Сура 42 «Гингиш» — Аш-Шура (Совет)

حم

ХӀа. Мим.

Ха. Мим.

عسق

ГӀайн. Син. Кьаф.

Айн. Син. Каф.

كَذَٰلِكَ يُوحِي إِلَيْكَ وَإِلَى الَّذِينَ مِنْ قَبْلِكَ اللَّهُ الْعَزِيزُ الْحَكِيمُ

ХӀед гьалабтази кьяйдали, хӀезира дигӀяндеш балахъули сай цӀакьси, гӀякьлучевси Аллагьли!

Так внушает откровение тебе и твоим предшественникам Аллах Могущественный, Мудрый.

لَهُ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَلِيُّ الْعَظِيمُ

Зубрачриртира ванзала къакъличиртира гьар се-секӀал Илала арилизир сари; Ил — чевяхӀси, пасихӀси сай!

Ему принадлежит то, что на небесах, и то, что на земле. Он - Возвышенный, Великий.

تَكَادُ السَّمَاوَاتُ يَتَفَطَّرْنَ مِنْ فَوْقِهِنَّ ۚ وَالْمَلَائِكَةُ يُسَبِّحُونَ بِحَمْدِ رَبِّهِمْ وَيَسْتَغْفِرُونَ لِمَنْ فِي الْأَرْضِ ۗ أَلَا إِنَّ اللَّهَ هُوَ الْغَفُورُ الرَّحِيمُ

Малайкунани чула ВегӀбекӀличила деза бирухӀели ва ванзала къакъличибтачивад чеверхахъес Илизи тиладибикӀухӀели, зубри дягӀули гьаргдиэс хӀядурли сари. Ил тамашара ахӀен! АллагькӀун — чевкархан, уркӀецӀичевси сай!

Небеса готовы разверзнуться сверху (от величия Аллаха; или от многочисленных ангелов; или от слов многобожников). Ангелы прославляют хвалой своего Господа и просят прощения для тех, кто на земле. Воистину, Аллах - Прощающий, Милосердный.

وَالَّذِينَ اتَّخَذُوا مِنْ دُونِهِ أَوْلِيَاءَ اللَّهُ حَفِيظٌ عَلَيْهِمْ وَمَا أَنْتَ عَلَيْهِمْ بِوَكِيلٍ

Сунела дурабад гӀурра цархӀилти аллагьунази булгутачи Аллагьли хӀеруди бузахъули сай, хӀу биалли — илдас жаваб луган ахӀенри.

Аллах является Хранителем для тех, которые взяли себе иных покровителей и помощников помимо Него (сохраняет их злодеяния для того, чтобы они получили воздаяние), и ты не являешься их попечителем и хранителем.

وَكَذَٰلِكَ أَوْحَيْنَا إِلَيْكَ قُرْآنًا عَرَبِيًّا لِتُنْذِرَ أُمَّ الْقُرَىٰ وَمَنْ حَوْلَهَا وَتُنْذِرَ يَوْمَ الْجَمْعِ لَا رَيْبَ فِيهِ ۚ فَرِيقٌ فِي الْجَنَّةِ وَفَرِيقٌ فِي السَّعِيرِ

Шакдеш агарли бируси кьиямала бархӀиличила Маккала ва ил алавти шимала адамтази хӀези багьахъес багьандан Нушани хӀед гӀярабла мезличил Кьуръан бархьира. ЦабехӀ адамти — алжанализиб бирар, цархӀилти — жагьаннаблизиб.

Так Мы внушили тебе в откровении Коран на арабском языке, чтобы ты предостерегал Мать селений (жителей Мекки) и тех, кто вокруг нее, и предостерегал от Дня собрания, в котором нет сомнения. Одна часть людей окажется в Раю, а другая часть окажется в Пламени.

وَلَوْ شَاءَ اللَّهُ لَجَعَلَهُمْ أُمَّةً وَاحِدَةً وَلَٰكِنْ يُدْخِلُ مَنْ يَشَاءُ فِي رَحْمَتِهِ ۚ وَالظَّالِمُونَ مَا لَهُمْ مِنْ وَلِيٍّ وَلَا نَصِيرٍ

Рахли Аллагьлис дигули виалри, илди ца дин бузахъути жамигӀятли бетарахъи, аммаки Илини уркӀецӀи бируси саби Сунес дигусиличи, бархьаргартас биалли — я илди гӀеббурцан, я илдас кумек биран агара!

Если бы Аллах пожелал, то сделал бы их одной общиной верующих. Однако Он вводит в Свою милость того, кого пожелает. А у беззаконников не будет ни покровителя, ни помощника.

