Сура 25 «Берцуди» — Аль-Фуркан (Различение)

تَبَارَكَ الَّذِي نَزَّلَ الْفُرْقَانَ عَلَىٰ عَبْدِهِ لِيَكُونَ لِلْعَالَمِينَ نَذِيرًا

Деза биаб Сунела лагълис берцуди — адамтас ил вягӀзачили ветаахъес багьандан зубрачибад Кьуръан — бархьибсилис,

Благословен Тот, Кто ниспослал Своему рабу Различение (Коран), чтобы он стал предостерегающим увещевателем для миров.

الَّذِي لَهُ مُلْكُ السَّمَاوَاتِ وَالْأَرْضِ وَلَمْ يَتَّخِذْ وَلَدًا وَلَمْ يَكُنْ لَهُ شَرِيكٌ فِي الْمُلْكِ وَخَلَقَ كُلَّ شَيْءٍ فَقَدَّرَهُ تَقْدِيرًا

мусни-зубрала ари Сунезиб сабсилис; Сунела дурхӀни агарсилис; сайгъуна гӀур цархӀил агарсилис; гьар се-секӀал Сунени акӀахъубсилис ва илдала кьисмат гьаланачибал белгибарибсилис!

Ему принадлежит власть над небесами и землей. Он не взял Себе сына и ни с кем не делил власть. Он сотворил всякую вещь и придал ей соразмерную меру.

وَاتَّخَذُوا مِنْ دُونِهِ آلِهَةً لَا يَخْلُقُونَ شَيْئًا وَهُمْ يُخْلَقُونَ وَلَا يَمْلِكُونَ لِأَنْفُسِهِمْ ضَرًّا وَلَا نَفْعًا وَلَا يَمْلِكُونَ مَوْتًا وَلَا حَيَاةً وَلَا نُشُورًا

Илдани биалли, Илала дурабад, чус аллагьунили бикӀиб чули селра ахӀекӀахъубти ва сабира цархӀилтани акӀахъубти, я заралласи я пайдаласи се-биалра барес чула ахъри агарти, я бебкӀала, я гӀямрула, я мицӀирбирнила ари чузиб ахӀенти.

Они стали поклоняться вместо Него другим божествам, которые ничего не создают, хотя сами были сотворены. Они не властны принести вред или пользу даже самим себе и не распоряжаются ни смертью, ни жизнью, ни воскрешением.

وَقَالَ الَّذِينَ كَفَرُوا إِنْ هَٰذَا إِلَّا إِفْكٌ افْتَرَاهُ وَأَعَانَهُ عَلَيْهِ قَوْمٌ آخَرُونَ ۖ فَقَدْ جَاءُوا ظُلْمًا وَزُورًا

Аллагьличи хӀебирхути бикӀули саби: «Ил, шакдеш агарли, къяна саби; ил — илини пикрибирули сай ва ил барахъес илис цархӀилти адамтани кумекбирули саби». Ца хӀердизираягу чула къянбазиб ва питназиб илди чина бетаилил!

Неверующие говорят: "Это - всего лишь ложь, которую он выдумал с помощью других людей". Воистину, они поступают несправедливо и лгут.

وَقَالُوا أَسَاطِيرُ الْأَوَّلِينَ اكْتَتَبَهَا فَهِيَ تُمْلَىٰ عَلَيْهِ بُكْرَةً وَأَصِيلًا

Илди бикӀули саби: «Илди гьаб-убла адамтачила къянала хабурти сари; илини хъарбариб илди сунес делкӀахъес ва илди илис савлира бархӀехъра дучӀули сари».

Они говорят: "Это - сказки древних народов. Он попросил записать их, и их читают ему утром и после полудня".

قُلْ أَنْزَلَهُ الَّذِي يَعْلَمُ السِّرَّ فِي السَّمَاوَاتِ وَالْأَرْضِ ۚ إِنَّهُ كَانَ غَفُورًا رَحِيمًا

Бура: «Ил бархьибси саби зубрачиртира ванзала къакъличиртира дигӀяндешуни далусини. Гьарли-марли, Ил — чевкархан, уркӀецӀичев сай!

Скажи: "Ниспослал его Тот, Кому известны тайны на небесах и на земле. Он - Прощающий, Милосердный".

وَقَالُوا مَالِ هَٰذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ ۙ لَوْلَا أُنْزِلَ إِلَيْهِ مَلَكٌ فَيَكُونَ مَعَهُ نَذِيرًا

Илди бикӀули саби: «Ил се вакил сайси? Ил беркай укули сай ва базуртачи вашули сай. Эгер иличил малайк вархьибси виалри ва иличил варх илра вягӀзачи виалри!...

Они сказали: "Что это за посланник? Он ест пищу и ходит по рынкам. Почему к нему не был ниспослан ангел, который предостерегал бы вместе с ним?

