Сура 41 «ГIячихъли дурибти» — Фуссилат (Разъяснены)
Все суры
تَنْزِيلٌ مِنَ الرَّحْمَٰنِ الرَّحِيمِ
Иш — уркIецIичевсили, ряхIмучевсили бархьибси саби.
Ниспосланное от Милостивого, Милосердного
كِتَابٌ فُصِّلَتْ آيَاتُهُ قُرْآنًا عَرَبِيًّا لِقَوْمٍ يَعْلَمُونَ
Кьуръа аятуни бурусиличи пикриличил лехIихъути адамтас гIярабла мезли гIячихъли дурили сари.
является Писанием, аяты которого разъяснены в виде Корана на арабском языке для людей знающих.
بَشِيرًا وَنَذِيرًا فَأَعْرَضَ أَكْثَرُهُمْ فَهُمْ لَا يَسْمَعُونَ
Ил — гIяхIла хабар бихан ва насихIятчи сай, аммаки илдазибад бахъал иличибад гIелумбилзули саби ва иличи лехIихъули ахIен!
Оно возвещает благую весть и предостерегает, однако большинство их отворачивается и не слышит.
وَقَالُوا قُلُوبُنَا فِي أَكِنَّةٍ مِمَّا تَدْعُونَا إِلَيْهِ وَفِي آذَانِنَا وَقْرٌ وَمِنْ بَيْنِنَا وَبَيْنِكَ حِجَابٌ فَاعْمَلْ إِنَّنَا عَامِلُونَ
Илди бикIули саби: «ХIуни нуша жидирутазирад нушала уркIби чебушли кIапIдарили сари, нушала лихIби гIянцIли сари, нушалара хIелара ургаб пардав саби. Ил багьандан хIуни — хIед дигуси бирен, нушани — нушаб къулайси бирехIе!»
Они говорят: "Наши сердца закрыты для того, к чему ты призываешь нас, наши уши поражены глухотой, а между нами и тобой - завеса. Трудись же, и мы будем трудиться".
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ فَاسْتَقِيمُوا إِلَيْهِ وَاسْتَغْفِرُوهُ ۗ وَوَيْلٌ لِلْمُشْرِكِينَ
Бура: «Нура тяп хIушагъуна адам сайра; набзи багьахъурли саби нушала аллагь — лебтасалра цаси Аллагь виъни. Илис марли диреная ва хIушачивад чеверхахъес Илизи тиладибая; бахъал аллагьунартас,
Скажи: "Я - такой же человек, как и вы. Мне внушено в откровении, что ваш бог - Бог Единственный. Идите к Нему прямым путем и просите у Него прощения. И горе многобожникам,
الَّذِينَ لَا يُؤْتُونَ الزَّكَاةَ وَهُمْ بِالْآخِرَةِ هُمْ كَافِرُونَ
закат хIебирутас ва ахиратличи хIебирхутас лебгIеб кахси танбихI бирар!»,
которые не выплачивают закята и не веруют в Последнюю жизнь".
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ
Аллагьличи бирхутас ва гIяхIдеш бирутас биалли — кахIебурхуси шабагъат бирар!
Воистину, тем, которые уверовали и совершали праведные деяния, уготована неиссякаемая награда.
قُلْ أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ وَتَجْعَلُونَ لَهُ أَنْدَادًا ۚ ذَٰلِكَ رَبُّ الْعَالَمِينَ
Бура: «Марлира, кIел бархIили ванза акIахъубсиличи хIуша хIедирхулрав ва Илала дурабад илдигъунти гIурра аллагьуни лебниличи дирхулрав? ИлкIун — мусни-зубрала ВегIбекI сай!
Скажи: "Неужели вы не веруете в Того, Кто создал землю за два дня, и равняете с Ним других? Он же - Господь миров.
وَجَعَلَ فِيهَا رَوَاسِيَ مِنْ فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا فِي أَرْبَعَةِ أَيَّامٍ سَوَاءً لِلسَّائِلِينَ
Илини ванзаличир ахъти дубурти тIашдатур, ванзалис гIяхIдеш балгун, ва иличир авал бархIила духIнар берк-берж лебилтас цугли дутIиб.
Он воздвиг над землей незыблемые горы, наделил ее благодатью и распределил на ней пропитание для страждущих (или для тех, кто спрашивает) за четыре полных дня.