أَمِ اتَّخَذُوا مِنْ دُونِهِ أَوْلِيَاءَ ۖ فَاللَّهُ هُوَ الْوَلِيُّ وَهُوَ يُحْيِي الْمَوْتَىٰ وَهُوَ عَلَىٰ كُلِّ شَيْءٍ قَدِيرٌ

Илдани Илала дуравад гӀур чилра саби гӀеббурцанни чевикӀилира? Бархьти гӀеббурцан — Аллагь сай; бебкӀибти мицӀирбирути — Илини саби, гьар се-секӀайчив цӀакьси — Ил сай!

Неужели они взяли себе покровителей и помощников вместо Него? Аллах является Покровителем. Он оживляет мертвых, и Он способен на всякую вещь.

وَمَا اخْتَلَفْتُمْ فِيهِ مِنْ شَيْءٍ فَحُكْمُهُ إِلَى اللَّهِ ۚ ذَٰلِكُمُ اللَّهُ رَبِّي عَلَيْهِ تَوَكَّلْتُ وَإِلَيْهِ أُنِيبُ

ХӀуша-ургарти жалти ирзусира — Аллагь сай. Аллагьличи, дила ВегӀбекӀличи таваккалбирхъулра нуни ва ну Илизи улгулра.

Решение всего, в чем вы расходитесь во мнениях, остается за Аллахом. Скажи: "Таков Аллах, мой Господь! Я уповаю только на Него и к Нему обращаюсь".

فَاطِرُ السَّمَاوَاتِ وَالْأَرْضِ ۚ جَعَلَ لَكُمْ مِنْ أَنْفُسِكُمْ أَزْوَاجًا وَمِنَ الْأَنْعَامِ أَزْوَاجًا ۖ يَذْرَؤُكُمْ فِيهِ ۚ لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ

Ил — мусни-зубри акӀахъубси сай; Илини саррая хӀушара жутли акӀахъубти, мицӀирагра жутли акӀахъубти: илкьяйда дахъдикӀахъулрая хӀуша Илини. Иличи мешуси гӀур чилра ва селра агара. Ил — гьар секӀал иргъан, гьар секӀал чедиан сай!

Творец небес и земли! Он создал для вас супруг из вас самих, а также скот парами. Таким образом Он размножает вас. Нет никого подобного Ему, и Он - Слышащий, Видящий.

لَهُ مَقَالِيدُ السَّمَاوَاتِ وَالْأَرْضِ ۖ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّهُ بِكُلِّ شَيْءٍ عَلِيمٌ

Мусни-зубрала умхьни Илизир сари; Илини яшавлис нигӀматуни Сунес дигусилис яра эркинни лугули сай, яра илдас дазу кабилзахъули сай, сенахӀенну Илини гьар секӀал далули сай!

Ему принадлежат ключи небес и земли. Он увеличивает или ограничивает удел, кому пожелает. Он знает обо всякой вещи.

شَرَعَ لَكُمْ مِنَ الدِّينِ مَا وَصَّىٰ بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَىٰ وَعِيسَىٰ ۖ أَنْ أَقِيمُوا الدِّينَ وَلَا تَتَفَرَّقُوا فِيهِ ۚ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ ۚ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ

Динна шайчиб Илини хӀушачи хъарбариб НухӀлис аманатбарибси, хӀези Нушани багьахъурси, Ибрагьимлисра, Мусасра, ГӀисасра аманатбарибси: «Дин дурусли бузахъеная ва, иличила жалдикӀули, кьукьнадмадиркудая!» Бахъал аллагьунартас бахъ къиянсигу хӀуни илди жибируси секӀал! Аллагьли Сунес дигуси чеввиркӀули сай ва Сунечи дугьаизурси Сунечи аркули сай!

Он узаконил для вас в религии то, что заповедал Нуху (Ною), и то, что Мы внушили тебе в откровении, и то, что Мы заповедали Ибрахиму (Аврааму), Мусе (Моисею) и Исе (Иисусу): "Исповедуйте религию и не расходитесь во мнениях относительно нее". Тяжко для многобожников то, к чему ты их призываешь. Аллах избирает для Себя того, кого пожелает, и направляет к Себе того, кто обращается к Нему.

وَمَا تَفَرَّقُوا إِلَّا مِنْ بَعْدِ مَا جَاءَهُمُ الْعِلْمُ بَغْيًا بَيْنَهُمْ ۚ وَلَوْلَا كَلِمَةٌ سَبَقَتْ مِنْ رَبِّكَ إِلَىٰ أَجَلٍ مُسَمًّى لَقُضِيَ بَيْنَهُمْ ۚ وَإِنَّ الَّذِينَ أُورِثُوا الْكِتَابَ مِنْ بَعْدِهِمْ لَفِي شَكٍّ مِنْهُ مُرِيبٍ

Илдачи иш гӀилму бакӀили гӀергъи, цаличи ца гьимили биркьули, илди декӀар-декӀарти кьукьначи декӀаркабикиб. Ва рахли хӀела ВегӀбекӀла гъай кабизахъурси заманалис гьалабухъи хӀебакӀибси биалри, чула ургарти жалти илдани ирзи. Илдас гӀергъи чус Таврат гибтира иличила ахир агарти ташмишдешуназиб саби.

