Сура 34 «Саба» — Саба (Сава)
Все суры
الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ ۚ وَهُوَ الْحَكِيمُ الْخَبِيرُ
Деза биаб Аллагьлис, зубрачирра ванзала къакъличирра лерти гьар се-секIал сунела сарсилис; деза биаб Илис ахиратлизибра: Ил — ГIякьлучев, гьар секIал далан сай!
Хвала Аллаху, Которому принадлежит то, что на небесах, и то, что на земле. Ему же надлежит хвала в Последней жизни. Он - Мудрый, Ведающий.
يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا ۚ وَهُوَ الرَّحِيمُ الْغَفُورُ
Илини далули сай ванзализи ардашутира, иларад дурадулхъутира, зубрачирад кадицIутира, илдачи адицIутира: Ил — уркIецIичев, чевкархан сай.
Он знает то, что входит в землю, и то, что выходит из нее, и то, что нисходит с неба, и то, что восходит на него. Он - Милосердный, Прощающий.
وَقَالَ الَّذِينَ كَفَرُوا لَا تَأْتِينَا السَّاعَةُ ۖ قُلْ بَلَىٰ وَرَبِّي لَتَأْتِيَنَّكُمْ عَالِمِ الْغَيْبِ ۖ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِنْ ذَٰلِكَ وَلَا أَكْبَرُ إِلَّا فِي كِتَابٍ مُبِينٍ
Капурти бикIули саби: «Кьиямала бархIи садхIебиур!» Бура: «Вари сабиур! ДигIянатира далуси дила ВегIбекIличи хъя бирулра ил хIушачи лябкьян или». Я зубрачиб я ванзала къакъличиб хясала пусулалра, иличибра биштIаси яра иличибра халаси гьеч селра агара Аллагьли хIебалуси, лавхIул мяхIпузлизиб агарси.
Неверующие сказали: "Час не наступит для нас". Скажи: "Нет, клянусь моим Господом, Ведающим сокровенное! Он непременно наступит для вас. Ни на небесах, ни на земле не ускользнет от Него даже то, что весом с мельчайшую частицу, или меньше нее, или больше нее. Все это есть в ясном Писании,
لِيَجْزِيَ الَّذِينَ آمَنُوا وَعَمِلُوا الصَّالِحَاتِ ۚ أُولَٰئِكَ لَهُمْ مَغْفِرَةٌ وَرِزْقٌ كَرِيمٌ
Кьиямала бархIи лябкьян Аллагьличи бирхути ва гIяхIдеш бирути шабагьатлабарахъес — илдачивад Аллагь чевкархар ва илдас сахаватли нигIматуни луга.
дабы Он воздал тем, которые уверовали и совершали праведные деяния. Именно им уготованы прощение и щедрый удел".
وَالَّذِينَ سَعَوْا فِي آيَاتِنَا مُعَاجِزِينَ أُولَٰئِكَ لَهُمْ عَذَابٌ مِنْ رِجْزٍ أَلِيمٌ
Нушала аятуни мучлаагардарес къайгънабиркьути биалли — илди кахти гIязабтазиб бирар.
А тем, которые старались ослабить Наши знамения, уготованы страдания от мучительного наказания.
وَيَرَى الَّذِينَ أُوتُوا الْعِلْمَ الَّذِي أُنْزِلَ إِلَيْكَ مِنْ رَبِّكَ هُوَ الْحَقَّ وَيَهْدِي إِلَىٰ صِرَاطِ الْعَزِيزِ الْحَمِيدِ
Чус багьуди гибтани чебиули саби хIела ВегIбекIличибад хIед бархьибси бархьдеш биъни ва илини ЧевяхIсила, Машгьурсила гьунчи викули биъни.
Те, которым даровано знание, видят, что ниспосланное тебе от твоего Господа есть истина, которая ведет к пути Могущественного, Достохвального.
وَقَالَ الَّذِينَ كَفَرُوا هَلْ نَدُلُّكُمْ عَلَىٰ رَجُلٍ يُنَبِّئُكُمْ إِذَا مُزِّقْتُمْ كُلَّ مُمَزَّقٍ إِنَّكُمْ لَفِي خَلْقٍ جَدِيدٍ
Аллагьличи хIебирхути бикIули саби: «ХIуша дерхIили палда детаурхIели, сагадан мицIирдирудая или викIуси адам хIушази чеваахъишав?
Неверующие сказали: "Указать ли вам на мужа, который возвещает вам, что вы возродитесь в новом творении после того, как полностью распадетесь?
أَفْتَرَىٰ عَلَى اللَّهِ كَذِبًا أَمْ بِهِ جِنَّةٌ ۗ بَلِ الَّذِينَ لَا يُؤْمِنُونَ بِالْآخِرَةِ فِي الْعَذَابِ وَالضَّلَالِ الْبَعِيدِ
Яра илини Аллагьличи къянби чедуршули сай яра ил шайтIанни лагусварили сай». Ахиратличи хIебирхути гIязабтазиб бирар ва илди таманни чеббалкIи саби!
