Хайдакьлан БахIямма — Кайтагец Багама

Хайдакьла КIибхIнила шилизив уили сай хьунулра рурсира сайра ца БахIямма бикIуси адам.

В Кайтаге в ауле Кибхни' со своей женой и дочерью жил один человек ПО имени Багама.

Илала хъулиб беркеси аги, унц аги, ца сяхIлалра бегIес хъу аги, мура аги.

В доме его не было еды, не было быка, не было земли, чтоб засеять ее хотя бы одной малой меркой зерна, не было сена.

Илала ца биштIаси хъалира, ца бухъна къанда эмхIера сарри лерти.

Был только один маленький домик и старый бесхвостый осел.

Илини яшавбирули сай вацIализи урцуйчи вашули, урцул хили дайхъала кулпетлис беркесилис дирцули, дайхъала сунени игули.

Багама жил тем, что заготавливал в лесу дрова, половину из них продавал, чтобы содержать семью, а другую половину использовал сам.

Заманала бухъяндешли, хабарла къантIдешли, ши-алавси вацIа каберхурли саби. БахIяммас чебуркъили саби, гьарахъли вацIализи урцуйчи вашес.

Время долгое, рассказ короткий, лес вокруг села закончился, и Багаме приходилось далеко ходить за дровами.

ВацIала гьарахъдешли илини кIел бархIили ца дех ахIи хес вирули уили ахIен.

И так как лес был очень далеко, он за два дня мог вывезти только один вьюк.

Ца бархIи ил урцуйчи вякьунхIели, вацIала байлав ца халаси Вагьиг варгили сай.

Однажды, когда он пошел в дальний лес, посреди леса он встретил огромного Вахига.

Вагьигли биалли, ил урухварили сай:

Вахиг напугал его и говорит:

- ХIушала вацIара каберхахъурли, дила вацIализи вакIилрив?

- Свой лес вырубил, а теперь хочешь и чужой вырубить?

ИлхIели БахIямма хIекьли кIантIивакIили, Вагьиглизи викIули сай:

Испугавшись, Багама прослезился и говорит:

- Ягъари, дила яшав урцуйчибли биалли бетаруси.

- Ягари, моя жизнь держится благодаря дровам.

Се бариша нуни?

Что же мне делать?

Вагьигли илхIели БахIяммази сунела рурси кахъес хъарбарили сай ва урцулла дехра барили сайра хъули вархьили сай.

Тогда Вахиг повелел Багаме привести к нему свою дочь.

Дудеш хъули чарухъи сай ва рурсилизи жагIял сунечил рарх вацIализи ракIес гIягIнибиркур или бурили сай.

Отец навьючил ишака вязанкой дров и отправился домой, а вернувшись, вместе с дочерью пошел в лес.

Дудешлира рурсилира вягIдабарили саби вацIализи урцуйчи эмхIера сабира букьес.

Он оставил дочь в лесу, а сам стал рубить лес.

ВацIализир урцулра дарили сабира бамсриахъес или кабиибси замана, вацIала байлаб дудешли тIама бакьили сай.

Когда он уже заканчивал рубить, из леса послышался крик.

Илини рурсилизи халаси галгала уди дигIянариахъес бурили сай.

Он сказал дочери, чтобы она спряталась под большим ореховым деревом.

Ил Вагьиг вакIили, хьарбаили сай:

Это пришел Вахиг и спрашивает:

- Рурси рарх кирив?

- Ты привел свою дочь?

- Кира, хIера, иш, - или, рурси чераахъили сай БяхIаммани.

- Привел, вот она здесь, - сказал Багама, показывая дочь.

Вагьиг, рурсира сунечил рарх аррукили, арякьи сай.

Вахиг подошел к девушке, взял ее за руку и увел с собой.

БахIямма биалли, эмхIеличи дехра чекабихьили сайра хъули чариубли сай.