أَوْ يُلْقَىٰ إِلَيْهِ كَنْزٌ أَوْ تَكُونُ لَهُ جَنَّةٌ يَأْكُلُ مِنْهَا ۚ وَقَالَ الظَّالِمُونَ إِنْ تَتَّبِعُونَ إِلَّا رَجُلًا مَسْحُورًا

Яра илис мас-хазнала мягӀдан гьаргбарибси биалри!.. Яра сунес цӀедеш лугуси илала анхъ биаллири!..» Илди баркьагарти гӀурра бикӀули саби: «ХӀуша сихӀрула асарлиувси адамлис гӀеларад дашулрая!»

Почему ему не даровано сокровище? Почему у него нет сада, из которого он бы вкушал?" Беззаконники сказали: "Воистину, вы следуете за околдованным мужем".

انْظُرْ كَيْفَ ضَرَبُوا لَكَ الْأَمْثَالَ فَضَلُّوا فَلَا يَسْتَطِيعُونَ سَبِيلًا

ХӀеризигу илдани хӀечи сегъунти къиликъуни хасдирулил; гӀе, илди чеббалкӀи саби ва илдани бархьси гьуни баргес бирули ахӀен!

Посмотри, как они приводят тебе притчи! Они впали в заблуждение и не могут найти дороги.

تَبَارَكَ الَّذِي إِنْ شَاءَ جَعَلَ لَكَ خَيْرًا مِنْ ذَٰلِكَ جَنَّاتٍ تَجْرِي مِنْ تَحْتِهَا الْأَنْهَارُ وَيَجْعَلْ لَكَ قُصُورًا

Эгер Сунес дигалри, хӀед илдачир гӀяхӀти секӀал — чузир хӀуркӀби кадухъунти алжанала унхъри — лугусилис, хӀед кӀялгӀни лугусилис деза биаб!

Благословен Тот, Кто дарует тебе, если пожелает, нечто лучшее - Райские сады, в которых текут реки, а также дворцы.

بَلْ كَذَّبُوا بِالسَّاعَةِ ۖ وَأَعْتَدْنَا لِمَنْ كَذَّبَ بِالسَّاعَةِ سَعِيرًا

ГӀе, кьиямала бархӀи сабиъни илдани къянбази халбирули саби, Нушани биалли илдас — кьиямала бархӀи сабиъни къянбази халбирутас — жагьаннабла цӀа хӀядурбарилра.

Но они считают ложью Час, а для тех, кто считает ложью Час, Мы приготовили Пламя.

إِذَا رَأَتْهُمْ مِنْ مَكَانٍ بَعِيدٍ سَمِعُوا لَهَا تَغَيُّظًا وَزَفِيرًا

Чули ил гьярахълабад чебаибхӀели, илала кахдешра цӀала гурла тӀамара илдани дикьу.

Когда оно завидет их издалека, они услышат его яростное шипение и рев.

وَإِذَا أُلْقُوا مِنْهَا مَكَانًا ضَيِّقًا مُقَرَّنِينَ دَعَوْا هُنَالِكَ ثُبُورًا

Цаличил ца бигьи, илди сиратӀла гумиличи лайбакӀибхӀели, илаб илди жяв-жявли дебкӀахъабагу или тиладибикӀар.

Когда их скованными бросят в тесное место, там они будут призывать погибель.

لَا تَدْعُوا الْيَوْمَ ثُبُورًا وَاحِدًا وَادْعُوا ثُبُورًا كَثِيرًا

Ил бархӀи хӀуша гьачам дебкӀахъес тиладимабиридаяну, дахъна дебкӀахъес тиладибарая!

Не призывайте сегодня одну погибели, а призывайте много погибелей!

قُلْ أَذَٰلِكَ خَيْرٌ أَمْ جَنَّةُ الْخُلْدِ الَّتِي وُعِدَ الْمُتَّقُونَ ۚ كَانَتْ لَهُمْ جَزَاءً وَمَصِيرًا

Бура: «Ил гӀяхӀсив яра Аллагьлизибад урухкӀутас чесибси даимси алжана гӀяхӀсив? Ил — илдас шабагъатли ва урдубяхъли бирар».

Скажи: "Это лучше или же Сад вечности, который обещан богобоязненным и будет им воздаянием и местом прибытия?"

لَهُمْ فِيهَا مَا يَشَاءُونَ خَالِدِينَ ۚ كَانَ عَلَىٰ رَبِّكَ وَعْدًا مَسْئُولًا

Илаб илдас чус дигуси се-дигара бирар ва илди илаб даимлис кавлан: илдас илкьяйда бирар хӀела ВегӀбекӀли чесибси хӀясибли, илдани тиладибарибси хӀясибли.

Там они получат все, что пожелают, и останутся навечно. Твой Господь взял на себя это испрошенное обещание.

وَيَوْمَ يَحْشُرُهُمْ وَمَا يَعْبُدُونَ مِنْ دُونِ اللَّهِ فَيَقُولُ أَأَنْتُمْ أَضْلَلْتُمْ عِبَادِي هَٰؤُلَاءِ أَمْ هُمْ ضَلُّوا السَّبِيلَ

Аллагьли илди ва Аллагьла дурабад илдани чус икрам бирути бучибси бархӀи Илини хьарбиу: «Ишди Дила лугъри хӀушани чеббалкӀахъунрав яра ишдани чули гьуни бетахъахъибу?»

