ВерхIел нешла Бизбизи — Бизбизи — дочь семи матерей

Ца шилизир лерли руили сари Бизбизи бикIуси верхIел нешла ца рурси. ВерхIелра нешли ил чиналра дурахIерулхъахъули, дарайла палтар челгьахьули рихIусири.

В одном ауле жила девушка по имени Бизбизи, дочь семи матерей Все семь матерей никуда ее от себя не отпускали, она всегда ходила в шелковой одежде.

Гьачам верхIелра нешличи хIябал унра рурсби бакIили саби, чучил рарх Бизбизи вацIализи кьарличи аррукес или.

Однажды к семи матерям пришли трое соседских девушек с просьбой отпустить Бизбизи вместе с ними в лес за травой [для заготовки сена].

- Нушала чиналра дурахIерухъунси рурси вацIализи рархьес хIедирехIе или, нешхъали разихIебиркули кали саби.

- Мы не можем отпустить в лес девушку, которая без нас никуда не ходит, - сказали недовольные матери.

- Нушани кьарла махра барили, рукили-леркехIе, - бикIули, рурсби гIурра тиладабухъи саби.

- Мы и траву за нее соберем, и приведем ее обратно, - стали опять просить девушки.

ВерхIелра нешли, дарили гьарил рурсилис ца-ца къяжара, рурси рурсбачил рарх вацIализи рархьили сари.

Семеро матерей приготовили на дорогу каждой девушке по кяжа и вместе с ними отпустили дочь в лес

Рахли вацIала дайла абаибси замана, бамсриахъес или, илди ца кьадала мякьла кабиили саби.

Дойдя до середины леса, они устали и сели отдохнуть у куста.

- ХIуша гушли дургудая, - иб Бизбизили ва юлдаш рурсбас ца-ца къяжа дедиб.

- Вы, наверно, проголодались, - сказала Бизбизи и дала каждой подруге по колобку.

БукунхIели, илдани бекI балцIес или Бизбизила бекI чула кьукьубачи кабихьахъили саби ва ил рускаахъи сари.

Когда все покушали, одна из них положила голову Бизбизи на свои колени и стала ее гладить, чтоб та уснула.

Бизбизила мургьила чурмира занзбала кьадаличи лас-ласкадарили, илала дарайла палтарра чердердили, хIябалра рурси, ратулри илра, бебшили саби.

Только Бизбизи уснула, как девушки обвязали ее золотыми косами кусты с колючками, сняли с нес шелковую одежду, и все три девушки, оставив ее, ушли.

ХIери баибси замана Бизбизи чераргъили сари ва сунечибси балагь чебаили, рисесриили сари.

В полдень Бизбизи проснулась, увидела, в каком она положении, и заплакала.

Рахли бекIла чебкад арцурли аркьуси къунбала хIенкь чебаили, Бизбизи рикIули сари:

Вдруг она увидела над головой пролетающую стаю ворон. Бизбизи им крикнула:

- Гьунби гIяхIдираб, къунби, мучила къяжара лугасну, дила чурми арзес кумек бараягу!

- Счастливого пути, вороны, я дам вам колобок из проса, помогите мне отвязать мои косы!

- Нуша дебали хъярхъси хIянчи лебли аркьутира, нушаб гIелабад лябкьули лагьнала хIенкь хебну, илизи дугьаризи, - или, къунби ардякьи сари.

- Мы летим на срочную работу, за нами летит стая голубей, обратись к ним, они помогут, - сказали вороны.

Рисули рамсурси замана Бизбизи лерси мерличи абаили саби лагьнала хIенкь. Бизбизи рикIули сари:

Когда Бизбизи расплакалась, к ней подлетела стая голубей, она обратилась к ним:

- Гьунби гIяхIдираб, лагьни!

- Счастливого пути, голуби.

ХIушаб мучила къяжара лугасну, дила чурми арзес хьурабараягу!

Я дам вам колобок из проса, помогите мне освободить мои косы!

- Нуша ца хъярхъси архIяличи аркьутирану, нушаб гIелабад лябкьуси чIакнала хIенкьлизи дугьаризи, - или, ардякьи сари лагьнира.

- Мы летим на срочную работу, за нами летит стая орлов, обратись к ним, - сказали голуби и улетели.

Абаили саби рахли чIакнала хIенкьра.

Внезапно налетела стая орлов.

- Гьунби гIяхIдираб, чIакни!