Багама нарубил дров, навьючил на ишака вязанку и вернулся домой.

Азбарла гьалар къарширикили, хьунуй хьарбаили сари:

Во дворе его встретила жена, она спросила:

- Чинара рурси?

- Где дочь?

- Шери редира, - викIули сай пашманиубли БахIямма.

- Выдал замуж, - с грустью ответил Багама.

Илди дуги-хIери рурси багьандан хьунул-мурулла ургар дахъал къалмакъар детаурли сари.

В этот вечер между мужем и женой из-за дочери разразился большой скандал.

Ца жумягI дикили гIергъи рурси Вагьигли рергира се риубара или, багьес, БахIямма вацIализи арякьи сай.

Через неделю, после того как Багама отвел дочь Вахигу, он пошел в лес узнать, как она.

Ил Вагьигли бурибси гьунчивад арякьи гьуни таманбиубхIели халаси шури баргили сай, шури ахъбуцибхIели халаси тIярхъи гьаргбиубли саби.

Когда дорога к Вахигу заканчивалась, ему на пути попался огромный камень, он приподнял камень и увидел под ним пещеру.

ТIярхъикад кацIили арякьи сай, илар даргили сай халати къапу.

Он зашел в пещеру и наткнулся на огромные ворота.

Къапуличир биалли халати мегь, къапула гьалаб баргили сай галга, галгаличир умхьни чедаили, къапуличирти мегь абхьили, азбарлизи ухIнавхъи сай.

На воротах был большой замок, перед воротами дерево, на ветках которого висели ключи, он отпер замок, открыл ворота и вошел во двор.

Азбарлизивад хъалчи ацIибхIели, хIябдерхIла хъулрачирад шин чярхIдирули рурси чераили сай. Дудеш чеибхIели, рурси дукарряхIили иличи дуцIрухъи сари.

Во дворе был дом, на третьем этаже была его дочь, выливающая воду с крыши третьего этажа.

Дудеш яхши-хушварили, сари хIеррирурси хъулрази ацIахъили сай.

После приветствия отца она повела его в дом, в котором жила.

Чула хабурти керхурхIели, рурсили дудешлизи рикIули сари:

Когда закончилась их беседа, дочь говорит отцу:

- Иш дила муруй се дигадра хIед хIегибси секIал хIебалта, хIези се диги или хьарбаибси замана хIуни: «Дуб агарси кIабатI диги», - или, бура ва «цархIил секIал хIейги» или, кайзи.

- Сейчас вернется мой муж и спросит у тебя, что твоей душе угодно. Ты скажи: «Мне нужен деревянный поднос с отломанным краем», и еще: «Больше ничего не нужно», - скажи.

Вагьиг чариубли, сунела гулира лайбакIили, супелтира хIяршдарили сайра, хьуна дудеш яхши-хушварили викIули сай:

Вахиг возвратился, сбросил с себя шкуру, разгладил усы и после приветствия с отцом жены говорит:

- Маза дигив, урчи дигив, анкIи дигив?

- Хочешь овец, хочешь лошадей, хочешь зерно?

ХIед дигуси лугас.

Я дам все, что захочешь.

- Наб секIал хIейги, дила мискиндешлис их дуб агарси кIабатI гадли, архис, - или сай БахIяммани.

- Не так уж много и надо такому бедному дровосеку, как я, отдай мне только разбитый деревянный поднос, - сказал ему Багама.

- Ил бурибсила лезми хъянтIализибадли абитIаб, - или, Вагьигли илис дуб агарси кIабатI бедили сай ва сунезира бурили сай:

- Да отсохнет язык того, кто тебе про него сказал, - сказав это, Вахиг все же отдал тестю поднос и попросил:

- ТIярхъила хъарличи аайчи секIал мабурид!

- Ничего не говори, пока не выберешься из ямы.

Някъбира дуцили сайра, БахIямма хъули чарирурс или, дураухъи сай.