Измыслил ли он ложь об Аллахе, или же он является бесноватым?" О нет! Те, которые не веруют в Последнюю жизнь, будут подвергнуты мучениям и пребывают в глубоком заблуждении.
أَفَلَمْ يَرَوْا إِلَىٰ مَا بَيْنَ أَيْدِيهِمْ وَمَا خَلْفَهُمْ مِنَ السَّمَاءِ وَالْأَرْضِ ۚ إِنْ نَشَأْ نَخْسِفْ بِهِمُ الْأَرْضَ أَوْ نُسْقِطْ عَلَيْهِمْ كِسَفًا مِنَ السَّمَاءِ ۚ إِنَّ فِي ذَٰلِكَ لَآيَةً لِكُلِّ عَبْدٍ مُنِيبٍ
Марлира, илдани зубрачибра ванзала къакъличибра чула гьалабсиличи ва чула гIелабсиличи сегъуналра пикри бяхIчихIеибу? Рахли Нушаб дигахIелли, ванзаличи хъарбирехIе илди кьяраахъес яра закличи хъарбирехIе илдачи сегъуна-биалра бутIа лайбакIахъес. Илизиб — Аллагьличи уркIи-уркIилавад дугьаилзуси гьарилира лагълис лишан леб!
Неужели они не видят того, что перед ними и что позади них на небе и на земле? Если Мы пожелаем, то заставим землю поглотить их или же низринем на них кусок неба. Воистину, в этом - знамение для каждого раскаивающегося раба.
وَلَقَدْ آتَيْنَا دَاوُودَ مِنَّا فَضْلًا ۖ يَا جِبَالُ أَوِّبِي مَعَهُ وَالطَّيْرَ ۖ وَأَلَنَّا لَهُ الْحَدِيدَ
Нушани Давудлис хасси пагь гибсири: «Дубурти ва арцанти, хIушара иличил дарх, Наб дезнани диркьеная!» Илис Нушани мегь кIантIибарира:
Мы одарили Давуда (Давида) милостью от Нас и сказали: "О горы и птицы! Славьте вместе с ним!" Мы сделали железо мягким для него.
أَنِ اعْمَلْ سَابِغَاتٍ وَقَدِّرْ فِي السَّرْدِ ۖ وَاعْمَلُوا صَالِحًا ۖ إِنِّي بِمَا تَعْمَلُونَ بَصِيرٌ
«Халчукуни дирен ва илдачирти мегьла мявни чIумали уржахъен; гIяхIдеш биреная; хIушани се бирулрал Нуни чебиулра!»
Выкуй длинные кольчуги и соблюдай меру в кольцах. Поступайте праведно, ведь Я вижу то, что вы совершаете.
وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ ۖ وَأَسَلْنَا لَهُ عَيْنَ الْقِطْرِ ۖ وَمِنَ الْجِنِّ مَنْ يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَنْ يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ
Сулайбаннис дягI гира. Савли ил булхъи — ца баз, бархIехъра ил булхъи — ца баз. Нушани илис бацIибси язла гIиниз пурчбухъахъунра. Илала ВегIбекIла хъарбаркьличил илис дузиб цацадехI жунжри, илдазирад чидилтани Нушала хъарбаркь таманхIебиралра, — илдази Нушани цIала гIязаб чIямбирахъехIе.
Мы подчинили Сулейману (Соломону) ветер, который утром пролетал месячный путь и после полудня пролетал месячный путь. Мы заставили для него течь источник меди. Среди джиннов были такие, которые работали перед ним с дозволения его Господа. А тому из них, кто уклонился от Нашего повеления, Мы дадим вкусить мучения в Пламени.
يَعْمَلُونَ لَهُ مَا يَشَاءُ مِنْ مَحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَاسِيَاتٍ ۚ اعْمَلُوا آلَ دَاوُودَ شُكْرًا ۚ وَقَلِيلٌ مِنْ عِبَادِيَ الشَّكُورُ
Илис се дигалра, илдани ил бирусри: кIялгIни, суратуни, халати кьямани, дубуртиван ахъти шунгри. Давудла къам, Дила гIяхIсант баленая! Амма Дила лугъразибад цакамтани саби гIяхIсант балуси!
Они создавали прекрасные строения, изваяния, миски, подобные водоемам, и неподвижные котлы. О род Давуда (Давида)! Трудитесь в знак благодарности. Но среди Моих рабов мало благодарных.
فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنْسَأَتَهُ ۖ فَلَمَّا خَرَّ تَبَيَّنَتِ الْجِنُّ أَنْ لَوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ
Нушани Давудличи дебкIа мусаллатбарибхIели, илала ажал даъниличила багьур Давудла гIяйса кьикIли бергунси милякъли: ил кайкибхIели, илала ахир сабаъниличила жунжрани багьур. Ил дигIяндеш илдани илис гьалаб багьурси биалри, илди тус бируси цIахси танбхIлизирад урдулхъи.