Они распались только после того, как к ним явилось знание, по причине зависти и несправедливого отношения друг к другу. И если бы не было прежде Слова от твоего Господа об отсрочке до назначенного срока, то их спор был бы решен. Воистину, те, которые унаследовали Писание после них, испытывают к нему смутные сомнения.

فَلِذَٰلِكَ فَادْعُ ۖ وَاسْتَقِمْ كَمَا أُمِرْتَ ۖ وَلَا تَتَّبِعْ أَهْوَاءَهُمْ ۖ وَقُلْ آمَنْتُ بِمَا أَنْزَلَ اللَّهُ مِنْ كِتَابٍ ۖ وَأُمِرْتُ لِأَعْدِلَ بَيْنَكُمُ ۖ اللَّهُ رَبُّنَا وَرَبُّكُمْ ۖ لَنَا أَعْمَالُنَا وَلَكُمْ أَعْمَالُكُمْ ۖ لَا حُجَّةَ بَيْنَنَا وَبَيْنَكُمُ ۖ اللَّهُ يَجْمَعُ بَيْنَنَا ۖ وَإِلَيْهِ الْمَصِيرُ

Амма хӀуни илди иличи жибирен; хӀечи хъарбарили кьяйда, чӀумали кайзи ва илдас дигуси мабирид. Бура: «Аллагьли Кьуръайзиб бархьибсиличи ну вирхулра; хӀушала ургав вархьсили вирахъес набчи хъарбарили саби! Аллагь — нушалара ВегӀбекӀ сай, хӀушалара ВегӀбекӀ сай! Нушаб — нушала къуллукъуни, хӀушаб — хӀушала къуллукъуни. Нушалара хӀушалара ургар жалти-давти диэс гӀягӀнити ахӀен. Нуша - ургар нуша Аллагьли даршудирура; гьар се-секӀал Илини гьунчидуршути сари!»

Посему проповедуй и следуй прямым путем, как тебе было велено. Не потакай их желаниям и говори: "Я уверовал в то, что Аллах ниспослал из Писания, и мне велено относиться к вам справедливо. Аллах - наш Господь и ваш Господь. Нам достанутся наши деяния, а вам - ваши деяния. Нет места доводам (дальнейшим спорам) между нами и вами. Аллах соберет всех нас, и к Нему предстоит прибытие".

وَالَّذِينَ يُحَاجُّونَ فِي اللَّهِ مِنْ بَعْدِ مَا اسْتُجِيبَ لَهُ حُجَّتُهُمْ دَاحِضَةٌ عِنْدَ رَبِّهِمْ وَعَلَيْهِمْ غَضَبٌ وَلَهُمْ عَذَابٌ شَدِيدٌ

Чус жаваб гили гӀергъи Аллагьличила жалтани биркьутала — чула ВегӀбекӀла гьалар илдала далилти усалти сари. Илдас — Илала нягӀна, илдас — чӀумаси танбихӀ!

Доводы тех, которые препираются относительно Аллаха после того, как Ему ответили верующие, бесполезны перед их Господом. На них падет гнев, и им уготованы тяжкие мучения.

اللَّهُ الَّذِي أَنْزَلَ الْكِتَابَ بِالْحَقِّ وَالْمِيزَانَ ۗ وَمَا يُدْرِيكَ لَعَلَّ السَّاعَةَ قَرِيبٌ

Аллагьли саби иш Кьуръан бархьибси ва илизир гьар секӀал дархьли сари. ХӀуни хӀебалулихьалли, белики, кьиямала бархӀи гъамли биэс!

Аллах - Тот, Кто ниспослал Писание с истиной и Весы. Откуда тебе знать, возможно, Час близок!

يَسْتَعْجِلُ بِهَا الَّذِينَ لَا يُؤْمِنُونَ بِهَا ۖ وَالَّذِينَ آمَنُوا مُشْفِقُونَ مِنْهَا وَيَعْلَمُونَ أَنَّهَا الْحَقُّ ۗ أَلَا إِنَّ الَّذِينَ يُمَارُونَ فِي السَّاعَةِ لَفِي ضَلَالٍ بَعِيدٍ

Иличи хӀебирхутас ил жяв-жявли бакӀили дигули саби. Иличи бирхути биалли — ил гьарли-марли бирни балули, илизибад урухкӀули саби. Кьиямала бархӀиличила ташмишбикӀути, шакдеш агарли, таманни чеббалкӀи саби.

