Сура 66 «Къадагъа» — Ат-Тахрим (Запрещение)

يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَحِيمٌ ١

Эй, идбаг! ХIела хьунрас гIяхIулаиэс дигули, Аллагьли хIед пурбанбарибси хIуни сен хIед къадагъабарибсилизи халбирулри? Аллагь чевкархуси, уркIецIичевси сай!

О Пророк! Почему ты запрещаешь себе то, что позволил тебе Аллах, стремясь угодить своим женам? Аллах - Прощающий, Милосердный.

قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ ٢

Аллагьли хIушаб пурбанбариб хIушала хъями дулъахъес. Аллагь — хIуша гIердурцан сай; Ил — гьар секIал далуси, гIякьлучевси сай.

Аллах установил для вас путь освобождения от ваших клятв. Аллах - ваш Покровитель. Он - Знающий, Мудрый.

وَإِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَنْ بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنْبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ ٣

ХIера, идбагли сунела хьунразирад цализи дигIянали сагал хабар буриб. Илини биалли ил илала цархIил хьунуйзи буриб. Аллагьли иличила идбаглизи буриб, идбагли хабарла ца бутIа марбариб, цархIил бутIа — мархIебариб. Идбагли ил сунела баягъи хьунуйзи бурибхIели, илини хьарбаиб: «ХIези ил чили буриба?» Идбагли жаваб гиб: «Набзи ил буриб гьар секIал далусили ва чедиусили».

Вот Пророк поверил тайну одной из своих жен. Когда же она рассказала ее, и Аллах открыл это ему, он дал знать о части этого и утаил другую часть. Она сказала: "Кто сообщил тебе об этом?" Он сказал: "Мне сообщил Знающий, Ведающий".

إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِنْ تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ ٤

Эгер хIуша кIелра, пашмандиубли (хIушала уркIби хIиллакарти сари), Аллагьличи дугьадизадалли, илхIели Аллагь хIушачивад чевурхар. Рахли кIелра иличи къаршили кадизадалли, — ил гIевурцу Аллагьли, ЖабрагIилли, Аллагьличи вирхуси гьарилра хIялалси адамли; илкьяйдали илис кумечибили бирар малайкунира.

Если вы обе раскаетесь перед Аллахом, то ведь ваши сердца уже уклонились в сторону. Если же вы станете поддерживать друг друга против него, то ведь ему покровительствует Аллах, а Джибриль (Гавриил) и праведные верующие являются его друзьями. А кроме того, ангелы помогают ему.

عَسَىٰ رَبُّهُ إِنْ طَلَّقَكُنَّ أَنْ يُبْدِلَهُ أَزْوَاجًا خَيْرًا مِنْكُنَّ مُسْلِمَاتٍ مُؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا ٥

Нагагьладан илини хIушала магьар кабушалли, белики илала ВегIбекIли илис хIушачиб гIяхIти, Аллагьлис мутIигIти, Иличи бирхути, хIялалти, дазала-дехIибала дирути, хIяжли башути, дуббурцути, гамъаби ва рурсби гес асубирар.

Если он разведется с вами, то его Господь может заменить вас женами, которые будут лучше вас, и будут мусульманками, верующими, покорными, кающимися, поклоняющимися, постящимися, как побывавшими замужем, так и девственницами.

يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ ٦

Аллагьличи дирхути! Сунес цIабикьалали адамтира къаркъубира дируси жагьаннабла цIализирад хIушара хIушала хъалибаргунира мяхIкамли диреная. Илабтачи хIеруди биру кьяркьти, уркIецIи-ряхIму агарти, чучи Аллагьли хьарбарибсиличи аъ-нуъ хIебикIути ва Илала буйрухъ дурусли бартарахъути малайкунани.

О те, которые уверовали! Оберегайте себя и свои семьи от Огня, растопкой которого будут люди и камни. Над ним есть ангелы суровые и сильные. Они не отступают от повелений Аллаха и выполняют все, что им велено.

يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنْتُمْ تَعْمَلُونَ ٧

Капурти! ХIушачивад Аллагь чеверхахъес ишбархIи хIуша тиладимадикIудая; хIушани дарибти багьанданцун саби гьанна хIушаб танбихI бируси.

О те, которые не уверовали! Не оправдывайтесь сегодня. Вам воздают только за то, что вы совершали.

يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا عَسَىٰ رَبُّكُمْ أَنْ يُكَفِّرَ عَنْكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِنْ تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ ٨

Аллагьличи дирхути! ХIушани дарибти бунагьуначи уркIи-уркIиларад пашмандиубли, Аллагьличи дугьадизирая: Сунела вакилра иличил бархти Аллагьличи бирхутира урузхIебируси бархIи, белики, хIушала ВегIбекIли хIуша бунагьуназирад умударишая ва чузир хIуркIби кадухъунти алжанала унхърази адацIахъишая? Илдала гьалабра илдала балуй шайчибра нурла шала ухар. Илдани иру: «Нушала ВегIбекI! Нушаб шала таманни пархбухъахъен ва нушачвад чеверхи: ХIуникIун се-дигара барес вирусири!»

О те, которые уверовали! Раскаивайтесь перед Аллахом искренне! Может быть, ваш Господь простит ваши злодеяния и введет вас в Райские сады, в которых текут реки, в тот день, когда Аллах не опозорит Пророка и тех, кто уверовал вместе с ним. Их свет будет сиять перед ними и справа. Они скажут: "Господь наш! Дай нам света сполна и прости нас. Воистину, Ты способен на всякую вещь".

يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ۚ وَمَأْوَاهُمْ جَهَنَّمُ ۖ وَبِئْسَ الْمَصِيرُ ٩

Эй, идбаг! Капуртачира кIибяхIянтачира къаршили кьасличил ургъен ва илдачи уркIецIи мабирид! Илдас мина— жагьаннаб саби. Агь, хIябилра цIахси мер леб ил!

О Пророк! Сражайся с неверующими и лицемерами и будь суров с ними. Их пристанищем будет Геенна. Как же скверно это место прибытия!

ضَرَبَ اللَّهُ مَثَلًا لِلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا وَقِيلَ ادْخُلَا النَّارَ مَعَ الدَّاخِلِينَ ١٠

Капуртас мисалли Аллагьли гьанбуршули сай НухIла хьунул ва Лутла хьунул. Илди кIелра — Нушала марти лугъразибадти лугърала хьунри сабри ва илди кIелра илдас хиянатбиуб, амма Аллагьла танбихIлизибад илди селилра хIеберцахъиб ва илдачи хъарбарибсири: «КIелра цархIилтачил дарх жагьаннабла цIализи адацIирая!»

Аллах привел в качестве примера о неверующих жену Нуха (Ноя) и жену Лута (Лота). Обе были замужем за рабами из числа Наших праведных рабов. Они предали своих мужей, и те не спасли их от Аллаха. Им было сказано: "Войдите в Огонь вместе с теми, кто входит туда".

وَضَرَبَ اللَّهُ مَثَلًا لِلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِنْدَكَ بَيْتًا فِي الْجَنَّةِ وَنَجِّنِي مِنْ فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ ١١

Аллагьличи бирхутас биалли Илини мисаллис гьанруршули сари ПиргIяванна хьунул. ХIера, илини иб: «ВегIбекI! ХIела алжанализиб наб хъали бара: ну ПиргIяваннизирадра илала баркьудлумазирадра рерцахъаба: ну капур халкьлизирад рерцахъаба!»

Аллах привел в качестве примера о верующих жену Фараона. Вот она сказала: "Господи! Спаси меня от Фараона и его деяний! Возведи для меня дом в Раю возле Тебя и спаси меня от несправедливых людей!"

وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِنْ رُوحِنَا وَصَدَّقَتْ بِكَلِمَاتِ رَبِّهَا وَكُتُبِهِ وَكَانَتْ مِنَ الْقَانِتِينَ ١٢

Илкьяйдали гьанруршули сари сунела рурсидеш калахъунси ГIимранна рурси Мариямра. Илизи Нушани Нушала рухIлизирад уфдарира. Ил сунела ВегIбекIла гъайличира Тавратличира рирхаур ва динна тIалабуни дурусли дузахъанни ретаур.

А также Марьям (Марию), дочь Имрана, которая сберегла целомудрие, и Мы вдохнули через него (через вырез на ее одежде) посредством Нашего Духа (Джибриля). Она уверовала в Слова своего Господа и Его Писания и была одной из покорных.