Пяхъу ГIяли — Пяху Али

Ца шилизив, ца шагьарлизив левли сай цабехI мискинтала урши, сунесра Пяхъу ГIяли бикIуси. Шантани хIебалулихьар Пяхъу ГIяли дебали цIакьчевси дурхIя уили сай.

В одном селе, в одном городе у одних бедных родителей был сын по имени Пяху Али Люди не знали, что Пяху Али был очень сильным парнем.

Ил дурхIя бегIталара, сунелара гIямал барес узусири урхIличив, сунезибси цIакьла халадешли хункI бяхъили хIяйван бубкIахъули уили сай.

Чтобы содержать себя и родных, он работал у людей, был таким сильным, что ударом кулака мог убить животное.

Ца бархIи Пяхъу ГIяли вацIализи урцуйчи арякьи сай.

Однажды Пяху Али пошел в лес за дровами.

Урцулира хIядурдарили, камеи бамсриахъес кайили сай.

Нарубив дров, он решил присесть и немного отдохнуть.

Ил замана гIелабад арслан-къаплан чебухъи саби, гIяли уркIхIевхъи някъ-някъли вяхIили арслан-къаплан гIяндбакIили сай.

В это время сзади к нему подкрался лев. Али не испугался и голыми руками расправился с ним.

ИлхIели халкьлира багьурли саби Пяхъу ГIяли халаси гьунарла вегI адам виъни.

После этого случая всем стало известно о необыкновенной силе Пяху Али.

Адамтани чучи къиянбакIибси замана ирули кали саби: «Шандан чIумаси булкIахъуси Пяхъу ГIяличи хIеръая».

Люди в трудное время всегда вспоминали его и говорили: «Посмотрите на Пяху Али, который может даже сталь согнуть».

Иличила хабар ахирра талхъайчира кабаиб, илала цIакьличила багьурли саби.

Наконец весть о нем, о его силе дошла до талхана

Гьачам талхъайчи халалгъуна къуллукъчи вакIиб ва иб:

Как-то к талхану пришел его старший помощник и говорит:

- ХIу аравиаби, дила талхъан, нагагьла их Пяхъу ГIяли мицIирли ваталли ихини хIед дахъал авара диркьу, хIела мер буцесра асубирар ихини.

- Здоровья тебе, мой талхан, но если оставить Пяху Али в живых, он доставит тебе много хлопот, он может даже захотеть занять твое место.

- Сунечиб гIяйиб агарси адам кавшес хIейрар, се баралли гIяхIсив? - иб талхъай.

- Как же можно убить без причины человека, что бы придумать? - спросил талхан.

- Пулан мерличибси верхIел нарт-узбала хъу бацахъес вяхIвара, итабти верхIелра узили ГIяли таманвиру, - иб талхъа къуллукъчили.

- В таком-то месте находится поле семи братьев-нартов, отправь его туда, братья и убьют его, - посоветовал помощник талхана.

Талхъай сунечи Пяхъу ГIяли живариб. Нартанала хъу бацахъес хъарбариб.

Талхан вызвал к себе Пяху Али и поручил ему вспахать поле нартов.

- Наб ца чумал дуразра, авал гIяхIти унцра диха, нуни ит хъу балцасну, иб Пяхъу ГIялини.

- Дай мне несколько сох, четыре хороших быка, я это поле вспашу, сказал Пяху Али.

ГIялис ца чумал дуразра, авал унцра дедиб, ва кIиэсил бархIи сай ил хъу бацес арякьун.

Пяху Али дали несколько сох, четыре быка, и на второй день он отправился пахать поле.

Ветаили хъучи, дабгиб дуразлизи унци, бяхъиб гIярчумагли унцас - кIел унц кадикиб.

Добравшись до поля, он запряг быков и ударил их кнутом - оба быка бездыханно упали.

КIинайс бяхъибхIели калунти кIелра унцра кадикиб.

Ударил двух оставшихся быков, упали и те.

- Гьанна нуни се бирусив? - или, ГIяли кайиб.

- Что я буду теперь делать? - сказал Али, сел и задумался.

Илзамана чилирил тIамадариб:

И тут послышался чей-то голос:

- Эй, хIу чи сайри?