ثُمَّ اسْتَوَىٰ إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ
ГIур Илини гавличи мешути зубри дариб, ила ацIиб ва илдазира ванзализира иб: «Набчи гIяхIулали яра гужли дакIая!» Илди кIилилра иб: «ГIяхIулали ляркьулра».
Потом Он обратился к небу, которое было дымом, и сказал ему и земле: "Придите по доброй воле или против воли". Они сказали: "Мы придем по доброй воле".
فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَىٰ فِي كُلِّ سَمَاءٍ أَمْرَهَا ۚ وَزَيَّنَّا السَّمَاءَ الدُّنْيَا بِمَصَابِيحَ وَحِفْظًا ۚ ذَٰلِكَ تَقْدِيرُ الْعَزِيزِ الْعَلِيمِ
Ва Илини кIел бархIили верхIдехI зубри дариб, гьар заклис Сунени барес гIягIниси къуллукъ кабизахъур. БегIлара гIяшти зубри Нушани чиргъмачил жагадарира ва илдас къарауйчи кадатурра. Илгъуна сабри чевяхIсила, гIякьлучевсила амру.
Он сотворил их семью небесами за два дня и внушил каждому небу его обязанности. Мы украсили нижнее небо светильниками и оберегаем его (или для оберегания его). Таково предопределение Могущественного, Знающего".
فَإِنْ أَعْرَضُوا فَقُلْ أَنْذَرْتُكُمْ صَاعِقَةً مِثْلَ صَاعِقَةِ عَادٍ وَثَمُودَ
Рахли илди хIечибад гIелумбилзалли, илдази бура: «Ад ва Самуд халкьани къирбарибтигъунти кахти къукъулямцIли хIушара талапдирурая или хIушази балахъулра».
Если же они отвернутся, то скажи: "Я предостерегаю вас от мучений, подобных мучениям адитов и самудян".
إِذْ جَاءَتْهُمُ الرُّسُلُ مِنْ بَيْنِ أَيْدِيهِمْ وَمِنْ خَلْفِهِمْ أَلَّا تَعْبُدُوا إِلَّا اللَّهَ ۖ قَالُوا لَوْ شَاءَ رَبُّنَا لَأَنْزَلَ مَلَائِكَةً فَإِنَّا بِمَا أُرْسِلْتُمْ بِهِ كَافِرُونَ
ХIера илдачи гьар шайчибад вакилти баши ва бикIи: «Аллагьлис ахIи, гIур чисалра икрам мабиридая!» Илдани жаваб луги: «Рахли нушала ВегIбекIлис дигули виалри, малайкуни бурхьи, хIушани дурутачи биалли — нуша дирхули ахIенра» .
Посланники приходили к ним спереди и сзади: "Не поклоняйтесь никому, кроме Аллаха". Они же говорили: "Если бы наш Господь захотел, то ниспослал бы ангелов. Воистину, Мы не веруем в то, с чем вы посланы".
فَأَمَّا عَادٌ فَاسْتَكْبَرُوا فِي الْأَرْضِ بِغَيْرِ الْحَقِّ وَقَالُوا مَنْ أَشَدُّ مِنَّا قُوَّةً ۖ أَوَلَمْ يَرَوْا أَنَّ اللَّهَ الَّذِي خَلَقَهُمْ هُوَ أَشَدُّ مِنْهُمْ قُوَّةً ۖ وَكَانُوا بِآيَاتِنَا يَجْحَدُونَ
Ад халкь ванзала къакъличиб ихтияр агарли уктембиуб ва бикIи: «Нушачив цIакьси чи лева?» Илдани балули ахIенри саби акIахъубси Аллагь чучив цIакьли виъни ва Нушала хъарбаркьуни кьабулхIедариб.
Что касается адитов, то они возгордились на земле безо всякого права и сказали: "Кто может превзойти нас силой?" Неужели они не видели, что Аллах, Который сотворил их, превосходит их силой? Они отвергали Наши знамения.
فَأَرْسَلْنَا عَلَيْهِمْ رِيحًا صَرْصَرًا فِي أَيَّامٍ نَحِسَاتٍ لِنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَخْزَىٰ ۖ وَهُمْ لَا يُنْصَرُونَ
Иш дунъяличирти гIямрулизиб илдази цIахси танбихIла мягIни багьахъес багьандан къиян-жапала бурхIназиб илдачи Нушани дамхьарайла дягI бархьира; ахиратлизиб бируси танбихI биалли гьатIира цIакьси бирар ва илди илизибад берцес хIебирар!
