Сура 49 «Тавхунти» — Аль-Худжурат (Комнаты)

يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ ۖ وَاتَّقُوا اللَّهَ ۚ إِنَّ اللَّهَ سَمِيعٌ عَلِيمٌ

Аллагьличи дирхути! Аллагьлисра Илала вакиллисра селизир-биалра гьаладухъес къайгънамадиркьудая ва Аллагьлизирад урухкӀеная: АллагькӀун -- гьар секӀал иргъуси, гьар секӀал далуси сай!

О те, которые уверовали! Не опережайте Аллаха и Его Посланника и бойтесь Аллаха, ибо Аллах - Слышащий, Знающий.

يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَنْ تَحْبَطَ أَعْمَالُكُمْ وَأَنْتُمْ لَا تَشْعُرُونَ

Аллагьличи дирхути! ХӀушала тӀама идбагла тӀамаличиб ахъмабиридая; хӀуша цаличи ца дугъадилзухӀеливан, иличил ахъли гъаймадикӀудая, эгер хӀушала баркьудлуми дугӀлатили детаахъес хӀейгули диадалли, хӀушани иличила балра хӀебалухӀели.

О те, которые уверовали! Не поднимайте ваши голоса над голосом Пророка и не обращайтесь к нему так же громко, как вы обращаетесь друг к другу, а не то ваши деяния окажутся тщетными, и вы даже не почувствуете этого.

إِنَّ الَّذِينَ يَغُضُّونَ أَصْوَاتَهُمْ عِنْدَ رَسُولِ اللَّهِ أُولَٰئِكَ الَّذِينَ امْتَحَنَ اللَّهُ قُلُوبَهُمْ لِلتَّقْوَىٰ ۚ لَهُمْ مَغْفِرَةٌ وَأَجْرٌ عَظِيمٌ

Аллагьла вакилла гьалаб чула тӀама гӀяшкабирути — илди иманна шайчиб Аллагьли чула уркӀбала хӀялумцӀурти саби: илдачивад Аллагь чевурхар ва илдас Илини дурхъаси савгъат луга!

Воистину, сердца тех, которые при Посланнике Аллаха понижают свои голоса, Аллах очистил (или раскрыл) для богобоязненности. Им уготованы прощение и великая награда.

إِنَّ الَّذِينَ يُنَادُونَكَ مِنْ وَرَاءِ الْحُجُرَاتِ أَكْثَرُهُمْ لَا يَعْقِلُونَ

Ахъли вявбикӀули, тавхунтазивад хӀу жиирутазибад бахъалгъунти пикриагарти саби.

Воистину, большинство из тех, которые зовут тебя из-за пределов комнат, не разумеют.

وَلَوْ أَنَّهُمْ صَبَرُوا حَتَّىٰ تَخْرُجَ إِلَيْهِمْ لَكَانَ خَيْرًا لَهُمْ ۚ وَاللَّهُ غَفُورٌ رَحِيمٌ

Эгер хӀу чучи гьаввакӀайчи хӀерликабиэс илдала сабур биуси биалри — ил илдас къулайсири: Аллагь — чевкархан, уркӀецӀичев сай!

Если бы они потерпели, пока ты выйдешь к ним, это было бы лучше для них. Аллах - Прощающий, Милосердный.

يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

Аллагьличи дирхути! Рахли къянбар адамли хӀушачи сегъуна-биалра хабар хапли, хӀушани балуси агарли, гӀяйиб агарти адамтас вайдеш хӀебарес ва хӀушани барибсиличи хӀуша пашманхӀедирес багьандан ил хабар бархьсил кабизахъес къайгъибиреная.

О те, которые уверовали! Если нечестивец принесет вам весть, то разузнайте, чтобы не поразить по незнанию невинных людей, а не то вы будете сожалеть о содеянном.

