Ца мискин дурхIяра, илала рухъна нешра — Бедный парень и его старая мать

ВерхIъибил дунъяличиб, верхIдехI урхьнала гьалаб, верхIдехI хIурхъал гIелаб, ца пулан шагьарлизиб лебли саби мискин аба-урши.

За семью морями, за семью горами, в одном селе жила бедная старуха со своим сыном.

Илдала яшав буили саби, урши гIяярличи вякьи се-биалра кабушили, байхъала чули букни, байхъала бицили арц дарили, илдас палтар асни. Гьачамра арякьи сай урши гIяярличи.

Они жили тем, что сын ходил на охоту, половина добычи уходила на пропитание, половину продавали, а деньги тратили на хозяйство, одежду Как-то раз, как всегда, парень отправился на охоту.

Вашули сай ил, вашули сай, амма селра кабушес бикили ахIен.

Шел он, шел, но напрасно, не попалось ему ничего.

БархIи ихъули саби.

День близился к концу.

Рахли вамсурли, гIясикайубли, гьанна хъайгIи чарулхъас викIули левли, илини баргили сай сигкабиубси, халаси ахIенси мегьла тIакьа.

Голодный, злой, уставший, думая, что с пустыми руками вернется домой, он присел отдохнуть на пенек. Вдруг он увидел старый, покрытый ржавчиной железный ящичек.

Разивиубдешли дурхIяли ил хъямики «Бисмиллагь» или, касили сай.

Обрадовался парень, сказал «Бисмиллах» и взял его в руки.

Ил или-хIеили дурхIя таманиайчи, се гьанбиркура хIушаб, биаб илаб, гьаржурала берклума тIутIухIебикIару тIакьа.

Не успел он до конца произнести это слово, и что же вы думаете, из ящичка вывалились разнообразные кушания.

Ца гьигьла заманалис дурхIя-алавла берклумази гIелабикили саби.

Вмиг все вокруг наполнилось яствами.

Гушкайубси дурхIя илав кьяшмира удуцили сайра, сагъсаламатли уки сай, ва велкъунхIели, «АлхIямдулиллагь» илигу, дугагартин берклуми детахъили сари.

Проголодавшийся парень уселся, досыта наелся, едва произнес «Алхамдулиллах», как все исчезло,

ДурхIя ил секIайчи дебали тамашакайубли, гьачам гьатIи «Бисмиллагь» викIули сай.

и чтобы проверить, он снова сказал «Бисмиллах».

ТIакьа гIурра берклума тIутIубикIес кабиили саби.

Из ящичка опять посыпались яства.

«АлхIямдулиллагь» илигу, берклуми деткахъили сари.

Парень очень удивился этому, сказал «Алхамдулиллах», и еда опять исчезла.

Ил секIайчи дурхIя дигарцад разииубли сай, вявъили сай, жургъухъи делхъ дарили сай, гIур хIяра буцили, игьубли, лайбакIили сунела мажарра сайра, хъайгIивяхI кавхъи сай.

Парень очень обрадовался, восторженно вскрикнул, от радости пустился в пляс, потом бросил свое ружье, взял ящичек и отправился домой.

ХIярхIли вашули, гIяхIил вашули, каили сай ил хъайгIи ва ухIнавхъи сай хъули.

Шел он, шел, быстро шел и пришел домой.

Тупанг агарли, вацIли чарухъи урши чеибхIели, неш уркIрухъи, уршиличи хIеррикIесряхIили сари.

Увидев сына, вернувшегося без ружья, мать удивленно взглянула на него.

Уршили илхIели касили сай сунела тIакьа ва «Бисмиллагь» или саби. ТIутIубикIес кабиили саби тIакьа берклума, ва хъали бицIахъили саби.

Парень поставил свой ящичек и только сказал «Бисмиллах», как перед изумленной старухой предстали яства, о которых она даже не слышала.

- Рукен, дила неш, рукен лигIматуна, ишдигъунта хIу хIела гIямрулизир рук кьалли чина рукунсири, чедаэсра хIедикиб дургар!

- Ешь, моя мать, ешь, сколько хочешь, такие яства не только кушать, но видеть на твоем веку тебе не приходилось!

Рукен, я диркур гIур, я хIедикур, - викIули сай урши.

Ешь, кто знает, будут они впредь у нас или нет, - говорит сын.

Неш рукунхIели, «АлхIямдулиллагь» илину, берклуми илхIяйзир деткахъили сари.

Мать наелась, сын сказал «Алхамдулиллах», и вся еда исчезла.