Мы наслали на них морозный (или завывающий) ветер в злополучные дни, чтобы дать им вкусить муки позора в мирской жизни. А мучения в Последней жизни будут еще более позорными, и им не будет оказана помощь.
وَأَمَّا ثَمُودُ فَهَدَيْنَاهُمْ فَاسْتَحَبُّوا الْعَمَىٰ عَلَى الْهُدَىٰ فَأَخَذَتْهُمْ صَاعِقَةُ الْعَذَابِ الْهُونِ بِمَا كَانُوا يَكْسِبُونَ
Самуд халкьлис Нушани бархьси гьуни чебаахъира, амма илдани бархьдешличиб барскъадеш гьалаб чебаиб ва чула баркьудлуми багьандан илдас кахти къукъу-лямцIличил цIахси танбихI барира.
Что же касается самудян, то Мы указали им на прямой путь, но они предпочли слепоту верному руководству, и их поразила молния унизительных мучений за то, что они приобретали.
وَنَجَّيْنَا الَّذِينَ آمَنُوا وَكَانُوا يَتَّقُونَ
Аллагьличи бирхути ва илизибад урухкIути биалли — Нушани берцахъира.
А тех, которые уверовали и были богобоязненны, Мы спасли.
وَيَوْمَ يُحْشَرُ أَعْدَاءُ اللَّهِ إِلَى النَّارِ فَهُمْ يُوزَعُونَ
Аллагьла душманти жагьаннабла цIала гьала бучибси бархIи, илди, кьукьначи бутIили,
В тот день, когда враги Аллаха будут собраны перед Огнем, их задержут.
حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُمْ بِمَا كَانُوا يَعْمَلُونَ
цIаличи аркухIели, чули дарибтачила илдачи къаршили бикьридеш диру илдала лихIбани, хIулбани, чархла камли.
Когда же они достигнут его, их слух, их взоры и их кожа станут свидетельствовать против них о том, что они совершали.
وَقَالُوا لِجُلُودِهِمْ لِمَ شَهِدْتُمْ عَلَيْنَا ۖ قَالُوا أَنْطَقَنَا اللَّهُ الَّذِي أَنْطَقَ كُلَّ شَيْءٍ وَهُوَ خَلَقَكُمْ أَوَّلَ مَرَّةٍ وَإِلَيْهِ تُرْجَعُونَ
Чула чархла камлизи илдани хьарбиу: «ХIуни нушачи къаршили сен бикьридеш дирулри?» Камли жаваб луга: «Гьариллис гъай гибси Аллагьли набра гъай гиб, гьаланачир хIуша акIахъубти Илини сарри ва хIуша Иличи чарра дулхъадая».
Они скажут своей коже: "Почему вы стали свидетельствовать против нас?" Они скажут: "Нас заставил говорить Аллах, Который заставил говорить всякую вещь". Он сотворил вас в первый раз, и к Нему вы будете возвращены.
وَمَا كُنْتُمْ تَسْتَتِرُونَ أَنْ يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَٰكِنْ ظَنَنْتُمْ أَنَّ اللَّهَ لَا يَعْلَمُ كَثِيرًا مِمَّا تَعْمَلُونَ
ХIушачи къаршили хIушала лихIбани, хIулбани ва камли бикьридеш хIедаресли хIуша дигIяндикес хIедиубрая, аммаки хIушаб гьанбиркусири хIушани дирутазирад дахъал Аллагьли далули ахIен или.
Вы не пытались укрыться от свидетельств вашего слуха, ваших взоров и вашей кожи. Но вы предполагали, что Аллах не знает многого из того, что вы совершали.
وَذَٰلِكُمْ ظَنُّكُمُ الَّذِي ظَنَنْتُمْ بِرَبِّكُمْ أَرْدَاكُمْ فَأَصْبَحْتُمْ مِنَ الْخَاسِرِينَ
ХIушала ВегIбекIличила хIушала илгъуна пикрили хIуша талапдарирая ва хIуша талихIагартала лугIилизир урдухъунрая.