Когда же Мы предписали ему умереть, они узнали об этом лишь благодаря земляному червю, который источил его посох. Когда же он упал, джинны уяснили, что если бы они знали сокровенное, то не оставались бы в унизительных мучениях.
لَقَدْ كَانَ لِسَبَإٍ فِي مَسْكَنِهِمْ آيَةٌ ۖ جَنَّتَانِ عَنْ يَمِينٍ وَشِمَالٍ ۖ كُلُوا مِنْ رِزْقِ رَبِّكُمْ وَاشْكُرُوا لَهُ ۚ بَلْدَةٌ طَيِّبَةٌ وَرَبٌّ غَفُورٌ
Сабала адамтала ери-юртаназиб ишгъуна лишан лебсири: кIел анхъ — балуй шайчиб — ца, алгъай шайчиб — ца; хIушала ВегIбекIла нигIматунани дукеная ва Илала гIяхIсант баленая! Давлачебси улка, уркIецIичевси Аллагь.
В поселении сабейцев было знамение - два сада справа и слева. Вкушайте из удела вашего Господа и благодарите Его. Прекрасная страна и Прощающий Господь!
فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُمْ بِجَنَّتَيْهِمْ جَنَّتَيْنِ ذَوَاتَيْ أُكُلٍ خَمْطٍ وَأَثْلٍ وَشَيْءٍ مِنْ سِدْرٍ قَلِيلٍ
Аммаки илди чеббалкIун ва илдачи Нушани зурбаси варачан бархьира, илдала унхъри кьутIкьути цIедешла дегIти, чузир хъалта-кьарра цакамти вавнира лерти кIел анхъличил дарсдарира.
Но они отвернулись, и Мы наслали на них поток, прорвавший плотину, и заменили их два сада двумя садами с горькими плодами, тамариском и несколькими лотосами.
ذَٰلِكَ جَزَيْنَاهُمْ بِمَا كَفَرُوا ۖ وَهَلْ نُجَازِي إِلَّا الْكَفُورَ
Аллагьличи хIебирхни багьандан илдас илкьяйдали чеббицIира! Аллагьличи хIебирхутас ахIи, гIур чис-биалра Нушани чеббирцIулрав, гьатIи?
Так Мы воздали им за то, что они не уверовали. Разве Мы караем так кого-либо, кроме неблагодарных?
وَجَعَلْنَا بَيْنَهُمْ وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً وَقَدَّرْنَا فِيهَا السَّيْرَ ۖ سِيرُوا فِيهَا لَيَالِيَ وَأَيَّامًا آمِنِينَ
Илдалара Нушани чус гIяхIдеш балгунти шагьурталара ургар пергер шими акIахъес Нушани имкан гира ва илдала ургаб гьуни барира: «Урехи агарли илар дугелира хIерелира дашеная!»
Между ними и городами, которые Мы благословили, Мы воздвигли ясно различимые города и размерили путь между ними. Разъезжайте между ними ночью и днем в безопасности!
فَقَالُوا رَبَّنَا بَاعِدْ بَيْنَ أَسْفَارِنَا وَظَلَمُوا أَنْفُسَهُمْ فَجَعَلْنَاهُمْ أَحَادِيثَ وَمَزَّقْنَاهُمْ كُلَّ مُمَزَّقٍ ۚ إِنَّ فِي ذَٰلِكَ لَآيَاتٍ لِكُلِّ صَبَّارٍ شَكُورٍ
Илдани иб: «Нушала ВегIбекI, илдала архIя нушачи сабиэсли гьуни бяхъянбара!» Илдани чули чус вайдеш бариб. Ва ил багьандан Нушани илди чучила хабурти дурути адамтили бетаахъурра ва кьукьнад-кьукьнад барили дугIлаира. Гьарилира сабурчевсилис, гIяхIсант балусилис илизиб лишан леб!
Они сказали: "Господь наш! Удлини расстояния между нашими остановками в пути". Они поступили несправедливо по отношению к себе. Мы сделали их предметом сказаний и рассеяли их. Воистину, в этом - знамение для каждого, кто терпелив и благодарен.
وَلَقَدْ صَدَّقَ عَلَيْهِمْ إِبْلِيسُ ظَنَّهُ فَاتَّبَعُوهُ إِلَّا فَرِيقًا مِنَ الْمُؤْمِنِينَ
Илбисли илди бирхаахъур сунела пикри бархьси биъниличи ва Аллагьличи бирхути цакамти ахIенти илис гIелабад арбякьун.
Предположение Иблиса относительно них оказалось правдивым, и они последовали за ним, за исключением группы верующих.
