсчитано". Они обнаружат перед собой все, что совершили, и твой Господь ни с кем не поступит несправедливо.
وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ ۚ بِئْسَ لِلظَّالِمِينَ بَدَلًا
Ва хIера, Нушани малайкунази ира: «Аллагьлис икрам барая!» Илбисли ахIенси, илдани икрамра бариб. Ил жунжразивад ца сайри ва сунела ВегIбекIла гьунчивад чеввалкIун. Марлира, дила мерлаб илра илала наслура хIушани хIушаб кумекчибили бурцидаяв? Илди — хIушаб душманти саби. Дила мерлаб капуртас илди хIябилра вайти кумекчиби леб!
Вот сказали Мы ангелам: "Падите ниц перед Адамом!" Все они поклонились, кроме Иблиса. Он был одним из джиннов и ослушался воли своего Господа. Неужели вы признаете его и его потомков своими покровителями и помощниками вместо Меня, тогда как они являются вашими врагами? Плохая это замена для беззаконников!
مَا أَشْهَدْتُهُمْ خَلْقَ السَّمَاوَاتِ وَالْأَرْضِ وَلَا خَلْقَ أَنْفُسِهِمْ وَمَا كُنْتُ مُتَّخِذَ الْمُضِلِّينَ عَضُدًا
Мусни-зубри акIахънилис яра илди саби акIахънилис Нуни илди бикьрумили кахIебалтира. Бархьси гьунчибад чеббулкIути Нуни кумекчибилира хIебирис.
Я не сделал их свидетелями сотворения небес и земли и сотворения их самих. Я не беру в помощники тех, кто вводит других в заблуждение.
وَيَوْمَ يَقُولُ نَادُوا شُرَكَائِيَ الَّذِينَ زَعَمْتُمْ فَدَعَوْهُمْ فَلَمْ يَسْتَجِيبُوا لَهُمْ وَجَعَلْنَا بَيْنَهُمْ مَوْبِقًا
Кьиямала бархIи Илини иру: «Дила дурабад хIушани аллагьунази халбирути жибарая». Илдани илди жибиру, амма жаваб хIелуга; илдала ургаб Нушани кахси гявгяв алкIахъехIе.
В тот день Он скажет: "Призовите Моих сотоварищей, о существовании которых вы предполагали". Они воззовут к ним, но те не ответят им. Мы воздвигнем между ними губительное место (преграду).
وَرَأَى الْمُجْرِمُونَ النَّارَ فَظَنُّوا أَنَّهُمْ مُوَاقِعُوهَا وَلَمْ يَجِدُوا عَنْهَا مَصْرِفًا
Бунагькартани жагьаннабла цIа чебиу, саби ила лайбикIни бала, амма илизибад берцуди баргес хIебирар.
Грешники увидят Огонь, и им станет ясно, что они будут брошены в него. Они не найдут от него спасения!
وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا
Иш Кьуръайзир Нушани адамтас гьар тяхIярли манпагIятла хабурти дурира, аммаки адам — дебали варскъа жалукь сай!
Мы разъяснили людям в этом Коране любые притчи, но человек больше всего склонен препираться.
وَمَا مَنَعَ النَّاسَ أَنْ يُؤْمِنُوا إِذْ جَاءَهُمُ الْهُدَىٰ وَيَسْتَغْفِرُوا رَبَّهُمْ إِلَّا أَنْ تَأْتِيَهُمْ سُنَّةُ الْأَوَّلِينَ أَوْ يَأْتِيَهُمُ الْعَذَابُ قُبُلًا
Чус бархьси гьуни чебаахъибхIели, Аллагьличи бирхес ва чула ВегIбекI чеверхахъес тиладибарес адамтас се диргалабулхъули? Белики, илдас гьаб-убла адамтачигъуна мусибат чучира бакIили яра лебталалра гьалаб чус танбихI барили дигули биэс?
Что же помешало людям уверовать, когда к ним явилось верное руководство, и попросить прощения у своего Господа, если не стремление к участи первых поколений и мучениям, которые предстанут перед ними лицом к лицу?
وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ ۚ وَيُجَادِلُ الَّذِينَ كَفَرُوا بِالْبَاطِلِ لِيُدْحِضُوا بِهِ الْحَقَّ ۖ وَاتَّخَذُوا آيَاتِي وَمَا أُنْذِرُوا هُزُوًا
Нушани вакилти бурхьутири чIянкIли гIяхIла хабар бихантили ва насихIятчибили. Аллагьличи хIебирхути жалтани биркьули саби, бархьдеш къяналичил уббяхъес дигули, Нушала хъарбаркьунира насихIятунира илдани дукелцIиличи дирхьули сари.
Мы отправляем посланников только добрыми вестниками и предостерегающими увещевателями. Однако неверующие препираются посредством лживых доводов, чтобы опровергнуть ими истину, и насмехаются над Моими знамениями и тем, от чего их предостерегают.
وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ فَأَعْرَضَ عَنْهَا وَنَسِيَ مَا قَدَّمَتْ يَدَاهُ ۚ إِنَّا جَعَلْنَا عَلَىٰ قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا ۖ وَإِنْ تَدْعُهُمْ إِلَى الْهُدَىٰ فَلَنْ يَهْتَدُوا إِذًا أَبَدًا
Чула ВегIбекIла хъарбаркьуни чузи дурухIели, илдазибад гIелумбилзутачиб ва гьалар чула някъбани се бирибал хъумкартутачиб гьатIи имцIали капурти лебара? Илдази ил хIебагьахъес багьандан Нушани илдала уркIбачи юргъан чебушилра ва лихIби гIянцIдарилра. Эгер илди хIуни бархьси гьунчи жибарадлира, илхIелира илди гьеч бархьси гьунчи кахIебилзан.
Кто может быть несправедливее того, кому напомнили о знамениях его Господа, а он отвернулся от них и забыл то, что совершили его руки? Мы накинули на их сердца покрывала, чтобы они не постигли его (Коран), а их уши поражены глухотой. Если даже ты призовешь их на прямой путь, они никогда не последуют прямым путем.
وَرَبُّكَ الْغَفُورُ ذُو الرَّحْمَةِ ۖ لَوْ يُؤَاخِذُهُمْ بِمَا كَسَبُوا لَعَجَّلَ لَهُمُ الْعَذَابَ ۚ بَلْ لَهُمْ مَوْعِدٌ لَنْ يَجِدُوا مِنْ دُونِهِ مَوْئِلًا
ХIела ВегIбекI — чевкархан ва уркIецIичев сай: эгер Илис дигули виалри чули дарибти багьандан илдас танбихI барес, илдас Илини хъярхъли танбихI бири. Амма илдас кабизахъурси замана лебси саби ва Иличиб ахIи илдани чинабалра гIур урдубяхъра хIебургу.
Твой Господь - Прощающий, Обладающий милосердием. Если бы Он стал наказывать их за то, что они приобрели, то ускорил бы их мучения, но для них назначен срок, и о
وَتِلْكَ الْقُرَىٰ أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِمْ مَوْعِدًا
Илди шимира, капуртили детаурхIели, Нушани харабдарира, амма илдас кабизахъурси замана харабдарира.
Мы погубили эти города, когда они стали поступать несправедливо, и установили для их погибели срок.
وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا
ХIера, гьачам Мусани сунела къуллукъчизи иб: «ХIятта наб дахъал дусмазив вашес чебуркъалра, кIел урхьу дархдиркуси мерличи ваъхIеили ну хIевъус».
Вот Муса (Моисей) сказал своему слуге: "Я не остановлюсь, пока не дойду до места слияния двух морей или пока не потрачу на путешествие долгие годы".
فَلَمَّا بَلَغَا مَجْمَعَ بَيْنِهِمَا نَسِيَا حُوتَهُمَا فَاتَّخَذَ سَبِيلَهُ فِي الْبَحْرِ سَرَبًا
Урхьни дархдиркуси мерличи кIелра сабаибхIели, илхIели.. илдани чула бялихъличила хъумкартур ва ил хапли урхьуличибяхI батIихьиб.
Когда они дошли до места их слияния, они забыли свою рыбу, и она двинулась в путь по морю, словно по подземному ходу.
فَلَمَّا جَاوَزَا قَالَ لِفَتَاهُ آتِنَا غَدَاءَنَا لَقَدْ لَقِينَا مِنْ سَفَرِنَا هَٰذَا نَصَبًا
Урхьни дархдиркуси мерличибад илди тяйдибиубхIели, Мусани сунела къуллукъчизи иб: «Нушаб беркала биха: иш гьунили нуша дебали дамсахъурра».