Взяв в руки поднос, Багама поспешил домой.

ТIярхъила хъарличи аили, «Бисмиллагь!» ибхIели, ил кIабатIлизир авцIали рангла берклуми дакIудиубли сари.

Выбравшись из подземелья, он сказал: «Бисмиллах!», тут же на подносе появилось сорок разных кушаний.

Илини чайла мурибарили сай харбузла уркIира, буртла кьямра, диъбала чудура дерки сай, гIяркьилара бержили сай.

Он съел сердцевину арбуза, выпил сметану, поел мясные чуду, выпил водку.

Уки таманиубхIели, «АлхIямдулиллагь» или, кIабатIра шайубуцили сайра, къалабали хъули вакIили сай.

Наевшись, он сказал: «Алхамдулиллах!», взял подмышку поднос и отправился домой.

Гушриублира или, хъулир хьуна дахъал къалмакъар даргили сай.

Дома голодная и злая жена устроила ему большой скандал.

Илзамана кIабатI бай хъули кабихьили «бисмиллагь» или, укесвяхIилину, хьунул рахъ разириубдешли пишряхъили сари.

Тот положил поднос в середину комнаты, сказал: «Бисмиллах!», и сразу же на нем появилась еда, жена очень обрадовалась.

Илкьяйда хьунулра сайра ца базла бархIидуги хIеркабиубли кали саби.

И так в достатке прожили они почти месяц.

Ил кIабатIла хабар бакьили сари талхъа рурсили.

Весть об этом волшебном подносе дошла до дочери одного талхана.

БархIехъла замана хайдакьлан БахIяммази ваши или, нукер вявикIули сай, кIабатIра сайра ил талхъа рурсиличи арякьи сай.

В сумерках к кайтагцу Багаме пришли нукеры и вызвали его, он взял поднос и отправился к его дочери.

Талхъа рурсили дахъал держ кадихьили кенварили, сунелайчи мешуси дуб бячунси цархIил кIабатI барсбарили кабихьили саби.

Дочь талхана налила ему много вина, напоила и подменила поднос на такой же разбитый.

Кендеш черардякьунхIели, кIабатIра касили сайра ил хъули чариубли сай.

Когда прошло похмелье, Багама пришел в себя, взял поднос и вернулся домой.

ГIурра хъулир ну гушриублира или, хьуна къалмакъар даргили сай.

И опять жена стала скандалить, говоря, что она голодная.

КIабатI кабихьили, «Бисмиллагь!» алра бетаруси секIал агара.

Он положил поднос на пол и сказал: «Бисмиллах!», но сколько бы ни повторял это слово, еда на нем не появлялась.

БахIяммани хьунуйзи, талхъа рурсили кIабатI барсбарили рургар или хIяйраниу бли бурили сай.

Он с печалью поведал жене, что, наверное, поднос подменила дочь талхана.

Илдуги шаладикибхIели, дураухъи рурсиличи вакIили сай ва бетаурси игъбарагриличила бурили саби.

На рассвете он пошел к своей дочери и рассказал ей о случившемся.

Рурси гьала-гьала гьимрукIили рикIули сари:

Она рассердилась и говорит:

- ХIуни кIабатI бихIес хIерни багьуррагу нуни.

- Я знала, что ты поднос не сохранишь!

ГIурра гIямал бетхIеурли бурили сари:

Но все же она сжалилась и сказала:

- Дила муруйзи хIуни бура: «Къуйрукъ агарси эмхIера га», - или.

- На этот раз скажи моему мужу: «Дай мне бесхвостого осла».

Рурсила мурул чариубли, хьуна дудеш яхши-хушварили сай, ва, дахъал хабурти дурили гIергъи илис се гIягIиилил хьарбаили сай.

Возвратился муж дочери, поздоровался с отцом жены и после долгих разговоров стал его расспрашивать, как у него дела.