وَمَا كَانَ لَهُ عَلَيْهِمْ مِنْ سُلْطَانٍ إِلَّا لِنَعْلَمَ مَنْ يُؤْمِنُ بِالْآخِرَةِ مِمَّنْ هُوَ مِنْهَا فِي شَكٍّ ۗ وَرَبُّكَ عَلَىٰ كُلِّ شَيْءٍ حَفِيظٌ
Илдачиб илала ари лебри чIянкIли ишизибцун: ахиратличи бирхути иличи ташмишбикIутазибад Нушани декIарбарес дирнилизибцун. ХIела ВегIбекI — гьар се-секIайчи пикри бяхIчинан сай!
У него не было над ними никакой власти (или не было для них никакого доказательства). Но он искушал людей, чтобы Мы узнали и отличили того, кто верует в Последнюю жизнь, от того, кто сомневается в ней. Господь твой - Хранитель всякой вещи.
قُلِ ادْعُوا الَّذِينَ زَعَمْتُمْ مِنْ دُونِ اللَّهِ ۖ لَا يَمْلِكُونَ مِثْقَالَ ذَرَّةٍ فِي السَّمَاوَاتِ وَلَا فِي الْأَرْضِ وَمَا لَهُمْ فِيهِمَا مِنْ شِرْكٍ وَمَا لَهُ مِنْهُمْ مِنْ ظَهِيرٍ
Бура: «Аллагьла мерлаб хIушани пикрибарибти жибарая!» Илдала я зубрачиб, я ванзала къакъличиб хясала пусулцадалра ари агара; илди кIелра мерличир илдани Аллагьла баркьудлумазир сегъунтилра бутIакьяндеш дирули ахIен ва илдала ургав Аллагьлис кумекчира агара.
Скажи: "Призовите тех, кого вы считали богами наряду с Аллахом". Они не владеют даже мельчайшей частицей на небесах и на земле и не являются совладельцами чего-либо на них, и нет у Него среди них помощников.
وَلَا تَنْفَعُ الشَّفَاعَةُ عِنْدَهُ إِلَّا لِمَنْ أَذِنَ لَهُ ۚ حَتَّىٰ إِذَا فُزِّعَ عَنْ قُلُوبِهِمْ قَالُوا مَاذَا قَالَ رَبُّكُمْ ۖ قَالُوا الْحَقَّ ۖ وَهُوَ الْعَلِيُّ الْكَبِيرُ
Аллагьла гьалаб илдас гIебкабухъес бирар чус Илини пурбан барибтицун. Илдала уркIбачибад урехи гьарахъбарибхIели, илдани иру: «ХIушала ВегIбекIли се буриба?» Илдас жаваб луга: «Бархьдеш буриб; ИлкIун — халаси кьудратла вегI, чевяхIси сай!»
Ничье заступничество перед Ним не принесет пользы, кроме тех, кому будет дозволено. Когда же страх покинет их (многобожников или ангелов) сердца, они скажут: "Что сказал ваш Господь?" Они скажут: "Истину, ведь Он - Возвышенный, Великий".
قُلْ مَنْ يَرْزُقُكُمْ مِنَ السَّمَاوَاتِ وَالْأَرْضِ ۖ قُلِ اللَّهُ ۖ وَإِنَّا أَوْ إِيَّاكُمْ لَعَلَىٰ هُدًى أَوْ فِي ضَلَالٍ مُبِينٍ
Хьарбаа: «Зубрачиркадра ванзализирадра хIушаб берк-берж чили лугули?» Жаваб га: «Аллагьли». Шакдеш агарли, нушара хIушара яра бархьси гьунчир сарра, яра таманни чердалкIира!
Скажи: "Кто наделяет вас уделом с небес и земли?" Скажи: "Аллах! Воистину, одни из нас либо на прямом пути, либо в очевидном заблуждении".
قُلْ لَا تُسْأَلُونَ عَمَّا أَجْرَمْنَا وَلَا نُسْأَلُ عَمَّا تَعْمَلُونَ
Бура: «Нушала бунагьуни багьандан хIушазибад жаваб тIалабхIебиру ва хIушала баркьудлуми багьандан нушазибад жаваб тIалабхIебиру».
Скажи: "Вас не спросят о грехах, которые мы совершили, а нас не спросят о том, что совершаете вы".
قُلْ يَجْمَعُ بَيْنَنَا رَبُّنَا ثُمَّ يَفْتَحُ بَيْنَنَا بِالْحَقِّ وَهُوَ الْفَتَّاحُ الْعَلِيمُ
Бура: «Нушала ВегIбекIли нуша дурчура ва чидилти дархьлирал дурусли белгибиру. ИлкIун — гьар се-секIал далуси диванчи сай!»
Скажи: "Наш Господь соберет всех нас, а потом рассудит между нами по справедливости, ибо Он - Раскрывающий (или Справедливый Судия), Знающий".