Когда они прошли дальше, он сказал своему слуге: "Подавай наш обед. Мы почувствовали в этом путешествии нашем усталость".
قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ ۚ وَاتَّخَذَ سَبِيلَهُ فِي الْبَحْرِ عَجَبًا
Илини иб: «Ца хIерагу! Ит шурлиур нуша гьигьбатес тIашдизурхIели, нуни бялихъличила хъумкартурра. Иличила набзи чIянкIли шайтIанницун хъумартахъур, урхьуличибяхI тамашали ил батбихьибхIели, наб иличила гьанхIебикиб».
Он сказал: "Помнишь, как мы укрылись под скалой? Я забыл о рыбе, и только сатана заставил меня не вспомнить о ней. Она же отправилась в путь по морю чудесным образом".
قَالَ ذَٰلِكَ مَا كُنَّا نَبْغِ ۚ فَارْتَدَّا عَلَىٰ آثَارِهِمَا قَصَصًا
Мусани иб: «Гьяп ил саби нушабра гIягIниси». Ва илди кIелра, чула къел дуцили, чарбиубли бакIиб урхьни дархдиркуси мерличи.
Он сказал: "Это - то, чего мы желали!" Они вдвоем вернулись назад по своим следам.
فَوَجَدَا عَبْدًا مِنْ عِبَادِنَا آتَيْنَاهُ رَحْمَةً مِنْ عِنْدِنَا وَعَلَّمْنَاهُ مِنْ لَدُنَّا عِلْمًا
Илав илдани Нушала лугъразивад ца лагъ варгиб: иличи Нушани уркIецIи барибсири ва илис Нушани халаси багьуди гибсири.
Они встретили одного из Наших рабов, которого Мы одарили милостью от Нас и обучили из того, что Нам известно.
قَالَ لَهُ مُوسَىٰ هَلْ أَتَّبِعُكَ عَلَىٰ أَنْ تُعَلِّمَنِ مِمَّا عُلِّمْتَ رُشْدًا
Илизи Мусани иб: «Бархьси гьуниличила хIуни балуси хIезибад нуни бара-баралра багьес багьандан ну хIед гIелавад вашес вирусу?»
Муса (Моисей) сказал ему (Хидру): "Могу ли я последовать за тобой, чтобы ты научил меня о прямом пути тому, чему ты обучен?"
قَالَ إِنَّكَ لَنْ تَسْتَطِيعَ مَعِيَ صَبْرًا
Илини иб: «Набчил варх вирес хIела сабур хIебиур.
Он сказал: "У тебя не хватит терпения находиться рядом со мной.
وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا
ХIуни сунечила селра хIебалуси секIайчи хIуни севан сабур бириду?»
Как ты сможешь терпеливо относиться к тому, что ты не объемлешь знанием?"
قَالَ سَتَجِدُنِي إِنْ شَاءَ اللَّهُ صَابِرًا وَلَا أَعْصِي لَكَ أَمْرًا
Мусани иб: «Рахли Аллагьлис дигули виалли, хIуни ну сабурчевсили ургура ва хIуни набчи се хъарбарадлира — нуни ил бирис».
Он сказал: "Если Аллах пожелает, то ты найдешь меня терпеливым, и я не ослушаюсь твоего веления".
قَالَ فَإِنِ اتَّبَعْتَنِي فَلَا تَسْأَلْنِي عَنْ شَيْءٍ حَتَّىٰ أُحْدِثَ لَكَ مِنْهُ ذِكْرًا
Илини иб: «Эгер хIу наб гIелавад вакIадли, нуни хIези бурайчи набзи селичилалра хьармабиид».
Он сказал: "Если ты последуешь за мной, то не спрашивай меня ни о чем, пока я сам не поведаю тебе об этом".
فَانْطَلَقَا حَتَّىٰ إِذَا رَكِبَا فِي السَّفِينَةِ خَرَقَهَا ۖ قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا
Илала гIергъи илди кIилилра архIя даимбариб; илди гамиличи абацIибхIели, итини илизиб тIярхъи бариб. Мусани илизи хьарбаиб: «ХIуни ил тIярхъи барибсив гамиличир лерти кагIяхъес? ХIуни барибси — тамашала анцIбукь саби!»
Они вдвоем двинулись в путь. Когда же они сели на корабль, он сделал в нем пробоину. Он сказал: "Ты сделал пробоину, чтобы потопить людей на нем? Ты совершил тяжкий поступок!"