Эти ваши предположения, которые вы делали о вашем Господе, погубили вас, и вы оказались одними из потерпевших убыток.
فَإِنْ يَصْبِرُوا فَالنَّارُ مَثْوًى لَهُمْ ۖ وَإِنْ يَسْتَعْتِبُوا فَمَا هُمْ مِنَ الْمُعْتَبِينَ
Ил багьандан, эгер хIушани итаб сабур барадалли, цIа — хIушала мерли бирар, рахли уркIецIи барахъес тиладибарадалра — хIуша чучи уркIецIи бирутала лугIилизир урхIедулхъадая.
Если даже они проявят терпение, их обителью будет Огонь. Если же они попросят о благосклонности, то к ним не будут благосклонны (или если к ним проявят благосклонность, то они не станут искать благосклонности).
وَقَيَّضْنَا لَهُمْ قُرَنَاءَ فَزَيَّنُوا لَهُمْ مَا بَيْنَ أَيْدِيهِمْ وَمَا خَلْفَهُمْ وَحَقَّ عَلَيْهِمُ الْقَوْلُ فِي أُمَمٍ قَدْ خَلَتْ مِنْ قَبْلِهِمْ مِنَ الْجِنِّ وَالْإِنْسِ ۖ إِنَّهُمْ كَانُوا خَاسِرِينَ
Нушани илдачи юлдашуни бархьира: илдани илдала ахиратлизиб бирусира, илдала гьаларла, иш дунъяличирти гIямрулизиб лебсира илдази иштяхIдухъесли чебиахъусири; илдас гьалаб бирути адамтасра жунжрасра барибси танбихI илдасра кьадарбиуб ва илди талихIагартала лугIилизиб уббухъун.
Мы приставили к ним товарищей, которые представили им прекрасным их настоящее и будущее, и сбылось Слово относительно них и относительно живших до них народов из числа джиннов и людей. Воистину, они были потерпевшими убыток.
وَقَالَ الَّذِينَ كَفَرُوا لَا تَسْمَعُوا لِهَٰذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ
Капуртани иб: «Ил Кьуръан бучIухIели лехIмайхъудая ва цархIилтазира адхIергъахъес, гьанбикибси бурули, ахъли гъайдикIеная!» Ил багьандан Нушани капуртачи чевкъахъехIе кахси гIязаб чIямбарахъес!
Неверующие сказали: "Не слушайте этот Коран, а начинайте говорить вздор (опровергайте его любым способом или шумите во время его чтения). Быть может, вы одержите верх".
فَلَنُذِيقَنَّ الَّذِينَ كَفَرُوا عَذَابًا شَدِيدًا وَلَنَجْزِيَنَّهُمْ أَسْوَأَ الَّذِي كَانُوا يَعْمَلُونَ
Ва илдани дарибти вайти баркьудлуми багьандан Нушани илдас чеббирцIехIе.
Мы непременно дадим неверующим вкусить тяжкие мучения и воздадим им за наихудшее из того, что они совершали.
ذَٰلِكَ جَزَاءُ أَعْدَاءِ اللَّهِ النَّارُ ۖ لَهُمْ فِيهَا دَارُ الْخُلْدِ ۖ جَزَاءً بِمَا كَانُوا بِآيَاتِنَا يَجْحَدُونَ
Аллагьла душмантас чеббицIнили бирар — жагьаннабла цIа: Нушала хъарбаркьуни мучлаагардирни багьандан, илдас ил — саби даим бируси мерли бирар.
Таково воздаяние врагам Аллаха! Огонь! В нем будет их Вечная обитель в воздаяние за то, что они отвергали Наши знамения.
وَقَالَ الَّذِينَ كَفَرُوا رَبَّنَا أَرِنَا اللَّذَيْنِ أَضَلَّانَا مِنَ الْجِنِّ وَالْإِنْسِ نَجْعَلْهُمَا تَحْتَ أَقْدَامِنَا لِيَكُونَا مِنَ الْأَسْفَلِينَ
Капуртани илхIели иру: «Нушала ВегIбекI! Нуша чердалкIахъунти жунжразибадти ва адамтазибадти нушази чебаахъа: илди нушани кьяшмау кабирхьехIе, илдала лебира убяхIдеш чебаахъес багьандан!»