- Эй, ты кто такой?

Сен иша вакIибсири, гьари гъамли иша ваши!

Зачем пришел сюда, а ну, подойди к нам!

Пяхъу ГIялини бекI ласбарили гIелабяхI хIеръиб.

Пяху Али обернулся и посмотрел по сторонам.

ХIерикIалли-дубуртицад кьаркьлумала верхIел узи нарт.

Видит - семь братьев-нартов, здоровых, как огромные горы.

- Ну гIягIниси дила мякьла лявкьян, - иб ГIялини, кайибси мерличивад вяшхIевхъи.

- Кому я нужен, тот сам подойдет ко мне, - ответил Али, даже не сдвинувшись со своего места.

Узбазивад халалгъуна узи декIарикиб ва иб:

Старший брат [нартов] приблизился к нему со словами:

- ХIу нуни вялчIари!

- Я раздавлю тебя!

ИлхIели Пяхъу ГIялини уцили ил ванзализивяхъиб.

Тогда Али взял его и грохнул об землю.

- Нушала гьанна бикайчи чилира кахIейкахъибси узи ихили кайкахъиб, или, илди бебшес кьасбариб.

- Никто до сих пор не мог победить нашего брата, а он его свалил, - сказали остальные братья и решили бежать.

- Дила хъу бацунхIели хIушаб дигуйхIи дукьяна, - или, ГIялини урегалра узи унцала мерличи бабгиб.

- Вспашите сначала мое поле, а потом идите, куда хотите, - говорит им Али и впряг всех шестерых братьев вместо быков.

Узбани кIел сагIятла бухIнаб хъу бацун.

За два часа братья перепахали поле.

Хъу таманбируси замана халалгъуна узи чевсаргъиб, сунела узби чебаиб унцала мерличиб бабгили хъу балцули, гъайалра хIеили, гIясивиубли, вебшили халал узи арякьун.

Они почти заканчивали работу, когда старший брат очнулся, увидел своих братьев, запряженных вместо быков, рассердился и ушел от них.

Урегалра узира, баци хъу таманбиубли батаибхIели, бебшили арбякьун.

Все шестеро братьев закончили пахать поле и ушли.

- Нуни хIела хъу бацунра, талхъан.

- Я вспахал твое поле, талхан.

ГьатIи хIела буйрухъ лебу? - или, вакIили талхъа гьала ГIяли тIашизур.

У тебя есть еще поручения? - спросил Али, представ перед талханом.

ГIяли мицIирли чеибхIели, къуллукъчи дяхIиван цIубиуб ва пикриухъун: «итавад чарухъунси их гIур чинавалра убкIхIебкIар».

Увидев Али живым, слуга побелел, как снег, и подумал: «Если он оттуда вернулся, он вообще нигде не погибнет».

- БусагIят бареси агуну, хIела хъайгIи укьян, гIягIнидеш биалли жиирурину, - иб талхъай ГIялизи.

- В настоящее время нет дела, иди домой, когда понадобишься, мы тебя найдем, - ответил талхан Али.

Ил хъайгIи арякьун.

Он пошел домой.

- Гьу, гьанна се бирехIе, къуллукъчи, - иб талхъай ГIяли хъайгIи арякьунхIели.

- Ну, что мы теперь будем делать, слуга? - спросил талхан, когда Али ушел домой.

- Ца вацIа теб дебали дахъал жаниварти терси, гъал уркура дедили урцул кахъес вархьа.

- Есть один лес, полный диких зверей, дай ему двадцать повозок и отправь за дровами.

Наб гьанбиркур, итад кьалли ГIяли чархIелхъан, - иб къуллукъчили.

Мне кажется, что оттуда-то он живым не вернется, - говорит слуга.

КIиэсил бархIи Пяхъу ГIяли талхъай живариб ва урцуйчи пулан вацIализи укьес гIягIнили саби или, буриб.

На второй день талхан вызвал Пяху Али и велел ему поехать в такой-то лес за дровами.

- ХIебиалли, наб шел гIяхIти бардара, кIи-кIел гIяхIти урчи дабгибти уркрира диха, - иб ГIялини.