В тот день Он соберет их и тех, кому они поклонялись вместо Аллаха, и скажет: "Это вы ввели в заблуждение этих Моих рабов, или же они сами сбились с пути?"

قَالُوا سُبْحَانَكَ مَا كَانَ يَنْبَغِي لَنَا أَنْ نَتَّخِذَ مِنْ دُونِكَ مِنْ أَوْلِيَاءَ وَلَٰكِنْ مَتَّعْتَهُمْ وَآبَاءَهُمْ حَتَّىٰ نَسُوا الذِّكْرَ وَكَانُوا قَوْمًا بُورًا

Илдани иру: «Деза биаб ХӀед! ХӀела дуравад нушаб нуша гӀердурцан гӀягӀниси ахӀенри; амма ХӀуни илдасра илдала дудешунасра талихӀчерти гӀямру гибхӀели, илдани ХӀу хъумкартурри: илди селалра хӀяжатагарти адамти саби».

Они скажут: "Пречист Ты! Не подобало нам брать покровителей и помощников вместо Тебя. Однако Ты позволил им и их отцам пользоваться благами, так что они забыли Напоминание. Они были пропащим народом".

فَقَدْ كَذَّبُوكُمْ بِمَا تَقُولُونَ فَمَا تَسْتَطِيعُونَ صَرْفًا وَلَا نَصْرًا ۚ وَمَنْ يَظْلِمْ مِنْكُمْ نُذِقْهُ عَذَابًا كَبِيرًا

ХӀуни дурути гъай илдани къянбази халдирули сари; ва хӀуни я балагь чебарбукес я кумекбарес вирули ахӀенри или бикӀули саби. ХӀушазивад вархьагарси гьариллизи Нушани кахси гӀязаб чӀямбирахъехӀе.

Они опровергли то, что вы говорите, и вы не можете ни отвратить наказание, ни помочь себе. Тем из вас, кто поступал несправедливо, Мы дадим вкусить великие мучения.

وَمَا أَرْسَلْنَا قَبْلَكَ مِنَ الْمُرْسَلِينَ إِلَّا إِنَّهُمْ لَيَأْكُلُونَ الطَّعَامَ وَيَمْشُونَ فِي الْأَسْوَاقِ ۗ وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ ۗ وَكَانَ رَبُّكَ بَصِيرًا

ХӀед гьалабра Нушани я беркала хӀебукути, я базуртачи хӀебашути идбагуни хӀебархьнра. ХӀушазибад цабехӀти Нушани цархӀилтас имтихӀянни дирнрая, хӀуша сабурчерти саррал хӀела ВегӀбекӀли чебиули сай.

Мы не ниспосылали до тебя посланников, которые не принимали бы пищи и не ходили бы по рынкам. Мы сделали одних из вас искушением для других: проявите ли вы терпение? Твой Господь - Видящий.

وَقَالَ الَّذِينَ لَا يَرْجُونَ لِقَاءَنَا لَوْلَا أُنْزِلَ عَلَيْنَا الْمَلَائِكَةُ أَوْ نَرَىٰ رَبَّنَا ۗ لَقَدِ اسْتَكْبَرُوا فِي أَنْفُسِهِمْ وَعَتَوْا عُتُوًّا كَبِيرًا

Нушачил гьунибаэс хьулхӀебикӀути бикӀули саби: «Агь, рахли нушачи малайкуни бархьибти биалри яра нушала ВегӀбекӀ чеэс нушаб бикалри!» Илди чула хьуланазиб бахъ халаберхурли саби, бахъ дебали уктембиубли саби.

Те, которые не надеются на встречу с Нами, говорят: "Почему к нам не ниспосланы ангелы? И почему мы не видим нашего Господа?" Они надменно возгордились собой и совершили великое преступление.

يَوْمَ يَرَوْنَ الْمَلَائِكَةَ لَا بُشْرَىٰ يَوْمَئِذٍ لِلْمُجْرِمِينَ وَيَقُولُونَ حِجْرًا مَحْجُورًا

Илдани малайкуни чебаибси бархӀи лябкьян, аммаки ил бархӀи илди бунагькартас гӀяхӀла хабар хӀебирар, илдази малайкунани иру: «ХӀушаб алжанализи гьалабиз чӀумаси саби!»

В тот день, когда они увидят ангелов, для грешников не будет никакой благой вести, и они (ангелы) скажут: "Вот преграда непреодолимая!"

وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا

Нуша илдани дарибти баркьудлумачи детиэхӀе ва илди палдаличи шурдалтехӀе.

Мы займемся деяниями, которые они совершили, и обратим их в развеянный прах.

أَصْحَابُ الْجَنَّةِ يَوْمَئِذٍ خَيْرٌ مُسْتَقَرًّا وَأَحْسَنُ مَقِيلًا

Ил бархӀи алжанализибтас алжана — бегӀлара гӀяхӀси хъалили ва бегӀлара чеббикӀла мерли бирар!