- Счастливого пути, орлы!

ХIушаб мучила къяжни лугасну, дила чурми арзес хьурабараягу!

Я дам вам колобок из проса, остановитесь, помогите мне освободить мои косы!

- ХIябилра хъярхъли арзиша, верхIел нешла Бизбизи, - или, алавдакIили, гъезалра къябхIебердахъили, гъез-гъездарили сари чIакнани Бизбизила чурми.

- Мы с готовностью поможем, дочь семи матерей Бизбизи, - сказали они, окружили ее и, не выдернув ни одного волоса, осторожно освободили косы Бизбизи от колючек.

Бизбизили бедибси мучила къяжара берки, чIакнала хIенкь арбякьи саби.

Поев колобок из проса, который дала им Бизбизи, стая орлов улетела.

Рахли гьуни умцIуси замана, Бизбизили ца халаси унц чебаили сари, унцра - ца мукеки ит дубурличи, цархIил мукеки - иш дубурличи бстиуси.

В поисках дороги домой Бизбизи увидела огромного быка - один его рог достигал одной горы, второй - другой горы.

Урухриубси Бизбизи ца ахъси галгаличи арацIили сари.

Испуганная Бизбизи залезла на высокое дерево.

Унц биалли бикIули саби:

Бык ей говорит:

- Набзирад урухмакIуд, верхIел нешла Бизбизи!

- Не бойся меня, дочь семи матерей Бизбизи!

Унц ил ариибси галгализи хъурсбикIесбяхIили саби, Бизбизи рисули сари, унцли илхIели или саби:

Бык стал тереться об дерево, Бизбизи стала плакать, бык у нее спрашивает:

- Сен рисусири, Бизбизи?

- Почему плачешь, Бизбизи?

- Дила дарайла хIева лебсири!

- У меня было шелковое платье!

- Дила балуй лихIилаб хебну, каса!

- Оно в моем левом ухе, достань!

Бизбизили унцла балуй лихIилизи някъбатурли саби ва дарайла хIева дурасили сари.

Бизбизи просунула руку в левое ухо быка и достала шелковое платье.

Бизбизи гIурра рисули сари.

Бизбизи снова начала плакать.

- Сен рисусири, Бизбизи?

- Почему плачешь, Бизбизи?

- Дила дарайла кIана лебсиригу!

- У меня был шелковый платок.

- Дила балуй ахIенси лихIилаб лебну, каса!

- Он в моем другом ухе, достань!

Бизбизили, унцла алгъай лихIилизи някъ кабатурли, дарайла кIана дурасили сари.

Бизбизи, просунув руку в правое ухо, достала шелковый платок.

Ил гIурра рисириили сари.

Бизбизи снова начала плакать.

- Сен рисусири, Бизбизи?

- Почему плачешь, Бизбизи?

- Дила дарайла чукI лебсиригу!

- У меня был шелковый чук!

- Дила балуй лихIилаб кIебну, каса!

- Он в моем левом ухе, достань!

Бизбизили унцла лихIилабад дарайла чукIра дурасили сари.

Бизбизи достала из уха быка шелковый чук.

ГIурра рисириибхIели, унцли иб:

Опять она заплакала, бык спрашивает:

- Сен рисусири, Бизбизи?

- Почему плачешь, Бизбизи?

- Дила духъутIа дабри лертири!

- У меня были желтые чувяки!

- Дила алгъай лихIилар кIерну, каса!

- Они в моем правом ухе, достань!

Бизбизили дабрира дурасили сари.

Бизбизи достала и чувяки.

Палтарлариубли хьалли, Бизбизи гIурра рисули сари.

Она оделась, но продолжала плакать.

- Сен рисусири, Бизбизи?

- Почему плачешь, Бизбизи?

- Хъули гьуни хIебалули.

- Дорогу домой не знаю.

- Гьари арии дила къахъличи!

- А ну, садись на мою спину!

Унцли Бизбизи хIябкьяйличи кили сари, гьанна хIела гьуни хIуни барга или.

Бык вывез Бизбизи на развилку трех дорог и сказал, чтобы дальше она шла сама.

Унц аркьухIели, Бизбизили илис мучила къяжара бедили сари.

Когда бык уходил, Бизбизи ему дала кяжа из проса.

Чиди гьуйчирад аркьусил хIебалули Бизбизили тIамадарили сари:

Не зная, по какой дороге идти, Бизбизи стала кричать:

- Ва неш!

