Сура 17 «Дугели барибси архӀя» — Аль-Исра (Ночной перенос)

سُبْحَانَ الَّذِي أَسْرَىٰ بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا ۚ إِنَّهُ هُوَ السَّمِيعُ الْبَصِيرُ

КягӀбаличибад гьарахъси мижитличи дугели архӀя дураберкӀахъес Сунела лагълис икьалаиубсилис деза биаб. Ил барибсири гьарахъси мижит-алавти мер-мусаличир Нушала цацадехӀ гӀяламатуни илизи чедаахъес багьандан. Гьарли-марли, Ил — гьар секӀал иргъан, гьар секӀал чедиан сай!

Пречист Тот, Кто перенес ночью Своего раба, чтобы показать ему некоторые из Наших знамений, из Заповедной мечети в мечеть аль-Акса, окрестностям которой Мы даровали благословение. Воистину, Он - Слышащий, Видящий.

وَآتَيْنَا مُوسَى الْكِتَابَ وَجَعَلْنَاهُ هُدًى لِبَنِي إِسْرَائِيلَ أَلَّا تَتَّخِذُوا مِنْ دُونِي وَكِيلًا

Нушани Мусас Таврат гира ва ил ИзрагӀилла уршбас бекӀ варира: «НухӀичил барх Нушани берцахъибтала наслу,

Мы даровали Мусе (Моисею) Писание и сделали его верным руководством для сынов Исраила (Израиля): "Не берите в покровители никого, кроме Меня!

ذُرِّيَّةَ مَنْ حَمَلْنَا مَعَ نُوحٍ ۚ إِنَّهُ كَانَ عَبْدًا شَكُورًا

хӀуша гӀердуцахъес Набчи ахӀи гӀур чичилра дугьамадилзадая. НухӀ гьарли-марли гӀяхӀсант балуси лагъ сайри!»

О потомки тех, кого Мы перенесли вместе с Нухом (Ноем)! Воистину, он был благодарным рабом".

وَقَضَيْنَا إِلَىٰ بَنِي إِسْرَائِيلَ فِي الْكِتَابِ لَتُفْسِدُنَّ فِي الْأَرْضِ مَرَّتَيْنِ وَلَتَعْلُنَّ عُلُوًّا كَبِيرًا

Тавратлизиб Нушани ИзрагӀилла уршбачила хӀукму бурира. «ХӀушани ванзала къакъличиб кӀина такьсир биридая ва дебали уктемдирудая».

Мы предопределили сынам Исраила (Израиля) в Писании: "Вы дважды будете бесчинствовать на земле и будете чрезмерно высокомерными".

فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَفْعُولًا

Илдазибад цаибил такьсир багьандан танбихӀ бируси замана сабаибхӀели — Нушани халаси цӀакьла бегӀти Нушала лугъри хӀушачи къаршили бархьира ва хӀушала ериюртаназир лерти мас-хазна илдани дуциб. Чесибси танбихӀ барибсири.

Когда настала пора первого из двух бесчинств, Мы наслали на вас Наших могущественных рабов, которые прошлись по землям. Так обещание было исполнено.

ثُمَّ رَدَدْنَا لَكُمُ الْكَرَّةَ عَلَيْهِمْ وَأَمْدَدْنَاكُمْ بِأَمْوَالٍ وَبَنِينَ وَجَعَلْنَاكُمْ أَكْثَرَ نَفِيرًا

ГӀур Нушани хӀуша илдачирад сагадан чедидикахъирая, хӀушаб дахъал давлумира дурхӀнира гира, хӀуша лугӀилашал дахъал халкьли детаахъуррая.

Затем Мы вновь даровали вам победу над ними. Мы поддержали вас богатством и сыновьями и сделали вас более многочисленными.

إِنْ أَحْسَنْتُمْ أَحْسَنْتُمْ لِأَنْفُسِكُمْ ۖ وَإِنْ أَسَأْتُمْ فَلَهَا ۚ فَإِذَا جَاءَ وَعْدُ الْآخِرَةِ لِيَسُوءُوا وُجُوهَكُمْ وَلِيَدْخُلُوا الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُوا مَا عَلَوْا تَتْبِيرًا

Эгер хӀушани гӀяхӀдеш бирадалли, — ил хӀушани хӀушаб бируси гӀяхӀдеш саби; рахли вайдеш бирадалли, — илра хӀушани хӀушаб бируси саби. КӀиибил такьсир багьандан танбихӀ бируси замана сабаибхӀели, Нушани халаси цӀакьла бегӀти Нушала лугъри бархьира илдас вайдеш барахъес, илдала киласабази гьалаб кьяйдали абацӀахъес ва илдани чучи пахру бирути лерил секӀал харабдарахъес.

Мы сказали: "Если вы творите добро, то поступаете во благо себе. А если вы вершите зло, то поступаете во вред себе". Когда же наступил срок последнего обещания, Мы позволили вашим врагам опечалить ваши лица, войти в Иерусалимскую мечеть подобно тому, как они вошли туда в первый раз, и до основания разрушить все, что попадало им в руки.

عَسَىٰ رَبُّكُمْ أَنْ يَرْحَمَكُمْ ۚ وَإِنْ عُدْتُمْ عُدْنَا ۘ وَجَعَلْنَا جَهَنَّمَ لِلْكَافِرِينَ حَصِيرًا

Белики, хӀушала ВегӀбекӀли хӀуша мурахасдатишая; аммаки рахли хӀушани сагадан гьаларгъунти баркьудлуми дирадалли, илхӀели Нушанира гьалабгъуна танбихӀ бирехӀе ва жагьаннаб капуртас туснакъли бирехӀе.

Быть может, ваш Господь помилует вас. Но если вы вернетесь к бесчинству, то Мы также вернемся к наказанию. Мы сделали Геенну местом заточения для неверующих.

إِنَّ هَٰذَا الْقُرْآنَ يَهْدِي لِلَّتِي هِيَ أَقْوَمُ وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا كَبِيرًا

Иш Кьуръай бегӀлара бархьсиличи бархьли бикули саби. иш — Аллагьличи бирхутас гӀяхӀла хабар саби. ГӀяхӀдеш бирутас — гьарли-марли чебяхӀси савгъат бирар.

Воистину, этот Коран указывает на самый правильный путь и возвещает верующим, которые совершают праведные деяния, благую весть о том, что им уготована великая награда.

وَأَنَّ الَّذِينَ لَا يُؤْمِنُونَ بِالْآخِرَةِ أَعْتَدْنَا لَهُمْ عَذَابًا أَلِيمًا

Ахиратличи хӀебирхутас биалли Нушани гьарли-марли кахси гӀязаб хӀядурбарилра.

А тем, которые не веруют в Последнюю жизнь, Мы приготовили мучительные страдания.

وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنْسَانُ عَجُولًا

Адамли сунес гӀяхӀдеш тиладибирули кьяйда, тяп илкьяйдали сунес вайдешра тиладибирули сай: адам — сабурагар сай.

Человек молит о зле подобно тому, как он молит о добре. Воистину, человек тороплив.

وَجَعَلْنَا اللَّيْلَ وَالنَّهَارَ آيَتَيْنِ ۖ فَمَحَوْنَا آيَةَ اللَّيْلِ وَجَعَلْنَا آيَةَ النَّهَارِ مُبْصِرَةً لِتَبْتَغُوا فَضْلًا مِنْ رَبِّكُمْ وَلِتَعْلَمُوا عَدَدَ السِّنِينَ وَالْحِسَابَ ۚ وَكُلَّ شَيْءٍ فَصَّلْنَاهُ تَفْصِيلًا

Дугира хӀерира Нушани кӀел лишанни дарилра: дугила лишан убасибхӀели, илхӀели хӀерила лишан лугулра, суненира гьар секӀал чедиахъес имкан лугуси: ил бируси саби хӀушала ВегӀбекӀла нигӀматунагӀир хӀуша умцӀахъес багьандан; хӀушази бузри-дусмала лугӀи балахъес багьандан. Нушани гьар секӀал гӀячихъли баяндирулра.

Мы сделали ночь и день двумя знамениями. Мы погрузили во мрак знамение ночи, а знамение дня сделали светящимся, чтобы вы стремились к милости вашего Господа, могли вести летоисчисление и знали счет. Всякой вещи Мы дали исчерпывающее разъяснение.

وَكُلَّ إِنْسَانٍ أَلْزَمْنَاهُ طَائِرَهُ فِي عُنُقِهِ ۖ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنْشُورًا

Гьар адамла хъябличи Нушани илала арцан бигъира: кьиямала бархӀи Нушани илис лавхӀул мяхӀпуз гьаргбарили гьалабирхьехӀе:

Каждому человеку Мы повесили на шею его деяния (сделали их неразлучными с ним). А в День воскресения Мы представим ему книгу, которую он увидит развернутой.

اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا

«ХӀела баркьудлумачила белкӀ белчӀен! Гьанна хӀуни вируд хӀуни дарибти хӀисабдарес!»

Читай свою книгу! Сегодня достаточно того, что ты сам сосчитаешь свои деяния против самого себя.

مَنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَنْ ضَلَّ فَإِنَّمَا يَضِلُّ عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ ۗ وَمَا كُنَّا مُعَذِّبِينَ حَتَّىٰ نَبْعَثَ رَسُولًا

Бархьси гьунчивад чи вашалра, — ил сунела гӀяхӀдешлис вашули сай, чи чевулкӀалра, — ил сунес вайдешлис чевулкӀули сай: сунела дех бихусили, урхӀла дех хӀебиху. Нушани танбихӀ бируси ахӀенри, гьаланачи вакил вархьхӀерхьили.

Кто следует прямым путем, тот поступает во благо себе. А кто впадает в заблуждение, тот поступает во вред себе. Ни одна душа не понесет чужого бремени. Мы никогда не наказывали людей, не отправив к ним посланника.

وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا

Чидил-биалра ши хараббарес Нушани кьасбарибхӀели, илабти давлачебтани, Нушала амруличил, цӀахти баркьудлуми дирутири; илхӀели Нушани феспоси илдачи башусири ва ил Нушани таманни хараббирусири.

Когда Мы хотели погубить какое-либо селение, то повелевали его изнеженным роскошью жителям покориться Аллаху. Когда же они предавались нечестию, то относительно него сбывалось Слово, и Мы уничтожали его полностью.

وَكَمْ أَهْلَكْنَا مِنَ الْقُرُونِ مِنْ بَعْدِ نُوحٍ ۗ وَكَفَىٰ بِرَبِّكَ بِذُنُوبِ عِبَادِهِ خَبِيرًا بَصِيرًا

НухӀлис гӀергъи Нушани чум наслу къирбарирав! ХӀела ВегӀбекӀли Сунела лугърала лерилра бунагьуни гӀяхӀил далули сай ва чедиули сай.

Сколько же поколений мы погубили после Нуха (Ноя)! Достаточно того, что Аллах знает и видит грехи Своих рабов.

مَنْ كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَنْ نُرِيدُ ثُمَّ جَعَلْنَا لَهُ جَهَنَّمَ يَصْلَاهَا مَذْمُومًا مَدْحُورًا

Хъярхъли аркьути гӀямру чис дигули виалра, илис илди гӀямрулизир диубли Нушаб дигути секӀал Нушани къалаба-къалабали иличи диахъулра ва гӀур илис жагьаннаб хӀядурбирулра: цӀахварибси, лебтанилра вархьватурси ил — илав цӀали игу.

Если кто возжелает преходящей жизни, то Мы тотчас одарим тем, что пожелаем, того, кого пожелаем. А потом Мы предоставим ему Геенну, где он будет гореть презренным и отверженным.

وَمَنْ أَرَادَ الْآخِرَةَ وَسَعَىٰ لَهَا سَعْيَهَا وَهُوَ مُؤْمِنٌ فَأُولَٰئِكَ كَانَ سَعْيُهُمْ مَشْكُورًا

Аллагьличира вирхули, ахиратлизирти гӀямру чис дигули виалра ва илдачи халаси гъираличил ваэс чи къайгъваиркьули виалра, — илала къайгъни сахаватли шабагъатладарили дирар.

А если кто возлюбит Последнюю жизнь и устремится к ней надлежащим образом, будучи верующим, то его старания будут отблагодарены.

كُلًّا نُمِدُّ هَٰؤُلَاءِ وَهَٰؤُلَاءِ مِنْ عَطَاءِ رَبِّكَ ۚ وَمَا كَانَ عَطَاءُ رَبِّكَ مَحْظُورًا

Лебилра — илдира идилтира — хӀела ВегӀбекӀла савгъатуначил Нушани гӀеббурцехӀе: хӀела ВегӀбекӀла савгъатуни лебтасалра диъра диур.

Каждого из тех и других Мы наделяем дарами твоего Господа, и дары твоего Господа не являются запрещенными.

انْظُرْ كَيْفَ فَضَّلْنَا بَعْضَهُمْ عَلَىٰ بَعْضٍ ۚ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا

ХӀеризи, илдазибад цабекӀти цархӀилтачиб Нушани севан гьалабли чебиулрал; амма ахиратлизирти гӀямру даражлуми хӀясибли ва къулайдешуни хӀясибли селрайчир гӀяхӀти сари.

Посмотри, как одним из них Мы отдали предпочтение перед другими. Но Последняя жизнь, несомненно, выше по достоинству и преимуществу.

لَا تَجْعَلْ مَعَ اللَّهِ إِلَٰهًا آخَرَ فَتَقْعُدَ مَذْمُومًا مَخْذُولًا

ХӀу цӀахиубли, кумек агарли кахӀелес багьандан, Аллагьла дуравад гӀур цархӀил аллагь левниличи вирхмаруд.

Не поклоняйся наряду с Аллахом никакому другому богу, а не то сядешь униженным и покинутым.

وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا

ХӀушала ВегӀбекӀли хӀушачи хъарбариб чӀянкӀли ца Сунесцун икрам бирахъес, бегӀтас гӀяхӀдеш бирахъес; хӀу мицӀирли левай, илдазизад ца яра кӀелра дебали бухънабаалли, илди «духъна къариби» или балтӀмабалтӀад ва илдачи вявмайкӀудну, илдачил малхӀямли гъайикӀен.

Твой Господь предписал вам не поклоняться никому, кроме Него, и делать добро родителям. Если один из родителей или оба достигнут старости, то не говори им: "Тьфу!" - не кричи на них и обращайся к ним почтительно.

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا

Илди уркӀи-уркӀиларадти дигила дукалаличил кӀапӀбирен ва викӀен: «ВегӀбекӀ! УркӀецӀи бара илдачи, сенахӀенну виштӀали вирухӀели илдани сайри айкьурси».

Преклоняй пред ними крыло смирения по милосердию своему и говори: "Господи! Помилуй их, ведь они растили меня ребенком".

رَبُّكُمْ أَعْلَمُ بِمَا فِي نُفُوسِكُمْ ۚ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا

ХӀушала ВегӀбекӀли гӀяхӀил балули сай хӀушала уркӀбазиб се лебал, хӀушани сецадла гӀяхӀдеш бирулрал. Чули дарибти вайти баркьудлумачи пашманбирутачивад. Ил гьарли-марли чевкархан сай!

Ваш Господь лучше всех знает то, что в ваших душах. И если вы будете праведниками, то ведь Он прощает тех, кто обращается к Нему с раскаянием.

وَآتِ ذَا الْقُرْبَىٰ حَقَّهُ وَالْمِسْكِينَ وَابْنَ السَّبِيلِ وَلَا تُبَذِّرْ تَبْذِيرًا

Гъамсилис, мискиннис, гьункьяс хӀяжатси секӀал луген, амма гӀягӀнисила кьадарличиб имцӀали лугули, пасаддеш мабирид.

Раздавай должное родственнику, бедняку и путнику, но не расточай чрезмерно.

إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا

Пасаддеш бирути, шакдеш агарли, шайтӀанна узби саби, шайтӀай биалли сунела ВегӀбекӀла гӀяхӀсант балули ахӀен.

Воистину, расточители - братья дьяволов, а ведь сатана неблагодарен своему Господу.

وَإِمَّا تُعْرِضَنَّ عَنْهُمُ ابْتِغَاءَ رَحْمَةٍ مِنْ رَبِّكَ تَرْجُوهَا فَقُلْ لَهُمْ قَوْلًا مَيْسُورًا

ХӀела ВегӀбекӀличибад хӀу хьуликӀуси уркӀецӀиличи хӀерликайили, рахли хӀу илдачивад гӀелумилзули виадли, илдачил малхӀямти гъайли гъайикӀен.

Если ты отворачиваешься от них, желая обрести милость Аллаха, на которую ты надеешься, то говори с ними любезно.

وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا

ХӀела някъ, ил хӀела хъябличи шинжирличил бигьунсиван, бахъ дебали гъяжмабирид; ил бахъ дебали гьара мабалтад, хӀу кьиркьир сай или валтӀхӀелтӀули яра сахаватдешли хӀу мискинхӀерили дигадли.

Не позволяй своей руке быть прикованной к шее (не будь скуп), и не раскрывай ее во всю длину (не расточительствуй), а не то сядешь порицаемым и опечаленным.

إِنَّ رَبَّكَ يَبْسُطُ الرِّزْقَ لِمَنْ يَشَاءُ وَيَقْدِرُ ۚ إِنَّهُ كَانَ بِعِبَادِهِ خَبِيرًا بَصِيرًا

СенахӀенну хӀела ВегӀбекӀли яшавла нигӀматуни Сунес дигусилис эркинни яра даарила кьадарцун лугули сай. Илини Сунела лугъри, гьайгьайра, балули сай ва чебиули сай!