Нешлира дурхIялира кьасбарили саби, цакамти берклуми дицили, чус убуш-чебуш, палтар-кьяш асес.

Мать с сыном решили продавать кое-что из еды, покупать нужное и так привести хозяйство в порядок.

Рухъна илхIели къимриубли, хухриубли, берклума рирцули, бархIехълис чус гIягIнити лерил секIал асили кариили сари.

Продавая еду, старуха возгордилась и к вечеру купила все, что было нужно.

Баягъи ил шагьарлизив левли уили сай ца талхъан.

В этом городе был один талхан.

Илала лерли руили сари ца рурси, сарира ниълизирадра хIилизирадра рарибсигъуна.

У него была дочь, словно сотворенная из молока и крови.

Илала жагадешла шагьарлизиб хабар сабри, бикIар.

О ее красоте в городе шла молва.

Илала андаличир бархIира бацра сарри адухъи.

С ее лба как будто всходили солнце и луна.

Сунела куц викIадли, барткеллаван хъарум ахъси, имиаван рай чIяртIа, сурс-кьакьарикад дашути шин чедиуси, шайзирад рарг чедиуси, башмакъла кьячIурбаурад биалли гурда-гIяра детсаддулхъуси сарри.

Если говорить об облике, то у нее был высок стан, как у лани, тонкая талия, как у муравья, и было даже видно, как в горле ее проходит вода а из-под каблуков ее башмачков могут пройти лиса и заяц.

Гьугу, се дирути дахъал гъай, ил руили сари ца гIяламат, БибихIяйбат.

Словом, к чему долгий рассказ, она была необыкновенная красавица Бибихайбат.

Ил ригути жагьти викIадли, илди бахъал сабри, амма рурси чисалра аркьули ахIенри.

Многие юноши хотели жениться на этой девушке, но она никого не признавала.

Иличи хъайчикайэс кьасбарили сай дурхIялира.

Парень решил жениться только на ней.

КIиэсил бархIи дурхIя нешлизи викIули сай:

На следующий день сын говорит матери:

- Гьари, рукьян гьари, неш, талхъайчи сукни.

- Давай-ка, мать, отправляйся к талхану сватать.

Неш уркIрухъи рикIули сари илизи:

Удивленная мать ему отвечает:

- Талхъай нушагъунтас рурсби хIелуга, урши.

- Таким, как мы, талхан дочь не отдаст, сын.

Нушачи мешуси чи левал иличи умцIерухъалли ахIенси.

Нам надо поискать ровню.

- Лугни-хIелугнила къуллукъ хIела ахIенну, хIези бурибси бара, неш, викIули сай урши.

- Отдаст, не отдаст, посмотрим потом, сейчас сделай, мать, о чем я тебя прошу, - говорит ей сын.

Аррякьи сари неш сукни.

Отправилась мать к талхану.

Ил азбарла арацIили чераибхIели, талхъан вявикIули къараваш жирарили сари ва садакьа бара или хъарбарили саби.

Как только она вошла во двор, талхан, приняв ее за нищую, крикнул слугу и приказал ему дать ей садака.

Къаравашли дурасили садакьалис ца сахI декьлара, ца урдур кьяцала диълара дедили сари.

Слуга дал ей садака, сах зерна и ножку козлятины.

Рухъна селра бурее хIериубли, сасили илдира сарра аррякьи сари.

Старуха, растерявшись, не смогла выговорить ни слова, взяла все это и отправилась домой.

- Рякьунрив, неш? - викIули сай урши.

- Ходила, мать? - спросил сын.

- Рякьунрагу, селра айчи, садакьара барили нура рархьира, урши, - рикIули сари ил.

- Ходила, дали садака и отправили домой, - ответила она.

- Агь, хIу нуни садакьалигIир рархьибсирив, неш? - зигарухъи сай урши, - жагIял сеналра рукьес гIягIнибиркур.

- Я что, послал тебя за садака? - возмутился сын, - тебе снова придется завтра пойти к ним.

Аррякьи сари ил кIиэсил бархIира.

И на второй день она отправилась к талхану.

Азбарла арацIибмадан, талхъай ил гIурра черали сари.

Как только вошла во двор, опять ее увидел талхан.

«Дагра садакьа хIебедили бургар, ишбархIира ракIили сари», - пикриухъи сай талхъан ва вявикIули къараваш ракIахъили сари.

«Наверное, вчера садака не дали, раз и сегодня пришла», - подумал талхан и позвал слугу.

Рухъна селра эс хIериубли илбархIира аррякьи сари.