- Эй, мать!

ХIункъбар къадакад ракIишав, къаркъубар къадакад ракIишав?

Идти по дороге, устланной оселками, или по каменистой?

- Я дила рурси, - жаваб чарбатурли саби бяжук - хьунуй, - жерши битеси хIункъара бихану, хIункъбар кьакьакад раши!

- Дочь моя, - ответила ей старуха-бяжук, - возьми камень, растолки чеснок и иди по каменистой дороге!

- РакIирив, дила Бизбизи! - или, бяжук хухули, Бизбизи сунечи аррукили сари, «рамсурли рургут» - или, русахъес караркьили, сари итил хъули сунела цулби дугадарес аррякьи сари.

- Пришла моя Бизбизи! - с этими словами старуха-бяжук повела ее к себе и, сказав «пойди отдохни», сама пошла в другую комнату, чтобы наточить свои зубы.

Рахли русалуси замана Бизбизис бурханибад вацала гъайла бакьили саби:

Бизбизи задремала, и вдруг с потолка ей послышался голос мыши:

- ВерхIел нешла Бизбизи, Бяжук хуху - хурк-хурк, ЗярхIя диъби - къяб-къяб, ХIила кIунтIри - кIантI-кIантI, Ш инна гажинра каса, ХIябмуз буреба каса, Зела кьялш ира каса, Х Iура хъули - хъапI-хъапI!

- [Дочь] семи матерей Бизбизи, Старуха-бяжук - хурк-хурк, Куски мяса - кяб-кяб Кровавые губы - кант-кант, Возьми кувшин воды, Возьми толстую иглу, Возьми горсточку соли Из своего дома - хап-хап

- ХIяцураличи мурдали хIед бяжук хуху гIергъирулхъан, - бикIули саби ваца, - ил гIерриуси замана «дила гIелаб, хухула гьалаб урхьу бетааб» или, шинна гажин лайбакIа.

- Если верхом на диком кабане за тобой погонится старуха-бяжук, говорит мышь, - когда она будет догонять, скажи: «За моей спиной перед старухой пусть будет море», - и выброси кувшин с водой.

КIинайс гIерриуси замана «дила гIелаб, хухула гьалаб занзбала дуз бетааб» - или, хIябмузан буреба лайбакIа.

Когда в следующий раз она станет тебя догонять, скажи: «За моей спиной перед старухой пусть будет лес с колючками», - и брось иглу.

ХIяйнайс гIерриухIелира «дила гIелаб, хухула гьалаб зела дубура бетааб» - или, зела кьялШИ лайбакIа, - рукIули сай.

В третий раз скажи: «За моей спиной перед старухой пусть будет гора соли», - и выбрось горсточку соли.

Рурси бусягIят харчризурли сари ва вацани дурибти секIалра касили, илини бурибси гьуни буцили ребшили сари.

Девушка тут же вскочила, взяла все то, что сказала ей мышь, и побежала по дороге.

Бизбизи реркес или, лезмира мухIли алав лямбирули, бяжук хуху хъули арацIилигу, амма илар рурси раргили ахIен, ил баркьуди вацала биъниличи шакрикили сари.

Задумав съесть Бизбизи, старуха в ожидании удовольствия, облизывая губы, зашла в ее комнату, но девушку там уже не застала и поняла, что все это проделки мышки.

- ХIези ил секIал бурибсила лезми беръ! - или, ил хIяцураличи мурдариили сари.

- Чтоб отсох твой язык, рассказавший обо всем девушке! - закричала она и села верхом на дикого кабана.

- Гьу, хIяцура, хIяцура!

- Ну, кабан, кабан!

ХIу хIилира белкъиши, ну диъбара релкъиша! или, бяхъили саби хухуни хIяцуралис.

Ты напьешься крови, а я наемся мяса! - с этими словами старуха ударила кнутом дикого кабана.

Рахли Бизбизи гIеларяхI хIерризурлигу, гIерариули бяжук хьунул лер.

Тут Бизбизи оглянулась и увидела, что старуха на диком кабане гонится за ней.

«Дила гIелаб, хухула гьалаб урхьу бетааб», - или, лайбакIили сари илини гажин.

«Пусть за моей спиной и пусть перед старухой будет море», - произнесла она и бросила кувшин с водой.