Воистину, твой Господь увеличивает или ограничивает удел тому, кому пожелает. Он видит и знает Своих рабов.

وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَحْنُ نَرْزُقُهُمْ وَإِيَّاكُمْ ۚ إِنَّ قَتْلَهُمْ كَانَ خِطْئًا كَبِيرًا

Мискиндишагу или урухкӀули, хӀушала дурхӀни камабуршидая; илдасра хӀушабра берк-берж Нушани лугехӀе. Илди кабуршни — лебгӀеб халал бунагь саби!

Не убивайте своих детей, опасаясь нищеты, ведь Мы обеспечиваем пропитанием их вместе с вами. Воистину, убивать детей - тяжкий грех.

وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا

ХъямхӀядеш-къехӀбадеш хӀушачи гъаммайридая: илди цӀахси баркьуди, уряхӀти авара сари!

Не приближайтесь к прелюбодеянию, ибо оно является мерзостью и скверным путем.

وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۗ وَمَنْ قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِفْ فِي الْقَتْلِ ۖ إِنَّهُ كَانَ مَنْصُورًا

Кавшахъес Аллагьли къадагъабарибси адам камаршидая, сай кавшес ихтияр лебси ахӀенси. Сабаб агарли чи кавшалра, Нушани илала гъамсилис къысас айсахъес ихтияр лугулра: амма къысас айснилизив илис вахъ дебали мурахъузи ветухъес асубируси ахӀен, сенахӀенну идилтира Аллагьли балтахъути саби.

Не убивайте душу, убивать которую Аллах запретил, если только у вас нет на это права. Если кто-либо убит несправедливо, то Мы уже предоставили его правопреемнику полную власть, но пусть он не излишествует в отмщении за убийство. Воистину, ему будет оказана помощь.

وَلَا تَقْرَبُوا مَالَ الْيَتِيمِ إِلَّا بِالَّتِي هِيَ أَحْسَنُ حَتَّىٰ يَبْلُغَ أَشُدَّهُ ۚ وَأَوْفُوا بِالْعَهْدِ ۖ إِنَّ الْعَهْدَ كَانَ مَسْئُولًا

ЦӀуръа таманни балугъла виайчи, илала масличи къячмадилкадая, чӀянкӀли ил имцӀабарес хӀебиаллицун. Чеасла бартарахънилизир мартили диреная, сенахӀенну чеаслаличила хӀушазибад жаваб тӀалаббиру.

Не приближайтесь к имуществу сироты, кроме как во благо ему, пока он не достигнет совершеннолетия. И будьте верны своим обещаниям, ибо за обещания вас призовут к ответу.

وَأَوْفُوا الْكَيْلَ إِذَا كِلْتُمْ وَزِنُوا بِالْقِسْطَاسِ الْمُسْتَقِيمِ ۚ ذَٰلِكَ خَيْرٌ وَأَحْسَنُ تَأْوِيلًا

ЦархӀилтас умцухӀели, умцлализир дархьтили диреная ва дархьти умцантачиб битӀикӀеная: белгидеш гӀягӀниси мерличиб ил — бегӀлара гӀяхӀси ва бегӀлара дурхъаси баркьуди саби.

Наполняйте меру сполна, когда вы отпускаете мерой, и взвешивайте на точных весах. Так будет лучше и прекраснее по исходу (или по вознаграждению).

وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا

ХӀуни балхӀебалуси секӀал гӀебмабурцид: лихӀби, хӀулби, уркӀи багьандан — илдазибад гьарили багьандан — шакдеш агарли, хӀезибад жаваб тӀалаббиру.

Не следуй тому, чего ты не знаешь. Воистину, слух, зрение и сердце - все они будут призваны к ответу.

وَلَا تَمْشِ فِي الْأَرْضِ مَرَحًا ۖ إِنَّكَ لَنْ تَخْرِقَ الْأَرْضَ وَلَنْ تَبْلُغَ الْجِبَالَ طُولًا

Ванзала къакъкад уктемли ганзмайкӀуд, сенахӀенну хӀуни ил бет-сад тӀярхъубарбарес хӀейруд, хӀу дубуртиван ахъвиэс хӀейруд!

Не ступай по земле горделиво, ведь ты не пробуришь землю и не достигнешь гор высотой!

كُلُّ ذَٰلِكَ كَانَ سَيِّئُهُ عِنْدَ رَبِّكَ مَكْرُوهًا

Лерилра илди — хӀела ВегӀбекӀла гьалар цӀахти, уряхӀти авара сари.

Все это зло ненавистно твоему Господу.

ذَٰلِكَ مِمَّا أَوْحَىٰ إِلَيْكَ رَبُّكَ مِنَ الْحِكْمَةِ ۗ وَلَا تَجْعَلْ مَعَ اللَّهِ إِلَٰهًا آخَرَ فَتُلْقَىٰ فِي جَهَنَّمَ مَلُومًا مَدْحُورًا

Чедир гьандушибти — хӀела ВегӀбекӀли хӀези буруси гӀякьлула ца бутӀа сари. ХӀу жагьаннаблизи лайвакӀили, цӀахварили, лебтанилра вархьватурли хӀейгадли, Аллагьла мякьла гьатӀи цархӀил сегъуналра аллагь гьаммайрид!

Такова часть мудрости, которая внушена тебе в откровении от твоего Господа. Не поклоняйся наряду с Аллахом никакому другому богу, а не то будешь брошен в Геенну порицаемым и отверженным.

أَفَأَصْفَاكُمْ رَبُّكُمْ بِالْبَنِينَ وَاتَّخَذَ مِنَ الْمَلَائِكَةِ إِنَاثًا ۚ إِنَّكُمْ لَتَقُولُونَ قَوْلًا عَظِيمًا

Марлира, хӀушала Аллагьли хӀушаб уршбицун лугутив, Сунес малайкуназибад—хьунул адамтицун чеббиркӀулив? Гьарли-марли, хӀушани Аллагьлис децӀагести гъай дурулрая!

Неужели ваш Господь почтил вас сыновьями, а Себе взял дочерей из числа ангелов? Воистину, вы говорите ужасные слова.

وَلَقَدْ صَرَّفْنَا فِي هَٰذَا الْقُرْآنِ لِيَذَّكَّرُوا وَمَا يَزِيدُهُمْ إِلَّا نُفُورًا

Иш Кьуръайзир Нушани гьанналаурал дурира илди духубиэсти секӀал, амма илдани илди гьатӀира имцӀали гӀелумбизахъур.

Мы дали разъяснения в этом Коране, чтобы они помянули наставление, но это лишь увеличивает их отвращение.

قُلْ لَوْ كَانَ مَعَهُ آلِهَةٌ كَمَا يَقُولُونَ إِذًا لَابْتَغَوْا إِلَىٰ ذِي الْعَرْشِ سَبِيلًا

Бура: «Рахли, илди бикӀуливан, Иличил барх гӀурра цархӀилти аллагьуни лебти биалри, тахла вегӀличи чус гьуни баргес илди умцӀи».

Скажи: "Если бы, как они говорят, наряду с Ним существовали другие боги, то они непременно попытались бы добраться до Господа Трона".

سُبْحَانَهُ وَتَعَالَىٰ عَمَّا يَقُولُونَ عُلُوًّا كَبِيرًا

Деза биаб Илис! Иличила бурусиличив Ил чевяхӀсира ахъсира сай!

Пречист Он и премного выше того, что они говорят.

تُسَبِّحُ لَهُ السَّمَاوَاتُ السَّبْعُ وَالْأَرْضُ وَمَنْ فِيهِنَّ ۚ وَإِنْ مِنْ شَيْءٍ إِلَّا يُسَبِّحُ بِحَمْدِهِ وَلَٰكِنْ لَا تَفْقَهُونَ تَسْبِيحَهُمْ ۗ إِنَّهُ كَانَ حَلِيمًا غَفُورًا

ВерхӀдехӀ зубрира, ванзара, илдачир лерти гьар се-секӀалра Илис дулгули сари: Илис деза хӀебируси мицӀирси ца жан агара, амма хӀушани илдала дезни далули ахӀенрая. Гьарли-марли, Ил — малхӀямси, чевкархуси сай!

Его славят семь небес, земля и те, кто на них. Нет ничего, что не прославляло бы Его хвалой, но вы не понимаете их славословия. Воистину, Он - Выдержанный, Прощающий.

وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا مَسْتُورًا

ХӀуни иш Кьуръан бучӀухӀели, хӀелара ахиратличи хӀебирхуталара ургаб Нушани бягӀуси пардав тӀинтӀбирулра:

Когда ты прочел Коран, Мы воздвигли между тобой и теми, кто не верит в Последнюю жизнь, невидимую завесу.

