Сура 58 «Жалти» — Аль-Муджадила (Препирающаяся)

قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ

ХӀези сунелара муруллара ургарти жалтачила бурибсила ва Аллагьлизи гӀярзрухъунсила гъай Аллагьли аргъиб. ХӀуша-ургар детаурти гъайра Аллагьли аргъиб, сенахӀенну Аллагь — гьар секӀал иргъан, гьар секӀал чедиан сай!

Аллах уже услышал слова женщины, которая вступила с тобой в пререкания относительно своего мужа и пожаловалась Аллаху. Аллах слышал ваш спор, ведь Аллах - Слышащий, Видящий.

الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنْكَرًا مِنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ

Хьунрас чула нешанала къакъани саби или бурили, хӀушазибад чихъали хьунразибад декӀарбиркалра — илдани цӀахти ва къянала гъай дурули сари, сенахӀенну илдас илди нешани ахӀен, нешани саби — илди саби баркьибти. Амма бархьси саби: Аллагь — малхӀямси, чевкархуси сай!

Те из вас, которые объявляют своих жен запретными для себя, говорят слова предосудительные и лживые. Их жены - не матери им, ведь их матерями являются только женщины, которые их родили. Воистину, Аллах - Снисходительный, Прощающий.

وَالَّذِينَ يُظَاهِرُونَ مِنْ نِسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِنْ قَبْلِ أَنْ يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ

Чула хьунрас нешанала къакъани или, хьунразибад декӀарбикибтачиб ва гӀур, пашманбиубли, чула гъай чардарибтачиб чебси саби хьунрачи сагадан гъамбиайчи лагъ азадватес. Ил шайчир хӀушаб кадизахъурти гӀядлу-зегъа илдигъунти сари. ХӀушани се бирулрал Аллагьли балули сай!

Те, которые объявляют своих жен запретными для себя, а потом отрекаются от сказанного, должны освободить одного раба прежде, чем они прикоснутся друг к другу. Этим вас увещевают, и Аллах ведает о том, что вы совершаете.

فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ مِنْ قَبْلِ أَنْ يَتَمَاسَّا ۖ فَمَنْ لَمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ

Чила илгъуна барес имкан агара биалра, иличиб чебси саби, хьунуйчи сагадан гъамиайчи, гьаб-гӀергъили кӀел баз дубурцес; ил баресра хӀейрусиличиб чебси саби урегцӀали мискин-пякьир кьацӀли бахес. Ил барес гӀягӀниси саби хӀуша Аллагьличира Илала вакилличира дирхахъес багьандан. Илдигъунти сари Аллагьла гӀядлу-зегъа; капуртас биалли — кахси танбихӀ бирар!

Если кто-либо не сможет сделать этого, то он должен поститься в течение двух месяцев без перерыва прежде, чем они прикоснутся друг к другу. А кто не способен на это, тому надлежит накормить шестьдесят бедняков. Это делается для того, чтобы вы уверовали в Аллаха и Его Посланника. Таковы ограничения Аллаха, а для неверующих уготованы мучительные страдания.

إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِنْ قَبْلِهِمْ ۚ وَقَدْ أَنْزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُهِينٌ

Аллагьличира Илала вакилличира къаршили кабизурти — чус гьалабти севан къирбарибтирил, тяп илкьяйдали къирбарили бирар. Нушани илдас дурусти насихӀятуни зубрачирад дархьира ва илди кьабулхӀедирути капуртас кахси танбихӀ бирар

Те, которые враждуют с Аллахом и Его Посланником, будут унижены, как были унижены их предшественники. Мы уже ниспослали ясные знамения, а для неверующих уготованы унизительные мучения.

يَوْمَ يَبْعَثُهُمُ اللَّهُ جَمِيعًا فَيُنَبِّئُهُمْ بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ

Аллагьли илди лебилра мицӀирбарибси ва чули дарибти баркьудлуми илдази дагъахъурси бархӀи: АллагьликӀун илди лерилра гӀяхӀил далули сай, хӀятта илдани хъумуртули диалра. Аллагь — гьар се-секӀайс бикьри сай!

В тот день Аллах воскресит их всех и поведает им о том, что они совершили. Аллах исчислил это, а они забыли. Аллах - Свидетель всякой вещи.

أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِنْ نَجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِنْ ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُمْ بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ

Марлира, зубрачиртира ванзала къакъличиртира гьар секӀал Аллагьли далули виъни хӀуни чехӀебиулрив? ХӀябал адамла ургаб дигӀянаси ихтилат биэс хӀебирар, илав авэссилли Аллагь агарли, яра шел адамла ургаб урегэсил Аллагь агарли; илди илдачиб камли биаб, яра имцӀали биаб — саби чинаб биалра чучил варх мурталра Илра вирар. ГӀур кьяямала бархӀи Илини илдази балахъу чули се бирусирил: АллагьликӀун гьар се-секӀал далули сай!