Торопят с ним те, которые не веруют в него. А верующие трепещут перед ним и знают, что он является истиной. Воистину, те, которые спорят о Часе, находятся в далеком заблуждении.

اللَّهُ لَطِيفٌ بِعِبَادِهِ يَرْزُقُ مَنْ يَشَاءُ ۖ وَهُوَ الْقَوِيُّ الْعَزِيزُ

Аллагь — Сунела лугърас гӀяхӀдеш биран сай; Илини сунес дигусилис яшавлис нигӀматуни лугули сай. Ил — цӀакьси, чевяхӀси сай!

Аллах добр к Своим рабам и наделяет уделом, кого пожелает. Он - Всесильный, Могущественный.

مَنْ كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ ۖ وَمَنْ كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِنْ نَصِيبٍ

Ахиратлис хъу дегӀес чис дигалра, — Нушани идала хъу верхӀкьярякьли духъахъехӀе; иш дунъяличирти гӀямрулис хъу дегӀес чис дигули виалра, — Нушани илисра имкан лугехӀе сунела хъу биршахъес, амма ахиратлизиб илис сегъуналра пай хӀебирар.

Тому, кто пожелал нивы Последней жизни, Мы увеличим его ниву. Тому же, кто пожелал нивы мирской жизни, Мы дадим из нее, но ему не будет доли в Последней жизни.

أَمْ لَهُمْ شُرَكَاءُ شَرَعُوا لَهُمْ مِنَ الدِّينِ مَا لَمْ يَأْذَنْ بِهِ اللَّهُ ۚ وَلَوْلَا كَلِمَةُ الْفَصْلِ لَقُضِيَ بَيْنَهُمْ ۗ وَإِنَّ الظَّالِمِينَ لَهُمْ عَذَابٌ أَلِيمٌ

Марлира, илдала илдигъунти аллагьуни лебу, чулира, диннизиб Аллагьли къадагъабарибси, илдас пурбанбирути? Рахли адамти кӀел кьукьяличи буртӀуси бархӀиличила Аллагьла гъай агарси биалри, чула ургарти жалти илдани ирзи. Бархьагартас, шакдеш агарли, кахси танбихӀ бирар!

Или же у них есть сотоварищи, которые узаконили для них в религии то, чего не дозволил Аллах? Если бы не решающее Слово, то их спор был бы уже решен. Воистину, беззаконникам уготованы мучительные страдания.

تَرَى الظَّالِمِينَ مُشْفِقِينَ مِمَّا كَسَبُوا وَهُوَ وَاقِعٌ بِهِمْ ۗ وَالَّذِينَ آمَنُوا وَعَمِلُوا الصَّالِحَاتِ فِي رَوْضَاتِ الْجَنَّاتِ ۖ لَهُمْ مَا يَشَاءُونَ عِنْدَ رَبِّهِمْ ۚ ذَٰلِكَ هُوَ الْفَضْلُ الْكَبِيرُ

Чули дарибти баркьудлумазибад бархьагарти севан урухкӀулил хӀуни чебиид ва чула баркьудлумани илди талапбиру. Аллагьличи бирхути ва гӀяхӀдеш бирути биалли — алжанала унхъразиб бирар: чус се дигалра — илдас чула ВегӀбекӀли луга. Ил — халаси игъбар саби!

Ты увидишь, как беззаконники будут трепещать от того, что они приобрели, когда это падет на них. А те, которые уверовали и совершали праведные деяния, пребудут в Райских садах. Им уготовано у их Господа все, что они пожелают. Это и есть великая милость.

ذَٰلِكَ الَّذِي يُبَشِّرُ اللَّهُ عِبَادَهُ الَّذِينَ آمَنُوا وَعَمِلُوا الصَّالِحَاتِ ۗ قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ ۗ وَمَنْ يَقْتَرِفْ حَسَنَةً نَزِدْ لَهُ فِيهَا حُسْنًا ۚ إِنَّ اللَّهَ غَفُورٌ شَكُورٌ

Аллагьличи бирхути ва гӀяхӀдеш бирути Сунела лугърази Аллагьли илгъуна гӀяхӀла хабар балахъули сай. Бура: «Ил багьандан нуни хӀушазибад савгъат тиладибирули ахӀенра, чӀянкӀли хӀуша-алавти адамти дигахъни тиладибирулра; чили гӀяхӀдеш биралра, — Нушани илис иличи гӀурра гӀяхӀдеш имцӀабирехӀе». Гьарли-марли, Аллагь — чевкархан ва гӀяхӀсант балан сай!

Это - то, чем Аллах радует Своих рабов, которые уверовали и совершали праведные деяния. Скажи: "Я не прошу у вас за это никакой награды, кроме любви ради близости (ради моей близости к вам или ради вашей близости к Аллаху)". Тому, кто приобретет добро, Мы увеличим его. Воистину, Аллах - Прощающий, Благодарный.