وَجَعَلْنَا عَلَىٰ قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا ۚ وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَىٰ أَدْبَارِهِمْ نُفُورًا

илдази ил хӀебагьахъес багьандан илдала уркӀбачи юргъан чебуршулра ва илди лихӀбазиб тӀянцӀбирулра. Кьуръайзиб хӀуни хӀела ВегӀбекӀличила гьанбуршухӀели ва Ил ца сай или викӀухӀели, илхӀели илди хӀечибяхӀ къакъбарили ласбулхъули саби ва бибшули саби.

Мы набросили на их сердца покрывала, дабы они не могли понять его (Коран), и лишили их уши слуха. Когда ты поминаешь в Коране своего Единственного Господа, они отворачиваются, испытывая к этому отвращение.

نَحْنُ أَعْلَمُ بِمَا يَسْتَمِعُونَ بِهِ إِذْ يَسْتَمِعُونَ إِلَيْكَ وَإِذْ هُمْ نَجْوَىٰ إِذْ يَقُولُ الظَّالِمُونَ إِنْ تَتَّبِعُونَ إِلَّا رَجُلًا مَسْحُورًا

ХӀечи лехӀихъухӀели, илдас се аргъес дигулил ва саби-ургаб дигӀянали гъайбикӀухӀели илдани се бурулил Нушани гӀяхӀил балулра. ХӀера, илди капурти бикӀули саби: «ХӀуша сихӀрула асарлиувси адамлис гӀеларад аркьулрая!»

Мы лучше знаем, что именно они слушают, когда слушают тебя. А когда они совещаются втайне, то беззаконники говорят: "Вы следуете всего лишь за околдованным человеком".

انْظُرْ كَيْفَ ضَرَبُوا لَكَ الْأَمْثَالَ فَضَلُّوا فَلَا يَسْتَطِيعُونَ سَبِيلًا

Ца хӀеризигу, хӀу илдани севан сипатирулри: илди чеббалкӀи саби ва гьуни баргес бирули ахӀен!

Посмотри, какие притчи они приводят тебе. Они впали в заблуждение и не могут найти дорогу.

وَقَالُوا أَإِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا

Илди бикӀули саби: «Марлира, нуша .тига-кьякья, палда детаурли гӀергъи, марлира, илала гӀергъи нуша сагадан адамти детаурли мицӀирдирехӀев?»

Они скажут: "Неужели после того, как от нас останутся кости и частички, мы будем воскрешены в новом творении?"

قُلْ كُونُوا حِجَارَةً أَوْ حَدِيدًا

Бура: «Къаркъубили яра мегьли,

Скажи: "Даже если вы станете камнями, или железом,

أَوْ خَلْقًا مِمَّا يَكْبُرُ فِي صُدُورِكُمْ ۚ فَسَيَقُولُونَ مَنْ يُعِيدُنَا ۖ قُلِ الَّذِي فَطَرَكُمْ أَوَّلَ مَرَّةٍ ۚ فَسَيُنْغِضُونَ إِلَيْكَ رُءُوسَهُمْ وَيَقُولُونَ مَتَىٰ هُوَ ۖ قُلْ عَسَىٰ أَنْ يَكُونَ قَرِيبًا

яра, хӀушала пикрили, барсбарес къиянси цархӀил сели-дигара диаба, илхӀелира.. Илис жавабли илдани иру: «Нуша чили мицӀирдирурав?» Бура: «ХӀуша гьала-гьала акӀахъубсили». Иличи хӀебирхули, чула бурги гьакӀдарили, илдани хьарбиу: «Ил мурт бируси?» Бура: «Ил бахъхӀиагарли биэс асубирар».

или другим творением, которое представляется могучим в ваших сердцах". Они скажут: "Кто же нас возвратит?" Скажи: "Тот, Кто сотворил вас в первый раз". Но они покачают головами и скажут: "Когда же это произойдет?" Скажи: "Быть может, это произойдет очень скоро!"

يَوْمَ يَدْعُوكُمْ فَتَسْتَجِيبُونَ بِحَمْدِهِ وَتَظُنُّونَ إِنْ لَبِثْتُمْ إِلَّا قَلِيلًا

Илини хӀуша жидарибси ва Илис балгнани диркьули, хӀушани жаваб гибси бархӀи лябкьян: хӀушаб гьанбиркур гӀянжилиур калунти цакамси замана сарри или.

В тот день Он призовет вас, и вы ответите Ему похвалой и предположите, что пробыли на земле совсем недолго.

وَقُلْ لِعِبَادِي يَقُولُوا الَّتِي هِيَ أَحْسَنُ ۚ إِنَّ الشَّيْطَانَ يَنْزَغُ بَيْنَهُمْ ۚ إِنَّ الشَّيْطَانَ كَانَ لِلْإِنْسَانِ عَدُوًّا مُبِينًا

Дила лугърази бура Маккала бахъал аллагьунартачил малхӀямли гъайбикӀахъес, сенахӀенну илдала ургар шайтӀанни душмандеш алкӀахъули сари: шайтӀан, шакдеш агарли, адамтас эски душман саби!

Скажи Моим рабам, чтобы они говорили наилучшие слова, ибо сатана вносит между ними раздор. Воистину, сатана для человека - явный враг.

رَبُّكُمْ أَعْلَمُ بِكُمْ ۖ إِنْ يَشَأْ يَرْحَمْكُمْ أَوْ إِنْ يَشَأْ يُعَذِّبْكُمْ ۚ وَمَا أَرْسَلْنَاكَ عَلَيْهِمْ وَكِيلًا

ХӀушала ВегӀбекӀли хӀуша гӀяхӀил далулрая: эгер Сунес дигалли, — Илини хӀуша мурахасдалтарая яра, рахли Сунес дигалли — хӀуша танбихӀла дирурая. ХӀу Нушани илдас къараул варили ахӀенри вархьибси.

Вашему Господу лучше знать вас. Если Он пожелает, то смилостивится над вами, а если пожелает, то подвергнет вас мучениям. Мы не посылали тебя их попечителем и хранителем.

وَرَبُّكَ أَعْلَمُ بِمَنْ فِي السَّمَاوَاتِ وَالْأَرْضِ ۗ وَلَقَدْ فَضَّلْنَا بَعْضَ النَّبِيِّينَ عَلَىٰ بَعْضٍ ۖ وَآتَيْنَا دَاوُودَ زَبُورًا

Зубрачибра ванзала къакълничибра лебти лебилра хӀела ВегӀбекӀли гӀяхӀил бала. Нушани цабехӀ идбагуни цархӀилтачиб гьалабли чебаира, Давудлис Нушани Забур гира.

Твоему Господу лучше знать тех, кто на небесах и на земле. Одним пророкам Мы отдали предпочтение над другими. А Давуду (Давиду) Мы даровали Забур (Псалтирь).

قُلِ ادْعُوا الَّذِينَ زَعَمْتُمْ مِنْ دُونِهِ فَلَا يَمْلِكُونَ كَشْفَ الضُّرِّ عَنْكُمْ وَلَا تَحْوِيلًا

Бура: «Аллагьла дурабад хӀушани пикрибарибти жибарая хӀушаб кумекбарахъес: илдала ахъри агара хӀушачибад я балагь чебарбукес я ил барсбарес».

Скажи: "Взывайте к тем, кого вы считаете богами наряду с Ним. Они не властны отвратить от вас беду или перенести ее на другого".

أُولَٰئِكَ الَّذِينَ يَدْعُونَ يَبْتَغُونَ إِلَىٰ رَبِّهِمُ الْوَسِيلَةَ أَيُّهُمْ أَقْرَبُ وَيَرْجُونَ رَحْمَتَهُ وَيَخَافُونَ عَذَابَهُ ۚ إِنَّ عَذَابَ رَبِّكَ كَانَ مَحْذُورًا

ХӀушаб кумекбарахъес чучи хӀуша дугъадилзути, — илди сабира чула ВегӀбекӀличи гьамбиэс къайгънабиркьули саби: цархӀилтачиб саби Иличи имцӀали гъамтира яра Илала уркӀецӀиличи хӀерли саби яра Илала танбихӀлизибад урухкӀули саби, сенахӀенну хӀела ВегӀбекӀла танбихӀ — кахси саби!

Те, к кому они взывают с мольбой, сами ищут пути приближения к своему Господу, пытаясь опередить других. Они надеются на Его милость и страшатся мучений от Него. Воистину, мучений от твоего Господа надлежит остерегаться.

وَإِنْ مِنْ قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَابًا شَدِيدًا ۚ كَانَ ذَٰلِكَ فِي الْكِتَابِ مَسْطُورًا

Кьиямала бархӀи сабаайчи Нушани харабхӀебарибси яра чӀумаси танбихӀ хӀебарибси цалра ши агара. Ил — гьаланачибал табтарлизиб белгибарибсири!