قَالَ أَلَمْ أَقُلْ إِنَّكَ لَنْ تَسْتَطِيعَ مَعِيَ صَبْرًا
Илини иб: «Набчил варх вирес хIела сабур хIебиур или нуни хIези хIеирав, гьатIи?»
Он сказал: "Разве я не говорил, что ты не сможешь сохранить терпение рядом со мной?"
قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْرًا
Мусани иб: «Нуни хъумартни багьандан набчи вахъ дебали гIяйибтани маркьуд ва набчи бахъ къиянси баркьуди хъармабирид».
Он сказал: "Не наказывай меня за то, что я позабыл, и не возлагай на меня тяжелое бремя".
فَانْطَلَقَا حَتَّىٰ إِذَا لَقِيَا غُلَامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَقَدْ جِئْتَ شَيْئًا نُكْرًا
Ва илдани чула архIя даимбариб; гIулухъа цугикибхIели, илини ил кавшиб. Мусани хьарбаиб: «Сунечиб гIяйиб агарси, сунени адам кахIевшибси адам хIуни сен кавшири? ХIуни барибси — цIахси баркьуди саби!»
Они продолжили путь, пока не встретили мальчика, и он убил его. Он сказал: "Неужели ты убил невинного человека, который никого не убивал? Ты совершил предосудительный поступок!"
قَالَ أَلَمْ أَقُلْ لَكَ إِنَّكَ لَنْ تَسْتَطِيعَ مَعِيَ صَبْرًا
Илини иб: «Набчил варх вирес хIела сабур хIебиур или нуни хIези хIеирав, гьатIи?»
Он сказал: "Разве я не говорил тебе, что ты не сможешь сохранить терпение рядом со мной?"
قَالَ إِنْ سَأَلْتُكَ عَنْ شَيْءٍ بَعْدَهَا فَلَا تُصَاحِبْنِي ۖ قَدْ بَلَغْتَ مِنْ لَدُنِّي عُذْرًا
Мусани иб: «Рахли гьаннала гIергъи нуни хIези селичила-биалра хьарбаасли, ну хIечил варх гьункьяли виахъес малтаба. Набчивад гьачам гьатIи чеверхи!»
Он сказал: "Если я спрошу тебя о чем-либо после этого, то не продолжай путь вместе со мной. Ты уже получил мои извинения".
فَانْطَلَقَا حَتَّىٰ إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَنْ يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنْقَضَّ فَأَقَامَهُ ۖ قَالَ لَوْ شِئْتَ لَاتَّخَذْتَ عَلَيْهِ أَجْرًا
Ва илдани чула архIя даимбариб. Илди ца шагьарла адамтачи бакIиб ва илдази чус беркала тиладибариб, амма илдас гIяхIялдеш дарес илди кьабулхIебикиб. Илдани илаб гъятIбиэс хIядурси лац баргиб ва илини ил ункъбариб. Мусани иб: «Эгер хIед дигули виадри, илис хIуни багьа сасес виради».
Они продолжили путь, пока не пришли к жителям одного селения. Они попросили его жителей накормить их, но те отказались принять их гостями. Они увидели там стену, которая была готова обрушиться, и он выпрямил ее. Он сказал: "Если бы ты захотел, то получил бы за это вознаграждение".
قَالَ هَٰذَا فِرَاقُ بَيْنِي وَبَيْنِكَ ۚ سَأُنَبِّئُكَ بِتَأْوِيلِ مَا لَمْ تَسْتَطِعْ عَلَيْهِ صَبْرًا
Илини иб: «Нуша ишар декIардикес гIягIнитира! ХIуни чучи сабур барес хIейубти секIултала мягIна хIези нуни бурис.
Он сказал: "Здесь я с тобой расстанусь, но я поведую тебе толкование того, к чему ты не смог отнестись с терпением.
أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدْتُ أَنْ أَعِيبَهَا وَكَانَ وَرَاءَهُمْ مَلِكٌ يَأْخُذُ كُلَّ سَفِينَةٍ غَصْبًا
Гамиличила дикIахIелли, ил урхьулизир бялихъуни дурцути мискин адамтала сабри. Ил заябарес наб дигусири, сенахIенну илдала гIелав леври лерилра гамурби гужзулмули дурцуси пача.