أَمْ يَقُولُونَ افْتَرَىٰ عَلَى اللَّهِ كَذِبًا ۖ فَإِنْ يَشَإِ اللَّهُ يَخْتِمْ عَلَىٰ قَلْبِكَ ۗ وَيَمْحُ اللَّهُ الْبَاطِلَ وَيُحِقُّ الْحَقَّ بِكَلِمَاتِهِ ۚ إِنَّهُ عَلِيمٌ بِذَاتِ الصُّدُورِ

Илдани эс асубирар: «Ил Аллагьличила къянбани угьули сай!» ИлхӀели, рахли Аллагьлис дигалри, Илини хӀела уркӀи гӀекӀили, мугьур кабирхъи. Аллагьли къяна кӀунбицӀахъу ва бархьдеш Сунела гъайличил марбиру, сенахӀенну адамтала уркӀбазирти Илини далули сай!

Или же они говорят, что он возвел навет на Аллаха? Если бы Аллах пожелал, то наложил бы печать на твое сердце. Своими Словами Аллах стирает ложь и утверждает истину. Воистину, Он знает о том, что в груди.

وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ

Илини чули дарибтачи Сунела лугъри пашманбиъни кьабулбирули сай, илдала вайти баркьудлумачивад чевкархули сай ва хӀушани се бирулрал балули сай.

Он - Тот, Кто принимает покаяния Своих рабов, прощает злодеяния и знает то, что вы совершаете.

وَيَسْتَجِيبُ الَّذِينَ آمَنُوا وَعَمِلُوا الصَّالِحَاتِ وَيَزِيدُهُمْ مِنْ فَضْلِهِ ۚ وَالْكَافِرُونَ لَهُمْ عَذَابٌ شَدِيدٌ

Аллагьличи бирхутачи ва гӀяхӀдеш бирутачи Ил лехӀихъули сай ва илдачи Сунела уркӀецӀи имцӀабирули сай. Капуртас биалли — чӀумаси танбихӀ бирар!

Он отвечает тем, которые уверовали и совершают праведные деяния, и приумножает им из Своей милости. А неверующим уготованы тяжкие мучения.

وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ وَلَٰكِنْ يُنَزِّلُ بِقَدَرٍ مَا يَشَاءُ ۚ إِنَّهُ بِعِبَادِهِ خَبِيرٌ بَصِيرٌ

Рахли Аллагьли Сунела лугърас яшавлис нигӀматуни эркинни лугути диалри, илди ванзала къакъличиб бахъ дебали мурахъузи бетулхъи; ил багьандан Илини илди даарила кьадарцун, Сунес дигутицад дурхьули сай, сенахӀенну Илини Сунела лугъри балули сай ва чебиули сай!

Если бы Аллах увеличил удел Своим рабам, они стали бы бесчинствовать на земле. Однако Он ниспосылает его в меру, как пожелает. Воистину, Он ведает о Своих рабах и видит их.

وَهُوَ الَّذِي يُنَزِّلُ الْغَيْثَ مِنْ بَعْدِ مَا قَنَطُوا وَيَنْشُرُ رَحْمَتَهُ ۚ وَهُوَ الْوَلِيُّ الْحَمِيدُ

Илди умутагарбиубхӀели, Илини заб дурхьули сай ва илкьяйдали илдачи уркӀецӀи бирули сай. Ил — чевяхӀси, кумекбируси сай!

Он - Тот, Кто ниспосылает дождь после того, как они отчаиваются, и распространяет Свою милость. Он - Достохвальный Покровитель.

وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِنْ دَابَّةٍ ۚ وَهُوَ عَلَىٰ جَمْعِهِمْ إِذَا يَشَاءُ قَدِيرٌ

Илала гӀяламатунала лугӀилизир сари мусни-зубрира илдачир Илини тӀинтӀдарибти гьарилти мицӀирти жанра акӀахъни. Рахли Сунес дигалли, Илини илди дучесра вирар.

Среди Его знамений - создание небес и земли, а также тех живых существ (или те живые существа), которых Он расселил на них. Он способен собрать их, когда пожелает.

وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ

Рахли хӀушачи сегъуна-биалра мусибат чебакӀалли, — ил хӀушани дарибти баркьудлуми багьандан саби, Ил биалли — дахъал баркьудлумачивад чевкархули сай.

Любое бедствие постигает вас лишь за то, что приобрели ваши руки, и Он прощает вам многое.

وَمَا أَنْتُمْ بِمُعْجِزِينَ فِي الْأَرْضِ ۖ وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ

ХӀушани ванзала къакъличиб Илала ахъри камбарес хӀедирудая ва Аллагьла дуравад хӀушаб гӀур цархӀил я кумекчи, я къакъбяхъ агара!

