Сура 67 «Ари» — Аль-Мульк (Власть)

تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ ١

Деза биаб мусни-зубрала ари сунезиб сабсилис ва гьар се-секIайчив цIакьсилис;

Благословен Тот, в Чьей Руке власть, Кто способен на всякую вещь,

الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ ٢

хIушала дариб-дирутазив хIушазивад чидил гIяхIсил хIялумцIес багьандан дебкIара жанра акIахъубсилис. Ил— чевяхIси, чевкархуси сай!

Кто сотворил смерть и жизнь, чтобы испытать вас и увидеть, чьи деяния окажутся лучше. Он - Могущественный, Прощающий.

الَّذِي خَلَقَ سَبْعَ سَمَاوَاتٍ طِبَاقًا ۖ مَا تَرَىٰ فِي خَلْقِ الرَّحْمَٰنِ مِنْ تَفَاوُتٍ ۖ فَارْجِعِ الْبَصَرَ هَلْ تَرَىٰ مِنْ فُطُورٍ ٣

Ил — цала чедир цархIилти верхIдехI зубри акIахъубси сай. УркIецIичевсили акIахъубсилизиб хIуни сегъуналра жагъал чехIебиид. ГIяхIил хIеризи: хIуни илдазиб сегъуна-биалра хатIа чебиулрив?

Он создал семь небес одно над другим. В творении Милостивого ты не увидишь никакой несообразности. Взгляни еще раз. Видишь ли ты какую-нибудь трещину?

ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ ٤

Гьачам гьатIира хIеризи: хIела хIулби дамсурли ва тамаша-хIяйран диубли кьяпIкадирар.

Потом взгляни еще раз и еще раз, и твой взор вернется к тебе униженным, утомленным.

وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ ٥

Гъамтигъунти зубри Нушани зубартачил жагадарира ва илди акIахъубра шайтIунти дугIаэс багьандан; илдас Нушани жагьаннабла цIала танбихI хIядурбарира.

Воистину, Мы украсили ближайшее небо светильниками и установили их для метания в дьяволов. Мы приготовили для них мучения в Пламени.

وَلِلَّذِينَ كَفَرُوا بِرَبِّهِمْ عَذَابُ جَهَنَّمَ ۖ وَبِئْسَ الْمَصِيرُ ٦

Чула ВегIбекIличи хIебирхутачира — жагьаннабла гIязабти хIерли сари. Агь, хIябилра кахси мер леб ил!

Для тех, кто не уверовал в своего Господа, приготовлены мучения в Геенне. Как же скверно это место прибытия!

إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ ٧

Илди ила лайбикIухIели, илдани кахси вявла тIама иргъу ва цIала лами сагаси цIакьличил пархбулхъан.

Когда их бросят туда, они услышат, как она ревет, когда кипит.

تَكَادُ تَمَيَّزُ مِنَ الْغَيْظِ ۖ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ ٨

Жагьаннаб гьимили руржули бирар. Ила капуртала кьукья гьар чуйна лайбикIалра — жагьаннабла къараултани илдази хьарбиу: «Марлира, хIушачи цалра насихIятчи хIекIибу?»

Она готова разорваться от ярости. Каждый раз, когда туда будут бросать толпу, ее стражи будут спрашивать их: "Разве к вам не приходил предостерегающий увещеватель?"

قَالُوا بَلَىٰ قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِنْ شَيْءٍ إِنْ أَنْتُمْ إِلَّا فِي ضَلَالٍ كَبِيرٍ ٩

Илдани жаваб луга: «ВакIиб нушачи насихIятчи, амма нушани ил къянбарлизи халварира ва ира: «ХIечил дарх Аллагьли сегъунтилра насихIятуни хIедархьиб; хIура таманни чеввалкIири».

Они скажут: "Конечно, предостерегающий увещеватель приходил к нам, но мы сочли его лжецом и сказали: "Аллах ничего не ниспосылал, а вы лишь пребываете в большом заблуждении"".

وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ ١٠

Илдани гIурра иру: «Эгер нуша Аллагьла вакилличи лехIдизурти диахIелри, нагагьладан гIяхIил пикридухъунти диахIелри, — гьанна иш жагьаннабла цIала гIязабтазибтала ургар хIедирира.

Они скажут: "Если бы мы прислушивались и были рассудительны, то не оказались бы среди обитателей Пламени".