У обитателей Рая в тот день будет более хорошая обитель и более прекрасное место отдыха.

وَيَوْمَ تَشَقَّقُ السَّمَاءُ بِالْغَمَامِ وَنُزِّلَ الْمَلَائِكَةُ تَنْزِيلًا

Гъагултачил барх зак кӀибайбикибси ва гьаб-гӀергъили малайкуни зубрачибад бархьибси бархӀи лябкьян:

В тот день небо разверзнется и покроется облаками, и будут низведены ангелы.

الْمُلْكُ يَوْمَئِذٍ الْحَقُّ لِلرَّحْمَٰنِ ۚ وَكَانَ يَوْمًا عَلَى الْكَافِرِينَ عَسِيرًا

ил архӀи гьар се-секӀалла ари, гьарли-марли, УркӀецӀичевсилизиб бирар ва капуртас ил бархӀи — кахси бирар!

В тот день власть будет истинной и будет принадлежать Милостивому, и день тот будет тяжким для неверующих.

وَيَوْمَ يَعَضُّ الظَّالِمُ عَلَىٰ يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا

Ил бархӀи вархьагарси сунела тӀулбачи кьацӀвашар, ишкьяйда викӀули: «Агь, вегӀебш, сепайда, ну идбагличил варх ца гьунчивад вашуси виасри!

В тот день беззаконник станет кусать свои руки и скажет: "Лучше бы я последовал путем Посланника!

يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا

Агь, набчи балагь бакӀ! Сепайда, нуни наб шайтӀан юлдашхӀебуцибси виасри!

О горе мне! Лучше бы я не брал такого-то себе в друзья!

لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنْسَانِ خَذُولًا

Ил гӀилму набчи бакӀили гӀергъи, иличивад ну шайтӀай гӀелумизахъурра. ШайтӀан — адамлис хаин саби».

Это он отвратил меня от Напоминания (Корана) после того, как оно дошло до меня". Воистину, сатана оставляет человека без поддержки.

وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَٰذَا الْقُرْآنَ مَهْجُورًا

Идбагли иб: «ВегӀбекӀ! Дила халкьли иш Кьуръан мягӀнаагарти гъайла цалабяхълизи халбирули саби!»

Посланник сказал: "Господи! Мой народ забросил этот Коран".

وَكَذَٰلِكَ جَعَلْنَا لِكُلِّ نَبِيٍّ عَدُوًّا مِنَ الْمُجْرِمِينَ ۗ وَكَفَىٰ بِرَبِّكَ هَادِيًا وَنَصِيرًا

Илкьяйдали Нушани гьар идбаглис душмантили барира бунагькарти: амма хӀела ВегӀбекӀ хӀед лайикьси гьавкьяра сай, кумекчира сай!

Так для каждого пророка Мы создали врагов из числа грешников, но довольно того, что твой Господь наставляет на прямой путь и помогает.

وَقَالَ الَّذِينَ كَفَرُوا لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً ۚ كَذَٰلِكَ لِنُثَبِّتَ بِهِ فُؤَادَكَ ۖ وَرَتَّلْنَاهُ تَرْتِيلًا

Аллагьличи хӀебирхути бикӀули саби: «Эгер абзурли Кьуръан илис цагъакӀли бархьибси биалри!» Амма ил илкьяйда бархьибси саби хӀела уркӀи чӀумабиахъес багьандан: ил Нушани гьаб-гӀергъили гӀяширтачил бархьибсири.

Неверующие сказали: "Почему Коран не ниспослан ему целиком за один раз?" Мы поступили так, чтобы укрепить им твое сердце, и разъяснили его самым прекрасным образом.

وَلَا يَأْتُونَكَ بِمَثَلٍ إِلَّا جِئْنَاكَ بِالْحَقِّ وَأَحْسَنَ تَفْسِيرًا

Илдани сегъуна-биалра хабар буралли, Нушани иличила бархьдеш бурулра ва ил баянбирулра.

Какую бы притчу они ни приводили тебе, Мы открывали тебе истину и наилучшее толкование.

الَّذِينَ يُحْشَرُونَ عَلَىٰ وُجُوهِهِمْ إِلَىٰ جَهَنَّمَ أُولَٰئِكَ شَرٌّ مَكَانًا وَأَضَلُّ سَبِيلًا

Чула бяхӀяни жагьаннабла шайчидяхӀ кадизахъурли мицӀирбарибти — чула урдубяхъ хӀясибли бегӀлара талихӀагарти саби, бархьси гьунчибад таманни чеббалкӀунти саби!

Тем, которые будут собраны в Геенну ничком, уготовано наихудшее место, и они более других сбились с пути.

وَلَقَدْ آتَيْنَا مُوسَى الْكِتَابَ وَجَعَلْنَا مَعَهُ أَخَاهُ هَارُونَ وَزِيرًا

Нушани Мусас Таврат гира ва илис кумекчи варили илала узи Гьарун катурра.