قُلْ أَرُونِيَ الَّذِينَ أَلْحَقْتُمْ بِهِ شُرَكَاءَ ۖ كَلَّا ۚ بَلْ هُوَ اللَّهُ الْعَزِيزُ الْحَكِيمُ
Бура: «Илала дурабад хIушани аллагьунази халбирути набзи чебаахъая! Илди агарагу! ЧIянкIли ца Ил сай чевяхIси, гIякьлучевси Аллагь!
Скажи: "Покажите мне тех, кого вы приобщаете к Нему в сотоварищи. О нет! Он - Аллах, Могущественный, Мудрый".
وَمَا أَرْسَلْنَاكَ إِلَّا كَافَّةً لِلنَّاسِ بَشِيرًا وَنَذِيرًا وَلَٰكِنَّ أَكْثَرَ النَّاسِ لَا يَعْلَمُونَ
Нушани хIу, цалра ургав кахIелахъи, лебилра адамтачи гIяхIла хабар биханни ва насихIятчили вархьири, амма адамтазибад бахъалтани ил балули ахIен.
Мы отправили тебя ко всем людям добрым вестником и предостерегающим увещевателем, но большинство людей не знает этого.
وَيَقُولُونَ مَتَىٰ هَٰذَا الْوَعْدُ إِنْ كُنْتُمْ صَادِقِينَ
Ва илди бикIули саби: «Рахли хIушани буруси мар биалли, — ил мурт бируси?»
Они сказали: "Когда же сбудется это обещание, если вы говорите правду?"
قُلْ لَكُمْ مِيعَادُ يَوْمٍ لَا تَسْتَأْخِرُونَ عَنْهُ سَاعَةً وَلَا تَسْتَقْدِمُونَ
Бура: «ХIушаб гьанналаубал бархIи кабизахъурли саби: ил хIушани ца сягIятлалра я кьанбарес, я жявбарес хIедирудая».
Скажи: "Вам обещан день, который вы не сможете отдалить или приблизить даже на час".
وَقَالَ الَّذِينَ كَفَرُوا لَنْ نُؤْمِنَ بِهَٰذَا الْقُرْآنِ وَلَا بِالَّذِي بَيْنَ يَدَيْهِ ۗ وَلَوْ تَرَىٰ إِذِ الظَّالِمُونَ مَوْقُوفُونَ عِنْدَ رَبِّهِمْ يَرْجِعُ بَعْضُهُمْ إِلَىٰ بَعْضٍ الْقَوْلَ يَقُولُ الَّذِينَ اسْتُضْعِفُوا لِلَّذِينَ اسْتَكْبَرُوا لَوْلَا أَنْتُمْ لَكُنَّا مُؤْمِنِينَ
Капурти бикIули саби: «Нуша я иш Кьуръайчи, я илис гьалар диубтачи дирххIерхехIе!» Агь, рахли хIуни илди бархьагарти чула ВегIбекIла гьала тIашбатурхIели чебаадлири! Илдазибад цабехI идилтачи дугьабилзан. ЦIакьтази халбирутази гьунарагартази халбирути бикIули саби: «Рахли хIуша агарти диадаллири, нуша Аллагьличи дирхутили дирира!»
Неверующие сказали: "Мы никогда не уверуем ни в этот Коран, ни в то, что было до него". Если бы ты видел беззаконников, когда они будут стоять перед их Господом, отвечая друг другу словами. Те, которые были слабыми, скажут тем, которые превозносились: "Если бы не вы, то мы стали бы верующими".
قَالَ الَّذِينَ اسْتَكْبَرُوا لِلَّذِينَ اسْتُضْعِفُوا أَنَحْنُ صَدَدْنَاكُمْ عَنِ الْهُدَىٰ بَعْدَ إِذْ جَاءَكُمْ ۖ بَلْ كُنْتُمْ مُجْرِمِينَ
Чули саби цIакьтази халбирутани гьунарагартази халбирутази иру: «Ил хIушаб чебаахъили гIергъи, хIуша бархьси гьунчирад чердалкIахъунти нушани саррив, гьатIи? Юх, хIуша бунагькартили дирутири!»
Те, которые превозносились, скажут тем, которые были слабыми: "Разве мы удержали вас от верного руководства после того, как оно явилось к вам? Нет, вы сами были грешниками".
وَقَالَ الَّذِينَ اسْتُضْعِفُوا لِلَّذِينَ اسْتَكْبَرُوا بَلْ مَكْرُ اللَّيْلِ وَالنَّهَارِ إِذْ تَأْمُرُونَنَا أَنْ نَكْفُرَ بِاللَّهِ وَنَجْعَلَ لَهُ أَنْدَادًا ۚ وَأَسَرُّوا النَّدَامَةَ لَمَّا رَأَوُا الْعَذَابَ وَجَعَلْنَا الْأَغْلَالَ فِي أَعْنَاقِ الَّذِينَ كَفَرُوا ۚ هَلْ يُجْزَوْنَ إِلَّا مَا كَانُوا يَعْمَلُونَ
Чули саби цIакьтази халбирутази гьунарагартази халбирутани иру: «Юх! Дугелира хIерелира хIуша макруличил нушази гьирдикIутири нуша Аллагьличи хIедирхахъес ва Илала мерлар къанчани тIашдалтахъес!» Чус бируси танбихI чебаибхIели, илди илкьяйдали пашманбирар. Кьапуртала хъябаначи Нушани шинжирти даршира: илдас илгъуна танбихI барибси илдани дарибти багьандан ахIену, гьатIи?