Разве ты не знаешь, что Аллаху ведомо то, что на небесах, и то, что на земле? Не бывает тайной беседы между тремя, чтобы Он не был четвертым; или между пятью, чтобы Он не был шестым. Больше их или меньше - Он всегда с ними, где бы они ни были. А потом, в День воскресения, Он поведает им о том, что они совершили. Воистину, Аллах знает обо всякой вещи.

أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنْفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ

ДигӀянали ихтилатбикӀахъес чус къадагъабарибти адамти хӀуни чехӀебаирив, гьатӀи? Аммаки илала гӀергъира илди чус къадагъабарибсиличи сагадан чарбулхъули саби ва бунагьличила, душмандешличила, идбаглис мутӀигӀхӀебакӀниличила саби-ургаб гъайбикӀули саби. Илди хӀечи башухӀели биалли — илдани хӀела Аллагьли дирутачир имцӀали хӀурмат - хатир дирули сари ва чузи саби бикӀули саби: «Нушани дурути багьандан Аллагьли нушаб сен танбихӀ хӀебирули?» Илдачи хӀерли саби жагьаннаб, илди илала цӀализиб бирар! Агь, хӀябилра цӀахси мер леб ил!

Разве ты не видел тех, кому были запрещены тайные беседы. Они возвращаются к тому, что было им запрещено, и тайно переговариваются о грехах, вражде и неповиновении Посланнику. Когда они приходят к тебе, то приветствуют тебя не так, как приветствует тебя Аллах, говоря в душе: "Почему бы Аллаху не наказать нас за то, что мы говорим?" Довольно с них Геенны! Туда они попадут, и как же скверно это место прибытия!

يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ

Аллагьличи дирхути! ХӀуша дигӀянали цаличил ца ихтилатдикӀухӀели, бунагьличила, душмандешличила, идбаглис мутӀигӀхӀедакӀниличила гъаймадикӀудаяну, динна тӀалабуни дурусли дузахъес, Аллагьлис икрам бирес гӀягӀниси биъниличила гъайдикӀеная ва хӀуша сунечи чардируси Аллагьлизирад урухкӀеная.

О те, которые уверовали! Когда вы тайно переговариваетесь, то не говорите о грехах, вражде и неповиновении Посланнику, а говорите о благочестии и богобоязненности и бойтесь Аллаха, к Которому вы будете собраны.

إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ

ДигӀянати ихтилатуни — Аллагьличи бирхути пашманбарес багьандан дирути шайтӀа авара сари. Аммаки илдани илдас сегьунадра зарал хӀебиру, нагагьладан Аллагьли ил пурбанхӀебаралли: Аллагьличи бирхутани Иличицун таваккал бирхьаб!

Тайная беседа - от сатаны, стремящегося опечалить тех, которые уверовали. Но это нисколько не повредит им, если на то не будет соизволения Аллаха. Пусть же верующие уповают только на Аллаха.

يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انْشُزُوا فَانْشُزُوا يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ

Аллагьличи дирхути! ХӀушала вайти-гӀяхӀти арзес цаладикибхӀели ва «Цалис цали мер биреная!» или хӀушази бикӀухӀели, мер биреная! Аллагьли хӀушаб баари мер луга. ХӀушази «ХӀела мерличивад айзи!» или бикӀухӀели, адилзеная. ХӀушазибад Аллагьличи бирхути ва чус багьуди гибти гӀягӀниси даражала кьадар Аллагьли ахъбурцу. ХӀушани се бирулрал Аллагьли балули сай!

О те, которые уверовали! Когда вас просят на собраниях сесть пошире, то садитесь пошире, и Аллах одарит вас местом просторным. Когда же вам велят подняться, то поднимайтесь. Аллах возвышает по степеням тех из вас, кто уверовал, и тех, кому даровано знание. Аллах ведает о том, что вы совершаете.

يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَكُمْ وَأَطْهَرُ ۚ فَإِنْ لَمْ تَجِدُوا فَإِنَّ اللَّهَ غَفُورٌ رَحِيمٌ

Аллагьличи дирхути! Идбагличил хӀуша дигӀянали ихтилатдикӀес гьалаб садакьа биреная. Ил — хӀушаб гӀяхӀсира саби, керира саби. Рахли ил барес хӀушала имкан агара биалли, гӀур се биру... Аллагь чевкархуси, уркӀецӀичевси сай!

О те, которые уверовали! Если вы беседуете с Посланником в тайне, то предварите вашу тайную беседу милостыней. Так будет лучше для вас и чище. Но если вы ничего не найдете, то ведь Аллах - Прощающий, Милосердный.

أَأَشْفَقْتُمْ أَنْ تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ

Белики, иличил ихтилатбарес гьалаб садакьа барес хӀуша урухдиубли диишая? ХӀушани ил хӀебарили гӀергъи, Аллагьлисра хӀушаб гӀяхӀдеш барес дигухӀели, чекадизурли дехӀибала диреная, закат биреная, Аллагьлисра Илала идбаглисра мутӀигӀли диреная. ХӀушани се бирулрал Аллагьли балули сай!