Что касается корабля, то он принадлежал беднякам, которые трудились в море. Я захотел повредить его, потому что перед ними находился царь, который силой отнимал все целые корабли.
وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَنْ يُرْهِقَهُمَا طُغْيَانًا وَكُفْرًا
ГIулухъачила дикIахIелли, илала бегIти Аллагьличи бирхути адамти сабри; нуша урухкIулри ил капурли илдира капурти ва иманагарти бетарахъу или.
Что касается мальчика, то его родители являются верующими, и мы опасались, что он будет притеснять их по причине своего беззакония и неверия.
فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا
Ил багьандан нушаб дигулри Аллагьли илала мерлав илдас иличив имцIали хIялалси ва илдачи имцIали уркIецIичевси гили.
Мы захотели, чтобы Господь их даровал им вместо него того, кто будет чище и милосерднее к своим близким.
وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِعْ عَلَيْهِ صَبْرًا
Лацличила дикIахIелли, ил шагьарлизибти кIел цIуръа уршила сабри: илала удиб илдала сабси хазна лебри; илдала дудеш дин-тIагIят дузахъуси адам сайри ва хIела ВегIбекIлис дигули сай илди балугъла биубли ва хIела ВегIбекIла пурбанничибли илад илдани чула хазна дурасили. Илди секIал нуни дила пикрили ахIенри дирути. Чучи хIуни сабур барес хIейубти баркьудлумас баян илгъуна саби».
Что же касается стены, то она принадлежала двум осиротевшим мальчикам из города. Под ней находился их клад. Их отец был праведником, и твой Господь пожелал, чтобы они достигли зрелого возраста и извлекли свой клад по милости твоего Господа. Я не поступал по своему усмотрению. Вот толкование того, к чему ты не смог отнестись с терпением".
وَيَسْأَلُونَكَ عَنْ ذِي الْقَرْنَيْنِ ۖ قُلْ سَأَتْلُو عَلَيْكُمْ مِنْهُ ذِكْرًا
ХIези Зулкьарнайличила хьарбиули саби. Бура: «Нуни хIушаб иличила хабар бурис».
Они спрашивают тебя о Зуль Карнейне. Скажи: "Я прочту вам поучительный рассказ о нем".
إِنَّا مَكَّنَّا لَهُ فِي الْأَرْضِ وَآتَيْنَاهُ مِنْ كُلِّ شَيْءٍ سَبَبًا
Нушани илис ванзала къакъличиб халал цIакь гира ва гьар се-секIайчи илис гьуни гьаргбарра.
Воистину, Мы наделили его властью на земле и одарили его всякими возможностями.
حَتَّىٰ إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِنْدَهَا قَوْمًا ۗ قُلْنَا يَا ذَا الْقَرْنَيْنِ إِمَّا أَنْ تُعَذِّبَ وَإِمَّا أَنْ تَتَّخِذَ فِيهِمْ حُسْنًا
Ил БерхIи гIелабиркуси мерличи саибхIели, илини чебаиб ил нясси гIинизлизи гIелакабиркули биъни! ГIинизла мякьлаб илини адамтира баргиб. Нушани ира: «Зулкьарнай, яра илдас танбихI бара, яра илдачи уркIецIи бара».
Когда он прибыл туда, где закатывается солнце, он обнаружил, что оно закатывается в мутный (или горячий) источник. Около него он нашел народ. Мы сказали: "О Зуль Карнейн! Либо ты накажешь их, либо сделаешь им добро".
قَالَ أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُكْرًا
Илини иб: «Чили вайдеш бирулил — илис нушани танбихI бирехIе; ил сунела ВегIбекIличи чарварибхIели, илис Илини кахси танбихI биру.
Он сказал: "Того, кто поступает несправедливо, мы накажем, а потом его возвратят к его Господу, и Он подвергнет его тяжким мучениям.
وَأَمَّا مَنْ آمَنَ وَعَمِلَ صَالِحًا فَلَهُ جَزَاءً الْحُسْنَىٰ ۖ وَسَنَقُولُ لَهُ مِنْ أَمْرِنَا يُسْرًا
Аллагьличи вирхусилис ва гIяхIдеш бирусилис пергер савгъат бирар: иличи Нушани гьамадси хъарбаркь хъарбирехIе».
Тому же, кто уверовал и поступает праведно, будет наилучшее воздаяние, и мы скажем ему наши легкие повеления".
