Сура 47 «МухӀяммад» — Мухаммад

الَّذِينَ كَفَرُوا وَصَدُّوا عَنْ سَبِيلِ اللَّهِ أَضَلَّ أَعْمَالَهُمْ

Аллагьличи хӀебирхутала ва Илала гьунчибад гӀелумбизуртала баркьудлуми Илини дугӀлатили детарахъу.

Он сделал тщетными деяния тех, которые не уверовали и сбивали других с пути Аллаха.

وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِنْ رَبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ

Аллагьличи бирхутала, гӀяхӀдеш бирутала, МухӀяммадлис зубрачибад бархьибсиличи ва ил чула ВегӀбекӀличибад бархьибси бархьдеш биъниличи бирхутала — илдала бунагьуначивад Аллагь чевурхар ва илдала Илини уркӀби разидиру.

Он простил грехи и исправил положение тех, которые уверовали, совершали праведные деяния и уверовали в истину, ниспосланную Мухаммаду от их Господа.

ذَٰلِكَ بِأَنَّ الَّذِينَ كَفَرُوا اتَّبَعُوا الْبَاطِلَ وَأَنَّ الَّذِينَ آمَنُوا اتَّبَعُوا الْحَقَّ مِنْ رَبِّهِمْ ۚ كَذَٰلِكَ يَضْرِبُ اللَّهُ لِلنَّاسِ أَمْثَالَهُمْ

Илкьяйдали бирар, сенахӀенну капурти — къянбас гӀелабад арбякьун, Аллагьличи бирхути — чула ВегӀбекӀличибадси бархьдешлис гӀелабад арбякьун. ХӀера, илкьяйдали Аллагьли адамтас чула ургарад мисалти лугули сай!

Это - за то, что неверующие последовали за ложью, а верующие последовали за истиной от их Господа. Так Аллах приводит людям их притчи.

فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ حَتَّىٰ إِذَا أَثْخَنْتُمُوهُمْ فَشُدُّوا الْوَثَاقَ فَإِمَّا مَنًّا بَعْدُ وَإِمَّا فِدَاءً حَتَّىٰ تَضَعَ الْحَرْبُ أَوْزَارَهَا ۚ ذَٰلِكَ وَلَوْ يَشَاءُ اللَّهُ لَانْتَصَرَ مِنْهُمْ وَلَٰكِنْ لِيَبْلُوَ بَعْضَكُمْ بِبَعْضٍ ۗ وَالَّذِينَ قُتِلُوا فِي سَبِيلِ اللَّهِ فَلَنْ يُضِلَّ أَعْمَالَهُمْ

Капуртачил дергълизир къаршидикибхӀели, илди мутӀигӀбакӀайчи илдала бурги чердирхъеная! Ясирти — кьяшмачи шинжирти даршили бихӀеная. ГӀур биалли — дергъли сунела балагь-кьадар тӀашаибхӀели, яра илди, уркӀецӀибарили, азадбалтеная, яра, илдас багьа сасили, бурхьеная. Тяп илкьяйдали биреная! Рахли Аллагьлис дигули виалри, илдас Сунени чеббирцӀи, аммаки Илис дигули сай хӀушазибад цабехӀтала цархӀилтачил хӀялумцӀес. Аллагьла гьунчиб кабушибтала баркьудлуми Илини дугӀли детхӀейхъахъу.

Когда вы встречаетесь с неверующими на поле боя, то рубите головы. Когда же вы ослабите их, то крепите оковы. А потом или милуйте, или же берите выкуп до тех пор, пока война не сложит свое бремя. Вот так! Если бы Аллах пожелал, то отомстил бы им сам, но Он пожелал испытать одних из вас посредством других. Он никогда не сделает тщетными деяния тех, кто был убит на пути Аллаха.

سَيَهْدِيهِمْ وَيُصْلِحُ بَالَهُمْ

Илини илдас гьуни чебиахъули сай ва илдала уркӀби паргъатдирули сай;

Он поведет их прямым путем, исправит их положение

وَيُدْخِلُهُمُ الْجَنَّةَ عَرَّفَهَا لَهُمْ

ва илдази Сунени багьахъурси алжанализи илди арку.

и введет их в Рай, с которым Он их ознакомил (или который Он умастил для них благовониями).

يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ

Аллагьличи дирхути! Рахли хӀушани Аллагьлис кумек барадалли, Илини хӀушабра кумекбиру ва хӀушала уркӀбази яхӀ-сабур кертӀу.

О те, которые уверовали! Если вы поможете Аллаху, то и Он поможет вам и утвердит ваши стопы.

وَالَّذِينَ كَفَرُوا فَتَعْسًا لَهُمْ وَأَضَلَّ أَعْمَالَهُمْ

Капурти биалли — талапбирар ва илдала баркьудлуми дугӀли аркьян.

Гибель тем, которые не уверовали! Он сделает тщетными их деяния.

ذَٰلِكَ بِأَنَّهُمْ كَرِهُوا مَا أَنْزَلَ اللَّهُ فَأَحْبَطَ أَعْمَالَهُمْ

Илдас илкьяйдали бируси саби Аллагьли зубрачибад бархьибсиличи илди къаршили кабизни багьандан; Илини илдала баркьудлуми пайдаагартили детарахъу.

Это - потому, что они возненавидели ниспосланное Аллахом, и Он сделал тщетными их деяния!

أَفَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ دَمَّرَ اللَّهُ عَلَيْهِمْ ۖ وَلِلْكَافِرِينَ أَمْثَالُهَا

Марлира, илди иш ванзала къакъкад хӀебашибу ва чус гьалабтала ахир сегъуна сабрил чехӀебаибу? Аллагьли илди къирбариб: иличи мешуси танбихӀ бирар ишди капуртасра.

Неужели они не странствовали по земле и не видели, каким был конец их предшественников? Аллах уничтожил их, и неверующих ожидает подобное этому.

ذَٰلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَىٰ لَهُمْ

Тяп илкьяйдали бирар, сенахӀенну Аллагь — Сунечи бирхутас гӀевкалхъан сай, амма капуртас гӀевкалхъуси чилра агара.

Это - потому, что Аллах является Покровителем верующих, а у неверующих нет покровителя.

إِنَّ اللَّهَ يُدْخِلُ الَّذِينَ آمَنُوا وَعَمِلُوا الصَّالِحَاتِ جَنَّاتٍ تَجْرِي مِنْ تَحْتِهَا الْأَنْهَارُ ۖ وَالَّذِينَ كَفَرُوا يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَهُمْ

Аллагьличи бирхути ва гӀяхӀдеш бирути, шакдеш агарли, Илини чузир хӀуркӀби кадухъунти алжанала унхърази арку. Капурти биалли иш дунъяличирти гӀямрулизиб кеп-чеклизиб биркьули саби ва тяп хӀяйвантиван букули саби; илдас миналира бирар жагьаннабла цӀа!

Воистину, Аллах введет тех, которые уверовали и совершали праведные деяния, в Райские сады, в которых текут реки. А неверующие пользуются благами и едят, подобно скоту. Их обителью будет Огонь.

وَكَأَيِّنْ مِنْ قَرْيَةٍ هِيَ أَشَدُّ قُوَّةً مِنْ قَرْيَتِكَ الَّتِي أَخْرَجَتْكَ أَهْلَكْنَاهُمْ فَلَا نَاصِرَ لَهُمْ

Сунезивад хӀу дугӀаибси хӀела шагьарличир жагатира цӀакьтира чум шагьар Нушани талапдарирав! Ва илдас гӀевкалхъуси чилра аги.

Сколько же селений, которые превосходили силой твое селение, изгнавшее тебя, Мы погубили! У них не было помощников.

أَفَمَنْ كَانَ عَلَىٰ بَيِّنَةٍ مِنْ رَبِّهِ كَمَنْ زُيِّنَ لَهُ سُوءُ عَمَلِهِ وَاتَّبَعُوا أَهْوَاءَهُمْ

Сунела ВегӀбекӀла бархьси гӀилмуличи хъарихъуси, — сунела вайти баркьудлумачила пахру бирусигъуна ва сунела иштяхӀунас гӀелавад арякьунсигъуна саю, гьатӀи?

Разве тот, кто следует ясному доказательству от своего Господа, подобен тем, которым представилось прекрасным зло их деяний и которые потакали своим желаниям?