Неужели вы боялись предварять вашу тайную беседу милостыней? Если вы не сделали этого и Аллах принял ваше покаяние, то совершайте намаз, выплачивайте закят и повинуйтесь Аллаху и Его Посланнику. Аллах ведает о том, что вы совершаете.

أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِمْ مَا هُمْ مِنْكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ

Чучи Аллагьла гьимидухъунти халкьличил гьалмагъбикибтачи хӀуни пикри бяхӀчихӀеирив? Илди я хӀушала шайчиб я илдала шайчиб ахӀен: вягӀда бирули, илдани балу-балули къяналати хъями дирули сари.

Разве ты не видел тех, которые дружат с людьми, на которых разгневался Аллах? Они не относятся ни к вам, ни к ним. Они дают заведомо ложные клятвы.

أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ

Илдас Аллагьли чӀумаси танбихӀ хӀядурбарили сай. Илдани бируси — гьарли-марли цӀахси баркьуди саби!

Аллах приготовил для них тяжкие мучения. Воистину, скверно то, что они совершают!

اتَّخَذُوا أَيْمَانَهُمْ جُنَّةً فَصَدُّوا عَنْ سَبِيلِ اللَّهِ فَلَهُمْ عَذَابٌ مُهِينٌ

Чула кьасани дигӀяндарес багьандан илдани хъями къалханван пайдаладирули сари ва Аллагьла гьунчибад адамти чеббулкӀахъули саби. Ил багьандан илдас цӀахси танбихӀ бирар!

Они сделали свои клятвы щитом и сбили других с пути Аллаха. Им уготованы унизительные мучения.

لَنْ تُغْنِيَ عَنْهُمْ أَمْوَالُهُمْ وَلَا أَوْلَادُهُمْ مِنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ

Я илдала мас-мулкли я илдала дурхӀнани Аллагьла танбихӀлизибад илди уцхӀевцахъу: илди жагьаннабла цӀализиб бирар ва илаб даимлис кавлан!

Ни имущество, ни дети ничем не помогут им пред Аллахом. Они являются обитателями Огня и пребудут там вечно.

يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ

Илди лебилра Аллагьли мицӀирбарибси бархӀи, илди Илала гьалабра хъями-цӀамали биркьур тяп хӀушала гьалаб хъями-цӀамали биркьуливан, илдани чус кумек баресгу или хьулбикӀули. Ца хӀеризигу илди сегъунти къянбарти сабил!

В тот день, когда Аллах воскресит их всех, они станут клясться перед Ним, подобно тому, как клянутся перед вами, полагая, что это поможет им. Воистину, они - лжецы.

اسْتَحْوَذَ عَلَيْهِمُ الشَّيْطَانُ فَأَنْسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ

Илди шайтӀай сунес мутӀигӀбарили саби ва Аллагьличила илдази хъумартахъурли саби. Илди — шайтӀа юлдашуни саби ва, шакдеш агарли, илди лебилра талапбирар!

Сатана одолел их и заставил их забыть о поминании Аллаха. Они являются партией сатаны. Воистину, партия сатаны - это потерпевшие убыток.

إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ

Аллагьличира Илала вакилличира къаршили кабизурти — чучи лягӀнат бушибтала ургаб бирар.

Те, которые враждуют с Аллахом и Его Посланником, окажутся в числе самых униженных.

كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ

Аллагьли белкӀун: «Нура Дила вакилтира чедидиркехӀе!» Гьарли-марли, Аллагь — цӀакьси, чевяхӀси сай!

Аллах предписал: "Победу непременно одержим Я и Мои посланники!" Воистину, Аллах - Всесильный, Могущественный.

لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ ۖ وَيُدْخِلُهُمْ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ

Аллагьличира кьиямала бархӀиличира бирхути адамтала ургаб хӀуни бургхӀебургид Аллагьличира Илала вакилличира къаршили кабизурти дигахъути адамти, хӀятта илди чула дудешуни, яра уршби, яра узби, яра гъамти биалра. Илдала уркӀбази Аллагьли иман кертӀиб ва Сунела кьудратличил илдазиб ил имцӀабариб; Илини илди чузир хӀуркӀби кадухъунти алжанала унхърази арку ва илаб илди даимлис кавлан. Илдачи Аллагь кьабулли вирар, Аллагьличи — илди кьабулли бирар. Илди — Аллагьла агьлу саби. Аллагьла агьлу биалли — гьарли-марли талихӀчебти саби!

Среди тех, кто верует в Аллаха и в Последний день, ты не найдешь людей, которые любили бы тех, кто враждует с Аллахом и Его Посланником, даже если это будут их отцы, сыновья, братья или родственники. Аллах начертал в их сердцах веру и укрепил их духом от Него. Он введет их в Райские сады, в которых текут реки, и они пребудут там вечно. Аллах доволен ими, и они довольны Им. Они являются партией Аллаха. Воистину, партия Аллаха - это преуспевшие.