Нет такого поселения, которое Мы не разрушим перед наступлением Дня воскресения или не подвергнем тяжким мучениям. Так было предначертано в Писании.

وَمَا مَنَعَنَا أَنْ نُرْسِلَ بِالْآيَاتِ إِلَّا أَنْ كَذَّبَ بِهَا الْأَوَّلُونَ ۚ وَآتَيْنَا ثَمُودَ النَّاقَةَ مُبْصِرَةً فَظَلَمُوا بِهَا ۚ وَمَا نُرْسِلُ بِالْآيَاتِ إِلَّا تَخْوِيفًا

Нушала хъарбаркьуначил МухӀяммад хӀерхьнра, сенахӀенну гьаб-убла адамтани илди къянбази халдариб. Нушани самудлантачи валри кира; ил илдас манпагӀятла лишанти биэс бири: амма илди илчи къаршили дурабухъун. Нушани лишанти дурхьулра чӀянкӀли урехи чебаахъесцун!

Мы не отправили знамения только потому, что прежние поколения не уверовали в них. Мы даровали самудянам верблюдицу как наглядное знамение, но они поступили с ней несправедливо. Мы ниспосылаем Наши знамения только для устрашения.

وَإِذْ قُلْنَا لَكَ إِنَّ رَبَّكَ أَحَاطَ بِالنَّاسِ ۚ وَمَا جَعَلْنَا الرُّؤْيَا الَّتِي أَرَيْنَاكَ إِلَّا فِتْنَةً لِلنَّاسِ وَالشَّجَرَةَ الْمَلْعُونَةَ فِي الْقُرْآنِ ۚ وَنُخَوِّفُهُمْ فَمَا يَزِيدُهُمْ إِلَّا طُغْيَانًا كَبِيرًا

ХӀера, Нушани хӀези ира: «ХӀела ВегӀбекӀли, шакдеш агарли, адамтани дирути далули сай!» ХӀези Нушани чебаахъибсира Кьуръайзиб сунечи лягӀнатбушибси галгара — Нушани илди адамтас чӀянкӀли имтихӀянницун дарира ва илдас урехи чебиахъулра, аммаки илини илдала къаршидеш гьатӀира имцӀадирули сари.

Вот Мы сказали тебе: "Воистину, твой Господь объемлет людей". Мы сделали показанное тебе видение и дерево, проклятое в Коране, искушением для людей. Мы устрашаем их, но это лишь увеличивает их великую непокорность.

وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ قَالَ أَأَسْجُدُ لِمَنْ خَلَقْتَ طِينًا

ХӀера, Нушани малайкунази ира: «Адамлис икрам барая! Илдани, Илбисла дурабад, икрамра бариб. Илбисли иб: «ХӀуни гӀянжилизивад варибсилис нуни икрам бирису, гьатӀи?»

Вот Мы сказали ангелам: "Падите ниц перед Адамом!" Они пали ниц, и только Иблис сказал: "Неужели я паду ниц перед тем, кого Ты создал из глины?"

قَالَ أَرَأَيْتَكَ هَٰذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَىٰ يَوْمِ الْقِيَامَةِ لَأَحْتَنِكَنَّ ذُرِّيَّتَهُ إِلَّا قَلِيلًا

Илини гӀурра иб: «Дилайчиб сунела халал хӀурмат барахъес ХӀуни хъарбарибси сегъуна саял хӀуни чейулри? Эгер хӀуни ну кьиямала бархӀи сабаайчи ватасли, нуни илала наслу, цакамти ахӀенти, наб мутӀигӀбирис».

Он сказал: "Посмотри на того, кому Ты отдал предпочтение предо мною. Если ты дашь мне отсрочку до Последнего дня, то я покорю его потомство, за исключением немногих".

قَالَ اذْهَبْ فَمَنْ تَبِعَكَ مِنْهُمْ فَإِنَّ جَهَنَّمَ جَزَاؤُكُمْ جَزَاءً مَوْفُورًا

Аллагьли иб: «КӀунвацӀи! Илдазивад чи хӀед гӀелавад вакӀалра, илис, шакдеш агарли, танбихӀли, кахси танбихӀли бирар жагьаннаб!

Он сказал: "Ступай! И если кто последует за тобой, то Геенна будет для вас воздаянием, полным воздаянием.

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِمْ بِخَيْلِكَ وَرَجِلِكَ وَشَارِكْهُمْ فِي الْأَمْوَالِ وَالْأَوْلَادِ وَعِدْهُمْ ۚ وَمَا يَعِدُهُمُ الشَّيْطَانُ إِلَّا غُرُورًا

Илдазибад чихъали вирудал хӀела гъайличил хӀела шайчи битӀикӀен; илдачи къаршили хӀела мурдабала ва хьурабала гӀяскар бурхьен, илдала мас-хазнала ва дурхӀнала шайчив илдас вархкьяли вирен, илдас чейсен, — шайтӀанна чеаслумикӀун, шакдеш агарли, къяналати сари!

Одурачивай своим голосом, кого сможешь, пусти в ход против них свою конницу и пехоту, дели с ними их богатства и детей и давай им обещания. Воистину, обещания сатаны - всего лишь обольщение.

إِنَّ عِبَادِي لَيْسَ لَكَ عَلَيْهِمْ سُلْطَانٌ ۚ وَكَفَىٰ بِرَبِّكَ وَكِيلًا

Дила лугърачиб хӀела сегъуналра арира агара: хӀела ВегӀбекӀли илди баарила кьадар гӀеббурцули сай!»

Воистину, ты не властен над Моими рабами. Довольно того, что твой Господь является их Попечителем и Хранителем".

رَبُّكُمُ الَّذِي يُزْجِي لَكُمُ الْفُلْكَ فِي الْبَحْرِ لِتَبْتَغُوا مِنْ فَضْلِهِ ۚ إِنَّهُ كَانَ بِكُمْ رَحِيمًا

ХӀушала ВегӀбекӀ — Сунела нигӀматунагӀир нуша умцӀахъес багьандан урхьуличир хӀушаб гамурби куртӀцикӀахъан сай: гьарли-марли, Ил хӀушачи уркӀецӀичевли сай!

Ваш Господь ведет для вас по морю корабли, дабы вы могли снискать Его милость. Воистину, Он милосерден к вам.

وَإِذَا مَسَّكُمُ الضُّرُّ فِي الْبَحْرِ ضَلَّ مَنْ تَدْعُونَ إِلَّا إِيَّاهُ ۖ فَلَمَّا نَجَّاكُمْ إِلَى الْبَرِّ أَعْرَضْتُمْ ۚ وَكَانَ الْإِنْسَانُ كَفُورًا

Рахли урхьначир хӀушачи къиян-жапа дакӀалли, Илала дурабад цархӀилтас икрам бирути лебилра улхули саби. Амма Нушани хӀуша дерцахъили дегъличи кадалӀахъибхӀели, хӀуша Нушачирад гӀелумдилзулрая. Гьарли-марли, адам гӀяхӀсант хӀебалан сай!

Когда беда постигает вас в море, вас покидают все, к кому вы взывали, кроме Него. Когда же Он спасает вас и выводит на сушу, вы отворачиваетесь. Воистину, человек неблагодарен.

أَفَأَمِنْتُمْ أَنْ يَخْسِفَ بِكُمْ جَانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لَا تَجِدُوا لَكُمْ وَكِيلًا

ХӀуша кьяраахъес Илини дегъличи хъарбарес вирар или яра хӀуша гъумлизи кӀапӀдарахъес багьандан хӀушачи бурям бархьес вирар или хӀуша, марлира, уруххӀекӀулрав? ИлхӀели хӀушани хӀуша гӀердурцан варгес хӀедирудая.

Неужели вы не опасаетесь того, что Он может заставить часть суши поглотить вас или низринуть на вас ураган с камнями? Ведь тогда вы не найдете себе попечителя и хранителя!

أَمْ أَمِنْتُمْ أَنْ يُعِيدَكُمْ فِيهِ تَارَةً أُخْرَىٰ فَيُرْسِلَ عَلَيْكُمْ قَاصِفًا مِنَ الرِّيحِ فَيُغْرِقَكُمْ بِمَا كَفَرْتُمْ ۙ ثُمَّ لَا تَجِدُوا لَكُمْ عَلَيْنَا بِهِ تَبِيعًا

Илини хӀуша кӀинайсра ила чардарес, хӀушачи бурям бархьес ва хӀуша гӀяхӀсант хӀебаланти сарли багьандан кагӀяхъес вирар или хӀуша, марлира, уруххӀекӀулрав? ИлхӀели, Иличи къаршили кадизурли, хӀуша далтахъан варгес хӀушала ахъри хӀебикӀур.