Неверующие скажут: "Господь наш! Покажи нам тех джиннов и людей, которые ввели нас в заблуждение. Мы бросим их себе под ноги, чтобы они были самыми низкими".
إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ
«Нушала ВегIбекI — Аллагь сай» бикIутачи ва гIур бархьси гьунчибад башутачи малайкуни кабицIур, ишкьяйда бикIули: «урухмадирудая ва пашманмадирудая, хIушаб чеасибси алжаналичила гIяхIла хабарличи разидеш биреная!»
Воистину, к тем, которые сказали: "Наш Господь - Аллах", - а потом были стойки, нисходят ангелы: "Не бойтесь и не печальтесь, а возрадуйтесь Раю, который был обещан вам.
نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ ۖ وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ
Нуша — иш дунъяличирти гIямрулизирра ахиратлизирра хIуша гIердурцанти сарра. Ахиратлизир хIушаб хIушала уркIилис дигути дирар; илаб хIушани се тиладибарадалра — ил хIушала гьалаб бирар.
Мы - ваши помощники (или хранители) в мирской жизни и Последней жизни. Вам там уготовано все, чего пожелают ваши души! Вам там уготовано все, о чем вы попросите!
نُزُلًا مِنْ غَفُورٍ رَحِيمٍ
Илдигъунти гIяхIдешуни диру чевкархусили ва уркIецIичевсили.
Таково угощение от Прощающего, Милосердного".
وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ
Аллагьлизи улгусила, гIяхIдеш бирусила ва «Ну — Илис мутIигIтазивад ца сайра!» викIусила гъайличиб гьатIи се пергерсили биэс бирара!
Чья речь прекраснее, чем речь того, кто призывает к Аллаху, поступает праведно и говорит: "Воистину, я - один из мусульман"?
وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ
ГIяхIдешра вайдешра цагъунти ахIен. Вайдеш гIяхIдешличил тяйдибирен ва илхIели хIела душман хIед гъамсили, марси юлдашли ветарар.
Не равны добро и зло. Оттолкни зло тем, что лучше, и тогда тот, с кем ты враждуешь, станет для тебя словно близкий любящий родственник.
وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ
Аммаки илгъуна сархуси саби чIянкIли сабурчебтаницун, илгъуна сархуси саби чIянкIли талихIчебтаницун.
Но не будет это даровано никому, кроме тех, кто проявляет терпение, и не будет это даровано никому, кроме тех, кто обладает великой долей.
وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْعَلِيمُ
Рахли хIу шайтIай сегъуна-биалра вайдеш барахъес гьирвирули виадли, хIед кумекбарахъес Аллагьлизи тиладибара: ИлиникIун — гьар секIал иргъули сай, гьар секIал далули сай.
А если тебя коснется наваждение от сатаны, то прибегай к защите Аллаха, ибо Он - Слышащий, Знающий.
وَمِنْ آيَاتِهِ اللَّيْلُ وَالنَّهَارُ وَالشَّمْسُ وَالْقَمَرُ ۚ لَا تَسْجُدُوا لِلشَّمْسِ وَلَا لِلْقَمَرِ وَاسْجُدُوا لِلَّهِ الَّذِي خَلَقَهُنَّ إِنْ كُنْتُمْ إِيَّاهُ تَعْبُدُونَ
Илала гIяламатунала лугIилизир сари дуги ва бархIи, БерхIи ва Бац. Аммаки я БерхIилис я Бацлис икрам мабиридаяну, илди акIахъубси Аллагьлис икрам биреная, рахли хIушани Илала хIурмат бирули диадалли!
Среди Его знамений - ночь и день, солнце и луна. Не падайте ниц перед солнцем и луной, а падайте ниц перед Аллахом, Который сотворил их, если Ему вы поклоняетесь.
فَإِنِ اسْتَكْبَرُوا فَالَّذِينَ عِنْدَ رَبِّكَ يُسَبِّحُونَ لَهُ بِاللَّيْلِ وَالنَّهَارِ وَهُمْ لَا يَسْأَمُونَ ۩
Рахли илди уктембиалли, илдани багьаб хIела ВегIбекIличиб сабтани Илис дугелира хIерелира бамсри агарли деза бирули биъни.
Если же они возгордятся, то ведь находящиеся возле твоего Господа прославляют Его ночью и днем, и им это не наскучивает.