Воистину, Мы даровали Мусе (Моисею) Писание и сделали его брата Харуна (Аарона) его помощником.

فَقُلْنَا اذْهَبَا إِلَى الْقَوْمِ الَّذِينَ كَذَّبُوا بِآيَاتِنَا فَدَمَّرْنَاهُمْ تَدْمِيرًا

Ва Нушани илдази ира: «Нушала насихӀятуни къянбази халдирути адамтачи дукьеная!» Илала гӀергъи илди Нушани, ца хӀетурли, лебилра къирбарира.

Мы повелели: "Ступайте вдвоем к народу, который счел ложью Наши знамения". А потом Мы уничтожили его до основания.

وَقَوْمَ نُوحٍ لَمَّا كَذَّبُوا الرُّسُلَ أَغْرَقْنَاهُمْ وَجَعَلْنَاهُمْ لِلنَّاسِ آيَةً ۖ وَأَعْتَدْنَا لِلظَّالِمِينَ عَذَابًا أَلِيمًا

НухӀла халкьра, илдани ил идбаг къянбарлизи халварибхӀели, Нушани кагӀяхъира ва ил адамтас лишанни бетаахъурра. Бархьагартас Нушани кахси танбихӀ хӀядурбарилра.

Мы потопили народ Нуха (Ноя), когда они сочли лжецами посланников, и сделали их знамением для людей. Мы приготовили беззаконникам мучительные страдания.

وَعَادًا وَثَمُودَ وَأَصْحَابَ الرَّسِّ وَقُرُونًا بَيْنَ ذَٰلِكَ كَثِيرًا

Адланти ва Самудланти, Рассла адамти ва илдала ургаб бахъал цархӀилти наслуби Нушани къирбарира.

А также адитов, самудян, жителей Расса и многие поколения, которые были между ними.

وَكُلًّا ضَرَبْنَا لَهُ الْأَمْثَالَ ۖ وَكُلًّا تَبَّرْنَا تَتْبِيرًا

Илдазибад гьариллис Нушани мисалти кили гӀергъи — илди лебилра, ца хӀетурли, Нушани къирбарира.

Каждому из них Мы приводили притчи, и каждый из них Мы подвергли полному истреблению.

وَلَقَدْ أَتَوْا عَلَى الْقَرْيَةِ الَّتِي أُمْطِرَتْ مَطَرَ السَّوْءِ ۚ أَفَلَمْ يَكُونُوا يَرَوْنَهَا ۚ بَلْ كَانُوا لَا يَرْجُونَ نُشُورًا

Илди сунечи адамти къирбарибти заб дарибси баягъи шила мякьлабад аркьулри. Марлира, илдани ил чехӀебаибу? Илди илдигъунти саби, сенахӀенну бебкӀили гӀергъи саби мицӀирбирниличи илди бирхули ахӀен!

Они уже проходили мимо селения, на которое выпал недобрый дождь. Разве они не видели его? О нет! Они не надеялись на то, что будут воскрешены.

وَإِذَا رَأَوْكَ إِنْ يَتَّخِذُونَكَ إِلَّا هُزُوًا أَهَٰذَا الَّذِي بَعَثَ اللَّهُ رَسُولًا

ХӀу чеибхӀели, илди хӀечиб чебдукаркӀули саби: «Марлира, иш саю Аллагьли идбаг варили вархьибси?

Завидев тебя, они лишь насмехаются над тобой: "Неужели это - тот, кого Аллах отправил посланником?

إِنْ كَادَ لَيُضِلُّنَا عَنْ آلِهَتِنَا لَوْلَا أَنْ صَبَرْنَا عَلَيْهَا ۚ وَسَوْفَ يَعْلَمُونَ حِينَ يَرَوْنَ الْعَذَابَ مَنْ أَضَلُّ سَبِيلًا

Ишини нуша хӀилхӀи калахъунра нушала аллагьуначирад гӀелумдилзахъули, ил бетари, рахли илди нушани чӀумали гӀебхӀебурцути диахӀелри». ТанбихӀ чебаибхӀели, илдани бала бархьси гьунчивад чи гӀелумизурлил!

Он готов был отвратить нас от наших богов, если бы мы не проявили терпение". Когда они узреют наказание, они узнают, кто больше других сбился с пути.

أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنْتَ تَكُونُ عَلَيْهِ وَكِيلًا

Чула кьасани чус аллагьунили дарибти хӀуни чебаирив? ГьатӀи хӀуни илдас жаваб лугусив?»

Видел ли ты того, кто обожествил свою прихоть? Разве ты являешься его попечителем и хранителем?

أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ بَلْ هُمْ أَضَلُّ سَبِيلًا

Яра хӀед гьанбиркулив илдазибад бахъал хӀечи лехӀихъур яра духубирар или? ИлдикӀун хӀяйвантигъунти саби; илди бархьси гьунчибад дебали чеббалкӀи саби.

Или ты полагаешь, что большинство их способны слышать или разуметь? Они - всего лишь подобие скотов, но они еще больше сбились пути.