Хайдакьлан БахIяммани или сай:

Кайтагец Багама говорит ему:

- Наб, дила эмхIера бебкIилину, ца къаида эмхIе гадри дигахъаси, вацIализи дехличи бикес.

- Был у меня ишак, но подох, дай мне бесхвостого осла, чтобы возить из леса дрова.

Разиагарли эмхIера бедили, хъарра барили сай тIярхъила хъарличи аайчи секIал хIеахъес.

Зять выразил недовольство, но все же дал ему бесхвостого осла, предупредив: «Ничего не произноси, пока не выйдешь наверх».

Някъбира дуцили сайра, БахIямма хъайгIи аркьяс или, дураухъи сай.

Ведя осла за собой, Багама отправился домой.

ТIярхъила хъарличи аибхIели, эмхIези: «Кадати!» - илину, илини кIел сяхI ашрапунала кадатурли сари.

Выйдя наверх, он сказал ослу: «Давай!», и тот насыпал ему две мерки ашрапи.

Илдира хунжази кадихьили, сайра эмхIечи мурдайили, къалабали хъайгIи гьайбарили сай.

Положив их в хурджины и сев на осла, довольный, он вернулся домой.

Азбарла къапула гьалар къарширикибси хьунуйзи халаси давла бикиб или, бурили сай.

У ворот двора встретил жену и сказал ей, что нашел большое богатство.

ГIергъила бархIи ил хайдакьлан БахIяммани гамушуни дабгибти авцIали уркура дучили, кирали Дербентлизи ардукили сай.

На следующий день кайтагец Багама взял сорок запряженных буйволами подвод и отправился в Дербент.

Илар асили чIянкIи, биринж ва цархIилти секIал уркри дицIили сай.

Здесь он купил много всякого добра и заполнил им все подводы.

Илди асибти секIайс ца ашрапи камбиубли.

Но заплатить за эти покупки у него не хватило одной золотой монеты.

Ил замана дуцIли эмхIечи арякьи: «Кадати!», - или, бурили сай.

Он подбежал к ослу, сказал ему: «Дай!»

КIел сяхI ашрапунала кадатахъурли, илдира сайра тукейзи дуцIухъи сай, амма тукенчи варгили ахIен.

Забрав у осла два Саха золота, он вернулся в магазин, но продавца на месте не было.

БахIяммани ашрапуни кадалтахъухIели тукенчини чеили, ил арякьунхIели сунелагъуна эмхIе кабатурли илала эмхIе арбукили сай.

Купец, увидев, как он брал деньги у осла, нашел такого же осла и подменил его.

Шилизир БахIяммани къугъати хъулри дарахъили сай, хъулри дарибти устнас вагIдабарили сай хIябал сяхI ашрапунала дедес.

Багама в селе построил новый дом, строителям дома он пообещал дать три мерки ашрапи.

БахIямма эмхIечи арякьи сай, эмхIе биалли тирхьбухъи, михъирибяхъили, ил кайкахъили сай.

Багама пошел к ослу и снова попросил [денег], но осел встрепенулся и ударил его.

Хъули ацIили, бамхIарира барили, хьунулра сайра эмхIечи арбякьи «кадати» бикIули саби. Кадалтав?

Придя домой, они с женой принесли ему корм и произнесли: «Давай!» Разве даст?

ЭмхIе тирхьбикIули бамхIари дуракакьахъурли саби.

Осел снова встрепенулся и уронил корм.

БахIяммани хьунуйзи жугьутIли эмхIе барсбарили ургар или, бурили сай.

Багама сказал жене, что еврей его обманул, подменив его осла другим.

Рурсиличи аркьяс или, БахIямма хIяйнайсра дураухъи сай, рурсиличи вакIили сай ва эмхIеличила хабар бурили сай.

Решив пойти к дочери, он и в третий раз вышел из дома, пришел к ней и рассказал ей все про осла.