وَمِنْ آيَاتِهِ أَنَّكَ تَرَى الْأَرْضَ خَاشِعَةً فَإِذَا أَنْزَلْنَا عَلَيْهَا الْمَاءَ اهْتَزَّتْ وَرَبَتْ ۚ إِنَّ الَّذِي أَحْيَاهَا لَمُحْيِي الْمَوْتَىٰ ۚ إِنَّهُ عَلَىٰ كُلِّ شَيْءٍ قَدِيرٌ
Илала гIяламатуназибад саби хIуни бухъутIбиубли чебиуси ванза; амма иличи Нушани шин дархьаахIелли, ил мицIирбирули саби, шинишбирули саби. Ил мицIирбирусили — бебкIибтира мицIирбиру. АллагькIун — гьар се-секIайчив цIакьси сай!
Среди Его знамений - то, что ты видишь землю иссохшей, но когда Мы ниспосылаем на нее воду, она приходит в движение и набухает. Воистину, Тот, Кто оживил ее, непременно оживит мертвецов. Он способен на всякую вещь.
إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا ۗ أَفَمَنْ يُلْقَىٰ فِي النَّارِ خَيْرٌ أَمْ مَنْ يَأْتِي آمِنًا يَوْمَ الْقِيَامَةِ ۚ اعْمَلُوا مَا شِئْتُمْ ۖ إِنَّهُ بِمَا تَعْمَلُونَ بَصِيرٌ
Нушала хъарбаркьуначи къаршили кабилзути — Нушазибад дигIянбикес хIебирар! Кьиямала бархIи жагьаннабла цIализи лайикIуси имцIали талихIчевлив яра урехиагарли алжанализи айцIуси? ХIушаб дигуси биреная: хIушани дирути Аллагьли чедиули сай!
Воистину, те, которые уклоняются по поводу Наших аятов, не сокрыты от Нас. Тот, кто будет брошен в Огонь, лучше или тот, кто в День воскресения явится, будучи в безопасности? Поступайте, как пожелаете! Он видит то, что вы совершаете.
إِنَّ الَّذِينَ كَفَرُوا بِالذِّكْرِ لَمَّا جَاءَهُمْ ۖ وَإِنَّهُ لَكِتَابٌ عَزِيزٌ
Чучи бакIибхIели, иш гIилму уббирхъутира Нушазибад дигIянбикес хIебирар. Гьарли-марли, иш дурхъаси табтар саби!
Воистину, те, которые не уверовали в Напоминание, когда оно дошло до них, будут наказаны. Воистину, это - могущественное Писание.
لَا يَأْتِيهِ الْبَاطِلُ مِنْ بَيْنِ يَدَيْهِ وَلَا مِنْ خَلْفِهِ ۖ تَنْزِيلٌ مِنْ حَكِيمٍ حَمِيدٍ
Иличи къяна я гьалабад я гIелабад гъамбиэс хIебирар; ил — чевяхIсили, гIякьлучевсили бархьибси саби.
Ложь не подберется к нему ни спереди, ни сзади. Оно ниспослано от Мудрого, Достохвального.
مَا يُقَالُ لَكَ إِلَّا مَا قَدْ قِيلَ لِلرُّسُلِ مِنْ قَبْلِكَ ۚ إِنَّ رَبَّكَ لَذُو مَغْفِرَةٍ وَذُو عِقَابٍ أَلِيمٍ
ХIед гьалабти идбагунази багьахъурси саби хIезира багьахъурси. Чевкархесра чIумаси танбихI биресра ари — гьайгьайра, хIела ВегIбекIлизиб саби!
Тебе будет сказано только то, что было сказано посланникам до тебя. Воистину, твой Господь обладает прощением и обладает мучительным наказанием.
وَلَوْ جَعَلْنَاهُ قُرْآنًا أَعْجَمِيًّا لَقَالُوا لَوْلَا فُصِّلَتْ آيَاتُهُ ۖ أَأَعْجَمِيٌّ وَعَرَبِيٌّ ۗ قُلْ هُوَ لِلَّذِينَ آمَنُوا هُدًى وَشِفَاءٌ ۖ وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى ۚ أُولَٰئِكَ يُنَادَوْنَ مِنْ مَكَانٍ بَعِيدٍ
Рахли Нушани Кьуръан гIярабла ахIи цархIилти мезличил бархьибси биалри, илдани сеннира ири: «Нагагьладан ишала аятуни аргъесли дурибти диалри! ГIярабли ил сен цархIилти мезличил буруси?» Бура: «Аллагьличи бирхутас иш — кьиблама ва берцуди саби; капурти биалли — гIянцIти саби ва илдас иш — сунезиб селра чехIебиуси цIябдеш саби, илди — чузи гьарахълавад вявикIутигъунти саби».