أَلَمْ تَرَ إِلَىٰ رَبِّكَ كَيْفَ مَدَّ الظِّلَّ وَلَوْ شَاءَ لَجَعَلَهُ سَاكِنًا ثُمَّ جَعَلْنَا الشَّمْسَ عَلَيْهِ دَلِيلًا

ХӀуни чехӀебаирив, гьатӀи, хӀела ВегӀбекӀли дяхӀцӀи севан бухъянбирулил? Эгер Илис дигули виалри, Илини ил барсхӀебикӀусили бири. Илини берхӀи — дяхӀцӀи белгибиранни бетаахъур.

Разве ты не видишь, как твой Господь простирает тень? Если бы Он захотел, то сделал бы ее неподвижной. Затем Мы делаем солнце ее путеводителем

ثُمَّ قَبَضْنَاهُ إِلَيْنَا قَبْضًا يَسِيرًا

ГӀур Нушани дяхӀцӀи багьлали Нушачи битӀикӀулра, ил — дуб-дубли уббицӀахъули.

и затем постепенно сжимаем ее к Себе.

وَهُوَ الَّذِي جَعَلَ لَكُمُ اللَّيْلَ لِبَاسًا وَالنَّوْمَ سُبَاتًا وَجَعَلَ النَّهَارَ نُشُورًا

Ил — хӀушаб дуги — палтарли, гьанкӀ — бамсри ихъуси заманали, бархӀи — хӀуша дузуси манзилли детаахъурси сай.

Он - Тот, Кто сделал для вас ночь покровом, сон - отдыхом, а день - оживлением.

وَهُوَ الَّذِي أَرْسَلَ الرِّيَاحَ بُشْرًا بَيْنَ يَدَيْ رَحْمَتِهِ ۚ وَأَنْزَلْنَا مِنَ السَّمَاءِ مَاءً طَهُورًا

Ил — Сунела уркӀецӀиличила гӀяхӀла хабарличил дугӀби дурхьан сай. Нушани зубрачирад умути шин чертӀулра,

Он - Тот, Кто посылает ветры с доброй вестью о Своей милости. Мы ниспосылаем с неба чистую и очищающую воду,

لِنُحْيِيَ بِهِ بَلْدَةً مَيْتًا وَنُسْقِيَهُ مِمَّا خَلَقْنَا أَنْعَامًا وَأَنَاسِيَّ كَثِيرًا

бебкӀибси ванза илдачил мицӀирбарес багьандан; Нушани акӀахъубти — мицӀирагра адамтира — илдачил эркинни балхулра.

чтобы оживить ею мертвую землю и напоить ею многочисленный скот и многих людей из тех, кого Мы сотворили.

وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَىٰ أَكْثَرُ النَّاسِ إِلَّا كُفُورًا

Илди духубиахъес багьандан иличила Нушани илдази гьанналаубал бурибсири, аммаки илди адамтазибад бахълис Аллагьличи хӀебирхутили калес дигули саби.

Мы распределяем ее (дождевую воду) между ними, чтобы они помянули назидание, но большинство людей отказываются от всего, кроме неверия (или неблагодарности).

وَلَوْ شِئْنَا لَبَعَثْنَا فِي كُلِّ قَرْيَةٍ نَذِيرًا

Эгер Нушаб дигули диахӀелри, гьар шилизи вягӀзачи урхьира.

Если бы Мы пожелали, то послали бы в каждое селение предостерегающего увещевателя.

فَلَا تُطِعِ الْكَافِرِينَ وَجَاهِدْهُمْ بِهِ جِهَادًا كَبِيرًا

Капуртас мутӀигӀмайкӀуд ва, иш Кьуръан кумекли биахъубли, илдачи къаршили гьураличил ургъен!

Посему не повинуйся неверующим и веди с ними посредством него (Корана) великую борьбу.

وَهُوَ الَّذِي مَرَجَ الْبَحْرَيْنِ هَٰذَا عَذْبٌ فُرَاتٌ وَهَٰذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَحْجُورًا

Ил — унраличир кӀел урхьу акӀахъубси сай: ца — зукьили ахӀенси, тӀагӀямласи, итил — зукьиси, кьутӀкьуси. Ва илди кӀилалра ургар Илини гьалабизра чӀумаси лацра тӀашдатур.

Он - Тот, Кто смешал два моря (вида воды): одно - приятное, пресное, а другое - соленое, горькое. Он установил между ними преграду и непреодолимое препятствие.

وَهُوَ الَّذِي خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا ۗ وَكَانَ رَبُّكَ قَدِيرًا

Ил — шиннизибад адамти акӀахъубси ва илди мурул адамтира хьунул адамтира бетаахъурси сай. ХӀела ВегӀбекӀ — гьар се-секӀайчив цӀакьси сай!

Он - Тот, Кто сотворил человека из воды и одарил его родственниками и свойственниками. Господь твой - Всемогущий.