- Раз так, то дайте мне пять хороших топоров и впрягите в арбы по две лучших лошади, - сказал Али.

Талхъай илис гIягIнитира дедили, сайра вархьиб урцул кахъес.

Талхан дал ему все, что нужно, и тот поехал за дровами.

Пяхъу ГIяли пикриикIулри сай кавшес дигули вархьибси виъниличи талхъай.

Пяху Али понял, что талхан дает ему такие поручения, чтобы избавиться от него.

Пяхъу ГIяли ветаиб вацIализи.

Пяху Али добрался до леса.

Камеи бамсрира ахъили, сайра вехIихьиб урцул дирес, бяхъиб барда галгализи - барда бячун, шелра барда дячун, шел уркура урцуй дицIайчи.

Немного передохнув, он начал рубить дрова, ударил топором по дереву - топор поломался, пока наполнял дровами пять повозок, сломал все пять топоров.

Илзамана урчи вявдикIескадииб «хIи-хIи» или, вацIа бучIахъули.

В это время по всему лесу раздалось «хи-хи» - ржанье лошадей.

ГIялини кIел халати чIичIала чедаиб сунечидяхI ляркьули.

Али увидел, что к нему ползут две большие змеи.

ВахъхIи пикрихIейкIули, ГIялини хIячмазибад галга дурабитIун ва вирхъули ил галгали, кIелра чIичIала кадушиб.

Недолго думая, Али вырвал дерево с корнями, ударил им и убил обеих змей.

Бамсриахъес валкьхIеурли левалли, ГIяличи гурднягъ чебухъун, илини гурднягъра кабушиб.

Он только решил отдохнуть, как на него напала рысь, он расправился и с рысью.

- Ишкьяйда дила гIямал хIебирар, нуни хIедицIили калунти, уркри урцуй чилилра хIедирцIу.

- Так дело не пойдет, если я не наполню арбы дровами, то их никто не наполнит.

ХIячми диалли декIар се биэса, - сунези сай гъайикIули, цацали алтIули галгуба ца сагIятла духIнар уркри урцуй дицIиб ГIяли ни.

Не беда, если я заполню арбы деревьями с корнями, -- разговаривая сам с собой, Али по одному начал вырывать деревья и складывать их в арбы.

Илини ватихьес кьасбарибгу, урча урцуй дицIибти уркри вяшалра дарес хIедиуб.

Когда все арбы были полны, он решил возвращаться, но лошади не смогли сдвинуть с места тяжелые арбы.

ИлхIели мякьлар дагьардиуб кIел халати дугIла унц.

Тут около него появились два больших диких быка.

ГIялини гъамиубли кIелра унцла цаца мукеки дуцили, кили гьалаб башуси уркуйзи дабгиб.

Али схватил обоих быков за рога и впряг их в арбу.

Илкьяйда урцулра хили, ГIяли талхъа кIялгIнази чарухъун.

Так Али с дровами вернулся во дворец талхана.

Уркрала гIела ГIялини дигьири дугIла жаниварти.

Али привязал к арбам диких животных.

Лебилра шанти бебшиб, илдала тIамагьамала бакьили, талхъан ва илила къуллукъчи хъайгIибад дурабухъун.

Все люди от испуга разбежались, на шум вышел талхан со своим слугой.

- ВацIала дугI жанивартира леркули лявкьули хев, ихди жанивартази нуша хIедергахъалри! - или, урухиуб къуллукъчи.

- Он возвращается с дикими зверями из леса, как бы он не натравил их на нас! - говорит испуганный слуга.

- Ну чарухъунра, талхъан, хIед урцулра хира, гIур се хIяжатси леба набзибад? - или, ГIяли талхъа гъала тIашизур.

- Я вернулся, талхан, привез тебе дрова, что-нибудь еще от меня нужно? - спрашивает Али, встав перед талханом.

- БусягIят хIезибад хIяжатси агарану, ишди хIуни кибти жаниварти гьунидати вацIализи, хIед дигуси нунира бирисну, - или, талхъай тиладибариб ГIялизи.

- Пока от тебя ничего не нужно, только этих зверей, которых ты привел, отпусти в лес, и я сделаю все, что ты пожелаешь, - стал просить его талхан.