مَثَلُ الْجَنَّةِ الَّتِي وُعِدَ الْمُتَّقُونَ ۖ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى ۖ وَلَهُمْ فِيهَا مِنْ كُلِّ الثَّمَرَاتِ وَمَغْفِرَةٌ مِنْ رَبِّهِمْ ۖ كَمَنْ هُوَ خَالِدٌ فِي النَّارِ وَسُقُوا مَاءً حَمِيمًا فَقَطَّعَ أَمْعَاءَهُمْ

Аллагьлизибад урухкӀутас чесибси алжанала анхъ ишгъуна саби: илар хӀуркӀби — гягӀхӀедирути шинна сари; илар хӀуркӀби —чула тӀем бетхӀейхъути ниъла сари; илар хӀуркӀби — ужусилис тягӀямлати шарабла сари; Илар хӀуркӀби — дурхӀя мирхъила варъала сари. Илар илдас — гьар журала цӀедеш сари ва чула ВегӀбекӀ илдала бунагьуначивад чевурхули сай. Даим цӀализиб бирутала, чула варг-мах игути руржути шинни балхутала илдачи мешубикеси се биалра лебара?

Вот описание Рая, обещанного богобоязненным! В нем текут реки из воды, которая не застаивается, реки из молока, вкус которого не изменяется, реки из вина, дарующего наслаждение пьющим, и реки из очищенного меда. В нем для них уготованы любые фрукты и прощение от их Господа. Неужели они подобны тем, которые вечно пребывают в Огне и которых поят кипящей водой, разрывающей их кишки?

وَمِنْهُمْ مَنْ يَسْتَمِعُ إِلَيْكَ حَتَّىٰ إِذَا خَرَجُوا مِنْ عِنْدِكَ قَالُوا لِلَّذِينَ أُوتُوا الْعِلْمَ مَاذَا قَالَ آنِفًا ۚ أُولَٰئِكَ الَّذِينَ طَبَعَ اللَّهُ عَلَىٰ قُلُوبِهِمْ وَاتَّبَعُوا أَهْوَاءَهُمْ

Илдала ургабра леб хӀечи лехӀихъути. Аммаки хӀечибад арбякьунхӀели, чус багьуди гибтази илди бикӀули саби: «ИшхӀели итини дурути се сарри?» Илди саби Аллагьли чула уркӀби гӀянцӀдарибти ва чула иштяхӀунас гӀелабад башути.

Среди них есть такие, которые слушают тебя. Когда они вышли от тебя, то сказали тем, которым было даровано знание: "Что он сказал только что?" Это - те, сердца которых Аллах запечатал и которые потакают своим желаниям.

وَالَّذِينَ اهْتَدَوْا زَادَهُمْ هُدًى وَآتَاهُمْ تَقْوَاهُمْ

Бархьси гьунчибад башутас Илини бархьдеш имцӀабиру ва динна тӀалабуни дузахънилизиб илди гӀеббурцу.

Тем, кто следует прямым путем, Он увеличивает их приверженность прямому пути и дарует их богобоязненность.

فَهَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً ۖ فَقَدْ جَاءَ أَشْرَاطُهَا ۚ فَأَنَّىٰ لَهُمْ إِذَا جَاءَتْهُمْ ذِكْرَاهُمْ

Чучи хапли лябкьуси кьиямала бархӀила дурабад илди гӀур селичи хӀерликабирути? ХӀера, илала лишанти гьанна дакӀудулхъули сари. Ва илдачи ил бакӀибхӀели, иличила чузи багьахъурли хьалли илдас се гӀяхӀдеш леба?

Неужели они ожидают чего-либо, кроме Часа, который явится к ним внезапно? Ведь уже явились его приметы. Разве они смогут помянуть назидание, когда он явится к ним?

فَاعْلَمْ أَنَّهُ لَا إِلَٰهَ إِلَّا اللَّهُ وَاسْتَغْفِرْ لِذَنْبِكَ وَلِلْمُؤْمِنِينَ وَالْمُؤْمِنَاتِ ۗ وَاللَّهُ يَعْلَمُ مُتَقَلَّبَكُمْ وَمَثْوَاكُمْ

Аллагьла дуравад гӀур цархӀил аллагь агни багьи ва хӀела бунагьуначивадра Аллагьличи бирхути мурул адамтала ва хьунул адамтала бунагьуначивадра чеверхахъес Илизи тиладибара. Аллагьли далули сай хӀуша дузуси мерра хӀуша хӀяридирхъуси мерра.