Если бы Мы сделали его Кораном не на арабском языке, то они непременно сказали бы: "Почему его аяты не разъяснены? Неарабская речь и араб?" Скажи: "Он является верным руководством и исцелением для тех, которые уверовали. А уши неверующих поражены глухотой, и они слепы к нему. Это - те, к которым взывают издалека".
وَلَقَدْ آتَيْنَا مُوسَى الْكِتَابَ فَاخْتُلِفَ فِيهِ ۗ وَلَوْلَا كَلِمَةٌ سَبَقَتْ مِنْ رَبِّكَ لَقُضِيَ بَيْنَهُمْ ۚ وَإِنَّهُمْ لَفِي شَكٍّ مِنْهُ مُرِيبٍ
Нушани гьалаб Мусас Таврат гира ва иличилара жалти акIуб; эгер хIела ВегIбекIла гъай гьалабухъи хIебакIибси биалри, чула ургарти жалти илдани ирзи. Илди иличила ахир агарти ташмишдешуназиб ва васвасъалализиб саби.
Мы даровали Мусе (Моисею) Писание, но по его поводу возникли разногласия. И если бы не было прежде Слова от твоего Господа, то спор их был бы решен. Воистину, они испытывают смутные сомнения относительно него (Корана).
مَنْ عَمِلَ صَالِحًا فَلِنَفْسِهِ ۖ وَمَنْ أَسَاءَ فَعَلَيْهَا ۗ وَمَا رَبُّكَ بِظَلَّامٍ لِلْعَبِيدِ
Чили гIяхIдеш бирули виалра, — илини ил бирули сай сунес, чили вайдеш бирули виалра — илинира ил бирули сай сунес: хIела Аллагь Сунела лугърачи вархьагарли хIейрар.
Кто поступает праведно, тот поступает во благо себе. А кто творит зло, тот поступает во вред себе. Господь твой не поступает несправедливо со Своими рабами.
إِلَيْهِ يُرَدُّ عِلْمُ السَّاعَةِ ۚ وَمَا تَخْرُجُ مِنْ ثَمَرَاتٍ مِنْ أَكْمَامِهَا وَمَا تَحْمِلُ مِنْ أُنْثَىٰ وَلَا تَضَعُ إِلَّا بِعِلْمِهِ ۚ وَيَوْمَ يُنَادِيهِمْ أَيْنَ شُرَكَائِي قَالُوا آذَنَّاكَ مَا مِنَّا مِنْ شَهِيدٍ
Кьиямала бархIи мурт сабиурал ца Илиницун саби балуси; Илала пурбан агарли вавназирад цIедешра хIедашар, гажа мицIирагли дурхIяра хIебиркьу. Кьиямала бархIи Илини илдази хьарбиу: «Дила дурабад хIушани аллагьунази халбирути чинаба»? Илдани иру: «Нушазивад цалилра илди чехIебаира или ХIези хъя бирулра!»
К Нему восходит знание о Часе. Не вырастет ни один плод из завязи, не понесет и не родит ни одна самка без Его ведома. В тот день, когда Он воззовет к ним: "Где же Мои сотоварищи?" - они скажут: "Мы дали тебе знать, что никто из нас не станет свидетельствовать".
وَضَلَّ عَنْهُمْ مَا كَانُوا يَدْعُونَ مِنْ قَبْلُ ۖ وَظَنُّوا مَا لَهُمْ مِنْ مَحِيصٍ
Чузи гьалаб илди булгути илдачибад кIунбацIиб ва чус берцуди агни илдани багьур.
Те, к кому они взывали прежде, покинут их, и они обретут уверенность в том, что не смогут сбежать.