ГIялини лерилра жаниварти вацIализи деркIиб.

Али прогнал всех зверей в лес.

Талхъай ГIялис сяхI мургьила бедиб, неш-дудешлисра сунесра гIяхIти савгъатуни дедиб ва хъайгIи вархьаиб.

Талхан подарил Али сах золота, дал дорогие подарки его отцу и матери и отправил его домой.

- Гьу, се пикрибарибри хIуни, къуллукъчи, чина вархьес дигив ГIяли? хьарбаиб талхъай илизи.

- Ну, что ты надумал, слуга, куда ты [теперь] хочешь его отправить? спросил талхан.

Илини иб:

Тот отвечает:

- Ца авлахъ теб, ил авлахъличиб къугъаси кIялгIя теб, ит кIялгIялизир жагаси рурси тер. Жами бикIуси.

- Есть одна равнина, на ней есть очень красивая башня, там живет прекрасная девушка по имени Жами.

Ит рурси чераэс дебали бахъал жагьилти башули саби, ила башутазивад цалра гIелум чарухъунси ахIен.

Многие юноши отправляются посмотреть на нее, но никто из них назад не вернулся.

Ита бякьунти миъбиргIули саби.

Все, кто туда отправлялся, замерзали.

Ит авлахъличи, ит кIялгIялизи ит рурси кахъес урхъехIе ГIяли нушани, - иб къуллукъчили, - итадра мицIирли чарухъалли, итис бареси нуни хIебалас, - имцIабариб сунени бурибсиличи къуллукъчили.

На ту равнину, в тот дворец пошлем Али с поручением, чтоб он привез эту девушку, - сказал слуга, - если и оттуда он вернется живым, я уже и не знаю, что с ним делать, - добавил слуга к сказанному.

КIиэсил бархIи живарили талхъай ГIяли, сунечи вакIахъиб.

На следующий день талхан вызвал к себе Али и говорит ему:

- Пулан авлахъличибси кIялгIялизир Жами бикIуси рурси тер, ит ка.

- В таком-то месте на равнине во дворце живет девушка Жами, привези ее мне.

Дебали нашманни Пяхъу ГIяли хъайгIи вакIиб, бегIтазира селра хIеили, кIиэсил бархIи ил архIяличи дуравхъун.

Пяху Али вернулся домой очень грустный, ничего не сказал родным и на следующий день отправился в путь.

Дуги-хIери хIеили вашули, урегибил бархIи пулан авлахъличи ветаиб, чебаиб илини къугъаси кIялгIя.

День шел, ночь шел, на шестой день пришел на равнину и увидел красивую башню.

Урчиличивад увяхIхIевхъи кIялгIяла бурлизи къутIдяхъиб.

Не сходя с лошади, постучался.

ИлхIели къазанна бурани абхьиб, гIяли кIялгIялизи ацIиб.

Двери открылись, Али въехал в башню.

Чинабалра миъбяргIибти урчила мурдни тIашлири.

Здесь всюду было много замерзших всадников.

Бареси хIебалули, ГIялили буриб:

Не зная, что делать, Али крикнул:

- Жами, дила рузи, чинарри, дурарухъен!

- Жами, сестра моя, где ты, выйди!

Жамили дубхIехъиб.

Жами не ответила.

ГIялира, урчира миъкабиргIулри.

Али и его лошадь начали замерзать.

КIинайсра тIамдариб ГIялини Жамилизи:

Второй раз Али позвал Жами.

- Жами, дурарухъен рузи, миъвиргIулрану!

- Жами, выйди, сестра, я мерзну!

ИлхIели дебали жагаси рурси хъайгIирад дурарухъун, берхIиливан алавчарти мер-муса шаладарили, ванзаличи кадаибти чурмира сарра. -Гьай, дила узи Пяхъу ГIяли, хIела хабар сабаиб набчи.

В это время наверху появилась прекрасная девушка, которая, словно солнце, освещала все вокруг, ее косы были до пят. - Ох, мой брат Пяху Али, я слышала о тебе.