وَاعْلَمُوا أَنَّ فِيكُمْ رَسُولَ اللَّهِ ۚ لَوْ يُطِيعُكُمْ فِي كَثِيرٍ مِنَ الْأَمْرِ لَعَنِتُّمْ وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ ۚ أُولَٰئِكَ هُمُ الرَّاشِدُونَ

Аллагьла вакил хӀушала ургав виъни хъуммартидая; рахли дахъал баркьудлумазив ил хӀушала насихӀятуначи лехӀихъуси виалри, — хӀушаб ил заралли бири. Аммаки Аллагьли хӀушазир динничи диги алкӀахъули сай, иличил хӀушала уркӀби жагадирули сай, иманагардешличи, капурдешличи, пасаддешличи хӀушазиб гьими алкӀахъули сай, Илдигъунти

Знайте, что среди вас находится Посланник Аллаха. Если бы он подчинялся вам во многих делах, то вы непременно попали бы в затруднительное положение. Но Аллах привил вам любовь к вере, и представил ее прекрасной вашим сердцам, и сделал ненавистными вам неверие, нечестие и неповиновение. Таковы идущие правым путем

فَضْلًا مِنَ اللَّهِ وَنِعْمَةً ۚ وَاللَّهُ عَلِيمٌ حَكِيمٌ

Аллагьла къудратличил ва уркӀецӀиличил бархьси гьунчибад башули саби. АллагькӀун — гьар секӀал далуси, ГӀякьлучевси сай!

по милосердию и милости Аллаха. Аллах - Знающий, Мудрый.

وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِنْ بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ

Рахли кӀибехӀ бусурман халкьани саби-ургаб бургъалли, илди саби-ургаб даршубарая. Рахли илдазибад цабехӀти цархӀилтала шайчиб бархьагарли биалли, бархьагартачи къаршили дургъеная, илди Аллагьла хъарбаркьлис мутӀигӀбакӀайчи. Эгер мутӀигӀбакӀалли, саби-ургаб илди, бархьдеш бузахъули, цабехӀӀалра шайчи кахӀедизурли, даршубарая, сенахӀенну Аллагьлис дигахъу бархьдеш бузахъути!

Если две группы верующих сражаются между собой, то примирите их. Если же одна из них покушается на другую, то сражайтесь против той, которая покушается, пока она не вернется к повелению Аллаха. Когда же она вернется, то примирите их по справедливости и будьте беспристрастны. Воистину, Аллах любит беспристрастных.

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

Бусурманти — цалис ца узби саби, ил багьандан хӀушала узби саби-ургаб даршубиреная. Аллагьлизирад урухкӀеная, белики, Илини хӀушачи уркӀецӀи барес!

Воистину, верующие - братья. Посему примиряйте братьев и бойтесь Аллаха, - быть может вы будете помилованы.

يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَىٰ أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَىٰ أَنْ يَكُنَّ خَيْرًا مِنْهُنَّ ۖ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَنْ لَمْ يَتُبْ فَأُولَٰئِكَ هُمُ الظَّالِمُونَ

Аллагьличи дирхути! ЦабехӀ мурул адамтани цархӀилти дукелцӀиличи мабирхьаб: белики, илди — сабичиб гӀяхӀти биэс. ЦабехӀ хьунул адамтанира цархӀилти хьунул адамти дукелцӀиличи мабирхьаб: белики, илди — сабичиб гӀяхӀти биэс! ХӀушани хӀуша цӀахмадирудая: цабехӀлис цабехӀли децӀагести чеуми адмадирхьидая. Аллагьличи вирхусилис цӀахси чеу бирхьни — бунагь саби! Ва чили ил баркьуди тӀашхӀеалра — ил вархьагарси сай.

О те, которые уверовали! Пусть одни люди не насмехаются над другими, ведь может быть, что те лучше них. И пусть одни женщины не насмехаются над другими женщинами, ведь может быть, что те лучше них. Не обижайте самих себя (друг друга) и не называйте друг друга оскорбительными прозвищами. Скверно называться нечестивцем после того, как уверовал. А те, которые не раскаются, окажутся беззаконниками.

يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَبْ بَعْضُكُمْ بَعْضًا ۚ أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَحِيمٌ

Аллагьличи дирхути! ХӀуша дахъ ташмишмадикӀудая! Гьаман ташмишикӀни — бунагь саби. ДигӀяй цалис ца гӀеларадмаркудая ва цалис ца гӀеларад мавгьудая. ХӀушазивад чис-биалра вебкӀибси хӀушала узила диъ беркес дигахъув? Иличи хӀушала уркӀи далкъулигу. Аллагьлизирад урухкӀеная: АллагькӀун — малхӀямси, уркӀецӀичевси сай!

О те, которые уверовали! Избегайте многих предположений, ибо некоторые предположения являются грехом. Не следите друг за другом и не злословьте за спиной друг друга. Разве понравится кому-либо из вас есть мясо своего покойного брата, если вы чувствуете к этому отвращение? Бойтесь Аллаха! Воистину, Аллах - Принимающий покаяния, Милосердный.