И в этот день ничего не сказав, старуха ушла домой.

- Рякьунрив, неш? - харбаили сай гIурра уршини.

- Ходила, мать? - спросил снова сын.

- Рякьунрагу, урши, даггъуна барили, чаркарубли ракIира, - рикIули сари неш.

- Ходила, сын, как и в прошлый раз, отправили меня, - ответила мать. -Ягари, я тебя за садака посылал, что ли?

- Ягъари, хIу нуни садакьалигIир рашахъуси ахIенригу, сен хIечи хъарбарибси хIебирулрив, неш?

Почему ты никак не выполнишь мою просьбу, мать? - возмутился сын.

Се дирутив хIед диъбира декьра, хIела агарси се лебли?

- Зачем тебе чужое зерно и мясо, чего тебе не хватает?

ЖагIял гьатIи дила тилади хIебарадли, неш, ну, гьимуркIус хIечи.

Если завтра не сделаешь то, о чем я тебя прошу, я рассержусь на тебя.

Аррякьи сари неш хIябэсил бархIира, ил бархIира талхъай чераили сари, вявикIули илини къараваш ракIахъили сари ва зигаррарили сари, садакьа биштIаси бирули гьар бархIи рухъна рашахъули или.

Мать отправилась на третий день, и на этот раз, увидев, талхан опять отругал слугу, сказав, что старухе дают мало садака, и поэтому она приходит снова и снова.

ИлхIели рухъна урух-урухли гъайрухъи сари:

На этот раз осмелевшая старуха заговорила:

- Араираби, талхъан, ну садакьалигIир ахIенра хIушачи рашуси.

- Здоровья тебе, талхан, я пришла к вам не за садака.

Нуни хIези эс хIерирули хьалли ну хIушачи сукни ракIибсира.

Я хочу засватать вашу дочь. - Что, что?

- Се, се ири, къари?

Что ты сказала, старуха?

Урузалра риадри! - айзурли талкъан рухънала шайзи ванцIухъи сай.

И не совестно тебе! - с этими словами талхан столкнул ее с лестницы.

Пякьир рухъна геррикIули ганзухъкад хьар гIяяла дурарикили сари.

Бедняжка старуха кувырком пролетела по ступенькам до нижней части двора.

БекI пIякьбикили хIили башес кабиили саби.

Пораненная голова стала кровоточить.

ГIур дяхъяйчи или, хIилхIи ребшили хъайгIи ракIили карихьи сари, агьра айра карикIули.

Она еле унесла ноги, и пока еще больше не избили, пришла домой и легла, охая и ахая.

Шадивад чарухъи дурхIя хIерикIалли неш карихьи чераили сай, ва викIули сай:

Вернувшись, сын увидел мать в постели и спросил:

- Ягъари, неш, сен карихьири, се биублив хIед?

- Ягари, мать, что случилось, почему ты в постели?

Нешли бурили саби, сари талхъай ванцIухъи ганзухъкад герратниличила ва бекI нIякьбикниличила.

Мать рассказала сыну, как талхан столкнул ее с лестницы и как она поранила голову.

Нешла хабарличи дурхIя левгIев тамашаиубли сай ва се баралли гIяхIсил или, никриикIули кайили сай.

Послушав рассказ матери, сын задумался, как ему лучше поступить.

Илзамана илдачи ракIили талхъа къаравашли дурхIялизи бурили саби талхъан жиикIули сай или.

В это время пришла служанка талхана и сообщила, что талхан вызывает его.

Марлира талхъай кьасбарили сай, чи саял илцад урези-хIяя агарли сукниухъунси дурхIя чеэс.

На самом деле талхан решил посмотреть, что за парень, так бессовестно посмевший сватать его дочь.

ДурхIя арякьи сай талхайчи, илдани дурхIя вархьили сай рурсила хъули.

Парень пошел к талхану, его отправили в комнату его дочери.

Рурсили илизи хьарбаили саби, сен мискин дурхIя сайкъира, сукниухъунсил или.

Дочь спросила его, как он, такой бедняк, посмел свататься к ней.

ДурхIяли селра уркIиличиб агарли бурили сай, сунела «Бисмиллагь» алли, берклума тIутIубикIуси тIакьа лебниличила ва касили кисалабад рурсилизи чебаахъили сай.

Ничего не подозревая, парень рассказал ей, что у него есть ящичек, который, если сказать «Бисмиллах», сыплет яствами.