Рабч или Бизбизила гIелаб, хухула гьалаб дубаагарси урхьу бетаурли саби.

Тут же за спиной Бизбизи перед старухой образовалось бескрайнее море.

Гьачам уди, гьачам чеди рашули, шинни релкъунси бяжук хIилхIи урхьула дубла дурарухъи сари.

Волны моря кидали старуху то вверх, то вниз, наглотавшись воды, она наконец выбралась на берег.

ГIурра бяхъили саби хухуни гIяргумаг хIяцуралис.

Снова старуха ударила кнутом дикого кабана.

ГIурра бяжук хуху гIерриули чераибхIели: «Дила гIелаб, бяжукла гьалаб занзбала дуз бетааб» или, лайбакIили саби Бизбизили хIябмузан буреба.

Бизбизи увидела, что старуха гонится за ней: «Пусть за моей спиной и пусть перед старухой будет лес с колючками», - и бросила толстую иглу.

Ил замана Бизбизила гIелаб, хухула гьалаб укьес-вакIес агарси, ацIес-кацIес хIейэси зумаси занзбала дуз бетаурли саби.

Тут же за спиной Бизбизи перед старухой возник такой густой лес с колючками, что невозможно было ни войти в него, ни выйти, ни сесть, ни встать.

Занзбала чIянкIбарили ва гъяраили хIили чяхIбикIути хухура хIяцурара хIилхIи дузанибад дурабухъи саби.

Поцарапанные и исколотые колючками, израненные до крови, старуха и дикий кабан с трудом выбрались из леса.

ГIурра бяжукли хIяцуралис гIяргумаг бяхъили сари.

Бяжук снова ударила кнутом дикого кабана.

Бяжук хуху гIерриуси замана «дила гIелаб, хухула гьалаб зела дубура бетааб», - или, лайбакIили саби Бизбизили зела кьялши.

Бизбизи вновь увидела, что старуха гонится за ней. «Пусть за моей спиной перед старухой возникнет гора соли», - произнесла она и бросила горсть соли.

Бизбизила гIелаб, хухула гьалаб заки абиуси зела дубура бетаурли саби.

И тут же за спиной Бизбизи перед старухой до самого неба выросла гора соли.

Занзбани дарибти дяхъурби, зели рурцIахъули, бисаличил, чIярличил, хIилхIи ахъили саби хухуни зела дубурара.

Израненная колючками, обжигаясь солью, с плачем и криком, с трудом преодолела старуха соляную гору.

ГIурра хIяцуралис гIярчумаг бикахъили сари хухуни, амма Бизбизи хъярхъли сунела верхIелра нешла хъули рухIнарухъи сари.

Она снова ударила дикого кабана кнутом и вновь поскакала за девушкой, но Бизбизи как раз в это время зашла в свой дом к своим семи матерям.

Бисули хIулбала сакъатбиубти верхIелра нешла, Бизбизи чераибхIели, хIулбала шала бакIили саби.

Все матери от плача чуть не ослепли, но увидев Бизбизи, их глаза вновь прозрели.

Бизбизили сари реркес хIяцураличи мурдали бяжук ляркьули риъниличила бурибхIели, нешхъалани ил хухус загьру бархаили варъа хIядурбарили саби.

Когда Бизбизи рассказала им, что за ней гонится старухабяжук, матери приготовили мед с ядом, чтобы отравить ее.

- Я Бизбизи рихая, я нуни хIуша дукарая! - или, бяжук рухIнарухъи сари илдачи.

- Или Бизбизи верните, или я вас всех съем! - с этими словами ворвалась к ним бяжук.

- Нушала духъна лигуби се дирутив хIед?

- Зачем тебе наши старые кости?

Бизбизи шичирну, ил ракIайчи варъала тIем багьи, - или, хухула гьала илдани кьям кабихьили саби.

Бизбизи сейчас вернется, а пока угощайся медом, - сказали матери и поставили перед ней мед.

Рамсурси гушси бяжуклис варъала кьям сунтIлисалра баили ахIен, бяжукра пIакькаризурли ребкIили сари. Бизбизира дурарухъи, верхIелра нешличи хъябруцрикили сари.

Уставшей и голодной бяжук тарелки меда не хватило и на один глоток, и бяжук упала замертво, Бизбизи вышла и обняла всех семерых матерей.

Нура бяжукла хIяцураличи айили, хъули вакIира.

Я же сел на дикого кабана и вернулся домой.