حَتَّىٰ إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَىٰ قَوْمٍ لَمْ نَجْعَلْ لَهُمْ مِنْ دُونِهَا سِتْرًا
БерхIи абулхъуси мерличи ил саибхIели, илини чебаиб ил сунезибад мяхIкамбирахъес чус Нушани сегъуналра пардав хIебарибти халкьла чедиб абулхъули биъни.
Когда он прибыл туда, где восходит солнце, он обнаружил, что оно восходит над людьми, которым Мы не установили от него никакого прикрытия.
كَذَٰلِكَ وَقَدْ أَحَطْنَا بِمَا لَدَيْهِ خُبْرًا
Тяп илкьяйда биубсири. Гьанна бурехIе илис гIур се бетаурал.
Вот так! Мы объяли знанием все, что происходило с ним.
حَتَّىٰ إِذَا بَلَغَ بَيْنَ السَّدَّيْنِ وَجَدَ مِنْ دُونِهِمَا قَوْمًا لَا يَكَادُونَ يَفْقَهُونَ قَوْلًا
Ил кIел музала ургабси акьуси мерличи саиб. Илаб илини баргиб сунела гъай бара хIилхIи далути адамти.
Когда он достиг двух горных преград, он обнаружил перед ними людей, которые почти не понимали речи.
قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَىٰ أَنْ تَجْعَلَ بَيْنَنَا وَبَيْنَهُمْ سَدًّا
Илдани: иб: «Зулкьарнай! Аъжужлира Маъжужлира иш ванзала къакъличир вайдешуни дирули сари; нушалара илдалара ургаб хIези лац барахъес нушани хIед багьа гахIелли севан бирара?»
Они сказали: "О Зуль Карнейн! Йаджудж и Маджудж (Гог и Магог) распространяют на земле нечестие. Быть может, мы уплатим тебе дань, чтобы ты установил между нами и ними преграду?"
قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا
Илини иб: «Дила ВегIбекIли наб гибси цIакь — наб бегIлара гIяхIси багьа саби; хIушани биалли наб гъираличил кумекбиреная: хIушалара илдалара ургаб нуни лац бирис.
Он сказал: "То, чем наделил меня мой Господь, лучше этого. Помогите мне силой, и я установлю между вами и ними преграду.
آتُونِي زُبَرَ الْحَدِيدِ ۖ حَتَّىٰ إِذَا سَاوَىٰ بَيْنَ الصَّدَفَيْنِ قَالَ انْفُخُوا ۖ حَتَّىٰ إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا
Мегьла бутIни набчи дихеная». КIелра музала ургабси къада гьалабарибхIели, илини иб: «ЦIа абикьеная!» Мегьла бутIнала гьалабиз бемжурли хIунтIенбиубхIели, илини иб: «Набчи руржуси дубси бихеная: нуни ил иличи чертIис».
Подайте мне куски железа". Заполнив пространство между двумя склонами, он сказал: "Раздувайте!" Когда они стали красными, словно огонь, он сказал: "Принесите мне расплавленную медь, чтобы я вылил ее на него".
فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا
Ва илди я иличи абацIес я илизиб тIярхъи барес хIебиуб. Илини иб: «Ил — дила ВегIбекIла уркIецIи саби.
Они (племена Йаджудж и Маджудж) не смогли забраться на нее и не смогли пробить в ней дыру.
قَالَ هَٰذَا رَحْمَةٌ مِنْ رَبِّي ۖ فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا
Дила ВегIбекIли чесибси бартарахъуси замана сабаибхIели, Илини ил хяса-пусул бетарахъу. Дила ВегIбекIли чесибси — гьарли-марли бартаруси саби».
Он сказал: "Это - милость от моего Господа! Когда же исполнится обещание моего Господа, Он сровняет ее с землей. Обещание моего Господа является истиной".
وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ ۖ وَنُفِخَ فِي الصُّورِ فَجَمَعْنَاهُمْ جَمْعًا
Кьиямала бархIи Нушани илди саби-ургаб жалтани биркьахъес балтехIе ва сур уфбарибхIели, Нушани илди барх бурчехIе.
В тот день Мы позволим им (племенам Йаджудж и Маджудж) хлынуть друг на друга. И затрубят в Рог, и Мы соберем их (творения) всех вместе.