فَاعْتَرَفُوا بِذَنْبِهِمْ فَسُحْقًا لِأَصْحَابِ السَّعِيرِ ١١

Илди гьанна чула бунагьуначи мукIурли саби, аммаки цIала гIязабтазибти — Нушачибад пяхIли буаб!

Они признаются в своем грехе. Прочь же, обитатели Пламени!

إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ ١٢

Чула ВегIбекIлизибад гьарли-марли урухкIутачивад Аллагь чевурхар ва илдас Илини халаси савгъат биру.

Воистину, тем, которые боятся своего Господа, не видя Его воочию, уготованы прощение и великая награда.

وَأَسِرُّوا قَوْلَكُمْ أَوِ اجْهَرُوا بِهِ ۖ إِنَّهُ عَلِيمٌ بِذَاتِ الصُّدُورِ ١٣

ХIушани хIушала гъай дигIяндирули яра илди ахъли дурули диаба, — Илини гьарилла уркIилизиб лебси бала!

Храните ли вы свои речи в секрете или же говорите о них вслух, Он ведает о том, что в груди.

أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ ١٤

Сунени акIахъубси Илини хIебагьес вирару, гьатIи? ИлкIун — гьар се-секIал далан, гьар се-секIал чедиан сай!

Неужели этого не будет знать Тот, Кто сотворил, если Он - Проницательный (или Добрый), Сведущий?

هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُورُ ١٥

Илини саби хIушаб ванза мутIигIсили барибси: илала къакъкад дашеная ва Аллагьли хIушаб лугути дукеная. ДебкIили гIергъи мицIирдиубхIели, хIуша Иличи чардирутирая.

Он - Тот, Кто сделал для вас землю покорной. Ступайте же по свету и вкушайте из Его удела, и к Нему вы явитесь после воскрешения.

أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ ١٦

Марлира, зубрачивсили хIуша кьяраахъес ванзаличи хъарбарес вирар или хIуша уруххIекIулраяв? ИлкIун гьанна гьакIарбикIули саби.

Неужели вы уверены в том, что Тот, Кто на небе, не заставит землю поглотить вас? Ведь тогда она заколеблется.

أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا ۖ فَسَتَعْلَمُونَ كَيْفَ نَذِيرِ ١٧

Марлира, зубрачивсили хIушачи дамгъарайла дягI бархьес вирар или хIуша уруххIекIулраяв? ХIушаникIун балуси саби Дила лягIнат сецад кахси сабил!

Неужели вы уверены в том, что Тот, Кто на небе, не нашлет на вас ураган с камнями? Скоро вы узнаете, каково Мое предостережение!

وَلَقَدْ كَذَّبَ الَّذِينَ مِنْ قَبْلِهِمْ فَكَيْفَ كَانَ نَكِيرِ ١٨

Илдас гьалабтира къянбачи бирхутири ва ил багьандан Нуни илдас кахси танбихI барира!

Жившие до них сочли это ложью. Каким же было Мое обличение!

أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ ۚ مَا يُمْسِكُهُنَّ إِلَّا الرَّحْمَٰنُ ۚ إِنَّهُ بِكُلِّ شَيْءٍ بَصِيرٌ ١٩

Чула чедир урцути арцантани дуклуми гьачам севан тIинтIдирулил, гIур севан дурчулил илдани чехIебиулив, гьатIи? Илди илкьяйдали дихIес УркIецIичевсила дуравад гIур чили вирару? Аллагьли гьар се-секIал чедиули сай!

Неужели они не видели над собой птиц, которые простирают и складывают крылья? Никто не удерживает их, кроме Милостивого. Воистину, Он видит всякую вещь.

أَمَّنْ هَٰذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَٰنِ ۚ إِنِ الْكَافِرُونَ إِلَّا فِي غُرُورٍ ٢٠

УркIецIичевси Аллагьла дуравад, хIуша далтахъуси гIяскарли сайси, хIушаб кумекбарес вируси — ил чи сая? Капурти — таманни чеббалкIи саби!

Кто может стать вашим войском и помочь вам без Милостивого? Воистину, неверующие обольщены!

أَمَّنْ هَٰذَا الَّذِي يَرْزُقُكُمْ إِنْ أَمْسَكَ رِزْقَهُ ۚ بَلْ لَجُّوا فِي عُتُوٍّ وَنُفُورٍ ٢١

Рахли хIушаб лугути берк-берж Аллагьли тIашаалли, хIуша берк-бержличил гIердурцуси — ил чи сая? ГIе, илди бархьси гьунчибад таманни чеббалкIи ва динничибад гIелумбизурли саби!