ХIугъунти чумилра бакIиб набчи, вявбикIи хIуван, цализилра дубхIехъира, илкьяйда миъкабяргIиб, - иб дурарухъи Жамили, - ваши хъайгIи, - или, Пяхъу ГIяли хъайгIи ацIахъиб.

Много таких, как ты, приходили сюда, и они, как и ты, звали меня, но я не откликнулась, и они замерзли. Поднимись ко мне, - сказала Жами и впустила Али в дом.

Илини, талхъа хъайгIир агарти дебали дахъал дурхъати секIал чедаиб.

Али увидел у нее много дорогих вещей, которых не было даже у талхана.

ИлхIели Жамили иб:

И тут Жами говорит ему:

- ХIу талхъай вебкIахъес багьандан сайри иша вархъибси, хъу бацахъесра, урцул кахъесра - хIу вебкIахъес сайри вархъибси, амма хIу чIумаси гъабза сайри!

- Талхан хотел погубить тебя, потому он послал тебя сюда. Чтобы убить тебя, он посылал тебя вспахать поле, за дровами в лес, но ты настоящий храбрец!

Илбагьандан ил талхъайс хIякъясну, хIед ляркьяс.

Поэтому я выйду замуж за тебя, а не за талхана.

- ХIу нунира талхъайс хIелугари, - иб ГIялини.

- А я тебя талхану и не отдам, - сказал Али.

- Нуша гьанна хIела бегIтачи аркьяхIену, хIед диурла кьадар мас-давла аса, - иб рурсили.

- Сейчас мы поедем к твоим родителям, бери добра, сколько тебе угодно, - сказала она.

- Наб хIечиб имцIаси мас-давла хIебалас! - или, ГIялини хъайгIибад селра адхIесиб.

- Мне не нужно никакого добра, кроме тебя! - сказав так, Али ничего не взял.

Жамили дурхъибад дебали къугъаси урчи дураиб.

Жами вывела из конюшни красивую лошадь.

- Айи, урши, нуша аркьяхIену, амма гIелабяхI хIермайрид, - иб Жамили.

- Садись, брат, я тоже сяду, только не оглядывайся назад, - сказала Жами.

ГIяли айиб урчиличи, гьала Жамира аратур, хъайгIи гьайбариб.

Али посадил Жами впереди, сам сел сзади, и они помчались домой.

- ХIела азбарлаб миъбяргIибти адамти наб язихъбилузи саби, - иб ГIялини Жамизи.

- Мне очень жаль людей, замерзших в твоей башне, - сказал Али Жами.

- Ил багьандан хIу пикримайкIудрану, урчи башахъен! - или, Жамили касили цIуба дарайла кIана ахъбуцили, бекIла чедиб ласласбариб.

- Не думай об этом, гони лошадь! - сказав это, Жами сняла с головы белый шелковый платок, подняла его над головой и помахала им.

Халаси замана хIедикили, хIябдаршцад мурда илдас гIеббаиб.

Прошло немного времени, и за ними показались около трехсот вса ников.

- Ихди адамти хIед язихъбизурти саби, - иб рурсили. - ГIяйиб саби хIела кIялгIя ишаб батес!

- Это молодые люди, которых ты жалел, - сказала девушка. -К ак жаль твой дворец оставлять здесь!

ХIела кIялгIя талхъа кIялгIяла мсрличиб барили, талхъа кIялгIя хIела мерличиб барес, - иб гIурра ГIялини.

Хорошо было бы, если бы на месте дворца талхана оказался твой, а на месте твоего - талхана, - сказал опять Али.

- Иличилара хIу пикримайкIуд, - или, хIунтIена кIана бекIла чедиб гьакIбариб.

- Об этом тоже ты не думай, - сказала она, подняла над головой красный платок и помахала им.

Сабаиб илди хъайгIи, талхъа хъалла мерлаб Жамила кIялгIя баргиб.

И когда они вернулись домой, на месте дворца талхана стоял дворец Жами.

ГIяли халкьли чула талхъан вариб.

Народ избрал Али своим талханом.

Халаси мекъ бариб, жамира Пяхъу ГIялира гьаннара теб бикIар разили хIербирули.

Потом сыграли большую свадьбу, говорят, что и сейчас Жами и Пяху Али живут в полном согласии.