وَيَعْبُدُونَ مِنْ دُونِ اللَّهِ مَا لَا يَنْفَعُهُمْ وَلَا يَضُرُّهُمْ ۗ وَكَانَ الْكَافِرُ عَلَىٰ رَبِّهِ ظَهِيرًا

Илдани биалли, Аллагьла дурабад, чузибад я пайда я зарал агартас икрам бирули саби. Капур — сунела ВегӀбекӀлис ламартчи сай!

Они поклоняются помимо Аллаха тому, что не может ни принести им пользу, ни причинить им вред. Неверующий является помощником против своего Господа.

وَمَا أَرْسَلْنَاكَ إِلَّا مُبَشِّرًا وَنَذِيرًا

Нушани хӀу вархьири гӀяхӀла хабар биханни, вягӀзачили.

Мы отправили тебя всего лишь добрым вестником и предостерегающим увещевателем.

قُلْ مَا أَسْأَلُكُمْ عَلَيْهِ مِنْ أَجْرٍ إِلَّا مَنْ شَاءَ أَنْ يَتَّخِذَ إِلَىٰ رَبِّهِ سَبِيلًا

Бура: «Ил багьандан нуни хӀушазибад сегъуналра багьа тӀалаббирули ахӀенра, чис дигули виалра, ил сунела ВегӀбекӀличи лявкьуси гьунчи кайзни ахӀенси».

Скажи: "Я не прошу у вас за это никакого вознаграждения, кроме того, чтобы желающие встали на путь к своему Господу".

وَتَوَكَّلْ عَلَى الْحَيِّ الَّذِي لَا يَمُوتُ وَسَبِّحْ بِحَمْدِهِ ۚ وَكَفَىٰ بِهِ بِذُنُوبِ عِبَادِهِ خَبِيرًا

Даим МицӀирсиличи, БебкӀа агарсиличи таваккалбихьа ва Илис дезаикӀен. Илини Сунела лугърала бунагьуни гӀяхӀил далули сай.

Уповай на Живого, Который не умирает, и прославляй Его хвалой. Довольно того, что Он ведает о грехах Своих рабов.

الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۚ الرَّحْمَٰنُ فَاسْأَلْ بِهِ خَبِيرًا

Урегал бархӀила духӀнар мусни-зубри ва илдала ургар лерти гьар се-секӀал акӀахъубси, гӀур тахличи виаркайибси — хӀера, ил сай УркӀецӀичевси. Иличила хьарбаа — балусилизи!

Он сотворил небеса и землю и то, что между ними, за шесть дней, а потом вознесся на Трон (или утвердился на Троне). Он - Милостивый. Спрашивай об этом Ведающего.

وَإِذَا قِيلَ لَهُمُ اسْجُدُوا لِلرَّحْمَٰنِ قَالُوا وَمَا الرَّحْمَٰنُ أَنَسْجُدُ لِمَا تَأْمُرُنَا وَزَادَهُمْ نُفُورًا ۩

Илдази ирухӀели «УркӀецӀичевсилис икрам биреная!» или, илди бикӀули саби: «Чи сая ил УркӀецӀичевси? Сунес икрам бирахъес хӀуни нушачи хьарбирусилис нушани икрам бирехӀев, гьатӀи?» Ва илди гьатӀира имцӀали гӀелумбилзули саби.

Когда им говорят: "Падайте ниц перед Милостивым!" - они говорят: "Что такое Милостивый? Неужели мы будем падать ниц перед тем, кому ты нам приказываешь?" Это приумножает их отвращение.

تَبَارَكَ الَّذِي جَعَلَ فِي السَّمَاءِ بُرُوجًا وَجَعَلَ فِيهَا سِرَاجًا وَقَمَرًا مُنِيرًا

Деза биаб зубрачир зубарти пархдухъахъунсилис, илаб берхӀила чирагъ абалкунсилис ва Бац шалабикӀахъусилис!

Благословен Тот, Кто установил на небе созвездия Зодиака и установил на нем светильник и освещающую луну.

وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِمَنْ أَرَادَ أَنْ يَذَّكَّرَ أَوْ أَرَادَ شُكُورًا

Ил — духуиэс дигусилис ва гӀяхӀсант балусили виэс дигусилис мисал саблин, дугира хӀерира гьаб-гӀергъили дарсдикӀахъан сай!

Он - Тот, Кто чередует ночь и день для тех, кто желает помнить и благодарить.

وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا

УркӀецӀичевсила лугъри саби: ванзала къакъличиб уктемдеш агарли башути ва чучи дагьри агарти дугъабилзухӀели, илдази «ВагӀялайкум салам!» бикӀути;

А рабами Милостивого являются те, которые ступают по земле смиренно, а когда невежды обращаются к ним, они говорят благие слова.

وَالَّذِينَ يَبِيتُونَ لِرَبِّهِمْ سُجَّدًا وَقِيَامًا

чула ВегӀбекӀлис булгули ва икрам бирули дугурби дуркӀути;

Они проводят ночи, падая ниц и стоя перед своим Господом.

وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ ۖ إِنَّ عَذَابَهَا كَانَ غَرَامًا

«нушала ВегӀбекӀ! Нушачибад жагьаннабла гӀязаб чебарбука! Илала гӀязабкӀун — халал мусибат саби;

Они говорят: "Господь наш! Отврати от нас мучения в Геенне, поскольку мучения там не отступают.

إِنَّهَا سَاءَتْ مُسْتَقَرًّا وَمُقَامًا

ил — кахси мер ва цӀахси урдубяхъ саби!» или бикӀути;

Как скверны эта обитель и местопребывание!"

وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَٰلِكَ قَوَامًا

садакьа бирухӀели, я палакатдеш хӀедирути, я кьыркьирхӀебикӀути, цаургайчиб чӀумали бирути;

Когда они делают пожертвования, то не расточительствуют и не скупятся, а придерживаются середины между этими крайностями.

وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَنْ يَفْعَلْ ذَٰلِكَ يَلْقَ أَثَامًا

Аллагьла дурабад гӀур цархӀил аллагьлизи булгхӀебулгути; кавшахъес Аллагьли къадагъабарибси адам кахӀершути, кавшес ихтияр лебсила дуравад; хъямхӀя-къехӀбадеш хӀедузахъути. Чили ил секӀал биралра — илис лайикьси танбихӀ бирар:

Они не взывают помимо Аллаха к другим богам, не убивают людей вопреки запрету Аллаха, если только они не имеют права на это, и не прелюбодействуют. А тот, кто поступает таким образом, получит наказание.

يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا

кьиямала бархӀи илис танбихӀ кӀиркабиру ва илизив ил, цӀахиубси, даимлис вирар.

Его мучения будут приумножены в День воскресения, и он навечно останется в них униженным.

إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَحِيمًا

Чули дарибтачи пашманбиубтас, Аллагьличи бирхесбяхӀибтас, гӀяхӀти баркьудлуми дирутас, — илдас Аллагьли илдала вайти баркьудлуми гӀяхӀтачил дарсдиру; гьарли-марли, Аллагь — чевкархан, уркӀецӀичев сай.

Это не относится к тем, которые раскаялись, уверовали и поступали праведно. Их злые деяния Аллах заменит добрыми, ибо Аллах - Прощающий, Милосердный.

وَمَنْ تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا

Сунени дарибти вайтачи пашманиубси ва гӀяхӀти баркьудлуми дируси — ил сай уркӀи-уркӀилавад пашманиубли Аллагьличи дугьаилзуси.

Кто раскаивается и поступает праведно, тот действительно возвращается к Аллаху.

وَالَّذِينَ لَا يَشْهَدُونَ الزُّورَ وَإِذَا مَرُّوا بِاللَّغْوِ مَرُّوا كِرَامًا

УркӀецӀичевсила лугъри саби къянала бикьридеш хӀедирути, дугӀла гъайлизи гъудурбиэс чучи чебуркъубхӀели, чула адамдеш детхӀехъахъили илди тӀашиути;

Они не свидетельствуют лживо (или не присутствуют при лживых разговорах), а когда проходят мимо праздного, то проходят с достоинством.

وَالَّذِينَ إِذَا ذُكِّرُوا بِآيَاتِ رَبِّهِمْ لَمْ يَخِرُّوا عَلَيْهَا صُمًّا وَعُمْيَانًا

чула ВегӀбекӀла аятуни чузи гьандуршухӀели, гӀянцӀабала ва сукъуртала гӀерхӀедирути;

Когда им напоминают о знамениях их Господа, они не падают на них глухими и слепыми.

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

«нушала ВегӀбекӀ! Нушала хьунрира нушала дурхӀнира нушаб хӀулбала шалали биахъа ва Аллагьлизибад урухкӀутас нуша гӀибратли диахъаба!» или бикӀути.

Они говорят: "Господь наш! Даруй нам отраду глаз в наших супругах и потомках и сделай нас образцом для богобоязненных".

أُولَٰئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا

Илдас, сабурчебтили бирни багьандан, шабагъатли дирар алжанала бегӀлара гӀяхӀти мер-муса, илаб илдас разили ва хӀулкӀули гьунибиур;

Они получат Наивысшее место в воздаяние за то, что были терпеливы, и их встретят там приветствием и миром.

خَالِدِينَ فِيهَا ۚ حَسُنَتْ مُسْتَقَرًّا وَمُقَامًا

илаб илди даимлис кадра кавлан. Агь, ил сегъуна пергерси мер ва урдубяхъ сабил!

Они пребудут там вечно. Как прекрасны эта обитель и местопребывание!

قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ ۖ فَقَدْ كَذَّبْتُمْ فَسَوْفَ يَكُونُ لِزَامًا

Бура: «Эгер хӀуша Илизи дулгхӀедулгадалли, дила ВегӀбекӀ хӀушачила къайгъна хӀеркьур. ХӀуша къянбачи дирхулрая ва ил багьандан танбихӀ сеннира бирар».

Скажи: "Мой Господь не стал бы обращать на вас внимание, если бы не ваши молитвы. Вы сочли это ложью, и скоро оно (наказание) станет неотступным".