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

Эй, адамти! Нушани хӀуша цабехӀ мурул-хьунуйзирад акӀахъубрая, хӀушани цабехӀли цабехӀ багьес диэсли хӀуша кьаманили ва халкьанили детаахъуррая. ХӀушазивад чидилли динна тӀалабуни бегӀлара гӀяхӀил дузахъадалра — Аллагьли илала имцӀали хӀурмат-хатир диру. АллагькӀун — гьар секӀал далуси, гьар секӀайчи чеветаибси сай!

О люди! Воистину, Мы создали вас из мужчины и женщины и сделали вас народами и племенами, чтобы вы узнавали друг друга, и самый почитаемый перед Аллахом среди вас - наиболее богобоязненный. Воистину, Аллах - Знающий, Ведающий.

قَالَتِ الْأَعْرَابُ آمَنَّا ۖ قُلْ لَمْ تُؤْمِنُوا وَلَٰكِنْ قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِنْ تُطِيعُوا اللَّهَ وَرَسُولَهُ لَا يَلِتْكُمْ مِنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَحِيمٌ

ЧӀянкӀ авлахъличибти гӀярабуни бикӀули саби: «Нуша Аллагьличи дирхулра!» Илдази хӀуни бура: «ХӀуша Аллагьличи дирхули ахӀенрая; хӀуша «нушани бусурман дин кьабулбарилра» дикӀадалри, — бархьси бири, сенахӀенну гьанналис иман хӀушала уркӀбази каберхурли ахӀен. Рахли хӀуша Аллагьлисра Илала вакиллисра мутӀигӀли дирадалли, Илини хӀушала баркьудлуми гьеч камли чехӀедиу». Гьарли-марли, Аллагь — чевкархан, уркӀецӀичев сай!

Бедуины сказали: "Мы уверовали". Скажи: "Вы не уверовали. Посему говорите: "Мы стали мусульманами". Вера еще не вошла в ваши сердца. Если вы подчинитесь Аллаху и Его Посланнику, Он нисколько не умалит ваших деяний. Воистину, Аллах - Прощающий, Милосердный".

إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ

Гьарли-марти бусурманти — Аллагьличира Илала вакилличира бирхути, гӀур ташмишхӀебикӀути ва, чула мас-мулкра чула жанра кьурбандирули, Аллагьла гьунчиб бургъути саби. Илдигъунти саби уркӀи-уркӀилабад Аллагьличи бирхути.

Верующими являются только те, которые уверовали в Аллаха и Его Посланника, а потом не испытывали сомнений и сражались на пути Аллаха своим имуществом и своими душами. Именно они являются правдивыми.

قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ ۚ وَاللَّهُ بِكُلِّ شَيْءٍ عَلِيمٌ

Бура: «Рахли хӀушаб дигули хӀедиишая, хӀушала динничила Аллагьлизи багьахъес? ИлиникӀун зубрачибра ванзала къакъличибра лебси гьар секӀайчила балули сай. Аллагьли гьар се-секӀал далули сай!»

Скажи: "Неужели вы хотите уведомить Аллаха о вашей вере, тогда как Аллах знает то, что на небесах, и то, что на земле? Аллах знает обо всякой вещи".

يَمُنُّونَ عَلَيْكَ أَنْ أَسْلَمُوا ۖ قُلْ لَا تَمُنُّوا عَلَيَّ إِسْلَامَكُمْ ۖ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِنْ كُنْتُمْ صَادِقِينَ

Чули бусурман дин кьабулбарни илдани хӀечи уркӀецӀибарнилизи халбирули саби. Бура: «ХӀушани бусурман дин кьабулбарни — набчи уркӀецӀибарнилизи халмабиридая. Юх! Рахли хӀуша уркӀи-уркӀиларад дикӀули диадалли, динничи бархьси гьуни хӀушаб чебиахъули, Аллагьли хӀушачи уркӀецӀи бариб!»

Они попрекают тебя тем, что обратились в ислам. Скажи: "Не попрекайте меня вашим обращением в ислам. Это Аллах оказал вам милость тем, что привел вас к вере, если вы вообще говорите правду".

إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ ۚ وَاللَّهُ بَصِيرٌ بِمَا تَعْمَلُونَ

Зубрачирра ванзала къакъличирра дигӀянати, шакдеш агарли, Аллагьли далули сай! ХӀушани дирути гьар секӀал Аллагьли чедиули сай!

Воистину, Аллах знает сокровенное небес и земли. Аллах видит то, что вы совершаете.