Тогда те, которые были слабыми, скажут тем, которые превозносились: "Вы замышляли козни ночью и днем и велели нам не верить в Аллаха и равнять с Ним других". Когда же они увидят мучения, они утаят раскаяние. Мы наложим оковы на шеи неверующих. Разве им не воздается только за то, что они совершали?
وَمَا أَرْسَلْنَا فِي قَرْيَةٍ مِنْ نَذِيرٍ إِلَّا قَالَ مُتْرَفُوهَا إِنَّا بِمَا أُرْسِلْتُمْ بِهِ كَافِرُونَ
Нушани чидил шилизи вягIзачи вархьахIелра, талихIчерти гIямрули букьбуунти илала адамти бикIутири: «ХIуни дурутачи нуша гьеч дирхарули ахIенра!»
В какое бы селение Мы ни направляли предостерегающего увещевателя, его изнеженные роскошью жители говорили: "Воистину, мы не веруем в то, с чем вы посланы".
وَقَالُوا نَحْنُ أَكْثَرُ أَمْوَالًا وَأَوْلَادًا وَمَا نَحْنُ بِمُعَذَّبِينَ
Илдира бикIутири: «Нушала баари давлара дурхIнира леб! Нуша чус танбихI барес гIягIнитала лугIилизир ахIенра».
Они говорили: "У нас больше богатства и детей, и нас не подвергнут мучениям".
قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ وَيَقْدِرُ وَلَٰكِنَّ أَكْثَرَ النَّاسِ لَا يَعْلَمُونَ
Бура: «Дила ВегIбекIли Сунес дигусилис яшавла нигIматуни гьачам эркинни лугули сай, гьачам даарила кьадар, амма адамтазибад бахъалтани ил балули ахIен».
Скажи: "Воистину, мой Господь увеличивает или ограничивает удел тому, кому пожелает, но большинство людей не знает этого".
وَمَا أَمْوَالُكُمْ وَلَا أَوْلَادُكُمْ بِالَّتِي تُقَرِّبُكُمْ عِنْدَنَا زُلْفَىٰ إِلَّا مَنْ آمَنَ وَعَمِلَ صَالِحًا فَأُولَٰئِكَ لَهُمْ جَزَاءُ الضِّعْفِ بِمَا عَمِلُوا وَهُمْ فِي الْغُرُفَاتِ آمِنُونَ
Я хIушала давлали, я хIушала дурхIнани ахIенрая хIуша Набчи гьамдирути. Аллагьличи бирхутасцун, гIяхIдеш бирутасцун — чIянкIли илдасцун чули дарибтас кIиркали имцIаси шабагъат бирар. Илди — дубуртачирти хъулразиб паргъатли бирар.
Ни ваше богатство, ни ваши дети не приближают вас к Нам, если только вы не уверовали и не поступаете праведно. Для таких людей будет приумножено воздаяние за то, что они совершили, и они будут пребывать в горницах, находясь в безопасности.
وَالَّذِينَ يَسْعَوْنَ فِي آيَاتِنَا مُعَاجِزِينَ أُولَٰئِكَ فِي الْعَذَابِ مُحْضَرُونَ
Нушала хъарбаркьуни мучлаагардарес къайгънабиркьути —илди даим гIязабтазиб бирар.
А те, которые стараются ослабить Наши знамения, будут ввергнуты в мучения.
قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ ۚ وَمَا أَنْفَقْتُمْ مِنْ شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ
Бура: «Дила ВегIбекIли Сунела лугъразибад Сунес дигусилис яшавла нигIматуни гьачам эркинни лугули сай, гьачам — даарила кьадар. Рахли хIушани се-биалра кьурбанбарадалли, Илини ил чебихъу; Ил — нигIматуни лугутазивад бегIлара гIяхIси сай!
Скажи: "Воистину, мой Господь увеличивает или ограничивает удел тому из Своих рабов, кому пожелает. Он возместит все, что бы вы ни израсходовали. Он - Наилучший из дарующих удел".
وَيَوْمَ يَحْشُرُهُمْ جَمِيعًا ثُمَّ يَقُولُ لِلْمَلَائِكَةِ أَهَٰؤُلَاءِ إِيَّاكُمْ كَانُوا يَعْبُدُونَ
Кьиямала бархIи илди лебилра Илини бурчу, гIур малайкунази хьарбиу: «Ишдани хIушаб икрам бирибу?»