Вы не спасетесь бегством на земле, и нет у вас, помимо Аллаха, ни покровителя, ни помощника.

وَمِنْ آيَاتِهِ الْجَوَارِ فِي الْبَحْرِ كَالْأَعْلَامِ

Илала гӀяламатунала лугӀилизир сари урхьначирти дубуртачи мешути гамурби.

Среди Его знамений - плывущие по морю корабли, подобные горам.

إِنْ يَشَأْ يُسْكِنِ الرِّيحَ فَيَظْلَلْنَ رَوَاكِدَ عَلَىٰ ظَهْرِهِ ۚ إِنَّ فِي ذَٰلِكَ لَآيَاتٍ لِكُلِّ صَبَّارٍ شَكُورٍ

Рахли Сунес дигалли, Илини дягӀ тӀашиули сай ва гамурби урхьула ругертачир вяшхӀедухъи кавлули сари. Гьарилира сабурчевсилис, гӀяхӀсант балусилис илизиб, гьайгьайра, лишан леб!

Если Он пожелает, то успокоет ветер, и тогда они останутся неподвижными на его (моря) поверхности. Воистину, в этом - знамения для каждого терпеливого, благодарного.

أَوْ يُوبِقْهُنَّ بِمَا كَسَبُوا وَيَعْفُ عَنْ كَثِيرٍ

Яра Илини илди чули дарибти багьандан талапбирули сай, хӀятта илдала дахъал баркьудлумачивад Ил чевкархули виалра.

Он может погубить их (корабли) за то, что они (люди) приобрели, но Он прощает многих.

وَيَعْلَمَ الَّذِينَ يُجَادِلُونَ فِي آيَاتِنَا مَا لَهُمْ مِنْ مَحِيصٍ

Нушала гӀяламатуначила жалтани биркъутани багьаб чус берцуди агни!

Те, которые препираются относительно Наших знамений, знают, что они не смогут сбежать.

فَمَا أُوتِيتُمْ مِنْ شَيْءٍ فَمَتَاعُ الْحَيَاةِ الدُّنْيَا ۖ وَمَا عِنْدَ اللَّهِ خَيْرٌ وَأَبْقَىٰ لِلَّذِينَ آمَنُوا وَعَلَىٰ رَبِّهِمْ يَتَوَكَّلُونَ

Нушани илдас лугути мас-хазна — иш дунъяличирти гӀямрулизирцун гӀягӀнити сари, Аллагьлизир лерти биалли — чула ВегӀбекӀличи бирхутас ва Иличи таваккал бихьибтас.

Все, что даровано вам, является преходящим благом мирской жизни. А то, что есть у Аллаха, будет лучше и долговечнее для тех, которые уверовали и уповают на своего Господа,

وَالَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ وَإِذَا مَا غَضِبُوا هُمْ يَغْفِرُونَ

бунагьуназибад ва цӀахти баркьудлумазибад тяйдили буутас, чичи-биалра гьимбукӀалли, иличибад чебкабурхутас,

которые избегают великих грехов и мерзостей и прощают, когда гневаются,

وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَىٰ بَيْنَهُمْ وَمِمَّا رَزَقْنَاهُمْ يُنْفِقُونَ

чула ВегӀбекӀлис мутӀигӀтас, дехӀибала дирутас, чула къуллукъначила саби-ургаб гингишлабирутас бегӀлара гӀяхӀти ва даим дирути нигӀматуни сари.

которые отвечают своему Господу, совершают намаз, совещаются между собой о делах и расходуют из того, чем Мы их наделили,

وَالَّذِينَ إِذَا أَصَابَهُمُ الْبَغْيُ هُمْ يَنْتَصِرُونَ

Чус децӀагахъибтани чеббицӀаб.

которые мстят, когда против них поступают несправедливо.

وَجَزَاءُ سَيِّئَةٍ سَيِّئَةٌ مِثْلُهَا ۖ فَمَنْ عَفَا وَأَصْلَحَ فَأَجْرُهُ عَلَى اللَّهِ ۚ إِنَّهُ لَا يُحِبُّ الظَّالِمِينَ

Вайдешлис чеббицӀнили биаб баягъи илгъуна вайдеш. Амма чи чеверхалра ва даршувиалра — илис Аллагьла шайзибад савгъат бирар: Илис бархьагарти хӀейгахъу!

Воздаянием за зло является равноценное зло. Но если кто простит и установит мир, то его награда будет за Аллахом. Воистину, Он не любит беззаконников.

وَلَمَنِ انْتَصَرَ بَعْدَ ظُلْمِهِ فَأُولَٰئِكَ مَا عَلَيْهِمْ مِنْ سَبِيلٍ

Чус децӀагахънилис чеббирцӀутас асухӀебирар бахъ мурахъузи бетухъес.