Знай же, что нет божества, кроме Аллаха, и проси прощения за свой грех и за верующих мужчин и верующих женщин. Аллах знает о ваших передвижениях и вашей обители.

وَيَقُولُ الَّذِينَ آمَنُوا لَوْلَا نُزِّلَتْ سُورَةٌ ۖ فَإِذَا أُنْزِلَتْ سُورَةٌ مُحْكَمَةٌ وَذُكِرَ فِيهَا الْقِتَالُ ۙ رَأَيْتَ الَّذِينَ فِي قُلُوبِهِمْ مَرَضٌ يَنْظُرُونَ إِلَيْكَ نَظَرَ الْمَغْشِيِّ عَلَيْهِ مِنَ الْمَوْتِ ۖ فَأَوْلَىٰ لَهُمْ

Аллагьличи бирхути бикӀули саби: «Эгер Кьуръа гӀяшир бархьибси .биалри!» Амма Кьуръа чидил-биалра духуси гӀяшир бурхьухӀели ва илизиб дургъабачила гьанбуршухӀели, хӀуни чебиид чула уркӀбазиб инзагъ лебти тяп вебкӀес гьалав аргъалализивад ухъунси инсан хӀерикӀули кьяйда, хӀечи хӀербикӀули биъни. Илдас къулайсили бири мутӀигӀбакӀалри ва гӀяхӀти гъайли гъайбикӀалри!

Верующие говорят: "Почему не ниспослана сура о джихаде?" Когда же ясная сура, в которой упоминалось сражение, была ниспослана, ты увидел, что те, чьи сердца поражены недугом, смотрят на тебя взглядом потерявших сознание перед смертью. Для них предпочтительнее

طَاعَةٌ وَقَوْلٌ مَعْرُوفٌ ۚ فَإِذَا عَزَمَ الْأَمْرُ فَلَوْ صَدَقُوا اللَّهَ لَكَانَ خَيْرًا لَهُمْ

Илгъуна вягӀда барили гӀергъи, илдас гӀяхӀси бири, эгер Аллагьла гьалаб саби бархьтили биралри.

повиноваться и говорить слово доброе. Если же дело решено, то для них лучше быть верными Аллаху.

فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ

Рахли хӀуша гӀелумдизадалли, ванзала къакъличир хӀушани жярга-зекъ тӀинтӀхӀейридаяв ва узи-уршидешла бархбасуни къябхӀейридаяв?

Может быть, если вы станете руководить (или отвернетесь от веры; или откажетесь повиноваться), то распространите нечестие на земле и разорвете родственные связи.

أُولَٰئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَىٰ أَبْصَارَهُمْ

Илдигъунти адамтачи Аллагьли лягӀнат бушиб: Илини илди лихӀбазиб — гӀянцӀбариб, хӀулбазиб — сукъурбариб.

Таких Аллах проклял и лишил слуха и ослепил их взоры.

أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا

Яра илди Кьуръайчила пикрихӀебулхъулив? Яра илдала уркӀбачи мегь чедихьилив?

Неужели они не размышляют над Кораном? Или же на их сердцах замки?

إِنَّ الَّذِينَ ارْتَدُّوا عَلَىٰ أَدْبَارِهِمْ مِنْ بَعْدِ مَا تَبَيَّنَ لَهُمُ الْهُدَى ۙ الشَّيْطَانُ سَوَّلَ لَهُمْ وَأَمْلَىٰ لَهُمْ

Чус бархьси гьуни чебаахъили гӀергъи гӀелумбизурти, шакдеш агарли, шайтӀай биргӀябиргибти саби, иличи лехӀихъанти саби.

Воистину, тех, которые обратились вспять после того, как им стал ясен прямой путь, сатана обольстил и обещал им долгую жизнь.