В тот день Он соберет их всех, а затем скажет ангелам: "Это они поклонялись вам?"
قَالُوا سُبْحَانَكَ أَنْتَ وَلِيُّنَا مِنْ دُونِهِمْ ۖ بَلْ كَانُوا يَعْبُدُونَ الْجِنَّ ۖ أَكْثَرُهُمْ بِهِمْ مُؤْمِنُونَ
Илдани иру: «Деза биаб ХIед! Ишди ахIенну, ХIу сайри нушала хъарихъ! Ишдани икрам бируси нушаб ахIенрину, жунжрас сабри: ишдазибад бахъалти илдачи бирхули саби!»
Они скажут: "Пречист Ты! Ты - наш Покровитель, а не они. Они поклонялись джиннам, и большинство их веровали именно в них".
فَالْيَوْمَ لَا يَمْلِكُ بَعْضُكُمْ لِبَعْضٍ نَفْعًا وَلَا ضَرًّا وَنَقُولُ لِلَّذِينَ ظَلَمُوا ذُوقُوا عَذَابَ النَّارِ الَّتِي كُنْتُمْ بِهَا تُكَذِّبُونَ
Кьиямала бархIи илдани цалис цали я кумекбарес, я зарал барес хIебирар. Ва бархьагартили бирутази Нушани ирехIе: «ИшбархIиличи бикайчи хIушани къянализи халбируси жагьаннабла цIала гIязаб чIямбарая!»
Сегодня вы не можете принести друг другу ни пользы, ни вреда. Мы скажем беззаконникам: "Вкусите мучения в Огне, который вы считали ложью!"
وَإِذَا تُتْلَىٰ عَلَيْهِمْ آيَاتُنَا بَيِّنَاتٍ قَالُوا مَا هَٰذَا إِلَّا رَجُلٌ يُرِيدُ أَنْ يَصُدَّكُمْ عَمَّا كَانَ يَعْبُدُ آبَاؤُكُمْ وَقَالُوا مَا هَٰذَا إِلَّا إِفْكٌ مُفْتَرًى ۚ وَقَالَ الَّذِينَ كَفَرُوا لِلْحَقِّ لَمَّا جَاءَهُمْ إِنْ هَٰذَا إِلَّا سِحْرٌ مُبِينٌ
Нушала гIячихъти аятуни илдас дучIухIели, илди бикIули саби: «Ил — чIянкIли адамцун сай; илис дигули сай хIушала дудешунани чус икрам бирутачирад хIуша гIелумдизахъес!» Илди гIурра бикIутири: «Ил — пикрибарибси къянала хабар саби!» Чучи бархьдеш бакIили гIергъи капурти иличила бикIули саби: «Ил — чIянкIли сихIрукьядешцун саби!»
Когда им читают Наши ясные аяты, они говорят: "Это - всего лишь мужчина, который хочет удержать вас от того, чему поклонялись ваши отцы". Они говорят: "Это - всего лишь вымышленная ложь". А те, которые не уверовали в истину, когда она явилась к ним, говорят: "Это - всего лишь очевидное колдовство".
وَمَا آتَيْنَاهُمْ مِنْ كُتُبٍ يَدْرُسُونَهَا ۖ وَمَا أَرْسَلْنَا إِلَيْهِمْ قَبْلَكَ مِنْ نَذِيرٍ
Чули делчIес биэсти табтурти Нушани илдас хIегира ва хIед гьалав илдачи насихIятчи вархьхIерхьира.
Мы не даровали им Писаний, которые они могли бы изучить, и не посылали к ним до тебя предостерегающего увещевателя.
وَكَذَّبَ الَّذِينَ مِنْ قَبْلِهِمْ وَمَا بَلَغُوا مِعْشَارَ مَا آتَيْنَاهُمْ فَكَذَّبُوا رُسُلِي ۖ فَكَيْفَ كَانَ نَكِيرِ
Илдас гьалабтира къянбачи бирхутири; ишдас гибсила вецIал бутIала ца бутIара Нушани илдас хIегира ва Нушала вакилти илдани къянбартази халбирутири. Агь, дила гIясидеш сегъунарил багьадалри!
Те, которые были до них, сочли лжецами посланников. Они (мекканские многобожники) не получили даже десятой части того, что Мы даровали им, однако они сочли лжецами Моих посланников. Каким же было Мое обличение!
قُلْ إِنَّمَا أَعِظُكُمْ بِوَاحِدَةٍ ۖ أَنْ تَقُومُوا لِلَّهِ مَثْنَىٰ وَفُرَادَىٰ ثُمَّ تَتَفَكَّرُوا ۚ مَا بِصَاحِبِكُمْ مِنْ جِنَّةٍ ۚ إِنْ هُوَ إِلَّا نَذِيرٌ لَكُمْ بَيْنَ يَدَيْ عَذَابٍ شَدِيدٍ
Бура: «Нуни хIушаб чIянкIли ца насихIят лугас: Аллагьла гьалаб тIашдилзеная кIикIили яра ца-цали; илхIели хIушани баладая хIушала юлдаш шайтIанни лагусварили хIейъни, ил кахси гIязаблизирад хIуша дерцахъес дигуси насихIятчицун сайни».