Или же вы уверены в том, что Он не вернет вас в море еще раз, чтобы наслать на вас ураганный ветер и потопить вас за неверие? Ведь тогда никто не станет мстить Нам за вас!

وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِمَّنْ خَلَقْنَا تَفْضِيلًا

Нушани Адамла уршбас гӀяхӀдешуни дирулра: илди дегъличибра урхьначибра бикулра; илдас нигӀматуни лугулра, Нушани акӀахъубтазибад бахъал цархӀилтачиб илди гьалабли чебиулра.

Мы почтили сынов Адама и позволяем им передвигаться по суше и морю. Мы наделили их благами и даровали им явное превосходство над многими другими тварями.

يَوْمَ نَدْعُو كُلَّ أُنَاسٍ بِإِمَامِهِمْ ۖ فَمَنْ أُوتِيَ كِتَابَهُ بِيَمِينِهِ فَأُولَٰئِكَ يَقْرَءُونَ كِتَابَهُمْ وَلَا يُظْلَمُونَ فَتِيلًا

Лебилра адамти чула башчибачил барх Нушани бучибси бархӀи лябкьян. ИлхӀели чула балуй някълизи лавхӀул мяхӀпуз гибтани ил бучӀа ва илди чумиздагла кьумличибси камла кьадарцадалра гьимхӀебуркӀахъу.

В тот день Мы созовем всех людей вместе с их предводителями. Тогда те, кому книга будет вручена в правую руку, прочтут ее, и к ним не будет проявлено несправедливости даже величиной с финиковую плеву.

وَمَنْ كَانَ فِي هَٰذِهِ أَعْمَىٰ فَهُوَ فِي الْآخِرَةِ أَعْمَىٰ وَأَضَلُّ سَبِيلًا

Иш дунъяличирти гӀямрулизиб чи сукъурли виалра, ахиратлизивра ил сукъурли ва таманни чеввалкӀи вирар.

А кто слеп в этом мире, тот будет также слеп в Последней жизни и окажется еще более заблудшим.

وَإِنْ كَادُوا لَيَفْتِنُونَكَ عَنِ الَّذِي أَوْحَيْنَا إِلَيْكَ لِتَفْتَرِيَ عَلَيْنَا غَيْرَهُ ۖ وَإِذًا لَاتَّخَذُوكَ خَلِيلًا

Нушачи къаршили цархӀил се-биалра хӀези пикрибарахъес багьандан илдани хӀу хӀези Нушани багьахъурсилизивад гӀямултачил гӀелумилзахъули бара хӀилхӀи калунри. ИлхӀели хӀу илдани, гашмишдеш агарли, чула юлдашлизи халирури.

Они чуть было не отклонили тебя от того, что Мы дали тебе в откровении, дабы ты выдумал про Нас нечто другое. Вот тогда ты стал бы их возлюбленным.

وَلَوْلَا أَنْ ثَبَّتْنَاكَ لَقَدْ كِدْتَ تَرْكَنُ إِلَيْهِمْ شَيْئًا قَلِيلًا

Рахли хӀела уркӀи Нушани чӀумахӀсбарибти диахӀелри, цакамси заманалисалра хӀу илдала шайчи калзули хӀилхӀи калунри.

Мы поддержали тебя, когда ты готов был уже немного склониться на их сторону.

إِذًا لَأَذَقْنَاكَ ضِعْفَ الْحَيَاةِ وَضِعْفَ الْمَمَاتِ ثُمَّ لَا تَجِدُ لَكَ عَلَيْنَا نَصِيرًا

ИлхӀели хӀед Нушани иш дунъяличирти гӀямрулизибра ахиратлизибра кӀиркали танбихӀ бирира ва Нушала гьалав хӀед гӀевкалхъан хӀуни варгес хӀейради.

Тогда ты вкусил бы наказание вдвойне в этой жизни и вдвойне после смерти. И тогда никто не стал бы помогать тебе против Нас!

وَإِنْ كَادُوا لَيَسْتَفِزُّونَكَ مِنَ الْأَرْضِ لِيُخْرِجُوكَ مِنْهَا ۖ وَإِذًا لَا يَلْبَثُونَ خِلَافَكَ إِلَّا قَلِيلًا

Иш ванзаличивад хӀу илдани дугӀиули хӀилхӀи калунри: илдас дигусири хӀу иличивад вебшахъес; амма хӀу агарли илди илаб бахъхӀи кахӀели,

Они чуть было не изгнали тебя с этой земли под страхом. Но после твоего изгнания они оставались бы там лишь недолго.

سُنَّةَ مَنْ قَدْ أَرْسَلْنَا قَبْلَكَ مِنْ رُسُلِنَا ۖ وَلَا تَجِدُ لِسُنَّتِنَا تَحْوِيلًا

хӀед гьалаб Нушани бурхьути идбагунала гӀядат хӀясибли; Нушала гӀядатуназиб хӀуни сегъуналра барсдешра хӀебургрид.

Так поступали с Нашими посланниками, отправленными до тебя. Ты не найдешь изменений в Наших установлениях.

أَقِمِ الصَّلَاةَ لِدُلُوكِ الشَّمْسِ إِلَىٰ غَسَقِ اللَّيْلِ وَقُرْآنَ الْفَجْرِ ۖ إِنَّ قُرْآنَ الْفَجْرِ كَانَ مَشْهُودًا

БархӀи гӀелабиркухӀели, маркӀачӀи чедакӀибхӀели — дехӀибала дирен, шала пӀякьдикибхӀели — Кьуръан бучӀен, сенахӀенну шала пӀякьдикибхӀели Кьуръан бучӀнилис бикьруми леб!

Совершай намаз с полудня до наступления ночного мрака и читай Коран на рассвете. Воистину, на рассвете Коран читают при свидетелях.

وَمِنَ اللَّيْلِ فَتَهَجَّدْ بِهِ نَافِلَةً لَكَ عَسَىٰ أَنْ يَبْعَثَكَ رَبُّكَ مَقَامًا مَحْمُودًا

Дугила ца бутӀара, хӀу гӀяхӀулали хӀуни кьабулбарибси къуллукъ саблин, улгули буркӀен: беликки, хӀела ВегӀбекӀли хӀед гӀибадатхана гес!

Бодрствуй часть ночи, читая Коран во время дополнительных намазов. Быть может, Господь твой возведет тебя на Достохвальное место.

وَقُلْ رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا

Бура: «ВегӀбекӀ! Бархьдешла унзалавад ацӀахъаба ва бархьдешла унзалавад кацӀахъаба, наб кумеклис ХӀела шизибад цӀакьра га».

Скажи: "Господи! Пусть мое пришествие будет правдивым, и пусть мой уход будет правдивым! Даруй мне от Тебя знамение в помощь".

وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا

Бура: «Бархьдеш бакӀиб ва къяна — кӀунбацӀиб; къяна гьарли-марли кӀунбицӀесра гӀягӀниси саби!»

Скажи: "Явилась истина, и сгинула ложь. Воистину, ложь обречена на погибель".

وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا

Аллагьличи бирхутас Нушани Кьуръайзир дарманра уркӀецӀира дархьилра, капуртас биалли илини къиян-жапа имцӀадиру.

Мы ниспосылаем в Коране то, что является исцелением и милостью для верующих, а беззаконникам это не прибавляет ничего, кроме убытка.

وَإِذَا أَنْعَمْنَا عَلَى الْإِنْسَانِ أَعْرَضَ وَنَأَىٰ بِجَانِبِهِ ۖ وَإِذَا مَسَّهُ الشَّرُّ كَانَ يَئُوسًا

Нушани адамличи уркӀецӀи барахӀелли, ил гӀелумилзули сай ва гьярахъиркули сай, рахли иличи мусибат чебакӀалли, — ил децӀ-шишимтани урцули сай.

Когда Мы даруем милость человеку, он отворачивается и удаляется в гордыне. Если же его касается беда, то он приходит в отчаяние.

قُلْ كُلٌّ يَعْمَلُ عَلَىٰ شَاكِلَتِهِ فَرَبُّكُمْ أَعْلَمُ بِمَنْ هُوَ أَهْدَىٰ سَبِيلًا

Бура: «Гьарилли — сунес дигуси биру, ама хӀушала ВегӀбекӀли гӀяхӀил балули сай чи бархьси гьунчивад вашулил».

Скажи: "Каждый человек избирает свой путь, а вашему Господу лучше знать, кто следует более прямым путем".

وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُمْ مِنَ الْعِلْمِ إِلَّا قَلِيلًا

Илдани хӀези рухӀиличила хьарбиули саби. Бура: «РухӀ дила ВегӀбекӀла амрулизирад сари. Илдачила хӀушаб гибси багьуди цакамси саби».

Они станут спрашивать тебя о душе. Скажи: "Душа возникла по повелению моего Господа. Вам дано знать об этом очень мало".