ذَٰلِكَ بِأَنَّهُمْ قَالُوا لِلَّذِينَ كَرِهُوا مَا نَزَّلَ اللَّهُ سَنُطِيعُكُمْ فِي بَعْضِ الْأَمْرِ ۖ وَاللَّهُ يَعْلَمُ إِسْرَارَهُمْ

Илдас илкьяйда бируси саби, сенахӀенну Аллагьли зубрачибад бархьибси Кьуръайчибад гӀелумбизуртази илди бикӀули саби: «ЦацадехӀ баркьудлумазир нуша хӀушаб мутӀигӀли дирехӀе». Аммаки Аллагьли илдала макру далули сай.

Это - потому, что они сказали тем, которые возненавидели ниспосланное Аллахом: "Мы будем повиноваться вам в некоторых делах". Аллах знает то, что они скрывают.

فَكَيْفَ إِذَا تَوَفَّتْهُمُ الْمَلَائِكَةُ يَضْرِبُونَ وُجُوهَهُمْ وَأَدْبَارَهُمْ

Малайкунани илдала жан айсухӀели, илдани илдала бяхӀянази ва къукърази чӀумали дирхъу!

Но что же будет, когда ангелы станут умерщвлять их, ударяя по их лицам и спинам?

ذَٰلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ

Илдас илгъуна бируси саби сунечи Аллагьла гьимидухъунсилис илди гӀелабад арбукьни багьандан, Илис гӀяхӀулабиэс хӀейгни багьандан. Ва Аллагьли илдала баркьудлуми дугӀлатили детаахъур.

Это - за то, что они последовали за тем, что вызвало гнев Аллаха, и возненавидели то, чем Он доволен, и поэтому Он сделал тщетными их деяния.

أَمْ حَسِبَ الَّذِينَ فِي قُلُوبِهِمْ مَرَضٌ أَنْ لَنْ يُخْرِجَ اللَّهُ أَضْغَانَهُمْ

Марлира, чула уркӀбазиб инзагъ лебтас чула вайти кьасани Аллагьли далхӀедала или гьанбиркулив?

Неужели те, чьи сердца поражены недугом, полагали, что Аллах не выведет наружу их злобу (или зависть)?

وَلَوْ نَشَاءُ لَأَرَيْنَاكَهُمْ فَلَعَرَفْتَهُمْ بِسِيمَاهُمْ ۚ وَلَتَعْرِفَنَّهُمْ فِي لَحْنِ الْقَوْلِ ۚ وَاللَّهُ يَعْلَمُ أَعْمَالَكُمْ

Рахли Нушаб дигули диахӀелри, илди хӀези чебиахъира ва хӀуни илди чула лишанти хӀясибли балади; хӀуни илди, гьайгьайра, чула гъайла лугъат хӀясибли балади. Аллагьли илдала баркьудлуми далули сай!

Если бы Мы пожелали, то показали бы их тебе, и тогда ты узнавал бы их по их приметам. Но ты непременно узнаешь их по оговоркам. Аллах знает о ваших деяниях.

وَلَنَبْلُوَنَّكُمْ حَتَّىٰ نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ

ХӀушала ургаб дин багьандан бургъес хӀядурти ва сабурчебти Нушаб белгибиахъес багьандан, Нушани хӀушала хӀялумцӀехӀе; хӀушала баркьудлумала хӀялумцӀехӀе.

Мы непременно подвергнем вас испытанию до тех пор, пока не узнаем тех из вас, кто сражается и проявляет терпение, и пока не проверим ваши вести.

إِنَّ الَّذِينَ كَفَرُوا وَصَدُّوا عَنْ سَبِيلِ اللَّهِ وَشَاقُّوا الرَّسُولَ مِنْ بَعْدِ مَا تَبَيَّنَ لَهُمُ الْهُدَىٰ لَنْ يَضُرُّوا اللَّهَ شَيْئًا وَسَيُحْبِطُ أَعْمَالَهُمْ

Аллагьличи хӀебирхутани, чус бархьси гьуни чебаахъили гӀергъи, Аллагьла гьунчибад хӀебашутани ва Илала вакилличибад гӀелумбизуртани Аллагьлис сегъуналра зарал барес хӀебирар ва Илини илдала баркьудлуми дугӀлатили детарахъу.

Воистину, те, которые не уверовали, сбивали других с пути Аллаха и откололись от Посланника после того, как им стал ясен прямой путь, нисколько не навредят Аллаху, а Он сделает тщетными их деяния.

يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ

Аллагьличи дирхути! Аллагьлис мутӀигӀли диреная, Илала вакиллис мутӀигӀли диреная ва хӀушала баркьудлуми дугӀлатили детмарахъидая!

О те, которые уверовали! Повинуйтесь Аллаху, повинуйтесь Посланнику и не делайте тщетными ваши деяния.

إِنَّ الَّذِينَ كَفَرُوا وَصَدُّوا عَنْ سَبِيلِ اللَّهِ ثُمَّ مَاتُوا وَهُمْ كُفَّارٌ فَلَنْ يَغْفِرَ اللَّهُ لَهُمْ

СенахӀенну капуртачивад ва Аллагьла гьунчибад хӀебашутачивад, капуртили кали бебкӀибтачивад — илдачивад Аллагь сезаманалра чевхӀерхар!

Воистину, Аллах не простит тех, которые не уверовали и сбивали других с пути Аллаха, а потом умерли неверующими.

فَلَا تَهِنُوا وَتَدْعُوا إِلَى السَّلْمِ وَأَنْتُمُ الْأَعْلَوْنَ وَاللَّهُ مَعَكُمْ وَلَنْ يَتِرَكُمْ أَعْمَالَكُمْ

Дергълизир гъирачертили диреная, баришдиэс къайгънамадиркьудая: хӀуша чедидиркудая; Аллагь — хӀушачил сай ва хӀушала гьунарти Илини шабагъат агарли хӀедалта.

Не проявляйте слабости и не призывайте к миру, поскольку вы - выше остальных. Аллах - с вами и не умалит ваших деяний.

إِنَّمَا الْحَيَاةُ الدُّنْيَا لَعِبٌ وَلَهْوٌ ۚ وَإِنْ تُؤْمِنُوا وَتَتَّقُوا يُؤْتِكُمْ أُجُورَكُمْ وَلَا يَسْأَلْكُمْ أَمْوَالَكُمْ

Иш дунъяличирти гӀямру — хӀяз-хӀуз, дугӀла авара сари. Эгер хӀуша Аллагьличи дирхадалли ва Илизирад урухкӀадалли, хӀушазивад гьариллис Илини савгъат луга ва хӀушазирад хӀушала мас-хазна тӀалабхӀедиру.

Мирская жизнь - всего лишь игра и потеха. Если вы уверуете и будете богобоязненны, Он дарует вам вашу награду и не попросит у вас вашего имущества.

إِنْ يَسْأَلْكُمُوهَا فَيُحْفِكُمْ تَبْخَلُوا وَيُخْرِجْ أَضْغَانَكُمْ

Рахли Илини хӀушазирад мас-хазна тӀалабдаралли — ил бируси саби хӀушала кьяркьирдеш хӀушази чедаахъес ва хӀушала вайти пикруми дакӀударес багьандан.

Если же Он попросит у вас его и проявит настойчивость, то вы поскупитесь, и Он выведет наружу вашу злобу (или зависть).

هَا أَنْتُمْ هَٰؤُلَاءِ تُدْعَوْنَ لِتُنْفِقُوا فِي سَبِيلِ اللَّهِ فَمِنْكُمْ مَنْ يَبْخَلُ ۖ وَمَنْ يَبْخَلْ فَإِنَّمَا يَبْخَلُ عَنْ نَفْسِهِ ۚ وَاللَّهُ الْغَنِيُّ وَأَنْتُمُ الْفُقَرَاءُ ۚ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ

ХӀуша — Аллагьла гьунчир харжани дирахъес жидирулрая. ХӀушала ургаб биалли — кьяркьирти леб. Амма чили кьяркьирдеш даралра, — илини сунес зараллис кьяркьирдеш дирули сай. Аллагь — давлачев сай, хӀуша — мискинти! Рахли хӀуша гӀелумдизадалли — Илини хӀуша цархӀилти халкьличил дарсдирурая ва илди хӀушагьунтили хӀебирар.

Вот вас призывают делать пожертвования на пути Аллаха, и среди вас находятся такие, которые скупятся. Кто скупится, тот скупится только во вред себе. Аллах - богат, а вы - бедны. И если вы отвернетесь, Он заменит вас другими людьми, и они не будут подобны вам.