Скажи: "Я призываю вас только к одному: встаньте ради Аллаха по двое и по одному, а потом призадумайтесь. Ваш товарищ не является бесноватым. Он лишь предостерегает вас перед наступлением тяжких мучений".
قُلْ مَا سَأَلْتُكُمْ مِنْ أَجْرٍ فَهُوَ لَكُمْ ۖ إِنْ أَجْرِيَ إِلَّا عَلَى اللَّهِ ۖ وَهُوَ عَلَىٰ كُلِّ شَيْءٍ شَهِيدٌ
Бура: «Нуни хIушазибад савгъат тIалабхIебарира: ил— хIушазиб саби. Наб савгъат — чIянкIли Аллагьла шайчибадцун саби: Ил — гьар баркьудилис бикьри сай!»
Скажи: "То вознаграждение, которое я прошу от вас, предназначено вам самим, а меня вознаградит только Аллах. Он - Свидетель всякой вещи".
قُلْ إِنَّ رَبِّي يَقْذِفُ بِالْحَقِّ عَلَّامُ الْغُيُوبِ
Бура: «Дила ВегIбекIли буруси — мар саби: Ил — дигIянати секIултира далан сай!»
Скажи: "Воистину, мой Господь ниспосылает истину (или бросает истину в ложь). Он - Ведающий сокровенное".
قُلْ جَاءَ الْحَقُّ وَمَا يُبْدِئُ الْبَاطِلُ وَمَا يُعِيدُ
Бура: «Бадхьдеш бакIили саби ва гьатIи къяна лябхIякъян, чархIебулхъан!»
Скажи: "Явилась истина, и ложь ничего больше не породит и не вернется".
قُلْ إِنْ ضَلَلْتُ فَإِنَّمَا أَضِلُّ عَلَىٰ نَفْسِي ۖ وَإِنِ اهْتَدَيْتُ فَبِمَا يُوحِي إِلَيَّ رَبِّي ۚ إِنَّهُ سَمِيعٌ قَرِيبٌ
Бура: «Рахли ну чеввалкIасли, — наб вайдешлисцун чевулкIулра, эгер ну бархьси гьунчивад вашули виасли, — ил набзи дила ВегIбекIли гIеббурили сай. Гьарли-марли, Ил — гьар секIал иргъан, гъамси сай!»
Скажи: "Если я заблуждаюсь, то заблуждаюсь только во вред себе. Если же я следую прямым путем, то только благодаря тому, что внушил мне мой Господь. Воистину, Он - Слышащий, Близкий".
وَلَوْ تَرَىٰ إِذْ فَزِعُوا فَلَا فَوْتَ وَأُخِذُوا مِنْ مَكَانٍ قَرِيبٍ
Агь, хIуни чебаадлири бебшес чула ахъри агархIели ва хапли буцибхIели, илди севан кахбирарал!
Если бы ты видел, как они будут напуганы. Они не смогут сбежать и будут схвачены поблизости.
وَقَالُوا آمَنَّا بِهِ وَأَنَّىٰ لَهُمُ التَّنَاوُشُ مِنْ مَكَانٍ بَعِيدٍ
Илдани иру: «Нуша Иличи дирхулра!» Амма Иличибад итцад гьарахъли бирути илди гьанна Иличи секьяйдали гъамбирути?
Они скажут: "Мы уверовали в это!" Но как им обрести веру или заслужить прощение в таком далеком месте!
وَقَدْ كَفَرُوا بِهِ مِنْ قَبْلُ ۖ وَيَقْذِفُونَ بِالْغَيْبِ مِنْ مَكَانٍ بَعِيدٍ
Иличи илди гьалабра бирхути ахIенри ва чули багьес хIебирусиличила гъай-мезли биркьутири.
Они не верили в это прежде и делали предположения из далекого места.
وَحِيلَ بَيْنَهُمْ وَبَيْنَ مَا يَشْتَهُونَ كَمَا فُعِلَ بِأَشْيَاعِهِمْ مِنْ قَبْلُ ۚ إِنَّهُمْ كَانُوا فِي شَكٍّ مُرِيبٍ
Аммаки илдалара илдас дигусилара ургаб гьалабиз бирар. Илдас гьалабти халкьанасра илгъуна барибсири, сенахIенну илди ахир агарти ташмишдешуназиб бири.
Между ними и тем, что они пожелают, будет воздвигнута преграда, что прежде произошло с подобными им. Воистину, они терзались смутными сомнениями.