Нет укора тем, которые мстят после того, как с ними поступили несправедливо.

إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ ۚ أُولَٰئِكَ لَهُمْ عَذَابٌ أَلِيمٌ

Илкьяйдали мурахъузи бетулхъути саби ванзала къакъличиб адамтас бархьагарли децӀигахъути ва вайтани биркьути. Илдас чӀумаси танбихӀ бирар.

Укора заслуживают только те, которые поступают несправедливо с людьми и бесчинствуют на земле безо всякого права. Им уготованы мучительные страдания.

وَلَمَنْ صَبَرَ وَغَفَرَ إِنَّ ذَٰلِكَ لَمِنْ عَزْمِ الْأُمُورِ

Чили сабур биралра ва чевурхалра — ил баркьудлумазив кабизалачевси сай.

А если кто проявит терпение и простит, то ведь в этих делах надлежит проявлять решимость.

وَمَنْ يُضْلِلِ اللَّهُ فَمَا لَهُ مِنْ وَلِيٍّ مِنْ بَعْدِهِ ۗ وَتَرَى الظَّالِمِينَ لَمَّا رَأَوُا الْعَذَابَ يَقُولُونَ هَلْ إِلَىٰ مَرَدٍّ مِنْ سَبِيلٍ

Аллагьли чеввалкӀахъунсилис Илала дуравад гӀур гьуни чебиахъан агара. ХӀуни илди баркьагарти чебиид: илдани чус бируси танбихӀ чебаибхӀели, илдани иру: «Ишад чарухъес сегъуналра тяхӀяр лебара?»

У того, кого Аллах ввел в заблуждение, после этого не будет покровителя. Ты увидишь, как беззаконники, увидев мучения, скажут: "Нет ли пути для возвращения?"

وَتَرَاهُمْ يُعْرَضُونَ عَلَيْهَا خَاشِعِينَ مِنَ الذُّلِّ يَنْظُرُونَ مِنْ طَرْفٍ خَفِيٍّ ۗ وَقَالَ الَّذِينَ آمَنُوا إِنَّ الْخَاسِرِينَ الَّذِينَ خَسِرُوا أَنْفُسَهُمْ وَأَهْلِيهِمْ يَوْمَ الْقِيَامَةِ ۗ أَلَا إِنَّ الظَّالِمِينَ فِي عَذَابٍ مُقِيمٍ

ЦӀахбиубли бургира гӀяшкадурцули, урухбиубли хӀулбира кьяпӀкадирули, илди жагьаннаблизи севан лебкул хӀуни чебиид. Аллагьличи бирхутани иру: «Илди — кьиямала бархӀи чули сабира чула хъалибаргунира игъбарагартили бетаахъурти талихӀагарти саби!» Бархьси саби, баркьагарти — даим гӀязабтазиб бирар!

Ты увидишь, как их представят ему (Аду) смиренными от унижения и поглядывающими на него искоса. Те же, которые уверовали, скажут: "Воистину, потерпевшими убыток являются те, которые потеряли самих себя и свои семьи в День воскресения". Воистину, беззаконники пребудут в вечных мучениях.

وَمَا كَانَ لَهُمْ مِنْ أَوْلِيَاءَ يَنْصُرُونَهُمْ مِنْ دُونِ اللَّهِ ۗ وَمَنْ يُضْلِلِ اللَّهُ فَمَا لَهُ مِنْ سَبِيلٍ

Аллагьла дуравад илдас кумекбарес виэси, илди гӀеббурцуси гӀур чилра хӀейрар. Аллагьли чи чеввалкӀахъалра— илис гьатӀи гьуни агара.

У них не будет покровителей и помощников, которые бы помогли им вместо Аллаха. Нет пути тому, кого Аллах ввел в заблуждение.

اسْتَجِيبُوا لِرَبِّكُمْ مِنْ قَبْلِ أَنْ يَأْتِيَ يَوْمٌ لَا مَرَدَّ لَهُ مِنَ اللَّهِ ۚ مَا لَكُمْ مِنْ مَلْجَإٍ يَوْمَئِذٍ وَمَا لَكُمْ مِنْ نَكِيرٍ

Аллагьли гӀур гӀелайзи архӀехуси бархӀи сабаайчи хӀушала ВегӀбекӀлис мутӀигӀли диреная: ил бархӀи хӀушаб берцуди хӀебирар ва хӀушани дарибтачи хӀуша пашмандиънила пайда хӀебирар!

Ответьте вашему Господу прежде, чем наступит день от Аллаха, который невозможно отвратить (или день, который Аллах не отвратит). В тот день не будет для вас убежища, и вы не сможете отрицать свои грехи.