Рурси иличи тамашариубли хIеррикIули кали сари. Ил замана итил хъулибад, гьаланачибал вягIдалакабиубли лебли буили, дурхIяличи талхъа нукерти чебикили саби, кьани кебасили саби ва «валлагь, талхъа рурси цIахрарес вакIилри хIу» - или, вебкIесли витили, дугIкаили сай.

Пока изумленная девушка слушала парня, ворвались слуги талхана, отобрали у него ящичек, и со словами: «Ты пришел, чтобы обидеть дочку нашего талхана», - избили его до полусмерти и выгнали.

ДурхIя кьакьала кайили висикайили сай, гIур айзурли, хъайгIира хIявкьи, сай гIяяр вашути дубуртачи арякьи сай.

Парень присел и горько заплакал, а потом встал, не домой пошел, а отправился в горы, где раньше охотился.

ЧарикIули, чарикIули, илини баргили сай мяржкабиубли баягъи итхIели лайбакIибси сунела тупанг «Набчибад чина чеббикиши хIу», - или, илини сунела тупанг касили сай ва гIяяр ватихьили сай.

Он искал, искал и наконец нашел свое брошенное заржавленное ружье. «От меня вряд ли ты отстанешь», - сказал в сердцах, взял ружье и, как и раньше, пошел на охоту.

Рахли ца зумаси вацIакад гушкайубли аркьуси замана илини баргили сай эмхIела бекI-бекIгъунти гIинцбар гIинц.

Внезапно он очутился в густом лесу и увидел дерево, на котором росли яблоки величиной с ослиную голову.

«Нугъуна игъбарагарла игъбар биубли, чинад къаршидикиба ишди» или, дурхIя разииубли сай ва кайили галгалиу гIинцбали укескайили сай.

«Иногда таким невезучим, как я, тоже везет», - подумав так, он сорвал одно яблоко и начал есть.

Беркунси канила кабаили, хIебаили лебли кьатIабекI бугескабиили саби, гIур изесбяхIили сабину, ил пIякьбикили заклизи чейгуси махъла галга бакIили саби, иза цIакьдешли вяшухъесалра ахъри аги.

Только он съел яблоко, как у него сильно разболелась голова, и на ней выросло дерево, под тяжестью которого он не мог удержаться на ногах.

«Ну урхIлис вайагар мискин пякьирличи ишди се балагьуни сари чедащути?!»- или, дурхIя гIурра кьутIкьули висикайили сай.

«Я никому ничего плохого не сделал, за что мне такое наказание?!» - подумав так, он горько заплакал и посмотрел на дерево.

Рахли хIерикIалли, илини чебиули сай илцад халати гIинцби ургаб ца биштIаси шаха гIинци.

И тут он увидел, что между большими яблоками растут совсем маленькие и горькие.

ДурхIяли касили ил берки сайгу, илхIяйзиб галга беткахъили саби.

Парень сорвал и съел одно яблоко, и дерево тут же исчезло.

«Агьа, гьанна бирис чус нуни, наб барибсигъуна», - разииубли сай дурхIя.

«Ага, я поступлю с ними так же, как они со мной», - подумал парень.

Ва барили чирт ила кадихьили сари ца-хIябал халати гIинци, ца-чумал диштIати биалли - кисала, гIур дарсдарили палтарра сайра шагьарлизи вакIили, талхъа хъа гьалавад.

Взял два-три больших яблока, несколько маленьких и отправился домой, поменял одежду и пришел в город.

«ГIинцби асая, гIинцби асая!» - или вявикIули къунзухъи сай.

«Купите яблоки, купите яблоки!» - стал кричать он.

Улкьайличирад хIеррикIуси талкъа рурси, гIинцби чедаибхIели, илдала халадешличи тамашариубли сари ва къаравашлизи арц дедили илди гIицбала ца сяхI асахъили саби.

Дочь талхана посмотрела в окно и, увидев яблоки необыкновсршой величины, послала слугу купить один сах.

ГIинцбачи талхъа лебилра мякьямажа тамашабиубли саби.

Когда яблоки принесли, все удивились их величине.

- Юх, - викIули сай талхъан, - гIинци кьимат агарли ца иткъи беркес асухIебирар.

- Нет, - сказал талхан, - так просто их нельзя есть, им надо воздать честь.

Илини гIинцила хIурматлис халаси сяхIбат барили сай, лебил узи-урши, гьалмагъ-хъиланти ва къаравашуни кабатурли стол хIядурбарили сай.

В честь яблок он устроил большое торжество, накрыл стол, собрав всю родню, друзей и слуг.