وَلَئِنْ شِئْنَا لَنَذْهَبَنَّ بِالَّذِي أَوْحَيْنَا إِلَيْكَ ثُمَّ لَا تَجِدُ لَكَ بِهِ عَلَيْنَا وَكِيلًا

Рахли Нушаб дигахӀелли, хӀези Нушани багьахъурси кебасес дирехӀе ва илхӀели хӀуни,

Если бы Мы захотели, то лишили бы тебя того, что дали тебе в откровение. И никто не защитил бы тебя от Нас,

إِلَّا رَحْمَةً مِنْ رَبِّكَ ۚ إِنَّ فَضْلَهُ كَانَ عَلَيْكَ كَبِيرًا

хӀела ВегӀбекӀла уркӀецӀила дурабад, хӀу гӀевурцан варгес хӀейруд. ХӀед Илини дирути гӀяхӀдешунала гӀелала агара!

не будь милости твоего Господа. Воистину, Его милость к тебе велика!

قُلْ لَئِنِ اجْتَمَعَتِ الْإِنْسُ وَالْجِنُّ عَلَىٰ أَنْ يَأْتُوا بِمِثْلِ هَٰذَا الْقُرْآنِ لَا يَأْتُونَ بِمِثْلِهِ وَلَوْ كَانَ بَعْضُهُمْ لِبَعْضٍ ظَهِيرًا

Бура: «Рахли адамтира жунжрира иш Кьуръайчи мешуси се-биалра барес дигули цалабикалра, хӀятта илди цабехӀтас идилти кумекчибили биралра, — иличи мешуси гьеч селра барес илдала ахъри хӀебикӀур».

Скажи: "Если бы люди и джинны объединились для того, чтобы сочинить нечто, подобное этому Корану, это не удалось бы им, даже если бы они стали помогать друг другу".

وَلَقَدْ صَرَّفْنَا لِلنَّاسِ فِي هَٰذَا الْقُرْآنِ مِنْ كُلِّ مَثَلٍ فَأَبَىٰ أَكْثَرُ النَّاسِ إِلَّا كُفُورًا

Иш Кьуръайзир Нушани адамти духубарес багьандан илдас манпагӀятла гьар тяхӀярла хабурти дурира, амма адамтазибад бахълис дигули саби капуртили калес.

Мы разъяснили людям в этом Коране всякие притчи, но большинство людей отвергает все, кроме неверия.

وَقَالُوا لَنْ نُؤْمِنَ لَكَ حَتَّىٰ تَفْجُرَ لَنَا مِنَ الْأَرْضِ يَنْبُوعًا

Илди бикӀули саби: «Нуша хӀечи дирххӀерехӀе, хӀуни нушаб ванзализибад гӀиниз пурчбухъахъайчи,

Они говорят: "Ни за что мы не уверуем, пока ты не исторгнешь для нас из земли источник;

أَوْ تَكُونَ لَكَ جَنَّةٌ مِنْ نَخِيلٍ وَعِنَبٍ فَتُفَجِّرَ الْأَنْهَارَ خِلَالَهَا تَفْجِيرًا

яра чумиздагуналара тӀутӀилара хӀела анхъ биайчи ва илала ургабад хӀуни варачан кабухъахъайчи,

или пока не будет у тебя пальмовой рощи и виноградника, в которых ты проложишь реки;

أَوْ تُسْقِطَ السَّمَاءَ كَمَا زَعَمْتَ عَلَيْنَا كِسَفًا أَوْ تَأْتِيَ بِاللَّهِ وَالْمَلَائِكَةِ قَبِيلًا

яра, хӀуни бурули кьяйда, зубрала бутӀа нушачи кабикахъайчи, яра нушачи хӀу Аллагьличил ва малайкуначил варх вакӀайчи,

или пока не обрушишь на нас небо кусками, как ты это утверждаешь; или не предстанешь перед нами вместе с Аллахом и ангелами;

أَوْ يَكُونَ لَكَ بَيْتٌ مِنْ زُخْرُفٍ أَوْ تَرْقَىٰ فِي السَّمَاءِ وَلَنْ نُؤْمِنَ لِرُقِيِّكَ حَتَّىٰ تُنَزِّلَ عَلَيْنَا كِتَابًا نَقْرَؤُهُ ۗ قُلْ سُبْحَانَ رَبِّي هَلْ كُنْتُ إِلَّا بَشَرًا رَسُولًا

яра мургьи-арцла някьишуначил хӀела юрт биайчи яра хӀу зубрачи ацӀайчи. ХӀу зубрази ацӀниличира дирххӀерехӀе, эгер нушази белчӀахъес илад лавхӀул мякӀпуз хӀехадли». Бура: «Деза биаб дила ВегӀбекӀлис! Ну — вакилли вархьибси адамцун ахӀенрав, гьатӀи?»

или пока у тебя не будет дома из драгоценностей; или пока ты не взойдешь на небо. Но мы не поверим в твое восхождение, пока ты не спустишься с Писанием, которое мы станем читать". Скажи: "Пречист мой Господь! Я же - всего лишь человек и посланник".

وَمَا مَنَعَ النَّاسَ أَنْ يُؤْمِنُوا إِذْ جَاءَهُمُ الْهُدَىٰ إِلَّا أَنْ قَالُوا أَبَعَثَ اللَّهُ بَشَرًا رَسُولًا

Бархьси гӀилму чучи бакӀибхӀели, иличи бирхахъес илди адамтас диргалабулхъули саби чӀянкӀли илдани буруси: «Марлира, Аллагьли вакил варили адам вархьибу?»

Людям помешало уверовать после того, как к ним явилось верное руководство, только то, что они сказали: "Неужели Аллах отправил посланником человека?"

قُلْ لَوْ كَانَ فِي الْأَرْضِ مَلَائِكَةٌ يَمْشُونَ مُطْمَئِنِّينَ لَنَزَّلْنَا عَلَيْهِمْ مِنَ السَّمَاءِ مَلَكًا رَسُولًا

Бура: «Рахли ванзала къакъличиб малайкуни лебти биалри ва илаб илди паргъатли хӀербирули биалри, — илхӀели Нушани зубрачивад илдачи вакил варили малайк урхьира».

Скажи: "Если бы по земле спокойно ходили ангелы, то Мы отправили бы к ним посланником с неба ангела".

قُلْ كَفَىٰ بِاللَّهِ شَهِيدًا بَيْنِي وَبَيْنَكُمْ ۚ إِنَّهُ كَانَ بِعِبَادِهِ خَبِيرًا بَصِيرًا

Бура: «Набчила хӀушаб Аллагь бикьри сай: Илини Сунела лугъри балули сай ва чебиули сай!»

Скажи: "Довольно того, что Аллах является Свидетелем между мною и вами. Воистину, Он знает и видит Своих рабов".

وَمَنْ يَهْدِ اللَّهُ فَهُوَ الْمُهْتَدِ ۖ وَمَنْ يُضْلِلْ فَلَنْ تَجِدَ لَهُمْ أَوْلِيَاءَ مِنْ دُونِهِ ۖ وَنَحْشُرُهُمْ يَوْمَ الْقِيَامَةِ عَلَىٰ وُجُوهِهِمْ عُمْيًا وَبُكْمًا وَصُمًّا ۖ مَأْوَاهُمْ جَهَنَّمُ ۖ كُلَّمَا خَبَتْ زِدْنَاهُمْ سَعِيرًا

Аллагьли викуси — вархьли вашули сай, Илини чеввалкӀахъунсили — Илала дуравад гӀур сай гӀевурцан варгес хӀейрар. Кьиямала бархӀи Нушани илди гьарилд декӀарли бурчехӀе ва илди лябкьян сукъуртили, гъай хӀедалантили, гӀянцӀтили: илдас урдубяхъли бирар жагьаннаб ва илала цӀа билшесбяхӀяллира, гьархӀели Нушани ил сагакабирехӀе.

Тот, кого Аллах ведет прямым путем, следует прямым путем. А для того, кого Аллах вводит в заблуждение, ты не найдешь покровителей вместо Него. В День воскресения Мы соберем их лежащими ничком, слепыми, немыми, глухими. Их пристанищем будет Геенна. Как только она утихает, Мы добавляем им пламени.

ذَٰلِكَ جَزَاؤُهُمْ بِأَنَّهُمْ كَفَرُوا بِآيَاتِنَا وَقَالُوا أَإِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا

Нушала хъарбаркьуначи бирххӀебирхни багьандан илдас бируси танбихӀ илгъуна бирар. Илди бикӀули саби: «Марлира, нуша лига-кьякья, палда детаурли гӀергъи, марлира, илала гӀергъи нуша, сагадан адамти детаурли, мицӀирдирехӀев?»

Таково возмездие им за то, что они не уверовали в Наши знамения и говорили: "Неужели после того, как мы превратимся в прах и частички, мы будем воскрешены в новом творении?"

أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ قَادِرٌ عَلَىٰ أَنْ يَخْلُقَ مِثْلَهُمْ وَجَعَلَ لَهُمْ أَجَلًا لَا رَيْبَ فِيهِ فَأَبَى الظَّالِمُونَ إِلَّا كُفُورًا

Марлира, илдани хӀебалулив мусни-зубри акӀахъубси Аллагьли чучи мешути акӀахъес вирни? Илини илдас белгиси замана кабизахъур: илчи ташмишдешра агара. Аммаки капуртас чус дигутани биркьес дигули саби.

Неужели они не видят, что Аллах, Который сотворил небеса и землю, может сотворить подобных им? Он установил для них срок, в котором нет сомнения, но беззаконники отвергают все, кроме неверия.

قُلْ لَوْ أَنْتُمْ تَمْلِكُونَ خَزَائِنَ رَحْمَةِ رَبِّي إِذًا لَأَمْسَكْتُمْ خَشْيَةَ الْإِنْفَاقِ ۚ وَكَانَ الْإِنْسَانُ قَتُورًا

Бура: «Рахли дила ВегӀбекӀла уркӀецӀила мас-хазна хӀушала арилизир диалри, мискиндинишагу или урухкӀули, илди хӀушани харжхӀедарили хӀушачир дихӀядари. Гьарли-марли, адам — кьиркьир сай!»

Скажи: "Если бы вы владели сокровищницами милости моего Господа, то все равно скупились бы из страха обеднеть, ибо человек скуп".

وَلَقَدْ آتَيْنَا مُوسَىٰ تِسْعَ آيَاتٍ بَيِّنَاتٍ ۖ فَاسْأَلْ بَنِي إِسْرَائِيلَ إِذْ جَاءَهُمْ فَقَالَ لَهُ فِرْعَوْنُ إِنِّي لَأَظُنُّكَ يَا مُوسَىٰ مَسْحُورًا

Нушани гьанналаурал Мусази дурусти урчӀемал хъарбаркь дурира: иличила ИзрагӀилла уршбази хьарбаа. Муса илдачи вакӀибхӀели, ПиргӀяванни илизи иб: «Дила пикрили, хӀу, Муса, абдалнублири».

Мы даровали Мусе (Моисею) девять ясных знамений. Спроси сынов Исраила (Израиля) о том, как Муса (Моисей) пришел к ним, и Фараон сказал ему: "О Муса (Моисей)! Воистину, я полагаю, что ты околдован".

قَالَ لَقَدْ عَلِمْتَ مَا أَنْزَلَ هَٰؤُلَاءِ إِلَّا رَبُّ السَّمَاوَاتِ وَالْأَرْضِ بَصَائِرَ وَإِنِّي لَأَظُنُّكَ يَا فِرْعَوْنُ مَثْبُورًا

Мусани иб: «ХӀуни балулри, илди, бархьдеш чебиахъанти сарлин, мусни-зубрала ВегӀбекӀли дурхьули виъни; дила пикрили, хӀела, ПиргӀяван, ахирла сягӀят сабаили саби».

Он сказал: "Ты уже знаешь, что не кто иной, а только Господь небес и земли ниспослал их в качестве наглядных знамений. О Фараон! Я полагаю, что тебя постигнет погибель".

فَأَرَادَ أَنْ يَسْتَفِزَّهُمْ مِنَ الْأَرْضِ فَأَغْرَقْنَاهُ وَمَنْ مَعَهُ جَمِيعًا

ПиргӀяванни кьасбариб лебилра израгӀилланти кабушес. Нушани биалли илра иличил барх лебти лебилрара кагӀяхъира.

Фараону захотелось изгнать их с земли, но Мы потопили его и всех, кто был с ним.

وَقُلْنَا مِنْ بَعْدِهِ لِبَنِي إِسْرَائِيلَ اسْكُنُوا الْأَرْضَ فَإِذَا جَاءَ وَعْدُ الْآخِرَةِ جِئْنَا بِكُمْ لَفِيفًا

Илала гӀергъи Нушани ИзрагӀилла уршбази ира: «Ичи ванзаличир хӀердирая, кьиямала бархӀи сабаибхӀели биалли — хӀуша лерилра дарх дурчурая.

После этого Мы сказали сынам Исраила (Израиля): "Живите на этой земле. А когда исполнится последнее обещание, Мы соберем вас всех вместе".

وَبِالْحَقِّ أَنْزَلْنَاهُ وَبِالْحَقِّ نَزَلَ ۗ وَمَا أَرْسَلْنَاكَ إِلَّا مُبَشِّرًا وَنَذِيرًا

Шакдеш агарли, ил Нушани бархьира; шакдеш агарли, ил зубрачибад бакӀиб; хӀура Нушани чӀянкӀли гӀяхӀла хабар бихан, насихӀятчи сайлин вархьири.

Мы ниспослали его (Коран) с истиной, и он сошел с истиной, а тебя Мы послали только добрым вестником и предостерегающим увещевателем.

وَقُرْآنًا فَرَقْنَاهُ لِتَقْرَأَهُ عَلَى النَّاسِ عَلَىٰ مُكْثٍ وَنَزَّلْنَاهُ تَنْزِيلًا

Адамтас Кьуръан хӀези сабурличил бучӀахъес багьандан Нушани ил гӀяширтачи бутӀира: ил багьандан сабри Нушани ил декӀар-декӀарти замунтазиб бутӀнадли бархьибси.

Мы разделили Коран для того, чтобы ты читал его людям не спеша. Мы ниспослали его частями.

قُلْ آمِنُوا بِهِ أَوْ لَا تُؤْمِنُوا ۚ إِنَّ الَّذِينَ أُوتُوا الْعِلْمَ مِنْ قَبْلِهِ إِذَا يُتْلَىٰ عَلَيْهِمْ يَخِرُّونَ لِلْأَذْقَانِ سُجَّدًا

Бура: «Иличи дирхулрал яра дирххӀедирхулрал — илис гьалаб чус багьуди гибтани, чус ил бучӀухӀели, чула муцӀурти ванзаличи чейгахъули сужда бирули саби

Скажи: "Веруйте в него (Коран) или не веруйте! Воистину, когда его читают тем, кому прежде было даровано знание, они падают ниц, касаясь земли своими подбородками.

وَيَقُولُونَ سُبْحَانَ رَبِّنَا إِنْ كَانَ وَعْدُ رَبِّنَا لَمَفْعُولًا

ва бикӀули саби: «Деза биаб Нушала ВегӀбекӀлис! Нушала ВегӀбекӀли чесибси бартарули саби».

Они говорят: "Хвала нашему Господу! Воистину, обещание нашего Господа непременно исполнится".

وَيَخِرُّونَ لِلْأَذْقَانِ يَبْكُونَ وَيَزِيدُهُمْ خُشُوعًا ۩

Илдани чула муцӀурти ванзаличи чейгахъули сужда бирули саби, симкьбикӀули саби ва илдала уркӀбазиб Аллагьличи диги имцӀабирули саби».

Они падают ниц, касаясь земли подбородками и рыдая. И это приумножает их смирение".

قُلِ ادْعُوا اللَّهَ أَوِ ادْعُوا الرَّحْمَٰنَ ۖ أَيًّا مَا تَدْعُوا فَلَهُ الْأَسْمَاءُ الْحُسْنَىٰ ۚ وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ بَيْنَ ذَٰلِكَ سَبِيلًا

Бура: «Балгназив илис Аллагь дикӀадалра яра УркӀецӀичевси дикӀадалра, хӀуша Илис се дикӀадалра, илала уми бегӀлара жагати сари. ХӀела балга вявикӀули мабирид, амма шивкӀивличилра мабирид: илди кӀилалра ургабси тӀамаличил бирен.

Скажи: "Призывайте Аллаха или призывайте Милостивого! Как бы вы ни призывали Его, у Него - самые прекрасные имена". Не совершай свой намаз громко и не совершай его шепотом, а выбери среднее между этим.

وَقُلِ الْحَمْدُ لِلَّهِ الَّذِي لَمْ يَتَّخِذْ وَلَدًا وَلَمْ يَكُنْ لَهُ شَرِيكٌ فِي الْمُلْكِ وَلَمْ يَكُنْ لَهُ وَلِيٌّ مِنَ الذُّلِّ ۖ وَكَبِّرْهُ تَكْبِيرًا

Бура: «Деза биаб Аллагьлис, сезаманалра Сунела дурхӀни хӀебиубсилис, ВегӀбекӀдеш дирнилизив Сунела дуравад гӀур цархӀил агарсилис, мучлаагарвирнилизивад валтахъан Сунела агарсилис!» Вируцад ил чевяхӀӀирен!

Скажи: "Хвала Аллаху, Который не взял Себе сына, Который ни с кем не делит власть, Которому не нужен защитник от унижения". И возвеличивай Его величаво!