Кто может наделить вас уделом, если Он перестанет наделять вас Своим уделом? Но они продолжают заноситься и убегать.

أَفَمَنْ يَمْشِي مُكِبًّا عَلَىٰ وَجْهِهِ أَهْدَىٰ أَمَّنْ يَمْشِي سَوِيًّا عَلَىٰ صِرَاطٍ مُسْتَقِيمٍ ٢٢

Гьунчивад бекI гIяшкабуцили вашуси вархьли вашулив яра вархьли кайзурли вашуси бархьси гьунчиву?

Кто же следует более правильным путем: блуждающий с опущенным лицом или идущий по прямому пути, выпрямившись?

قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۖ قَلِيلًا مَا تَشْكُرُونَ ٢٣

Бура: «ХIуша акIахъубти, хIушаб лихIби, хIулби, уркIи гибти Илини сари, амма хIушани камли гIяхIсант балулрая».

Скажи: "Он - Тот, Кто создал вас и наделил вас слухом, зрением и сердцами. Как же мала ваша благодарность!"

قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ ٢٤

Бура: «Ванзала къакъличир хIуша тIинтIдарибти Илини саррая ва хIуша Иличи сагадан чардирудая».

Скажи: "Он - Тот, Кто расселил вас по земле, и к Нему вы будете собраны".

وَيَقُولُونَ مَتَىٰ هَٰذَا الْوَعْدُ إِنْ كُنْتُمْ صَادِقِينَ ٢٥

Илдани иру: «Рахли хIушани буруси бархьси биалли, ил секIал мурт бирара?»

Они говорят: "Когда же наступит обещанное, если вы говорите правду?"

قُلْ إِنَّمَا الْعِلْمُ عِنْدَ اللَّهِ وَإِنَّمَا أَنَا نَذِيرٌ مُبِينٌ ٢٦

Бура: «Ил — чIянкIли ца Аллагьлицун бала, ну биалли набчи хъарбарибси бархьли бетурхахъуси насихIятчицун сайра».

Скажи: "Знание об этом - у Аллаха, а я - всего лишь предостерегающий и разъясняющий увещеватель".

فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَٰذَا الَّذِي كُنْتُمْ بِهِ تَدَّعُونَ ٢٧

Илдани ил гъамли чебаибхIели, Аллагьличи хIебирхутала бяхIяни цIудар-цIябдирар ва илхIели илдази иру: «Баягъи хIушаб чебаэс дигуси — хIера ил саби!»

Когда они узреют его (наказание в День воскресения) вблизи от себя, лица неверующих опечалятся, и тогда им скажут: "Вот то, что вы призывали!"

قُلْ أَرَأَيْتُمْ إِنْ أَهْلَكَنِيَ اللَّهُ وَمَنْ مَعِيَ أَوْ رَحِمَنَا فَمَنْ يُجِيرُ الْكَافِرِينَ مِنْ عَذَابٍ أَلِيمٍ ٢٨

Бура: «Эгер нура набчил бархтира талапбарес яра мурахасдатес чIянкIли ца Аллагьлицун виралли, хIушала пикрили, кахти гIязабтазибад капурти берцахъес чили вирара?»,

Скажи: "Как вы думаете, если Аллах погубит меня и тех, кто со мной, или помилует нас, то кто защитит от мучительных страданий неверующих?"

قُلْ هُوَ الرَّحْمَٰنُ آمَنَّا بِهِ وَعَلَيْهِ تَوَكَّلْنَا ۖ فَسَتَعْلَمُونَ مَنْ هُوَ فِي ضَلَالٍ مُبِينٍ ٢٩

Бура: «УркIецIичевси Аллагьлицун вирар. Иличи сарра нуша дирхути ва Иличи саби нушани таваккал бирхьуси. БахъхIиагарли хIушанира баладая чи саял таманни чеввалкIунси!»

Скажи: "Он - Милостивый! Мы уверовали в Него и уповаем только на Него, и вы узнаете, кто пребывает в очевидном заблуждении".

قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَنْ يَأْتِيكُمْ بِمَاءٍ مَعِينٍ ٣٠

Бура: «Рахли жагIял савли хIушачирад шин ванзалиу дигIяндикалли, хIушала пикрили, амъурти шинна гIиниз хIушаб чили луга?»

Скажи: "Как вы думаете, если ваша вода уйдет под землю, то кто дарует вам родниковую воду?"