ГIинцила лебтасалра цуг-цугли бутIни дарили сари, ва букес-бужес гьалаб лебтанилра чус дикибти гIинцла паяни дерки сари.

Разделил [яблоки] поровну на всех, и они начали есть.

Рахли гIинцби канила кадаили-хIедаили лерли, илдала кьатIа букIри дугесдиили сари.

Они только поели яблоки, как у всех начались головные боли, а потом на головах выросли деревья.

ГIур изесдяхIили сари, гIур илдала бургачирад лебил хъалч чеббердили заклизи чейгути галгуби дакIили сари.

От боли и тяжести они не могли поднять головы.

- Дилара лебгу, хIелара лебу? - или, гъайалра алри, чIяр дурабиркули саби.

- У меня есть и у тебя тоже? - спрашивали они друг у друга.

Лебил цаагили аъкабяхъили чIярбикIули буили саби.

Все, как один, разинув рты, громко кричали.

- Се тIама-гьама сари ишарти? - или, дурхIя ухIнаухъи сай.

- Что за шум здесь у вас? - спросил вошедший к ним парень.

Талхъан шакикили сай, илди пишни дурхIяла диъниличи, ва ил дурхIялизи тиладиухъи сай ил чучибси балагь чебарбукахъес.

Талхан догадался, что все это проделки того парня, и стал его просить освободить их от этой беды.

ДурхIя викIули сай:

Парень говорит:

- Балагь чебарбукахъес дигалли, дила кьани I ая.

- Если хотите освободиться от беды, верните мой ящичек.

Талхъай хъярхъикили бурили сай кьани кабихьибси мер.

Талхан назвал место, куда он спрятал ящичек.

ДурхIяли сунела кьани касили сай ва «Бисмиллагь» или, гьачам велкъайчи уки сай.

Парень взял его, сказал «Бисмиллах» и от души наелся. Потом он всем дал по маленькому яблоку.

ГIур илини лебтасалра дедили сари баягъи илди, шаха гIинцби - деткахъили сари галгуби.

Как только они съели горькие яблоки - с их голов исчезли деревья.

Талхъан тиладиикIули сай дурхIялизи рурсира сагърара, хIед дахъал арц лугасну или.

Талхан стал просить парня, если он и девушку освободит от беды, то даст ему много денег

- ХIела арц наб гIягIнили ахIен, - викIули сай дурхIя, - наб хIуни сари рурси га!

- Мне твои деньги не нужны, - ответил парень, - отдай ее за меня замуж!

Лугадли - сагъририс, хIелугадли - хIеририс, гIур хIела рурси рубкIар.

Если отдашь - вылечу, если нет - не вылечу, и тогда твоя дочь умрет.

- Лугас, Валлагь, лугас! - или, вявикIескайили сай талхъан.

- Отдам, Валлах, отдам! - вскричал талхан.

- Юх, - викIули сай дурхIя, - хIуни ну виргIяхIергура.

- Нет, - говорит парень, - ты не проведешь меня.

Лугули виадли, гьаланачи магьар дихьахъа.

Если ты согласен, сделай [заключи] между нами магар.

ИлхIязиб талхъай белкIахъи саби магьарла кагъар.

Талхан составил письмо о бракосочетании.

ИлхIели дурхIяли гIинци бедили рурсила бекIличибси галга беткахъахъили сай ва гIур някъ кабуцили рурси аррукили сари чула хъайгIи.

После этого парень дал ей маленькое яблоко и освободил от дерева. Потом он взял ее за руку и повел к себе домой.

ДурхIяли барили саби халаси мекъ, игьахъубли сари туп-тупхана, дяхъяхъили сари дам-дяд.

Справили большую свадьбу, играли на барабане, стреляли из пушек.

ВерхIел бархIи ва верхIел дуги гIялам кепли биркьули кали саби.

Народ веселился семь дней и семь ночей.

Илди мукърачив къаршикира.

Я тоже оказался на этой свадьбе.

Укули-ужули ца гIяхIси кеп нунира барибсири.

Пил-ел и получил большое удовольствие.

Мекъ анцIбукьунхIели, итаб илдира батурра, иша нура вакIира.

Когда свадьба наскучила, я их оставил там, а сам сюда пришел.

Гьанна гьалабван хабар аргъилра, илдас кIел дурхIя акIубли саби или: ца урши, ца рурси.

Недавно прослышал хабар, что у них родилось двое детей: мальчик и девочка.

Урши, бикIар, тяп дудешгъуна сай, рурси - нешгъуна.

Мальчик, говорят, очень похожий на отца, а девочка - на мать.