لَا يَسْأَمُ الْإِنْسَانُ مِنْ دُعَاءِ الْخَيْرِ وَإِنْ مَسَّهُ الشَّرُّ فَيَئُوسٌ قَنُوطٌ
Адам сунес давла имцIабиахъес бамсри агарли улгули сай, амма рахли сунечи вайдеш къячбикалли, ил уркIулхъули, дагьвирули сай.
Человеку не наскучивает молить о добре, но если его коснется вред, то он отчаивается и теряет надежду.
وَلَئِنْ أَذَقْنَاهُ رَحْمَةً مِنَّا مِنْ بَعْدِ ضَرَّاءَ مَسَّتْهُ لَيَقُولَنَّ هَٰذَا لِي وَمَا أَظُنُّ السَّاعَةَ قَائِمَةً وَلَئِنْ رُجِعْتُ إِلَىٰ رَبِّي إِنَّ لِي عِنْدَهُ لَلْحُسْنَىٰ ۚ فَلَنُنَبِّئَنَّ الَّذِينَ كَفَرُوا بِمَا عَمِلُوا وَلَنُذِيقَنَّهُمْ مِنْ عَذَابٍ غَلِيظٍ
Сегъунти-биалра къиян-жапала гIергъи рахли Нушани иличи уркIецIи барахIелли, ил хамли викIули сай: «Ил — дила баркьудлуми багьандан наб гибси саби ва кьиямала бархIи сабиъниличи ну вирхули ахIенра. Рахли ну дила ВегIбекIличи чарвируси виасли, гьайгьайра, Илини набчи уркIецIи баресра гIягIниси саби!» Нушани биалли, шакдеш агарли, капуртази чули дарибтачила балахъехIе ва илдази кахси гIязаб чIямбирахъехIе!
Если Мы дадим ему вкусить милость от Нас после того, как его коснется несчастье, то он непременно скажет: "Вот это - для меня, и я не думаю, что настанет Час. Если же я буду возвращен к моему Господу, то у Него для меня обязательно будет уготовано наилучшее". Мы непременно поведаем неверующим о том, что они совершили, и дадим им вкусить жестокие мучения.
وَإِذَا أَنْعَمْنَا عَلَى الْإِنْسَانِ أَعْرَضَ وَنَأَىٰ بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيضٍ
Нушани адамличи уркIецIи барахIелли, ил — Нушачивад гIелумилзули сай ва гьарахъиркули сай. Рахли сунечи къиян-жапа чедакIалли, — ил ахир агарти балга-дугIялизи ихъули сай.
Если Мы одаряем человека благами, он отворачивается и удаляется (или превозносится). Если же его касается зло, он начинает произносить пространные молитвы.
قُلْ أَرَأَيْتُمْ إِنْ كَانَ مِنْ عِنْدِ اللَّهِ ثُمَّ كَفَرْتُمْ بِهِ مَنْ أَضَلُّ مِمَّنْ هُوَ فِي شِقَاقٍ بَعِيدٍ
Бура: «Марлира, гIячихъли ахIену ил Аллагьличибад биайчи Нушани илдази Нушала аятуни илди чула уркIбазирра илди улкназирра чедиахъехIе. Чула ВегIбекI гьар се-секIайс бикьри сайни багьалли илдас хIебаибсив?
Скажи: "Не думали ли вы о том, что будет, если он (Коран) - от Аллаха, а вы не веруете в него? Кто может быть более заблудшим, чем находящийся в глубоком разладе с истиной?"
سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ
Ил — Аллагьли бархьибси бархьдеш биъни илдас гIячихъбиайчи Нушани илдази Нушала аятуни илди чула уркIбазирра илди улкназирра чедиахъехIе. Чула ВегIбекI гьар се-секIайс бикьри сайни багьалли илдас хIебаибсив?
Мы покажем им Наши знамения по свету и в них самих, пока им не станет ясно, что это есть истина. Неужели не достаточно того, что твой Господь является Свидетелем всякой вещи?
أَلَا إِنَّهُمْ فِي مِرْيَةٍ مِنْ لِقَاءِ رَبِّهِمْ ۗ أَلَا إِنَّهُ بِكُلِّ شَيْءٍ مُحِيطٌ
Ца тамашагу! Илди чула ВегIбекIличил гьунибиъниличи ташмишбикIули саби! Багъирагу: Илини гьар се-секIал далули сай!
Воистину, они сомневаются во встрече со своим Господом. Воистину, Он объемлет всякую вещь.