فَإِنْ أَعْرَضُوا فَمَا أَرْسَلْنَاكَ عَلَيْهِمْ حَفِيظًا ۖ إِنْ عَلَيْكَ إِلَّا الْبَلَاغُ ۗ وَإِنَّا إِذَا أَذَقْنَا الْإِنْسَانَ مِنَّا رَحْمَةً فَرِحَ بِهَا ۖ وَإِنْ تُصِبْهُمْ سَيِّئَةٌ بِمَا قَدَّمَتْ أَيْدِيهِمْ فَإِنَّ الْإِنْسَانَ كَفُورٌ

Рахли илдира хӀечибад гӀелумбизалли,багьи: хӀу Нушани илдас къараул варили вархьибси ахӀенри. ХӀечиб чебси — Аллагьла хъарбаркьуни илдази дурусли дурни саби. Рахли Нушани адамличи уркӀецӀи барахӀелли, ил иличи разиирули сай, амма эгер сунела някъбани гьалар дарибти багьандан иличи Нушала шайзибад сегъуна-биалра вайдеш бакӀалли, адам гӀяхӀсант хӀебалусили увулхъули сай.

Если же они отвернутся, то ведь Мы не посылали тебя их хранителем. На тебя возложена только передача откровения. Когда Мы даем человеку вкусить Нашу милость, он радуется ей. Когда же его поражает зло за то, что приготовили его руки, то человек становится неблагодарен.

لِلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ

Мусни-зубрала ари Аллагьлизиб саби: Илини Сунес дигуси бирули сай, чис дигалра рурсби лугули сай ва чис дигалра — уршби лугули сай.

Аллаху принадлежит власть над небесами и землей. Он творит, что пожелает. Он одаряет, кого пожелает, потомством женского пола, и одаряет, кого пожелает, потомством мужского пола.

أَوْ يُزَوِّجُهُمْ ذُكْرَانًا وَإِنَاثًا ۖ وَيَجْعَلُ مَنْ يَشَاءُ عَقِيمًا ۚ إِنَّهُ عَلِيمٌ قَدِيرٌ

Яра илдас уршбира рурсбира лугули сай яра Сунес дигалли — цалра дурхӀя лугули ахӀен: ИлкӀун — гьар се-секӀал далуси, халаси кьудратла вегӀ сай!

Или же Он сочетает потомство мужского и женского полов, а того, кого пожелает, Он делает бесплодным. Воистину, Он - Знающий, Всемогущий.

وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ ۚ إِنَّهُ عَلِيٌّ حَكِيمٌ

Аллагь адамличил гъайикӀуси сай Сунела пикруми иличи дурхъулицун яра пардавла гӀелавадцун, яра вакил урхьуси сай ва илизи Сунес дигуси балахъуси саби. Гьарли-марли, Ил — чевяхӀси, гӀякьлучевси сай!

Человек не достоин того, чтобы Аллах разговаривал с ним иначе, как посредством откровения или через завесу. Или же Он отправляет посланца, который с Его позволения внушает посредством откровения то, что Он желает. Воистину, Он - Возвышенный, Мудрый.

وَكَذَٰلِكَ أَوْحَيْنَا إِلَيْكَ رُوحًا مِنْ أَمْرِنَا ۚ مَا كُنْتَ تَدْرِي مَا الْكِتَابُ وَلَا الْإِيمَانُ وَلَٰكِنْ جَعَلْنَاهُ نُورًا نَهْدِي بِهِ مَنْ نَشَاءُ مِنْ عِبَادِنَا ۚ وَإِنَّكَ لَتَهْدِي إِلَىٰ صِرَاطٍ مُسْتَقِيمٍ

ХӀезира Нушани илкьяйдали дигӀяндеш балахъулра, Нушала хъарбаркь хӀясибли хӀези гӀякьлу гӀеббурахъули. Илис гьалаб хӀуни балуси ахӀенри Кьуръан се сабил ва дин се сабил, аммаки Нушани ил нурла шалали бетаахъурра ва Нушала лугъразивад Нушаб дигуси илини шалабарибси гьуникад викулра. Гьайгьайра, хӀунира бархьси гьуникад,

Таким же образом Мы внушили тебе в откровении дух (Коран) из Нашего повеления. Ты не знал, что такое Писание и что такое вера. Но Мы сделали его светом, посредством которого Мы ведем прямым путем того из Наших рабов, кого пожелаем. Воистину, ты указываешь на прямой путь -

صِرَاطِ اللَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ ۗ أَلَا إِلَى اللَّهِ تَصِيرُ الْأُمُورُ

зубрачир лертира ванзала къакъличир лертира гьар се-секӀал Сунела арилизир сарси Аллагьлала гьуникад бикулри. Сегъуналра шакдешра агара: гьарил мицӀирти жан Аллагьличи чардулхъан!

путь Аллаха, Которому принадлежит то, что на небесах, и то, что на земле. Воистину, к Аллаху возвращаются дела.