وَعَرَضْنَا جَهَنَّمَ يَوْمَئِذٍ لِلْكَافِرِينَ عَرْضًا
Кьиямала бархIи Нушани капурти,
В тот день Мы ясно покажем Геенну неверующим,
الَّذِينَ كَانَتْ أَعْيُنُهُمْ فِي غِطَاءٍ عَنْ ذِكْرِي وَكَانُوا لَا يَسْتَطِيعُونَ سَمْعًا
чула хIулбачиб пардав сабли, дила гIилму чехIебаибти ва иличила адхIергъибти бархьаначи жагьаннаблизи аркехIе.
на глазах которых было покрывало, отделяющее их от поминания Меня, и которые не могли слышать.
أَفَحَسِبَ الَّذِينَ كَفَرُوا أَنْ يَتَّخِذُوا عِبَادِي مِنْ دُونِي أَوْلِيَاءَ ۚ إِنَّا أَعْتَدْنَا جَهَنَّمَ لِلْكَافِرِينَ نُزُلًا
Марлира, капуртас гьанбиркулрив, Дила пурбан агарли, чус Дила лугърала ургав кумекчи вирар или? Капуртас урдубяхъли Нушани жагьаннаб хIядурбарилра.
Неужели неверующие полагали, что они сделают Моих рабов своими покровителями и помощниками вместо Меня? Воистину, Мы приготовили Геенну обителью для неверующих.
قُلْ هَلْ نُنَبِّئُكُمْ بِالْأَخْسَرِينَ أَعْمَالًا
Бура: «Чула баркьудлумазибад чус чIянкIли заралцун бирути,
Скажи: "Не сообщить ли вам о тех, чьи деяния принесут наибольший убыток?
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
чули пергер баркьудлуми дирулра или чус гьанбиркули биалра, иш дунъяличирти гIямруличила чула къайгъни дугIлатили сарти нуни хIушази чебаахъишав?»
О тех, чьи усилия заблудились в мирской жизни, хотя они думали, что поступают хорошо?
أُولَٰئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا
Илди саби чула ВегIбекIла хъарбаркьуначи ва Иличил саби гьунибиъниличи хIебирхути. Ил багьандан илдала авара дугIлати сари, кьиямала бархIи Нушани илдас кумекра хIебирехIе.
Это - те, которые не уверовали в знамения своего Господа и во встречу с Ним. Тщетны будут их деяния, и в День воскресения Мы не определим для них никакого веса".
ذَٰلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُوًا
Капуртили бирни, Дила хъарбаркьуни ва Дила идбагуни дукелцIиличи бирхьни багьандан илдас жагьаннаб савгъатли бирар.
Геенна будет им воздаянием за то, что они не уверовали и насмехались над Моими знамениями и Моими посланниками.
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا
Аллагьличи бирхутас ва гIяхIти баркьудлуми дирутас, —илдас алжанала унхъри дирар.
Воистину, обителью тех, которые уверовали и совершали праведные деяния, будут сады Фирдауса.
خَالِدِينَ فِيهَا لَا يَبْغُونَ عَنْهَا حِوَلًا
Илди илаб даимлис кавлан ва илад арбукьес илди хьулхIебулхъан.
Они пребудут в них вечно и не пожелают для себя перемен.
قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا
Бура: «Эгер дила ВегIбекIла гъай делкIес урхьу шинкьяли бетаалра, дила ВегIбекIла гъай тамандиайчи урхьу бегъубли бетихъи, хIятта иличи Нушани илдицад гьатIи шинкья имцIадарахIелра».
Скажи: "Если бы море стало чернилами для слов моего Господа, то море иссякло бы до того, как иссякли бы Слова моего Господа, даже если бы Мы принесли в помощь ему такое же море".
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ ۖ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
Бура: «Нура тяп хIушагъуна адам сайра; Набзи зубрачибад багьахъур хIушала Аллагь — цаси Аллагь виъни. Сунела ВегIбекIличил гьуниваэс чи хьуликIули виалра, илини гIяхIти баркьудлуми дираб ва, Аллагьлис икрам бирули, Илала дурабад гIурра аллагьуни лебни мармабираб».
Скажи: "Воистину, я - такой же человек, как и вы. Мне внушено откровение о том, что ваш Бог - Бог Единственный. Тот, кто надеется на встречу со своим Господом, пусть совершает праведные деяния и никому не поклоняется наряду со своим Господом".