Рурсили дудешлизи или сари:

Дочь отцу говорит:

- Дила мурул чарухъунхIели, хIед хIсгибси секIал хIебалтану, вахъ шишимайзи хIейкили, «кьацI кабирхьес кьачIа биха», - или, бура.

- Не печалься, когда вернется муж, он тебе все отдаст. На этот раз ты скажи: «Дай суму, чтобы в нее можно было положить еду».

Вагьиг чарухъи сунела гулира лайбакIили, хьуна дудешра яхши-хушварили, се гIягIниси лебал хьарваили сай.

Вернулся Вахиг, скинул с себя шкуру, поприветствовал отца своей жены и спросил, что ему нужно на этот раз.

- Наб селра-декIар гIягIниси агара, вацIализи вашуси замана кьацI кабихьес ца кьачIа гадли, - или сай илини.

- Мне ничего особенного не нужно, дал бы ты мне суму, чтобы я мог положить в нее еду, когда пойду в лес, - сказал он ему.

Селра-декIар хIеили, кьачIара бедили, хьуна дудеш хъули вархьили сай ва илизи «тТярхъила хъарличи аайчи секIал мабурид», - или, бурили сай.

Вахиг ничего не ответил, дал ему суму и отправил домой, предупредив: «Ничего не произноси, пока не выйдешь наверх».

ТIярхъила хъарличи аили, кьачIала хъар арзибхIели, илад халати чихъябира сабира авцIали багьадур дурабухъи саби.

Выбравшись из подземелья наверх, он только открыл суму, как оттуда выскочили сорок одинаковых силачей, вооруженных дубинками.

КьачIа дебабарили, ил шилизи къалабали капли, талхъа рурсиличи арякьину, кьачIала хъар абхьили сай.

Загнав их опять в суму и завязав ее, он отправился к дочери талхана и выпустил там сорок своих драчунов, которые стали всех колотить.

Талхъа рурсила вявла, бисала тIама дикьулри: «Иш балагь чили аркусив?» БахIяммази ил «иш балагь чебарбука!» - или, тиладирухъи сари.

Дочь талхана стала кричать, плакать и причитать: «Кто избавит меня от этого ужаса?» Она обратилась к Багаме с просьбой: «Избавь от этого ужаса!»

- Дила кIабатI гадли чебаркис, - викIули сай БахIямма.

- Верните мой поднос, тогда и избавлю, - говорит Багама.

Рурсили хили кIабатIра бедили сари, балагьра чебарбякьи саби.

Дочь талхана отдала ему поднос, и он вернул силачей на место.

КIабатIра кьачIара хъайгIи хили сайра, БахIямма Дербентлизи арякьи сай.

Взяв свой поднос и суму, Багама отправился в Дербент.

Тукентала гьала кьачIара кабихьили сайра дярхълизи дебавиубли сай.

У лавки купца он выпустил из сумы драчунов, но не сказал им, кого именно надо наказать.

ТIярхъилабад багьадурти дурабухъи, шагьарла халкь урхьула дублара, шагьарла хъарличира бирхъули, лагра-катхIелра башахъули, инжитбирули саби.

И драчуны стали избивать всех жителей города подряд без разбора, гоняя их то к морю, то к горе.

Тукенчини багьурли сай илди къияндешлуми сунени барсбарибси эмхIела вегIли дакIахъибти диъни.

Продавец понял, что все это дело рук того, у которого он подменил осла.

Тукенчи илала эмхIера сайра БахIяммачи тиладили вякьи сай.

Он привел осла и стал просить Багаму остановить драчунов.

Къиияндешлуми черардукили эмхIера сайра БахIямма шилизи чарухъи сай.

Остановив это побоище, Багама взял своего осла и вернулся в свое село.

Илзамана хайдакьлан БахIямма халкьли талхъанварили катурли сай.

После этого народ кайтагца Багаму избрал своим ханом.